WM Café & Bar (啟岸)

营业中

休息中

有次搭巴士經過見到商場裝修得好靚好日式feel，今次就特登同男友過黎睇下有咩食，發現一樓有間西餐好似幾好，門口甜品櫃既巴斯克蛋糕好吸引🤩一於入去試下🤭安格斯牛肉芝士漢堡配薯條🍔🍟上到枱見到好大個漢堡😂入面又多芝士而且牛肉有兩層🤩一啲都唔孤寒👍🏻咬落去仲有肉汁標出黎🤤🤤薯條亦炸得好香脆唔會油淋淋👍🏻上到枱熱辣辣🤤🤤美國安格斯封門柳伴燒汁🐃封門柳呢個部位賣點係肉味濃郁有咬口，但缺點就係相當多筋😳不過見到餐廳處理方法係已經切開一舊舊，一黎方便控制生熟程度，二黎可以避開筋位，做法相當聰明而且都好方便食客👍🏻果然係牛味香濃有質感，仲完全食唔到筋😋封門柳下面仲有薯蓉墊底，索左啲牛肉味又配埋燒汁非常之正🤤🤤巴斯克芝士蛋糕🍰芝士味香濃，蛋糕食落有質感😋我都忍唔住差唔多食曬成個，淨係分左啖俾男友🤭🤭餐廳員工都非常貼心🫶🏻見出面落雨有啲凍，會主動詢問客人需唔需要暖水，收碟亦好及時，值得一讚👍🏻👍🏻🤩 推薦指數：9 / 10📍 餐廳資料：WM Café & Bar (啟岸) (土瓜灣)土瓜灣馬頭圍道63號啟岸1樓13號舖☆.。.:*・°☆.。.:*・°☆.。.:*・°☆.。.:*喜歡我的食評請Like &

呢間餐廳環境好靚，同浪漫，仲可以見到街外景色同埋有一個好大既投影播放左好似馬爾代夫甘既海島景色，好岩傾計同慶祝，仲有柔和既音樂，呢度除左食物外仲有多款cocktail酒類供應，我地叫左一份安格斯牛肉漢堡包，牛肉有兩層甘多，仲有龍蝦湯同沙律，沙律入面有柚子肉同橙肉，食落都幾fresh仲有叫左個七成熟既封門柳平時食既好韌，好多血水呢度既廚師煮到岩岩好切片仲要唔會好韌好軟熟同好濃郁既肉味，薯蓉都係用左薯仔整蓉既唔會好油膩。

今日又去土瓜灣探朋友，嚟到呢間環境舒適性價比又高嘅餐廳。我哋2個人都有得坐窗邊4人卡位，闊落之餘望住街景咁食增添咗一份浪漫💕▫️柚子海鹽蜜糖法式豬鞍扒 ($158)豬扒雖然又厚又大塊，但食落仍然嫩滑夠曬腍柚子蜜糖醬好香濃，酸酸甜甜咁好清新。▫️香烤澳洲草飼羊扒伴燒汁 ($178)羊扒有2件，煎得香得嚟又唔會氈，唔鍾意羊氈味嘅朋友都食到！脂肪唔多完全冇油膩感. 沾上特製燒汁更好味▫️黑松露薯條 (加配價$28)薯條好大份，係我最愛嘅厚切薯條🤩面頭嘅黑松露份量都好多，食到最後都仲有！跟餐仲會配湯、沙律同飲品，湯竟然係龍蝦湯🤩以套餐仲要唔洗加錢嚟講真係好少見‼️飲品除咗熱咖啡同茶仲可以揀百香果紅茶，清新減滯呢個價錢坐得舒服又可以同朋友慢慢食慢慢傾，荃灣同馬鞍山都有分店架，大家可以一試🤓

WM Café & Bar (啟岸) 地址: 土瓜灣馬頭圍道63號啟岸1樓13號舖=====================土瓜灣是我很小來的區，因地理上交通以bus van為主，住宅區沒大壓商場，但有了mtr 就改寫了，多了私人屋苑，都值得都行下。龍蝦湯暖身，仲有沙律。$158 香烤三文魚配香草柚子醬，健康食三文魚扒啦，香草柚子醬幾特別，有柚子芳香。$148 安格斯牛肉芝士漢堡配薯條，肥啲啲burger , 有肉汁的，薯條也是炸起熱郭辣。加炸雞翼$28 有5隻menu 選擇多，又平又抵食。

