WM Café & Bar (雅濤居購物商場)

营业中

休息中

同朋友剛MEET到就落大雨，只好嚟個EARLY DINNER，喺附近見到呢間西餐廳，見到有素食即刻決定入去光顧，因為朋友係食素，剛好有啱佢食既餐點，真完美~MENU不論係食品定飲品，都有好多選擇~價錢合理!桌面擺放得整整齊齊，衛生企理~廚師沙律(+$8)~ 坊間一般廚師沙律都只係比D沙律菜同黑醋，但呢度竟然配上鴨胸，而且沙律汁係有調教過，而且味道非常出色！意式炸雞翼(+$16)~ 雞翼外脆內嫰，炸雞翼可保持肉汁並不容易，而且夠哂入味~WM大啡菇牛油果漢堡配薯條~朋友大讚大啡菇夠JUICY，牛油果熟成程度剛好，唔會太淋而且透出微微既果香，薯條採用厚切波浪薯條，啖啖香脆可口，薯味香濃！口感之選！烤豬西冷配檸檬帶子青蘋果絲~唔好以為西冷得牛肉先好味，豬西冷 肉質柔軟，不油不膩，配埋青蘋果絲更加係夏日首選，帶子煎到色香味兼備，而且SIZE都很大呀!檸檬芝士餅(自家製甜品+$14)~ 「自家製」呢三個未字永遠都係我低抗唔到既字，因為難得！而我喺甜品櫃睇咗先決定點檸檬芝士餅，因為賣相已經好吸引到我，食落口感順滑，芝士同檸檬味平均融合，好味！

星期天仍是下雨綿綿的一天。睡醒做點家務已經下午兩三點。吾想出九龍，一於去馬鞍山行下搵食。諗住搵間好坐啲、舒服啲，吾想同人迫嘅餐廳。逛逛下比我發現呢間很有氣氛，坐位很寬躺舒適嘅酒吧餐廳，下午茶時段大概有三四枱客。我們安排坐卡位，每枱有一樽水供應，感覺環境衞生都不錯。除了一般三文治、意粉、薯條、熱狗之類嘅下午茶餐之外，居然有「精選下午茶」。吾想諗食乜，即管同阿仔試吓佢個 二人tea set ，享受假日嘅悠閑，嘆番個假日 high tea 先啦。二人精選 tea set 包多款鹹點、及多款甜點、仲包兩杯紅茶或冷泡茶。本人自己則較喜鹹點，每款各有特色。甜品當中較喜歡嘅就係檸檬蛋糕。不過建議可先向職員查詢當天甜品係啲乜較好。飲品我哋選擇加錢轉其他。我喜歡 latte ，仔仔喜歡荔枝蜜桃梳打。臨走發現原來餐廳特設任飲畤段，價錢不貴，喜歡飲酒嘅朋友可以不妨試吓。

馬鞍山係有名的美食沙漠不過只要肯搵都可以有驚喜遠離市中心10分鐘就搵到啦🔅烤西班牙伊比利亞法式有骨黑毛豬扒姨媽配檸檬胡椒蘋果用辣椒油啊比想像有驚喜表面煎得幾香 內裡又幾淋 但吾會韌肉汁鎖住晒 餐廳都幾細心配上3款不同的調味岩鹽 突顯肉味燒汁 同豬扒好夾蘋果蓉 就可以解到肉的油膩好蛋餐廳都煮吾到呢個水準🔅大啡菇牛油果蕃茄漢堡配薯條大啡菇好Juice牛油果都吾錯最好食當然係薯條粗薯條口感最好炸得好香脆😋🔅餐湯有蕃茄湯同龍蝦蟹肉湯兩款湯都吾錯除左餐湯仲有甜品送😋

晚餐價錢都幾抵食，散叫可加$33 配成套餐配湯、吉列炸蠔沙律、咖啡或茶。▶️香煎鵝肝配多士伴無花果醬$78鵝肝有一大件😍煎得夠香，外邊脆，咬落充滿鵝肝油香，好Juicy！點少少無花果醬完全唔會有油膩感，再配埋香脆多士，yummy!▶️墨西哥🇲🇽雞肉芝士夾餅$88一份有四件，入邊雞肉夠滑、芝士夠香。夾餅整得脆脆地🌮 香口好食！▶️煙三文魚香草忌廉意粉🍝🌿$98意粉份量都幾多。忌廉汁夠creamy! 煙三文魚碎混入左意粉，味道相當夾、帶少少香草味。意粉質地幾好食😋餐廳座位多以梳化為主，所以坐得舒服😌而且衛生都幾好！值得一試！

