Wake Up (已結業)

湯品：樸實開場，暖胃之選主菜對決：海鮮愛好者的天堂 咁啱我同朋友都鍾意食魚原條香草鹽燒鮮魚 整條魚以粗鹽包裹烤製，上桌時由服務生現場敲開鹽殼，儀式感十足。魚皮金黃微焦，肉質雪白飽滿 鱸魚肉質細嫩多汁，鹽燒鎖住鮮甜 適合追求原汁原味食客鹽煎比目魚伴大蝦香草忌廉汁配薯菜魚油香氣濃郁；虎蝦夠晒大 彈牙口感佐以濃稠香草忌廉汁水牛雞翼（4隻） 美式經典重現 雞翼裹上濃郁辣醬，酸辣勁道直衝味蕾，表層酥脆內裡肉汁豐盈整體體驗：4.5/5星推薦**回頭指數**：⭐️⭐️⭐️⭐️（海鮮控魚控必訪）

今次去咗鑽石山荷里活廣場既「Wake up✨」😋 餐廳環境好舒服，價錢又唔貴，性價比十分高💰💯 佢哋既晚市套餐，包埋餐湯、主菜同飲品，🍲🍹 主菜選擇多，唔錯「秘制香草即烤無激素春雞伴鮮茄意粉🍗🍝 」燒春雞外皮烤到金黃香脆，肉質嫩滑多汁，好入味🍃 配埋鮮茄意粉，酸酸甜甜好開胃，意粉煮得軟硬適中。👌「香煎大蝦伴龍蝦汁燴飯🦐🍚 」大蝦好新鮮，蝦肉彈牙，龍蝦汁濃郁得嚟又唔會太膩，燴飯吸收晒啲汁，唔錯🤤「日本黑毛豬鞍架伴蘋果醬配薯菜🍟 」黑毛豬鞍架煎得剛剛好，肉質軟嫩😋 蘋果醬既甜酸味同豬肉好夾，食落好清新，配埋薯菜，口感豐富👍值得再encore既餐廳💖 🍴

突然想食返細個果陣啲鐵板扒餐住係鑽石山既朋友諗左一陣推介左呢間餐廳比我 🤔佢話之前成日係呢度買外賣 🥡佢最鍾意食呢度既燒羊架（外賣燒羊架？？真咩？？） 等我睇下係咪真係掂先 🧐我地叫左一個dinner set一個鐵板set兩個set都包餐湯 🥣餐湯係周打海鮮湯男朋友加錢叫左杯提子梳打 🍇而我就簡簡單單叫左杯水果茶（+$0）我試飲左下杯提子梳打，好香甜 😋同埋我覺得大杯過我既水果茶水果茶就係citrus味道，唔會太甜，配大魚大肉都幾清新餐湯連埋餐包 🍞少少特別係個餐包係配藍莓果醬 😂第一次見值得一讚係個餐包送黎既時候仲係熱架！我叫既鐵板羊架餐 🐑份量唔少 😄 羊架三件、一堆薯條同埋底下有啲配菜羊架完全唔騷，大啖肉！我見薯條+$8有得任食，我加左 😂結果成檯都係薯條 🍟nomnomnommm 啲薯條炸得好脆男朋友叫既係魚同埋大蝦拼薯菜（係，結果又係薯條 😂）呢個角度可能影唔到，塊魚有半隻手掌咁大架！最後一定唔少得係甜品作結 🍦焦糖香蕉waffle配雲尼拿雪糕呢個係有啲驚喜因為我記得佢係做緊特價$4x（？）我無諗過呢個價錢既waffle係咁正式 😂有齊所有硬件唔在講，佢係啲花巧裝飾都肯俾心機

呢間餐廳環境幾好，適合同朋友聚餐，食物質素高，味道都好正。首先講下美國安格斯肉眼扒（10oz），揀咗5成熟 , 真係超級好味！肉質鮮嫩，煎得剛好，表面啲焦香味好吸引。搭配牛肝菌汁，味道更加豐富，真係一流。肉本身本身比較淡，加返少少鹽&黑椒提味咗超多，好食好多。跟餐配意粉方面，唔會太軟，係正常西餐番茄意粉，食落去非常搭配。而且，呢度有個特別推介，就係$8追加任食薯條（鐵板餐），呢啲薯條真係好好食！外脆內軟，每一口都好滿足，食咗幾轉都唔夠，真係好想再叫多一份！飲品方面，我選擇咗WAKE UP Coffee，+$15。呢杯精品咖啡真係好飲，味道香濃。再講講chill微辣水牛雞翼（5隻），呢個小食真係唔可以錯過！雞翼外皮香脆，微辣得來又唔會太過，配上特製醬汁，食落去非常開胃。最後係香蒜雪花蟹肉手工意粉，呢道菜味道非常好！蟹肉新鮮，香蒜味十足，平時要分2道菜先食到香蒜意粉&蟹肉意粉，呢道1次滿足2個願望，意粉似手工意粉，同平時唔同，口感好好，Q彈，煮得啱啱好，整體味道平衡得好好，一定要試下。

