Woods (已結業)

就近旺角火車站附近的黑布街頭剛啱開了一間佔地算是蠻大的西餐廳。聽太太說道有一趟和小友坐小巴經過他竟立刻說想下次來這裡試一試....哈哈，料想不到這小魔怪的覓食嗅覺也挺靈敏呢，絕不輸於乃父啊 ....現在回想起來也感到自己還真的不太夠義氣....是日和太太搶先過來這裡吃個午餐，身旁的小友竟不在現場....唉....唯有下次有機會帶他回來吃一趟作補數好了....甫一坐低，香草包和蕃茄salsa醬便徐徐送到....包身略微濕軟而綿甚是不俗，若然香草份量比例可以重一點吃起來就會更香；用鮮蕃茄粒製成的莎莎醬，味道一如所料酸酸的伴著包食是一個永恆穩陣的開胃之選....湯的選擇是一白加一紅，水準亦有好有唔好 ---- 白色代表蘑菇湯是相當的足料亦夠濃稠，掏入口每一淡都滲滿了菇肉及香....相反紅方代表海鮮湯就非常一般，味未夠濃郁稀稀的甜度不足。所謂的海鮮就只有幾小隻呈玻璃色半透明淡而無味的雪蝦....說老實是情願不放好了....發現這兒有好幾味菜式是頗具西班牙菜風格的，好像這一道打正旗號的烤焗乳豬配橄欖油焗薯仔....很奇怪的看到那醬汁是打成一個大交叉的，首先在外觀上於我而言已留下了一個不太好的印象

見到佢仲請梗廚師我都覺得吾對路。同個fd叫左海鮮湯, 薄餅，同海鮮飯，個海鮮湯就真系好一般 做到好以西班牙海鮮湯咁 但完全同西班牙拉吾上任何關係 個湯咸但無鮮味 個薄餅同 sa利亞個餅底無乜分別 最大問題系個西班牙海鮮飯 基本上系將岩岩飲完個西班牙海鮮湯攞左去焗飯 d料同個味一模一樣 個飯焗到好似粥咁 仲有條意粉系入面 都吾知有無洗過個焗盤 叫左杯仲可以感受到朱古力粉質感既朱古力奶昔 咁既質素 盛惠500個大元

旺角新開不久的餐廳，餐廳名字 Woods，與全店以木材為特色的設計概念互相呼應，坐在裡面，一棵只得樹幹和樹枝，沒有樹葉，樹身只指向天花板的彷真大樹異常搶眼，那些樹幹造型的木椅子也非常吸睛。先送來兩片香草包，並附上蕃茄茸醬，麵包不算十分出色，還可以。湯要了「香濃海鮮湯」，雖然這湯有點兒海鮮湯的味道，湯色也像樣，不過材料只得少許蝦仔，而且味道未算香濃，水準只是一般。主菜中的必然之選，是「西班牙烤焗乳豬配橄欖油焗薯仔」。雖然乳豬只得兩件，烤得還算有水準，皮脆以外，肉質均勻，肥的部分甘香，瘦的部分軟腍，連皮帶肉一起送進嘴巴，滋味確是甚佳。「燒鴨胸黑醋汁燴意大利粉」帶著黑醋的酸，不是我喜歡的味道，不過這可怪不得餐廳，菜名中分明有寫這意粉是以黑醋汁調味，不過老婆仔揀了這個，而我又和她分甘同味，那就難免會在吃時感到有點不是味兒了。不過這意粉撇除那自己不太習慣在意粉中吃到的黑醋味外，其實水準還過得去，意粉夠乾身，口感也及格。餐後來杯「熱咖啡」，為這還算過得去的午餐帶來一個完滿的結束。

幾個月沒到過旺角火車站一帶，今日行經黑布街，忽然眼前一亮，原本的海味店，已轉手成為一間特色餐廳，特色的意思是指店面設計，一間以木為主題的餐廳，門前落地玻璃，不過這位置的景觀真是麻麻喇。我好奇的走過去看看，知客好有禮貌請我入去試試，配合餐廳的木的主題，中間放了棵光禿禿的樹幹（哈﹗光棍，應節啊﹗），樹幹下的長餐枱配以一根根的木頭為櫈，每根木頭的年輪都不同，好原始，對於我這個城市人來說，可能會坐唔慣；由於午飯時間已過，餐廳沒有其他客人，我選擇了坐在靠牆的沙發角落位置，牆上還有一根根的樹幹作裝飾；感覺好舒服，好寧靜的獨自以木為伴地享用這頓午餐。香濃海鮮湯，有著濃濃的蝦湯底，湯內還有幾隻鮮蝦，有喝龍蝦湯的感覺；餐包質感與蛋糕有點相近，味道層次較豐厚，帶點蛋糕般的綿密和濕潤，配以味道清新鮮茄蓉伴食，味道跟海鮮湯相當匹配；至於主菜安格斯牛扒，五成熟，火喉控制得剛剛好，肉質鮮嫩粉紅無肉筋，醮牛扒的肉汁做得很出色，濃稠而無奪去牛扒鮮味，餐飲加廿元可轉特飲，我選了薄荷朱古力牛奶咖啡，但薄荷朱古力味道不夠特出，被咖啡蓋過了，無甚驚喜。最後，侍應遞上一盒牙簽，哈﹗牙簽盒也是木紋的，果然連細節也做到足。

係火車站行落黎， 突然見到有間裝修幾靚既餐廳! 係門口見到大大既餐牌， 原來主要食西班牙野。 見價錢合理、唔駛等位裝修又幾靚於是成班人就入左去試新野。 我地每人叫左個湯飲， 佢有三款湯。 但我地最後只揀左兩款湯~~5個磨菇湯，1個海鮮湯。 磨菇湯一致贊不絕口; 致於個海鮮湯呢 。。。其實好濃好香但個人認為略咸。於是叫左個香草蕃茄包。。。 個湯加埋香草包就岩岩好可以中和到d 咸味。 我最鐘意個煎鴨胸， 外面脆一切開有少少岩岩好少少紅。 勁正。。。 蟹肉沙津、蟹肉蛋餅都好食。 個牛扒同西班牙沙飯我地都覺得好抵食。 平時出醉d餐廳食牛扒無四五百都唔得仲未必好食， 呢扒牛的質地又唔差二百蚊有找， 配炸薯仔絲幾特別。牛面肉都係第一次食 入口即溶。 西班牙燒豬之前係第二間食過真係麻麻 但呢間一試難忘! 我地連個配菜都唔放過眨下眼就將碟豬豬消滅左。。。不過怕食肥膩野既人就唔好叫豬豬喇! 其他野都OK 架﹗不過掛住食又驚佢地凍左唔好食，所以無影到。試埋佢D甜品搞到肚脹卜卜平均每人都係二百幾 。