Yo Roll (北角城中心) (已結業)

放工後諗唔到食咩，又得一個人，咁岩經過呢間串燒店就買左啲串燒返屋企試下。燒賣 (8粒) $14質地煙韌，配左店舖既日本秘製辣醬伴食，好惹味😝燒明太子雞翼 (1pc) $20雞翼去骨後填入滿滿的雞肉同明太子，烤到雞皮金黃配搭鹹香帶微辣的明太子，雞肉滑嫰多汁，好惹味👍 鹽燒雞皮 (1串) $10燒完既雞皮香香脆脆又有少少煙韌，對雞皮毫無抵抗力😂燒豬頸肉 (1串) $24一串有3舊，豬頸肉肉脂均勻，肉質鮮嫰，口勁適中。 蒜香牛舌厚切 (1串) $42一串有3舊，牛舌燒到剛好，口感軟嫰又juicy，腍身得黎有咬口，一啲都唔韌，而且牛味濃。鹽燒雞翼 (2pc) $28雞翼燒得唔乾，肉汁仍然保留到。蒜蓉燒扇貝 (1pc) $38扇貝有好濃郁既蒜蓉和牛油香，扇貝鮮甜，性價比高👍🏼

今日叫咗個鰻魚飯，蔥油雞扒飯同埋啲串燒全部都好好食，又唔會燒得乾身牛舌，雞翼，雞心都燒得勁juicy 呢度仲有日本青椒仔❤️Btw 唔記得咗影串燒🥲希望一直都keep到咁好既水準💪🏻

真係好唔抵食，等超耐，之後碗嘢超細，雞扒又細又黑，炭燒雞扒燒到好似碳咁。飯超少，叫兩碗都食唔飽，食完好似冇食過嘢咁，真係超級超級超級伏。咁嘅一碗嘢47，真係狗都唔會再食。等勁耐之後見到咁嘅一樣嘢真係嬲到核爆，第一次好肚餓食嘢係覺得勁難食。

食過好多次 其實啲手卷 飯 係幾好味但剛剛再叫一次個牛肉飯同吉列蝦飯個份量縮到得反50% 但價錢就一樣如果做到咁 幾好食都無用既然覺得做唔住 就執左佢 無謂做到咁樣衰食埋今次 無下次已經唔係平 仲要縮份量啲手卷係好食 但真係好貴之前食咁多次 就係因為見個牛肉飯同吉列蝦飯份量同價錢合理 所以先會幫襯咁多次加上夜晚好少鋪頭開到咁夜依家份量縮左一半 即係相對價錢貴左一倍本來40幾蚊一個飯 依家變80幾90蚊一個飯點可能仲會再幫襯好可惜

鰻魚飯好難食，外賣超唔惦，仲差過自己超市買翻熱果d, 我雖然order細飯但估唔到只得兩細嚿鰻魚，$68完全不值，但配餐個湯和沙律係ok嘅，唔建議叫鰻魚飯，和圖片差得遠👎👎👎

小店做外賣，主打卷物嘅小店，卷物款款都想試，仲有手卷、壽司、刺身、丼飯、炸物小食、三文治...超多嘢食可以叫🥳✨雙撲手卷 💰78💫評分: 8.6/10📝火焰嘅芝士味濃郁，配蟹肉、蟹膏，蟹肉份量都好足，面頭都有蟹子同沙律醬‼️✨風林火山卷 💰78💫評分: 7.2/10📝辣味三文魚新鮮加蟹子令口感昇華！如果想食其他款色嘅辣味三文魚都可以叫佢嘅手卷🫶🏻✨溫泉蛋•碎蛋•蛋黃醬sando 💰32💫評分: 7/10📝好大份，一個人食一份都好夠，鍾意佢有隻溏心蛋，配埋碎蛋同蛋黃醬，超多蛋🤣，呢款厚身三文治包連皮超飽肚✨章魚小丸子💰28💫評分: 7/10📝呢款大阪名物入口爽彈，醬汁惹味，一共有六粒！✨忍者卷 💰78💫評分: 8.7/10📝上次叫咗呢款，有好邪惡嘅黑松露蛋黃醬，配埋creamy牛油果同鬆脆軟殼蟹無得輸🥹𝕐𝕠 ℝ𝕠𝕝𝕝@yoroll.hk 📍北角英皇道250號北角城中心地下1號舖(炮台山🚇A出口行1分鐘就到)🏡其他分店📍尖沙咀東部科學館道14號新文華中心地下62號舖(紅磡🚇D4出口行4分鐘就到)💫評分: 8.3/10💬呢間喺會令我encore嘅店，某啲卷物8粒仲過一百蚊，我叫嗰幾款就平價啲都