餐廳落地大玻璃透光感極高, 簡約風的裝修, 光猛寬敞, 侍應有禮貌，重點性價比極高，值得推介.Dinner set $138.0起 (套餐配是日餐湯及精選沙律)-扇貝明太子意大利麵 $138.0 扇貝粒粒圓大飽滿，肉質柔軟，鮮味濃郁,, 意大利麵軟硬適中, 又有咬口, 用上明太子及配上不同芝士, 忌廉, 奶油,好creamy 及咸香, 意粉吸收曬所有材料嘅精華，真係食到停唔到口-柚子海鹽蜜糖法式豬鞍扒 $158.0豬鞍扒肉嫩又多汁, 肥瘦均勻, 肉味豐富，肉汁帶甜，口感柔嫩, 配埋柚子海鹽蜜糖, 既清新又酸酸甜甜的, 有解膩作用,簡直色香味俱全, 層次分明, 值得推介套餐配咖啡/熱茶/凍百香果紅茶仲可以加配小食, 真超值-黑松露薯條 + $28.0美味的炸薯條配搭上香味濃郁的黑松露，好食到不得了, 簡直令人無法停下來。-意式炸雞亦( 5件) +$28.0皮脆肉嫩, 香脆惹味, 仲要5隻咁多

試咗土瓜灣半新樓啟岸樓下一間田園文青風cafe，性價比唔錯，百零二百蚊就有一個套餐仲係晚餐喎，裝修幾靚，紅磚牆配上大玻璃打造出濃厚英倫風，樓底高坐得舒適唔會嘈吵，約人啱晒絕對唔失禮.套餐除咗主食仲包咗忌廉龍蝦湯同沙律. 龍蝦湯口感濃郁幼滑，沙律用上新鮮肉、橙同葡萄柚所以食落格外清新開胃. 套餐本身有基本餐飲，加$18就可以轉特飲，有啲凍特飲都幾啱打卡㗎. 想養生啲分別叫左檸檬薑同白之戀人. 後者其實係士多啤梨白朱古力奶唔會過甜飲落甜味剛剛好. 前者朋友話檸檬味幾重薑飲落暖胃. ⭐️黑松露薯條套餐追加$28就有一份薯條. 黑松露份量好多，薯條都好大份，薯香味十足. ⭐️香烤澳洲草飼羊扒伴燒汁全熟都煮得好腍，本身羊肉烤得香而不氈, 脂肪唔多完全冇油膩感. 沾上特製燒汁更好味. 伴碟薯菜味道鮮甜，薯蓉好嫩滑，增添豐富感. ⭐️柚子海鹽蜜糖法式豬鞍扒豬扒出奇嫩滑好驚喜. 酸酸甜甜醬汁入口更加輕盈冇負擔感. 除咗食物出色抵食，不得不讚店員手腳真係好快超勤力，樓面得兩個人，但女店員真係一腳踢超快手. 要俾個讚佢.

唔一定貴先食到好嘢😳餐廳樓底非常高 落地大玻璃 空間感十足仲播住外國嘅風景動畫 同抒情音樂 好適合慶祝/拍拖撐枱腳❤️性價比高 食物🥘好出色～人均$440@2Dinner set 好抵食包埋沙律及龍蝦湯 🥳+$20 仲有cocktail 🍸🇦🇺澳洲和牛牛面肉蒜片茄蓉辣闊蛋麵 $128有驚喜 大大推薦🙌牛面肉好滑身 細細粒好軟稔蛋麵有彈性 亦好掛汁辣度好岩我 令到成個麵更惹味‼️🥩柚子海鹽蜜糖法式豬鞍扒 $158性價比高‼️豬鞍超厚 調味有層次淡淡嘅柚子香味混入豬扒裏面仲有薯蓉及蔬菜伴碟～🍟黑松露薯條 +$28好難得咁平價錢食到咁高質嘅薯條粗薯條香脆 份量多之餘 黑松露嘅份量都唔少 真係食唔停口☺️🍤吉列炸蝦 +$28炸粉薄 食到原隻大蝦加埋沙律醬🆙🍮是日甜品 心太軟+$38細細件甜品過吓口癮🗻冰川雪山+$18以七喜做底 成個造型好吸引☺️好岩打卡 味道唔錯🍹百香果紅茶 淡淡地好清香～📍分店荃灣、馬鞍山、荃灣