今個禮拜好忙呀！星期五當然要慰勞下自己！今日揀左黎鑽石山搵吃，依間西餐廳個feel 幾好。 晚餐一個set100蚊左右，叫左個帶子鮮蝦蛋黃忌廉汁手工意粉。依隻手工意粉比平時個啲粗啲彈牙啲。隻醬有啲似上湯伊麵，多左陣奶香味。最欣賞係帶子同埋蝦肉，吃落係好新鮮，甜甜的好好味。 朋友就叫左鐵板雜扒餐，有豬扒、雞、羊架、 香腸、火腿。真係肉食獸既天堂，肉既份量真係多到爆。個人覺得雞扒最正，肉質幾嫩，食既時候仲有汁水，唔錯。依加加8蚊仲可以任食薯條，係脆既大條薯條，好正，我食左3轉。 跟餐仲可以優惠價配小食同埋甜品。水牛雞翼甜辣適中，好惹味。個人好中意佢既甜品，焦糖香蕉朱古力窩夫伴雪糕。香蕉用焦糖煎過，又香又脆，加埋窩夫雪糕真係大滿足。

最近同朋友去咗Wake Up餐廳食午餐，呢次體驗真係好難忘。餐廳喺鑽石山荷里活廣場，環境整潔典雅，靜靜地，好舒適，陽光曬落嚟好舒服，非常適合同朋友聚會。入到餐廳，座位間距適中，坐得好鬆動舒適，非常適合悠閒地食午餐/tea。整個環境都好整潔，典雅嘅裝潢令人覺得好高雅。我哋點咗幾道菜，包括香蒜蝦橄欖油炒扁意粉、燒澳洲肉眼扒配燒汁薯菜，同埋金沙薯條。另外，餐包同南瓜忌廉湯係跟餐送嘅，好貼心。餐包配上餐廳提供嘅牛油，香氣四溢，入口即化，好好食。- **餐包**：烘熱嘅餐包加上餐廳提供嘅牛油，好香好味。- **南瓜忌廉湯**：呢碗湯嘅口感好細膩，南瓜嘅味道同忌廉完美融合，飲落去好舒服。- **香蒜蝦橄欖油炒扁意粉**：呢道意粉嘅口感好特別，煙煙韌韌，蝦唔細隻，有蝦味，同蒜一齊炒，味道好豐富。雖然份量唔算太多，但係佢個意粉調味調得非常之恰當好處。- **燒澳洲肉眼扒配燒汁薯菜**：肉眼扒嘅質地好嫩，七成熟嘅火候控制得好好，帶有濃郁嘅牛味，燒汁嘅味道都好濃郁，配上薯菜，整體嘅搭配好合理。不得不提嘅係佢個汁落去啱啱好。- **金沙薯條**：呢個金沙薯條其實係用咸蛋黃製成嘅，入口鹹香惹味，香氣飽滿撲鼻，

星期日，約咗好姐妹行商場！去到餐廳門口已經排哂隊！Ok, 無問題，唔肚餓，行陣商場差唔多啩！好半小時後可以入座！嗱嗱林即叫兩位午餐醫吓肚先😅午餐：香蒜鮮蝦橄欖油炒扁意粉Wake up all day breakfast 食物求求其其，賣相一般！熱檸水冰檸茶餐飲

同老公去鑽石山探朋友，之後去荷里活廣場行下，晚餐時間去咗WAKE UP食晚餐，餐廳是一間西餐廳，裝潢清新時尚，燈光柔和，一排芒草佈置更為突出。日本黑毛豬鞍架伴蘋果醬配薯菜：黑毛豬鞍架肉質較鬆化，肉味也較濃，口感味道遠勝一般豬扒，加上味道甜甜酸酸又充滿香料香氣的蘋果醬，味道更有層次，薯條香脆可口。追加-新鮮法國生蠔兩隻：生蠔的味道層次豐富，入口不獨有海水鮮味，更能嚐到甜味。經典美式雜扒：材料豐富，除咗有豬扒、雞扒、香腸、火腿，更有羊架，好少餐廳嘅雜扒會有，羊架高質，肉質鮮嫩，配黑椒汁好惹味，配茄汁意粉，飽肚又美味！餐湯係南瓜湯，味道香甜，口感creamy。餐包煙靭有口感。咖啡夠香濃，口感順滑。檸檬茶色呈透徹琥珀色，茶味、檸檬香、 酸甜味兼備！

