Yuyu Sushi

营业中

休息中

平時午餐好少會食日本菜，今日食好D，去食刺身丼。接近午飯時段都比較多人，我揀遲少少先食，一來避開繁忙午市，二來享受到午市免加一的優惠。選舉極多，且有不同配搭，有各款熟食的定食，較輕盈健宜的烏冬/蕎麥面，幾款魚生飯定食，同壽司定食，更有壽司與烏冬麵食的套餐組合，滿足有選擇困難既客人。大蔥吞拿魚蓉帶子三色丼 $108，附送沙律及味噌湯，份量頗多，又有沙律及湯，所以一定夠飽。先食沙律，有爽口青瓜、新鮮沙律菜、車厘茄、香甜粟米.......配和風味的芝麻沙律醬，味道好香好清新，帶微微酸味，唔膩仲開胃左。有吞拿魚刺身、帶子、大蔥吞拿魚溶，材料豐富也鋪滿飯上。醃菜有蘿蔔，非常爽口，亦可清減魚油的膩。顏色鮮豔的吞拿魚，柔軟嫩滑，夠新鮮有光澤，份口魚味重，其中一片仲係較肥的部位，魚脂豐富好香。帶子用珍寶尺寸，切薄左都仍帶口感，好滑好嫩，鮮味明顯。來到我最喜歡的吞拿魚蓉，用拖羅呢d魚脂多的腩位，切成魚蓉，入口更快被口中熱力溶化魚油，滿口魚脂芳香，好滿足，配埋辛辣感強又有蔥香的大蔥，魚鮮味更突出，味道亦豐富左。拌飯食已經好好食，用紫菜包著食，多入紫菜香同脆口感，更加美味。味噌湯做得出色，因為唔太咸，味道調

每天最煩惱都係Lunch time 時間，附近餐廳成日食嘅只有幾間，所以襯老闆唔係公司就拉埋同事走遠s試新餐廳喇。因為遲左dd，餐廳都滿座，所以被安排在吧檯位置，好彩都沒擠迫感。我點嘅係 壽司配天婦羅烏東定食 $98 先上菜係芝麻醬沙津同麵豉湯，質素正常。壽司有5件，壽司飯仍微溫，味道正常質素不俗，刺身算新鮮，當中蝦及鰻魚壽司較出色。天婦羅烏東，天婦羅有3件蝦/茄子/蕃薯，炸漿不厚不薄。烏東算彈牙，用嘅係稻庭烏東，而湯底都算清甜嘅。整體滿意度都幾高，當然未算稱得上超高質水準，但以同區價錢呢個質素及份量與價錢成正比有餘，而且係上菜快，係繁忙時間情況品質都控制得不錯，可以再黎！

今天放工，又與好友到屋企附近晚餐。長沙灣區的日本餐廳不多，我們選了相對便宜，裝潢時尚優雅的 YuYu Sushi 晚餐~櫻花蝦炸豆腐，外層鋪滿炸櫻花蝦，酥脆爽口，滲出陣陣蝦的酥香味，內層豆腐滑嫩無比，入口即化，再蘸上日式醬油，微鹹香口，不可錯過的必吃小食!牛油果炸軟殼蟹卷，佈滿脆卜卜蟹籽的飯粒，包裹着酥香帶脆的軟殼蟹、軟熟清甜的牛油果及爽脆的青瓜，一脆一軟，口感層次豐富，蟹香及牛油果香在口中融化，令人回味~雞肉大蔥，雞肉燒得嫩滑多肉汁，吸收甜香的燒汁更特別美味，配搭爽口香甜又多汁的大蔥同吃，味道襯絕，香口滋味!明太子雞翼，雞肉嫩滑，內釀飽滿的明太子及辣汁，啖啖辛辣刺激，鹹辣惹味，加點檸檬汁更酸香醒胃，滋味十足!吃過小食，再點晚餐 share 食:前菜，白蘿蔔爽口，清甜多汁，淋上甜味噌醬，甜甜鹹鹹，味道濃厚~味噌湯，加入青蔥、豆腐及昆布，味道微鹹，簡單味美。茶碗蒸，入口嫩滑，蛋香十足，菇菌香味也十分濃厚，同時加入蟹柳及白果，味道豐富~炙三文魚海膽親子丼，海膽海膽甘香豐腴，豪華吸引; 炙三文魚肥美肉厚，入口即融，魚油甘香; 三文魚籽粒粒晶瑩，鮮甜爆汁，款款刺身鮮味十足，再配搭富醋香的日本飯

