Waga Wagyu Burger (已結業)

近期外賣有咗新寵兒~位於佐敦德興街主打漢堡外賣，最特別嘅呢間嘅漢堡係用日本鹿兒島黑毛和牛製成！即叫即製，等幾分鐘就拎得，而且價錢好親民😋必食Wagyu beef burger! 漢堡中間夾住一個好厚嘅和牛，食落牛味好濃好香，和牛輕輕煎過底面嘅部份，保存內裏嘅鮮嫩，一咬好juicy~外層嘅漢堡包上仲有黑白芝麻，鬆軟嘅麵包再配埋獨家waga醬，成個漢堡口感同味道都好豐富！另一個就揀咗shrimp burger，成個漢堡由炸蝦餅、蔬菜、獨家醬料製成，個蝦餅炸到香脆但不油膩，外脆內裏蝦肉彈牙，醬料甜甜地好match個蝦餅~另加配2 隻炸雞翼，最鐘意係單骨雞翼食落好方便，香脆而juicy~唔加調味都得！Waga Wagyu Burger🐻佐敦德興街1號地下B4號舖

小店的漢堡即叫即做，大概只等了5分鐘，方便快捷‼️🙌🏻▫️❥$𝟲𝟴 蝦皇堡🍤新鮮的生菜墊底，中間是厚厚一塊的炸蝦扒，再塗上小店的秘製海鮮醬‼️一整個份量十足‼️😉▫️❥$𝟱𝟴 雞肉漢堡🍔生菜、蕃茄、免治雞肉扒堆疊著，最後擠上蛋黃醬‼️小店的麵包鬆軟，喜歡它那佈滿密密麻麻的黑白芝麻‼️😉▫️❥$𝟭𝟮 薯條🍟剛剛炸好又香又脆‼️😉▫️❥$𝟭𝟲 泰式咖啡☕️很特別的味道，大大杯夠冰爽‼️

Lunch食外賣都唔一定係食頹飯😙最近發現佐敦有間外賣漢堡店，雖然門面細細，冇得堂食，但外賣都好高質😋漢堡拎到返去一樣咁好味，而且仲有多款小食選擇，已經加入我嘅高質takeaway list🥰🥰𝐁𝐮𝐛𝐮推介🔥👍 雞肉漢堡 𝘾𝙝𝙞𝙘𝙠𝙚𝙣 𝘽𝙪𝙧𝙜𝙚𝙧 (追加煎日本蘭王蛋）勁厚嘅漢堡包，足足有我一隻手掌咁高✋ 配料當然超豐富🤩 除咗厚肉有咬口嘅手打雞肉漢堡扒外，仲有蕃茄、生菜，再淋下蛋黃醬，未食都覺得好香🥳👍 豬柳日本蘭王蛋漢堡 𝙎𝙖𝙪𝙨𝙖𝙜𝙚 & 𝙀𝙜𝙜 𝘽𝙪𝙧𝙜𝙚𝙧大家都熟悉嘅豬柳強嘅高階版🆙 煎蛋用上蘭王蛋，蛋香滿溢，加上肉味頗濃嘅豬柳，再配上茄醬同蛋黃醬🥰 包面佈滿芝麻，烘得啱啱好，充滿牛油香，成個配搭層次感滿分💯👍 松露薯條 𝙏𝙧𝙪𝙛𝙛𝙡𝙚 𝙁𝙧𝙚𝙣𝙘𝙝 𝙁𝙧𝙞𝙚𝙨食漢堡包點可以唔食薯條🍟 今次都揀咗黑松露薯條，買完拎返去已經係咁聞到松露味😍 拎出黎見到每一條薯條都滿佈黑松露粉，難怪咁香，一條又一條停唔到口🫶📍Waga Wagyu Burger 佐敦德興街1號地下B4號舖

🍔Waga Wagyu Burger ