Yo Roll (新文華中心) (已結業)

娘親愈嚟愈威水😎開始識介紹我周圍食好西今舖仲帶埋我去威，話：尖東有間食手卷專門店㗎！新開㗎～ 新開㗎～ 我上網睇到架！😬咁就比娘親拉咗去 🛺💨💨💨💨 老遠就見到「 𝚈𝚘 𝚁𝚘𝚕𝚕 」如霓虹燈一樣耀眼鮮紅色燈泡，彷如置身夜夜笙歌嘅 🇯🇵日本歌舞伎町，我決定今晚(𝟽𝚙𝚖)要喺門口蒲一陣🕺🏻想搵番漆黑中瘋狂嘅自己 😎 😎 😎⁡款式種類勁多，除咗 𝟹𝟼款手卷之外，仲有壽司、刺身、丼、小食、特色卷物 🤤 即叫即整 ☝🏻 份量又大☝🏻 價格合理，手卷由$𝟷𝟻-$𝟿𝟶都有交易，真喺豐儉由人開始🍇喺附近嘅上班族👉🏻👈🏻 但呢件事我唔會輕易話比人知🤫⁡聽聞營業到 凌晨𝟹:𝟶𝟶 👹 已喺夜貓子深夜食堂🏮🌚基於小妹住山區，加上始年紀大，唔會深夜仲未攤上床🛌，所以呢點實在無法考究🤣⁡🌸 𝙺𝚈𝙾𝚃𝙾京都 (𝚗𝚘.𝟷) $𝟿𝟶-· · · 海膽、三文魚籽、蔥吞拿魚腩⁡🌸 加洲手卷 (𝚗𝚘.𝟻𝟹) $𝟷𝟻-· · · 蟹籽、蟹柳、青瓜、玉子、沙律醬⁡✨✨✨ 𝙲𝙿值的確高 🌻 值得推介 ✨✨✨呢度有別一般壽司舖，選用德島縣産米☝🏻淨喺見用赤醋壽司飯都知喺誠意之作深琥珀色，味道更為濃郁，酸味較強，甜味適中，濕潤軟糯，唔

新文華中心一向都好多小食店😋剛剛行過見到有間以歌舞伎町為主題的壽司店🇯🇵播放著日文歌曲，好有東京新宿風味🎶店家有新式壽司卷、手卷、丼飯、壽司、沙律等等我同朋友叫咗兩個手卷，卷物，同一個丼飯。「風林火山卷」＄68將赤醋飯卷住辣味三文魚，外層舖滿飛魚籽。卷物都好大件。咬落去會食到卜卜脆的飛魚籽，而三文魚唔算太辣，味道唔錯。「雜錦魚生丼」＄78入面有三文魚、醋鯖魚、油甘魚、三文魚籽、青瓜。魚生種類唔少，切成粒狀，好好咬口。食完一碗就非常飽肚。「蟹籽手卷」＄20手卷可以轉成2件壽司。蟹籽好多，食落口卜卜脆，好中意。「油甘魚手卷」＄30油甘魚有兩塊，好肥美。

·Yo Roll·行經尖東去紅磡站嘅天橋，遠遠就被佢地招牌吸引，近睇覺得似曾相識咁嘅🤔原來係歌舞伎町個牌坊，好懷念呀🥲唯有又係食咗當去咗，雖然店仔細細無座位，都見唔少客人買完在旁邊長櫈開餐呢😋🌀蒲燒鰻魚丼好貼心有兩個size選擇，細size都足夠女仔食㗎！飯上面加咗蛋絲同芝麻增加口感，鰻魚亦算肥美，整體感覺唔錯🌀和風牛肉丼CP值頗高，洋蔥煮得好入味，盡收醬汁精華，加埋牛肉送飯一流😋🌀風林火山卷火山卷賣相十分吸引，外圍滿滿嘅蟹子，包圍住裡面嘅辣味三文魚，三文魚鮮甜肥美，水準之作👍🏼值得一提，有一點幾驚喜嘅係呢度有賣cbd咖啡，跟餐加$28就試到喇😉

【尖東日式外賣小店】以歌舞伎町為設計主題, 企喺門口都感受到點點日本風🇯🇵🎏主打日式卷物、手卷, 連丼飯及便當都有! 使用德島縣產米, 米粒圓潤飽滿, 微微黏口軟糯《蒲燒鰻魚丼》鰻魚肉質細緻軟腍, 無骨啖啖肉, 灑上黑白芝麻粒, 為鰻魚增添香氣~鰻魚醬汁濃郁, 珍珠米軟硬度恰好, 將鰻魚醬汁、雞蛋絲同米飯撈勻食, 好美味😋《和風牛肉丼》日本米飯🍚灑上黑白芝麻粒, 配上薄牛肉片及炒洋蔥🧅, 仲有牛蒡漬物, 啖啖和式風味《海膽魷魚》小店自創小食, 將海膽醬混入魷魚條中, 海膽味又鮮又濃, 魷魚有嚼勁