去長沙環見親戚，佢話有間日本嘢大大間，座得好舒服。門口大大個牌有八折優惠食壽司同埋串燒。只要叫四串以上就有八折。睇吓有乜食先壽司種類都幾多，全部大路款都有，正價價錢一般啦唔算平，但八折就幾吸引。壽司點左三文魚，珍寶帆立貝，炙碟魚邊，五目腐皮同埋芥辣八爪魚沙律軍艦。全部壽司都幾新鮮，個五目腐皮壽司裏面真係有唔同嘅蔬菜材料，份量都幾夠，唔會係薄切。另外在點咗個三文魚頭味增煮，原本以為是細細碗點知個窩都幾大，應該有一整個三文魚頭起裏面，肉好豐富仲有好多大蔥。

是日下午肚空空，一個人走去長沙灣青山道399號喜薈商場1樓嘅「yuyu sushi 」食個靚lunch，諗住食完lunch後就去對面間百佳超級市場shopping 後回家hea一hea。yuyu sushi好明顯係一間日本料理餐廳，我睇門口擺放宣傳餐牌，午市套餐由58蚊起，仲免加一真係相當超值。我就叫咗一個“壽司烏冬定食”，有五件壽司及湯烏冬或蕎麥麵選擇。D1套餐壽司包括有帆立貝、油甘魚、三文魚、白魚及魷魚，每件壽司都好新鮮，鮮甜美味，非常優質，好食到不得了。另外我點了牛肉湯蕎麥麵，份量剛好，牛肉是肥肉，湯底清甜，蕎麥麵都淋身，很不錯。套餐還配上沙律及味噌湯，味道都不錯的。整體上餐廳人座位舒適，服務良好，價錢實惠，是一間值得再多幾次幫襯的餐廳。

精美橙紅金鐵絲既燈籠，簡單乾淨既米白色，空間寬闊，感覺舒適和諧。做緊Promotion 凡惠顧4客壽司/串燒或以上有8折優惠。定食有一份前菜、味噌湯、茶碗蒸及主食。茶碗蒸日式蒸水蛋，精緻既日式茶杯，清清地既蛋香中夾帶著香菇味，滑溜溜熱騰騰。味噌湯湯內有豆腐、海帶、蔥、菇，飲完吾口渴。青瓜雞肉沙拉青瓜清脆爽口，雞肉吾老，第一次食到呢隻醬汁，甜甜地幾好味。【和風美國牛肉丼】$92牛肉勁瘦冇乜肥肉，同連鎖果啲兩個level，洋蔥香菇微微焦香更香口，不過珍珠米水份多左啲。【日式咖哩吉列黑豚豬扒丼】$92份量好大，吉列豬扒既外皮炸到勁香脆，厚度剛好，幾juicy ，即刻食完好上火，咖喱汁有洋蔥薯仔，仲有酸甜既腌蘿蔔做配菜。

Cheung Sha Wan has changed quite a bit over the decades.There are more newly built residential flats and new offices in the area raising the living and dining standards, hence more restaurant chains and expensive restaurants are coming to the area. Heya Crystal and Heya Aqua are relatively new developments in the area.At Heya Crystal, you will find fairwood and saizeyria on the ground floor, while on the first floor you will find Lime Fish and Yuyu Sushi.I was lured by the yakitori and sushi as

難得係長沙灣食得翻有d質素嘅日本菜，侍應態度友善，環境舒適，值得讚賞。食物價錢中上，我午餐時段光顧，有些折扣但兩人光顧，點了午餐和幾份壽司，要大約$300埋單。牛肉烏冬: 牛肉湯好，多配菜，牛肉片數都算ok, 麵底唔算靚烏冬，但overall 都算唔錯炙燒三文魚壽司: 入口有溶化嘅感覺，又有魚油香，值得一試雞軟骨串燒: 正常，不過不失吞拿魚中魚腩壽司: 唔值得試熱柚子蜜: $15 杯，都算大杯，但當你諗翻個樽柚子糖漿，始終唔值，飲品選擇唔多，冇乜特別飲品

上次同老婆夜晚來已是兩星期前了.都是叫了寿司,和食及串燒等.食物非常,但价錢同区来講都比較貴D,我地D街坊就不能每天来了.隔了兩星期後都忍唔住要再来.坐落後有新manu,以為加咗价点知原來是減价,更加是加了晚市定食.有前菜,大蜆湯及日式蛋.我点了和風牛肉丼,老婆点了海胆親子丼.就算只食一个定食都夠飽.啱哂我老婆哩無飯主婦.又平又正.每晩来開餐都得啦.点知埋單重有多个九折(facebook add like)下次一定再来開飯啦