WM Cafe & Bar（馬鞍山）今次經過馬鞍山呢，知道WM Cafe呢度都有分店，就決定再去食🥰餐湯🥣😋是日餐湯蕃茄湯忌廉蟹肉龍蝦湯味道濃郁，而且飲個陣食到蟹肉，十足材料😘😘烤西班牙伊比利亞法式有骨黑毛豬扒$188😋豬扒選用豬鞍扒，豬味濃郁，帶豐富油脂，肉質緊緻，口感鮮嫩多汁，火候恰到好處，好味❤️WM威靈頓牛柳$138😋創新小型威靈頓牛柳，成人拳頭大小，雖然精緻，但火候控制一流，外脆內嫩，切開牛柳保持粉嫩，配合夾層的啡菇醬，口感豐富，層次分明😍😍跟餐甜品檸檬撻😋升級甜品士多啤梨芝士蛋糕 +$14食完主食，一定要食埋甜品先滿足😍😍升級餐飲Mocktail +$18😋-Virgin Colada 🍹椰奶及菠蘿汁配搭得好好-Cinderella 🍹菠蘿、柚子、橙配搭而成。酸酸甜甜。開胃解膩餐廳環境⛱環境舒服乾淨，可以聽住音樂好relax❤️整體評分：5/5味道：5/5環境：5/5抵食：5/5地址：馬鞍山鞍駿街15號雅濤居購物商場地下G01B號舖

燒美國純天然西冷扒配燒汁 （10安士）$248Order左七成熟 擺盤好靚 切開一半見到啲肉汁咇出嚟😍 粉紅粉紅 真係好趣致 好好味咁😎🤣 牛肉味濃 而且好淋 唔會好似食石頭咁😌我自己最鍾意就係佢個燒汁 係個啲經典既港式燒汁味 甜甜地個種呢🥰+33$ 可以轉套餐 包括 餐湯 ，前菜同餐飲餐湯係龍蝦湯,再跟一粒熱辣辣黑糖包包 ，個湯好濃 但係唔會好杰 仲有個前菜，有吉列炸蠔或者沙律 🥗雖然得2隻蠔 不過炸得好酥脆 粒蠔肉仲有鮮味 同埋大大粒

抗衡blue monday 最好就係搵間坐得舒服、環境乾淨嘅餐廳食大餐，於是即刻諗起WM🥳Dinner set 超豐富，餐湯飲品甜品都包😳蟹肉龍蝦湯香濃到未除口罩已經聞到香味🤩 蕃茄湯比較酸幾開胃🍅 烤豬西冷配檸檬帶子青蘋果絲($98) 好抵食！帶子幾大粒，豬扒有厚度又有肉味，伴碟仲有pink salt 可以點，貼心🥰Beef wellington 由於比較花功夫，唔係間間西餐廳都會做，見到WM 有梗係試吓😋 以$138 呢個價錢絕對合格有餘，尤其牛肉生熟度控制得好好👍 見佢咁的骰原來都幾飽肚今日套餐甜品轉咗檸檬撻，個人口味覺得甜咗少少，不過幾清新啱夏天另一個甜品加$20 upgrade 心太軟，朱古力味非常rich🥰最後叫埋餐飲，食物同服務都好滿意嘅一餐😋

其實一向唔太鐘意食西餐 因為本人好大食 所以覺得份量本身偏小既西餐唔太岩自己不過今次屋企人話想黎試 所以就黎左試晚市一坐低放左左一人一個既餐包 普通貨色 牛油雖然係大路野但都係唔錯既牌子 而且有加熱個包先上 心意搭救餐湯揀左紅湯 味道正常 同mk果堆豉油西餐差唔多質素主食叫左軟穀蟹意粉一放低有d嚇親 因為份量真係好大兜下 成隻軟殼蟹係到都唔意外 意外既係其他配料都好多 意粉入面加左蟹籽同埋雜姑去增加口感 食落層次感好豐富 而味道方面就有淡忌廉味 味道醇厚得黎又唔會太重口味 就算份量多左都唔會咁快食膩總結: 各方面黎講都係一般豉油西餐水準 不過開係馬鞍山無乜好抱怨 呢個價錢同份量叫收貨

