Wanna Waffle (已結業)

朱古力情人🍫($30)一睇menu，超多選擇喎揀到頭都大，最後叫左基本既味道。窩夫即叫即整👍🏻，唔算太大塊，配埋一大球朱古力雪糕、朱古力醬、oreo碎，甜度十足，味道亦唔錯。但窩夫略嫌唔夠硬身😫，比利時窩夫應該係帶少少煙韌既先岩，不過店家似乎整得太軟，食落變到好似食麵包咁。

出示學生證可以有優惠，由$22減至$20！店舖唔大，只得一張枱供客人食，不過有膠盤，拎住食都方便🙂Waffle即叫即整，所以夠熱😋外脆內軟！而家買仼何窩夫都免費加#榛子醬 😍令到成個窩夫生色不少呀👍忌廉小甜，又夠滑溜，入口即溶😉會再回購喔

女仔食甜品果然有第二個胃 上個星期六同朋友去開得寶食完dinner，咁岩見到間有綠茶雪糕嘅waffle鋪 身為綠茶控嘅我即刻拉埋朋友入去食個綠茶雪糕waffle 果然無令我失望 綠茶味夠濃 個waffle 外脆內軟 好好味 我個frd 就叫左個熱帶芒果waffle 佢話都唔錯 唔會太甜見見佢個menu仲有好多其他口味 下次一定要去再試

Weekend同fd行九龍灣見到有間waffle甜品鋪，見個menu好多choices好吸引，就算啱先食飽飯都入左去試。中意cream嘅我地諗都唔諗就叫左個banana whipped黎share，叫左一陣就到，又快又新鮮！個waffle好鬆cream同香蕉又夠多，但又唔會太膩，真係又平又好食，見個menu仲有choco lover，下次一定要試！

同男朋友好肚餓唔知食乜好，就求其入左間waffle店諗住打發下時間叫左呢個chocolate waffle食，外脆內軟，朱古力濃得尼唔漏，甜味恰到好處老闆員工都好有禮貌，下次一定再嚟幫襯！

前日同幾個friend 一齊行街，經過間鋪頭果時聞到勁大浸香味 即刻停低睇下有乜好食餐牌認真幾多野揀 我自己就揀左15號 係側邊一路睇師傅係入面整 一路聞到d窩夫香味 搞到我勁心急想快d食turn out 出黎個賣相唔錯 熱辣辣 食落去仲好香軟,waffle黎講算一流 真正既色香味俱全 份量仲好足添 勁多香蕉放係面!一個waffle都十分飽肚! 如果唔係怕晚飯食唔落 真係想食多2個我個人就推薦15號 我個fd 話12 號都好唔錯下次會去試埋其他！

同事好人，放工車我去呢度，方便我轉車！剛好在德寶商場落車，就見到呢間窩夫店，黃色好搶眼，無座位，只可以在店外一張小圓枱立食！窩夫款式幾多，我在11號荷蘭朱古力同18號朱古力情人之間掙扎，店員解釋之間嘅分別！落單後，即叫即做，最後用個紙盤盛載比我！朱古力情人（$30）賣相靚，雪榚雖然唔滑，朱古力味夠濃，窩夫外脆內軟，外面有蜜糖漿，上面加朱古力碎！增加脆脆口感！正！店員有笑容，等待期間又會同我傾下偈！所以都唔覺耐！食完仲講聲bye-bye! 好親切！

多年一別的得寶花園不是區內人，而且不算大商舖、固此很少踏足但見有新發現當然要走去喵喵，《位置由大路往斜路上較由商場入更容易搵到》店子小小，堂食幸好有一張企枱方便客人放上食物吋金呎土下僅餘門面位置絕對是要珍惜善用．．．款式大至分為二十多款，窩夫為主角由無雪糕至有雪糕、由有雪糕到加上不同之配搭價錢略有偏差，但就絕對親民細小舖面內，眼看老闆一腳踢的開檔拉閘半掛可能是中午太早，第一位客人深信應該是我麵糰剛製，需要點時候、就讓我偷看一吓製作麵糰製成以後，會在側旁開著迷你風扇令其溫度降溫其實比利時窩夫，較我們一般坊間窩夫即《鬆餅》略為不同，每家每派有些麵糰糊身要用雪糕羮拔起、而有些較為固體狀有些似發酵中麵包樣可惜我走漏眼放入窩夫機過程終於到手超級草苺$30.窩夫面層烘得金黃很是漂亮咬在口中有點兒綿密，是傳統下應有之口感、配上草苺雪糕球及草苺糖粒加上甜美草苺糖漿，當然是味美相襯雪糕球方面以這個價錢不要奢求會是《H字頭》或是《D字頭》的啖啖果肉但對於這個淘大、得寶甚至得福一帶都算是一個Waffle迷福氣原因照我所知，最近亦要至Megabox先才可品嚐到鬆餅如果要我挑剔可算是雪糕球可雪得挺實一點更好新鮮

行過見到好多人排隊，就算岩岩食完 dinner 都忍唔住要試下！開頭點咗 tropical Mango 同 super strawberry，一攞上手熱辣辣，最鍾意個waffle!! 配埋 strawberry ice cream，真係好好食！ 最後忍唔住嗌多左個 Strawberry whipped

这次来香港，因为去九龙湾找朋友，经过此店，看到门口写着比利时窝夫，我心想看看跟我以前吃的窝夫有什么区别，所以就买了一个来吃，先说一下店铺，装修还是很精美的，很抢眼球，然后卫生环生相当好，店里的员工都是带着手套做食材的，我当初以为他们时一早做好，我点完单之后，原来是即叫即做的，所以这个确实不错，甜度适中，跟我以前吃的窝夫确实有点不一样，我就是那种说不出来的感觉，然后问一下店长，当初跟店长聊天的时候，总感觉他有点怪怪的，因为他的中文咬字有点不正，再聊的时候问下去，原来他的英国长大的，所以他的母语是英文，哈哈。然后他们的窝夫有很多种口味可以选择，我这次尝试的是草莓伴雪糕窝夫，味道真的超赞，我下次来香港的时候，肯定会再去吃的，谢谢有一个美女店员给了我一张积分卡，说我储满积分可以免费换取多一个窝夫

今天在九龍灣食完飯，行過得寶，見到有間新開既小店，睇落個樣都唔錯，就試一試，竟然食到超好味窩夫！！！我揀左個荷蘭朱古力窩夫，雪糕的朱古力尚算香濃，重點是個窩夫--即叫即整，第一啖咬落去已經覺得好唔同！平時果啲感覺似雞蛋仔既味道同質地，但呢個口感外脆內軟，仲有好香既牛油同蜜糖味，又不會太甜和太膩，加埋啲香脆花生碎，層次更加豐富！一個字『正！』

今日同媽咪去開九龍灣食飯，之後經過見到呢間野見價錢唔貴，就即管一試由於樣樣都想試，所以直接叫老世推介媽咪試咗「七彩繽紛」；我試咗「怪獸嘉年華」佢個窩夫都幾鬆軟，唔似出面嗰啲咁硬個雪糕我覺得 ok，唔太甜我覺得我食嗰個「怪獸嘉年華」吸引啲因為口感同味道豐富啲夏天熱辣辣食吓雪糕都係唔錯嘅選擇最衰我好少去開九龍灣 唔係應該都會成日幫襯