今日收工同朋友係鑽石山行街，見到有間餐廳個名好特別-「Wake Up」，一望下menu原來係食西餐，所以就同朋友決定試下😙我地order左👇鐵板燒日本黑毛豬鞍配牛肝菌拼蕃茄意粉 $188黑毛豬肥瘦均勻，肉質嫩滑，又唔會過熟，配埋酸酸甜甜嘅蕃茄意粉，幾好食🍅🍝推薦指數：8.5/10香煎羊架（3支骨）配牛肝菌汁黑松露燴飯$198羊架煎得岩岩好，重有小小脆邊添，厚得黎唔乾，切開仲好嫩🤩🤩，食落唔會好重羊騷味，唔點汁都覺得好食，燴飯好香黑松露味，配埋一齊真係好夾。❤️❤️推薦指數：9.5/10焦糖香蕉朱古力窩夫伴雪糕 追加價$48食到最尾一定要加返個甜品食😳見到佢有得追加窩夫就order左啦🤣🤣窩夫外脆內軟，焦糖香蕉又唔會好甜，配埋一齊好味道🩷推薦指數：9/10另外見到menu宜家做緊優惠，就加咗8蚊嘅薯條任食，因為我哋有2個人所以一加就要計2個人，估唔到份量超級多，薯條夠熱夠脆唔算太油，幾好食，感覺就算唔添都好抵食🍟優惠期去到3月9號咋～～大家快d去試下😳跟餐仲有麵包、湯同飲品，我哋就簡咗凍果茶，而湯方面係南瓜湯，但之後賣曬另外果個湯就轉咗黑松露忌廉湯，南瓜湯飲落好creamy好有南瓜味，忌廉湯

話說呢日中午，肚餓得嚟又有啲期待，因為同朋友約咗喺鑽石山荷里活廣場一間餐廳食 lunch。呢間餐廳位於地鐵站出口嘅荷里活廣場，位置真係方便到爆，一出站行幾步就到，無論係返工一族定係同朋友聚會都好啱。餐廳環境光猛企理，坐位寬敞，雖然係商場內，但氣氛唔會太嘈，坐低一刻即刻有種舒服嘅感覺。服務員態度親切，招呼周到，menu 選擇豐富到令人有啲眼花繚亂。最後我哋決定試咗兩個午餐套餐，再加個小食，結果真係令人滿意！我點咗嘅係「秘製烤無激素春雞（半隻）配蕃茄雜菜意粉」。一上枱，香氣撲鼻，春雞皮烤得金黃香脆，咬落去肉質嫩滑多汁，完全唔乾柴。用咗無激素雞，食落健康又放心。秘製醬汁味道濃郁但唔會過膩，帶點香草同微微甜味，完美襯托雞肉嘅鮮味。配菜嘅蕃茄雜菜意粉同樣出色，意粉煮得彈牙有嚼勁，蕃茄醬汁酸甜開胃，雜菜如紅椒、洋蔥同西蘭花新鮮爽脆，增添咗層次感。呢個組合真係令人滿足，吃完仲有啲回味無窮。朋友揀咗雙重芝士焗肉醬扁意粉。呢道菜嘅亮點在於其完美嘅芝士同肉醬比例。雙重芝士嘅使用令整道菜唔會過於膩口，反而增添咗層次感。芝士嘅份量啱啱好唔會太多，亦唔會太少每一啖都芝士濃肉嘅口感。意粉煮得恰到好處，口感爽口彈牙

8層和牛芝士漢堡 配三色薯條（吉列茄子、白菌、洋蔥、番茄、雙層牛、芝士）經典鐵板燒Pan-Seared Lamb Rack (3 bones)餐前的暖暖餐包也相當可口，外脆內軟，沾上黃油後更加美味。叫套餐配埋野飲同湯。餐前配上暖暖的餐包。漢堡的層次非常豐富，裡面有吉列茄子、白菌、洋蔥、番茄，雙層牛肉和芝士。而薯條的搭配更是增添了口感的變化，吉列茄子的酥脆、白菌的香氣和洋蔥的甜味相得益彰。至於香煎羊架，三支骨的份量剛好，肉質鮮嫩，外焦內嫩，搭配適度的調味，令人一試成主顧。套餐中還包括了蔬菜瓜類，套餐加了義大利麵。麵的硬度和味道剛剛好為整個餐點增添了不少風味！甜品方面，我們點了菠蘿雪葩，使用了半個菠蘿裝盛，外觀獨特，口感清新，正好為這頓豐盛的晚餐畫上完美的句號😄。同朋友share 食岩岩好！