講起馬鞍山嘅西餐廳，出奇地好少，想搵一個可以食下食下西式意粉嘅地方都好似冇乜，呢間餐廳位置有少少偏僻，唔喺商場入面，但質素唔錯，食過幾次，又抵，喺馬鞍山之中嘅西餐之選。呢一晚又介紹朋友嚟食，三個人食，每人百幾蚊就食得好飽。餐廳唔洗等位，但入面都八成滿。晚市冇set dinner，單點，價錢中等，加少少錢可以做套餐有餐湯餐湯小食。加左一個套餐，有餐包、龍蝦湯、小食吉列炸蠔。餐包正常，幾軟身，龍蝦湯好濃。吉列炸蠔好脆，蠔唔腥，炸粉唔算大，幾好食。三個人叫咗4個主菜，其中一個豬仔骨當係小食。豬仔骨配薯條，個豬仔骨燒得幾靚，都好多肉，個汁好夾，薯條熱辣辣好脆好味。燴芝士蝦蟹意粉個賣相都幾靚，意粉下面好多汁，好濃郁，食落都幾大碟意式辣肉腸水牛芝士薄餅都幾大碟喎pizza底好脆面頭好芝士好正但又唔會好濟熱辣辣好好味，之後凍左少少都唔會好淋黑松露大啡菇牛肝菌意大利飯意大利飯唔會好硬，煙靭幾好味，好濃雜菌味，同意大利飯最夾，都幾多雜菌。總結3個人食得好飽，仲有少少可以打包，每人只係百幾蚊，抵食又好味。

本身打算去新港城食飯，經過見到呢間餐廳就決定近近地試吓👌🏻 平日午飯時間唔使等位，餐廳就算係日頭燈光都偏暗。-香煎牛柳配紅酒燒汁意粉🍝 💰66（橙汁加$8)(好味道:💛💛💛💛)兩件牛柳份量啱啱好，而且口感有咬口得來唔會韌，配埋紅酒燒汁好食👍🏻 如果可以比多兩件西蘭花就更加好了😗-香煎豬柳拼檸檬海鹽烤雞飯🍚 💰58（橙汁加$8)(好味道:💛💛💛)豬柳比烤雞好食🤔 雖然塊雞肉望落去燒得幾好，但係一咬開就知道入面好乾身，要咀嚼好耐先吞到🤭 豬柳相對上好好多，有肉汁而且脆身👌🏻人均消費:💰70 (免加一)環境:💛💛💛服務:💛💛💛💛推薦:💛💛💛💛

放工約住喺附近嘅朋友一齊食飯，佢推介尼間餐廳話坐得舒服，服務態度好又乾淨，就一於試下我哋嗌咗兩個dinner set有湯主菜野飲同甜品，非常抵食跟餐附送嘅麵包好軟熟唔洗加牛油都好好味餐湯係忌廉龍蝦湯好鮮同好濃，餐湯來講都幾高質我哋額外嗌咗個雞翼同薯皮脆炸雞翼係玫瑰蜜糖味好少食到玫瑰味嘅雞翼，意外地同雞翼係好夾薯皮係焗芝士肉醬餡，再配牛油果醬個醬好驚喜，最鐘意食牛油果好fresh佢仲有少少辣辣地嘅味，搽喺薯皮一齊食好正主菜我嗌咗雞肉burger上菜時見到個burger咁厚，先發現原來係雙層雞肉😂冇睇清楚但好surprise😂後尾睇返單係雙層檸檬烤雞拼香辣脆炸雞芝士漢堡配薯條個名都好勁😂烤雞好嫩，炸雞好香脆鐘意食雞肉嘅人一定要試試朋友嗌咗烤石斑魚柳配芥末籽燒汁我都試咗一塊，魚肉好厚但肉質都嫩，配燒汁好夾同埋有埋薯蓉，男士食都唔會唔夠飽食到呢度已經覺得好飽，但其實我哋仲有一份甜品😂係檸檬cheesecake芝士好香滑又有少少檸檬味真係好fresh佢嘅位坐得好舒服好適合一班朋友收工過嚟呢邊食飯飲酒同埋佢哋嘅服務好好，好有禮貌餐廳又乾淨衛生無論係咪喺疫情嘅時候都係好重要食咗咁多野埋單都係$150