激讚👍🏻今晚同幾位閨蜜又黎食生日飯，壽星女佢鐘意食日本菜，欽點要再黎哩間餐廳， 因為環境舒適，食物都有水準，收費合理又吾貴。 今次點左好多野，店長推薦我地招牌䐁肉沙律， 櫻花蝦豆腐， 正👍🏼 點埋我們最愛食既鹽燒油甘魚頭，最鐘意佢魚皮帶有小小燋香！最想推薦✨🎏炸蝦天婦羅，蝦肉夾口彈牙， 原來店家每天嚴選生猛活蝦做天婦羅，仲送埋蝦頭，有一層薄薄的炸漿包住，超好味！🎏 鯛魚湯鳥冬， 奶白濃湯鮮甜美味， 冇味精～～～～🎏壽司，少不了海膽軍艦， 鰻魚壽司， 珍宝凡立貝（真厚肉！）， 牡丹蝦超大隻！🎏串燒也非常満意，再點埋清洒，非常爽。經理知道友人生日， 免費贈送雪糕。 是晚食得非常開心😄服務員態度好，環境舒適，值得推薦給大家👍🏻

今午和同事去長沙灣見完客，行到元州街附近見到有個新商場叫喜薈， 上去搵下有咩食~  見到有間裝修幾骨子嘅日本餐廳叫 YuYu Sushi ， 吸引我埋去望下本餐牌， 嘩！ 午餐$58 照燒雞扒定食，仲送野菜沙律及味噌湯， 去 Facebook 讚 Like & share 再有九折，啱哂我倆個精明眼， 一於入去試下。可能1:30 過咗繁忙時段， 好快就有位， 好彩安排坐舒服大卡座。 沙律好新鮮， 味噌湯有豆腐清清地唔太咸，$58 照燒雞扒定食， 其實不太期望有好嘢， 但確實喜出望外， 品質不錯。 雞扒燒得香口， 米飯係日本米。 同事點豚肉生薑燒定食$72， 店員話係用日本豚肉， 同事讚豚肉爽口炒得美味。 見午市加$15 有蜂蜜熱飲及咖啡， 就order 咗杯咖啡歎下，二人食飽飽埋單都只係$145， 咁嘅質素環境真係超值！Google 一下哩間餐廳來歷， 原來係由灣仔船街搬來長沙灣，見佢以前好多食評讚 like食材新鮮有質素，值得再嚟，下次試下佢D魚生~ 

荔枝角長沙灣一帶 lunch 都冇咩好選擇, 之前收到張傳單哩間 lunch 有85折,  終於有機會同同事來試吓Menu 有熟食有魚生壽司, 見係日式餐廳梗係試咗魚生壽司先lunch set 全部跟面豉湯同沙律, 加$10有個茶碗蒸, 前菜普普通通, 但個茶碗蒸好多料, 好抵食!我叫咗個三色魚生丼, 三色即吞拿魚蓉, 蝦同帶子, 首先賣相幾靚, 排得整整齊齊, 每樣魚生都夠新鮮, 唔係幾十蚊貨仔嗰尐霉貨, 份量亦足, 收得你 $135 都貨真價實!  壽司飯亦煮得啱啱好同事就叫咗10件壽司餐, 哩個仲靚, 都係 $135, 我偷咗件海胆軍艦食, 好得!!  其他壽司同事都話夠新鮮, 所以食材真係好重要下次再來一定要試吓熟食煮成點!!

一早已知道這餐店是原本在灣仔，關了後搬來長沙灣的，原本以為他們已有了之前的經驗會汲取教訓，最初還期待他們開張會做得比以前好，但沒想到開了後會這麼令人失望……食物份量少而且味道很一般，而且價錢也非常昴貴！除了湯麵外，其他熱食都非常油膩，食完整個口唇也油淋淋的，總覺得吃完會生暗瘡，而且也非常的咸！晚餐時段的服務態度還算可以，但午餐時段的服務態度超級極差，有個直髮到膊頭似老闆娘般的侍應，因為午餐時段做八五折後比較多人，她就會俾面色客人，無禮貌，言語態度亦非常差！

今日行過呢頭，就試下呢間較新開既日本餐廳。明太子雞翼: 賣相可以，味道都幾咸，不過接受到。但係個價錢係單隻，即係$32蚊一隻，第二隻半價，唔計加一，以呢個份量尼講，真係唔抵！三文魚壽司同牡丹蝦壽司: 味道正常，都幾新鮮。鰻魚茶漬飯: 呢個要成75蚊既飯，只係得兩小片鰻魚同1/3碗飯既份量，味道就好清淡，女仔食都唔夠飽！牛肉稻庭烏冬: 烏冬彈牙，易入口，牛肉有d鞋，一人份量尼講ok。總括而言，雖然味道ok，但係份量少，上菜慢(2個人食咗2個鐘，主要都係等)，真係令人失望！

門面清雅脫俗午市仲有85折，吸引咗我既眼球，入去試試先^叫咗兩個定食，我朋友食素的~估唔到呢度都有野啱佢口味沙律材料好新鮮出面飲既麵豉湯一般都比較咸，但呢個好清好好味素- 蕎麥麵 燒牛肉定食^ 咪道好但牛肉太薄啦唔低食!荔枝特飲 ok good平均每人食咗70蚊