我今日放工後，順道約同好友去位於土瓜灣馬頭圍道63號啟岸1樓13號舖的WM Cafe & Bar 食晚飯，環境舒適，坐得舒服。我點左個 美國安格斯封門柳伴燒汁$188，好友點左個 香烤澳洲草飼羊扒（2件）伴燒汁$178，套餐配是日餐湯（龍蝦湯）及精選沙律，餐飲係熱咖啡。美國安格斯封門柳煎得香口，牛味濃郁，好有咬囗又好味；澳洲草飼羊扒烤得皮脆肉嫩， 好味又唔騷；龍蝦湯熱辣辣，味濃好飲；沙律菜新鮮配有橙和西柚，好清新；熱咖啡香濃。

WM Café & Bar (啟岸) (土瓜灣)📍土瓜灣馬頭圍道63號啟岸1樓13號舖今日慶祝做到大生意。在土瓜灣搵美食。WM Café & Bar 就在企岸商場1樓。這裏地方寬敞，樓底又高，很是舒服。我們叫了以下食物:🌟 **忌廉龍蝦湯** 🦞🍲 - 龍蝦味非常濃郁，仿佛置身於海洋之中，每一口都充滿了海鮮的鮮味。🌟 **牛油果檸檬烤雞野菜沙律** 🥑🍋🥗 - 牛油果新鮮、沙律菜索索聲，烤雞肉質嫩滑，檸檬汁的酸味恰到好處，清新可口。🌟 **紐西蘭肉眼扒 配薯蓉、薯條** 🥩🍟🥔 - 肉眼扒煮得剛剛好，外焦里嫩，搭配的薯蓉和薯條也非常美味，簡直是完美的組合。🌟 **吉列炸蠔** 🦪🍤 - 外脆裡面非常Juicy，每一口都能感受到炸蠔的鮮甜和酥脆的外皮，令人一試難忘。🌟 **自家製切餅** 🍰🧀 - 芝士切餅芝士非常濃郁，硬度非常適中，口感絕佳，I like ❤️🌟 **熱 cappuccino** ☕️ - 咖啡香氣撲鼻，口感醇厚，奶泡細膩，令人心情愉悅。🌟 **芝士奶蓋牛油果沙冰** 🧋🥑🧀 - 芝士奶蓋濃郁香滑，牛油果沙冰清新爽口，兩者結合出奇地好喝！無論是味道還是質感都達到了高的水平，

作為地區嘅西餐，由街坊生意到分店連鎖，除咗價錢同味道之外，用心製作亦係WM Café & Bar嘅賣點。今次嚟到位於土瓜灣嘅分店，餐廳以唔少綠色植物作點綴，為食客帶嚟清新感覺，流露出的心意都給察覺到啦！忌廉龍蝦湯、沙律前菜揀咗忌廉龍蝦湯同沙律：龍蝦湯上枱已經飄來陣陣龍蝦香味，湯底濃郁、至於沙律以葡萄柚，橙同車厘茄為主打，都係一啲開胃嘅水果，清新新鮮。意式炸雞翼雞翼炸得香脆，更能鎖住雞肉嘅肉汁。淡淡鮮甜嘅蜜糖香味，令人忍唔住食一隻接一隻。扇貝明太子意大利面扇貝煎得啱啱好，一啲都唔老，非常彈牙。至於意粉掛滿香濃嘅明太子汁，非常creamy。柚子海鹽蜜糖法式豬鞍扒厚切嘅豬鞍扒，意想不到咁軟腍，一啲都唔乾。豬鞍完全無羶味，加上酸酸甜甜嘅柚子蜜糖醬，更可減低油膩感。百香果冰紅茶、薄荷青檸梳打夏天就梗係要配特飲，其中薄荷青檸梳打有啲似Virgin Mojito，非常清新解喝，加上薄荷嘅點綴，真係透心涼。