話說啱啱呢個星期去咗科學館，喺附近行行吓先發現原來科學館道開咗咁多間食肆(定係一直以嚟都係咁？🧐)，見到呢間日式小店門口嘅易拉架上面嘅卷物好吸引，趁最近又涼涼哋，所以買咗少少外賣坐喺附近嘅噴水池邊食。💚 富士卷完全冇諗過會咁大份!!!!! 呢個卷物入面有鰻魚同牛油果，牛油果好軟滑，估唔到同鰻魚都幾夾，而卷物上面有超級多木魚絲!!! 打開個盒嘅時候都要就住就住，怕會整跌啲木魚絲同蟹籽🤣💚 Osaka 大阪手卷呢個同樣都係超足料!!! 有蟹肉、甜蝦同蟹膏，蟹肉嘅份量多到就嚟跌，蟹膏滑得嚟又濃味，食手卷最怕係食頭幾啖足料，但食到下面就淨係得翻啲飯，呢個手卷最有誠意嘅係，連食到下面嘅飯都有蟹膏，唔會”冇料到”!!💚 Tokyo東京手卷呢個手卷有牡丹蝦、蝦頭膏同三文魚籽，牡丹蝦好鮮甜而且有份量，同蝦頭膏一齊食，鮮味max! 仲有好多好有口感嘅三文魚籽鋪滿成個面，連食到最後一啖都仲有!!! 估唔到喺外賣店都食到居酒屋嘅水準😋食呢三個卷物嘅時候完全冇點過豉油，因為啲壽司飯已經撈咗赤醋，味道比起平時嘅壽司飯甜啲同冇咁酸，而且有少少咸味，真心講淨係食個壽司飯都覺得好味😂 真係覺得呢間小店好有誠意。#ti

依家真係多咗好多外賣店早幾日行上紅磡火車站經過新文華中心呢條小型食街見到 < YoRoll > 呢間開咗冇耐嘅日式外賣店有晒圖片好吸引試一試佢先...超多選擇手卷、壽司卷、丼飯、壽司拼盤 價錢都幾經濟實惠.我成日隨身帶定膠盒YoRoll 接受自攜外賣盒啊！非常好！..彩虹橋卷 ($118) : 最主要有帶子、炸蝦、軟殼蟹，即叫即炸～ 佢哋好match，唔會互相搶味，亦唔腥..忍者卷 ($78) : 我真係好鍾意食軟殼蟹，而呢一款個面有黑松露蛋黃醬，個醬好濃味，比較fusion嘅感覺

食卷物壽司唔一定入鋪坐低食嘅，有時都想快快手買個外賣，食過尖東Yo Roll 就真係無得輸，真係食得出店家好用心整畀客人，即叫即整，份量好足，最重要真係好味但又唔貴! 試左兩大名物: 手卷+卷物 炸軟殼蟹手卷(No.07) $35 半隻軟殼蟹，即炸即包，一食落去真係好香脆，口感好正三文魚腩手卷(No.13) $25 三文魚腩夠肥美，加埋佢個WASABI 豉油味道剛剛好蔥吞拿魚腩手卷(No.18) $40Toro蓉超多，多到就食到尾都仲有! 北海道帶子手卷(No.20) $20帶子份量都好多，好鮮甜忍者卷(No. 205) $78黑松露蛋黃醬、牛油果、炸軟殼蟹依個係店鋪人氣之選，一共有8件，口感層次多，同時有黑松露香味同牛油果、軟殼蟹都好夾!

今日去開尖東逛街，有啲肚餓時候見到有呢間日式小店🎏，裝修招牌都相當靚，吸引咗我哋去試吓～呢間小店只係做外賣，有不同款式嘅日式手卷丶卷物同丼飯，我哋每樣都買咗D試吓～手卷叫咗燒左口魚邊紫菜非常脆、赤醋飯用上咗日本米，左口魚邊燒得非常香，魚油十足，仲有芥末豉油可以直接落落去手卷，咁就唔怕雙手污糟😋 富士卷，賣相精美一盒有成八件，面層係蟹子同木魚絲、內裏餡料就有鰻魚丶牛油果同蛋黃醬，整體味道有層次之餘亦有口感，非常好吃！火炙丼，赤醋飯上放滿了火丼過嘅三文魚同左口魚邊、油脂迫人，三文魚仲俾咗俾咗好多塊，非常之滿足～呢間小店價錢不貴，想食日本嘢嘅不要錯過～❤️

每次搭車經過呢間小店都好多人等今日試過，無諗過質數咁高。比某些居酒屋更好食。「壽司Set A」 $88 好抵食一次過可以食哂咁多款，重點係夠新鮮，加上唔係一般手握嘅白色珍珠米，加上wasabi, 連豉油都唔洗點👍🏻(三文魚．蟹籽．燒左口魚邊．蛋．鰻魚．蔥吞拿魚腩．蝦炸卷）「加州手卷」加州手卷都好足料，原條蟹柳，味道同口感正，外層紫菜脆到索索聲「咖哩吉列豬扒丼」咖哩味勁香濃，豬扒厚肉，炸完仲保持到肉汁「和風牛肉丼」份量好足，牛肉唔靭，連旁邊嘅配菜都好好味。下次一定再試埋卷物

