影片
更多
2025-03-10
7 浏览
今日同朋友去完東涌碼頭嗰邊，就過黎Shearton呢邊搵野食啦。行過門口，個女仔話宜家Happy Hour，見啲價錢都OK就入左黎試下。首先，坐低之後想叫杯飲品，入邊個侍應改口話Happy Hour只得啤酒已經夠奇怪，算啦，照叫啤酒。Menu上面有個Suntory Sunset，叫完黎到係普通金色既啤，我既認知sunset應該係3.7比例混合左黑啤，問返個侍應，佢話佢地無兩溝呢樣野（.......）好，跟住我地是但叫左個Pizza同兩個小食。一開始佢好nice咁問我地要唔要Chilli or Hot sauce，朋友就話要Tabasco，佢攞到返黎，我地想話都係要埋Chilli Flakes，佢就一句串埋黎「Oh so now you want the Chilli Flakes too?! OK I'll get it for you」（....吓？？）再跟住，中間問佢攞Menu攞水，都不停唔記得，之後攞到杯水，其中一個水杯係口掂到既位置崩左，係尖到戒到朋友個嘴（???）好心爛左就唔好繼續俾人用啦……再最後，佢呢間店其實係同佢隔離間Gelato店係一齊既，Menu亦都可以叫雪糕，想
首先，坐低之後想叫杯飲品，入邊個侍應改口話Happy Hour只得啤酒已經夠奇怪，算啦，照叫啤酒。Menu上面有個Suntory Sunset，叫完黎到係普通金色既啤，我既認知sunset應該係3.7比例混合左黑啤，問返個侍應，佢話佢地無兩溝呢樣野（.......）
好，跟住我地是但叫左個Pizza同兩個小食。一開始佢好nice咁問我地要唔要Chilli or Hot sauce，朋友就話要Tabasco，佢攞到返黎，我地想話都係要埋Chilli Flakes，佢就一句串埋黎「Oh so now you want the Chilli Flakes too?! [反白眼] OK I'll get it for you」（....吓？？）
再跟住，中間問佢攞Menu攞水，都不停唔記得，之後攞到杯水，其中一個水杯係口掂到既位置崩左，係尖到戒到朋友個嘴（???）好心爛左就唔好繼續俾人用啦……
再最後，佢呢間店其實係同佢隔離間Gelato店係一齊既，Menu亦都可以叫雪糕，想話叫黎食，個侍應就叫我哋自己過去買（??），呢個時候佢旁邊另一位同事插嘴過黎話：「唔緊要，你地揀，我幫你落單攞過黎。」咁好啦，我地起身過去揀，然後嗰位串到爆既侍應又黎一句「See I told you? It's the same, you need to come」……認真咩，咁服務態度？！
其實呢間店食物唔錯，都唔算貴，就係服務極差，我第一次體驗到呢種俾無service更差既service，唔會想再幫襯。
张贴