今日第一次來食lunch，叫咗兩個餐，食物質數非常一般普通，與收費有點出入。好多cafe呢個價錢食物都好有質素。1️⃣“明太子三文魚野菌忌廉意大利蛋麵”正常，口感都不錯，忌廉汁夠濃郁。2️⃣ “牛油果烤牛肉芝士墨西哥餅”睇個名好吸引，點知伏到一個點.…首先個餐外觀擺盤非常hea，碟上只有4小超薄片的墨西哥餅，下面全是薯條，變相個薯條成為主菜(薯條比例多好多）manu更主打牛油果，但原來是牛油果醬配小小牛肉，小小芝士。個餅皮非常一般，且餡料出奇地少，入口後毫無想食下一塊的衝動 😭 最得別嘅係…個墨西哥餅同薯條係偏凍嘅，但都要成10幾分鐘先出到餐，再加上0味道的薯條（無任何鹽或調味），完全失敗。呢個餐要收取$98再+1，相當不合理。建議餐廳註明係呢個餐只係牛油果醬。

琴日放假行完牛棚，見呢度Dinner Set 唔算貴就試下～整體嚟講不過不失，啲位又好好坐，啱同朋友仔放咗工嚟吹水～🙌三文魚套餐$158 vs 肉眼扒$258 魚同牛肉應該都係外地運嚟，好睇廚師調味同掌握火候功力，可能想強調肉味，廚師調味唔算好重，魚皮煎得香脆，安格斯肉眼扒香口又唔會太老～PS 本身都包餐湯（係龍蝦湯呀CLS⭐️)、鮮果沙律、嘢飲，我哋加少少錢轉凍朱古力同凍檸茶～📍WM Cafe and Bar土瓜灣/何文田地鐵站行5分鐘左右#土瓜灣#土瓜灣cafe

今日咁岩返嚟poly，發現喱到都同學生時期唔同哂，多咗幾幢新樓，新樓商場都開咗好多唔同餐廳。搵間坐得舒服啲又唔會俾人趕走嘅Cafe，因為要慢慢聚吓傾吓偈，其實一開始見到佢全日happy hour生啤吸引到上嚟。不過都係食個正餐埋嘢飲好似抵啲。今日想食羊，所以叫咗個澳洲草飼羊扒，額外可以加$20轉特飲，揀咗杯好靚嘅宇宙落神。羊扒叫咗五成熟，味道都好唔錯👍同埋佢額外配埋沙律同餐湯其實都真係幾唔錯。另外叫咗個健康牛油果餐，牛油果巴馬火腿薄餅🍕同埋加$24有杯牛油果沙冰，如果鍾意牛油果嘅你一定會好鍾意呢度，因為呢度真係有成個Menu都係牛油果主題。Pizza嘅牛油果醬都幾多，所以口味都好豐富，再加埋杯牛油果沙冰其實都真係幾飽，飽飽肚真係證明好足料。其實環境真係好舒服，都坐得好舒適，有時候想同朋友慢慢坐下傾吓偈都好推薦呢一個餐廳。

今日中午去土瓜灣辦事，順便食埋午飯，由於唔熟呢區，上OpenRice搵吓有咩地方啱食，見到WM Cafe & Bar評語都唔錯，決定試吓😄餐廳樓底好高，設計簡約，感覺好舒服，仲有窗邊卡位坐添🥰午餐A（香煎安格斯西冷配紅酒燒汁，薯條），搭配新鮮爽脆沙律菜和粗薯條，牛扒厚切而且煎到金黃，牛味濃郁👍吉列炸蠔，炸到酥香可口，勁滋味😋多士甜品伴雪糕，賣相吸引，多士脆卜卜，一啖一粒，配上雪糕及其他配料，打卡一流👍

土瓜灣搵食，喺啟岸呢間西餐廳係環境舒適。晚市抵食有套餐，套餐包括一碗是日餐湯同一份精選沙律，仲有餐飲。扇貝明太子意大利麵$138🍝一共有三粒帶子味道鮮美，意份有明太子醬辣辣地，幾好味。另一道主菜揀咗柚子海鹽蜜糖法式豬鞍扒$158。豬鞍扒用柚子、海鹽同蜜糖調味，味道好獨特。我哋仲加配黑松露薯條🍟，只需$28。薯條香脆，而且有好多黑松露。最後，如果你食完飯仲有啲甜食嘅慾望，可以加配一份甜品心太軟$38。心太軟唔會太大件，啱晒飯後食少少都唔會覺得有罪疚感😜