朋友用$100成為餐廳會員，佢話有唔少會員優惠，包括升級咖啡，所以㨂咗嚟呢度食早餐。約1000入座，餐廳未爆，但食客都多。早餐的價格比茶記略高，但的確坐得舒服啲。水波蛋蘑菇鬆餅+火腿湯通粉：賣相一般，雖然整整齊齊，但冇乜擺盤，只係將幾樣食物放喺碟上，冇配菜；蘑菇炒得幾香口，估唔到係水波蛋得1隻，而英式鬆餅亦只有半份，粟米就1-2湯匙。呢個早餐好似$60，份量偏少。通粉有肉，所以我俾咗朋友食，如果唔係嚟之前食咗嘢打底，真係唔夠飽。整體食物味不過不失。由於朋友係會員，同檯客人點咖啡有得受惠，可升級為Wake up coffee（正常要+$10），不過我唔係好知分別係點，咖啡的味道還好，只嫌送嚟時已加咗奶，同茶記一樣，奶唔係另上，亦唔肯定係咪落鮮奶~~同行朋友點咗雞扒餐同魚柳餐，雞扒同魚柳唔算好大件，多士幾好，係厚多士，但只有半塊。早餐性價比一般，餐廳勝在位置優越，環境舒適，如果有時間坐低慢慢嘆，考慮到佢只係比茶記、大家樂貴~$20，都值得既，速食就唔需要揀呢度喇~

成日喺鑽石山行過都見到呢間餐廳，今日終於入咗去試。🙏🏼 以下我會跟餸菜嚟到嘅先後次序，分享些少我品嚐的心得：第一碟上菜係薯條，薯條即炸新鮮，食得出係真用薯仔做的🥔外脆內軟！南瓜湯好味，是南瓜打到很creamy 的味道，味道適中，忌廉不會太濃味，足料。第二碟到的是意粉，意粉第一啖比較乾，之後發現原來啲油喺底，撈完之後成碗意粉嘅味道提升咗，先味好多。每一碟上面都有趣波波嘅蒜片，後期發現每啖意粉都加一粒蒜先會最突顯嗰種先蟹肉味，建議大家咁樣食！😻🫶🏻之後就是想從頭戲，他們的招牌鐵板燒，我們叫了個多拼的，因為想試吓不同肉的味道。餐包有驚喜，食落去唔係硬過嗰啲，係軟身有麥味的，燒肉方面，整體來說燒肉都比較乾身，有肉味但是裏面的汁不是太多，不過CP值來說，一個套餐這個價錢有+$8薯條任食、餐飲及錢財還是可以的。最後加了$48上了個窩夫甜品，是即做的外表幾好水果也新鮮只是窩夫皮稍為厚了一些。以上係個人少少評價，少少食物的美中不足。整體來說，這個價錢吃到這樣的套餐+環境，也不錯，推介朋友及家人聚會的好餐廳。

行商場時被呢間芒草吸引了,好文青feel就去左食晚餐了。叫左碗龍蝦湯,濃濃既龍蝦味,仲有一絲絲龍蝦肉。沙律就叫左個西班牙火腿配蜜瓜,甜味既蜜瓜配鹹味既生火腿,呢個組合真係無得輸。好出色!主食就叫左北海道帶子龍蝦汁燴飯,飯吸收左飽滿既龍蝦汁,好開胃,而帶子有成3大隻,煮到外焦內嫩,裡面晶瑩剔透。甜品叫左個波羅sorbet,有椰子同波羅既清香甜味,個波羅仲係空運過黎既呢!飲品就叫左芒果熱情果yogurt,甜甜地但唔係死甜,好開胃呢!另外,店員有禮成日叫我慢用。

用openrice訂了位，準時抵達告知是openrice訂位，進食途中被問會否加單，因確定訂位要標明消費金額，這還是第一次訂位會遇到這笑話！後來在進食甜品時收到通知因缺席，訂位獎賞會取消……我消費6xx是假的？店舖可以把我的訂位獎賞給反而沒出席的人？為什麼不叫缺席的人幫我結帳？openrice和店舖是否要給我一個答案？