我們今日第一次幫襯呢間充滿偏古典英倫風的西餐廳，這西餐廳有多間分店，而馬鞍山這間環境燈光暗暗的又有柔和音樂，很浪漫，店員都親切,同時都衛生清潔，位置在私人樓宇商場下，相對不會太多人比較寧靜的。我們點了分別有：全日早餐配黑松露炒蛋， 好香滑的蛋， 有埋黑松露好吸引！配埋忌廉龍蝦湯 不錯的。而素食牛油果🥑芝士大啡菇漢堡 分量多，飽足呢！兩杯特磨朱古力奶總結食物質素不錯，下次再來啊！WM Café & Bar 馬鞍山鞍駿街15號雅濤居購物商場地下G01B號舖

平時去開海徬都會路經呢間餐廳,今晚心血來潮想食西餐,就同老公去試吓店員安排我地坐左張長卡位..加埋場地燈光,即刻覺得好浪漫而餐桌上面既水杯，餐具，都好乾淨衞生..店員仲好好咁問我地另外需唔需要餐紙巾。仲有最愛既生蠔🦪加白酒,最衰老公唔食..一個人又食唔哂…唯有下次先同朋友黎試。所以同老公分別叫左兩份Set Dinner 跟餐嘅忌廉龍蝦湯平時出面跟餐好多都偏淡,但呢個飲到濃濃既龍蝦味…呢一刻如果有埋酥皮就正喇雙層檸檬烤雞拼香辣脆炸雞芝士漢堡 $78一烤一炸兩塊雞加埋感覺好夾..有烤雞既香同時食到炸雞既香脆..美國安格斯草原自然牛西冷配燒汁 $168西冷叫咗medium ,生熟度拿捏得幾好。牛扒肉味濃,食落唔韌..就算唔使點汁都惹味.薯蓉好香牛油味,夠滑另外可以再加配小食..加多咗一份薯菜同埋炸香草雞翼兩個人食到飽上心口,埋單 $310估唔到馬鞍山有間咁有情調又抵食既西餐廳..下次週年紀念可以黎呢度

朋友老遠過嚟探我, 巧感動🥰 晚飯時間佢話想搵度舒適d嘅地方坐低傾下計, 又prefer食西餐, 所以我就帶咗佢嚟呢間～ 我自己都回訪過幾次, 鍾意呢度卡位夠闊落, 坐得舒服啲, 餐廳衛生又唔錯～ 主餐牌每款主菜加HK$33就可以有埋餐湯沙律同飲品～ 當日餐湯我哋揀咗龍蝦湯 (如果有埋餐包就更加好啦🤭)～ 唔揀沙律嘅話可以選擇炸蠔～🍴雙層安格斯牛肉芝士漢堡配薯條 牛肉幾juicy, 唔會過熟～ 麵包toast到幾脆, 配埋扭紋薯條都幾飽肚～🍴意大利香草墨魚仔蒜香墨汁意粉份量十足好大碟, 係普通意粉然後加上大量墨汁煮嘅, 都幾香蒜味, 不過如果可以調味重手啲啲會更加好～

經過這間餐廳多次但一直未有試過這間餐廳今晚跟老公決定試試餐廳的裝修偏古倫風座位也很闊落餐包很軟熟，甜甜的帶有啖啖麥香味忌廉龍蝦湯不錯，配餐包的味道很配搭🍽 烤西班牙伊比利亞法式黑毛豬扒配檸檬胡椒蘋果蓉黑毛豬扒烤得外脆內嫩！厚厚的豬扒切開時很juicy，肉質很嫩滑，不會覺得太乾。蘋果蓉酸酸甜甜的很開胃，吃豬扒時配上它一點都不覺膩，整體都很滿意！🍽 脆炸軟殼蟹香蒜魷魚圈意大利飯一上碟已看到大大隻的軟殼蟹！份量十足~~意大利飯的份量也很多。每一啖都有滿滿的墨魚汁跟拉絲芝士，性價比很高🍫 凍朱古力大大杯很有驚喜，濃郁的朱古力味而且不會太甜，加上杯面的cream，很邪惡！但不能抗拒，喝完很滿足！🍰 檸檬撻 Set dinner 更有甜品附送呢💓是日甜品是檸檬撻酸酸甜甜作甜品不會太膩批底是牛油脆皮，令蛋糕的層次更豐富