因為媽媽介紹並要求生日要叫這家外賣，我就抱著試新嘢既心態試試，因為以外賣來說是有點貴，但當外賣送來時，看到足料程度，我覺得值了！配搭上亦好新穎但味道出奇地夾，比如黑松露軟殼蟹牛油果卷，贊！圖片為5人的點餐份量，結果最後剩下2盒孩子明天做早餐

呢間店,之前係尖東都食過幾次。 今次見港島開左分店就試試佢, 一開頭都會懷疑兩間鋪應該唔同師傅,會唔會唔同味。 今次食左忍者卷、 Yo Roll 同 富士卷。 因為即叫即做,所以要d時間,但個收銀哥哥都會提醒要d時間,可以行個圈再番黎攞，唔洗係到熱辣辣等，好窩心🥰。我就同男朋友叫完就去附近supermarket 行下買下野,買完野番去就攞得! 之後一番到屋企就即刻要食吃,發覺同尖東分店味 道同份量都一樣。 分店可以維持水準 ,港島人有福了。 唔洗再過海先食到，因為我番工、居住都係港島,有時想食又唔想過海。 🥲十分推薦大家試佢哋既Yo Roll,雖然價錢係卷物入 面最貴,但真係好足料,有海膽、魚子醫、拖羅、三 文魚子。 另外,如果大家都係黑松露控就要試下忍者卷,黑松 露+軟殼蟹 賣$78真係唔係貴。👍🏻💕💕💕*沒用餐款待

今日同老公去完街諗住買埋晚餐返歸，經過見到呢間新開日本野就試下啦。個menu好多選擇，卷物壽司手卷丼飯，連三文治都有！由於未試過呢間野，所以就一人揀一個有好多料嘅卷物試試佢咩料先～即叫即整要等十分鐘左右，不過收銀個哥哥幾nice幾好傾所以都唔多覺😄返到屋企急不及待試食，好足料又好味喎！啲卷卷一啖一舊食到好豐富夾埋又match嘅味道！食完先發現原來我食果個溫泉卷面頭好多葱，但個卷好味到連平時最憎食葱嘅我都唔覺唔覺食晒😂老公話佢個炸蝦軟殼蟹卷都好正！想再encore試埋佢啲手卷同丼仲有碎蛋三文治！

除左爭鮮之外，炮台山想食壽司終於有新option啦，炮台山地鐵站口附近新開左一間新派日式外賣點，門口設計搶眼，menu選擇都幾多，經過見到幾吸引就買左返屋企食，味道有驚喜。全部即叫即整，所以等待要稍微耐心小小，手卷足料多選擇，最愛富士卷同東京手卷😊😊會再幫襯。富士卷有鰻魚、牛油果配蛋黃醬，小朋友都吃得好開心。下次想試下有黑松露嘅忍者卷。外賣包裝貼紙設計都好有心思，門口設計搶眼，menu選擇都幾多，經過見到幾吸引就買左返屋企食，味道有驚喜。

見樓下新開手卷店經開諗住試下，裝修係幾靚嘅，但真係只得裝修靚。睇menu 整體都比一般手卷店貴，比較平價嘅只有素食手卷。最後揀咗份睇落抵啲嘅火山卷物，一份$68有8件。望落去大大粒、蟹籽都鋪得多以為無死啦，如果好食貴少少都可以接受，但係8件大大粒全部都係飯🫠所謂火山卷其實係辣味三文魚卷，但擺入口基本食唔到三文魚、更加無辣味，全程淨係食到飯😑另外附送嘅壽司豉油都好咸。我都明白一次可能偶爾失手，所以我過幾日再去一次諗住試真啲，竟然闊別幾日、同一份卷竟然已經加咗$10價變咗$78一份味道品質依然同當初一樣🙄打死都唔會再幫襯🫡