午飯時間經過這間新開不久的外賣日式卷物店，除了有卷物外，還有刺身、定食及壽司，全部都是即叫即做，新鮮熱辣。卷物款式很多且色彩繽紛，全部都是$4-50起。三文魚腩$88有6片厚切的三文魚腩，很貼心的鎅去筋位，腩位油脂豐富，入口鮮甜甘香。武士卷餡料有拖羅、紫蘇葉等等，外層珍珠米已加了咸味，入口拖羅肥美鮮甜，還有點酸蘿蔔的刺激感。和風牛肉丼牛肉份量正常，以洋葱爆炒，牛肉醬汁用來撈飯一流，另外還有些牛蒡及中華沙律作前菜。

尖沙咀東部有一間主打日式料理外賣店「 YoRoll 」，看到食店以紅色主調，招牌亮起有燈飾，好有格調。食店門口掛上大型餐牌，食物款式種類多，以卷物、手卷、小食、日式便當為主打，每款美食都非常吸引。咖哩豬扒丼🐽🍱 $68豬扒炸到黃金色，豬扒較厚身，口感外脆內軟，無骨啖啖肉。珍珠飯加上黑白芝麻，附有日式沙律菜、牛蒡同埋咖哩紅蘿蔔，非常豐富。牛肉丼🐂🍱 $40好香濃嘅肥牛，配以清甜洋蔥，好味道。珍珠飯加上黑白芝麻，附有日式沙律菜、牛蒡。#日式炸雞🐔 $68炸雞外脆又香口，肉質嫩滑軟腍，一口一件炸雞非常滋味。

尖東逛街，見到一間有特色嘅日式料理外賣店「 YoRoll 」 @yoroll.hk，食店嘅裝潢非常吸引，霓虹燈亮住並以歌舞伎町為主調。食店以日式便當、卷物、手卷為主打，款式繁多，等幾分鐘左右，外賣回家慢慢品嚐。三文魚手卷 🐠 $15三文魚色澤新鮮又肥美，味道甘甜，充滿魚油香味蔥吞拿魚腩丼 #抵食之選 🐟$98有好大碗吞拿魚腩飯，砌碎嘅新鮮吞拿魚香再加上蔥花，口感鮮甜，性價比高蒲燒鰻魚丼飯 $88鰻魚燒烤過比較香口，加上濃郁嘅鰻魚汁，魚肉嫩滑軟腍，拼上雞蛋絲，增添口感

yo roll😍平時堂食壽司比較多，好少外賣，但成日見同事買呢間外賣，好似好吸引。舖頭選擇好多，而且d卷物好吸引，最正嘅係，佢哋竟然用赤醋飯，實屬難得，飯好香好軟，正。海膽手卷，$65好鍾意食海膽，見到佢鋪滿成個手卷，好興奮，鮮甜嘅海膽好好食，手卷建議當場食，d紫菜就唔會冧，佢隔離有芥末豉油，方便大家攞住食。富士卷，$68呢個卷原來勁大份，有8件，而且勁多料，記得同人share嚟食。上面滿滿嘅蟹子同木魚，下面仲有層蛋黃醬，而飯中間夾咗好好味嘅鰻魚，口感非常豐富，好味。另外仲買咗幾款壽司，都好好味，帶子好大粒，三文魚好厚身，赤貝係當日嘅推介，所以都好新鮮。整體都好滿意，估唔到路邊細細間舖都有咁嘅質素，好唔錯。

呢間有多種日式食物雖然只做外賣🥡，但用心做的食物絕對和一般日本餐廳有得比👍💪，而且價錢合理，十分之吸引我，例如手卷為主打，全部即叫即製，而且味道款式多多，我自己都真係每一款都想試吓呢，見到都口水流出來！燒鰻魚手卷 我自己是鰻魚控，第一樣當然食鰻魚手卷，果然新鮮肥美有咬口，是我必食推介呀！另外還有各種壽司🍣併盤，唔駛左諗右諗，多款選擇已齊，大滿足啊！Yo Roll地址: 尖沙咀東部科學館道14號新文華中心地下62號舖

呢一間位於尖東好容易搵得到適合OL呢一間見到佢嘅佈置已經充滿日本特色同埋佢哋有好多唔同種類嘅壽司佢哋嘅壽司大部份都係八件每一件都好有特色同埋有好多新鮮嘅配搭我哋嗌左辣蟹三文魚壽司本身以為唔夠飽 但係兩個人食都已經好夠了 仲有我哋嗌左煮食特別係咖喱豬扒飯分量十足亦都有好多咖喱汁 10分入味同埋我哋都嗌咗咖喱蝦飯順道提一提佢哋仲有刺身 特別係三文魚刺身大家可以叫嚟食同埋佢哋嘅手卷都幾多款食的包保大家揀到自己想食嘅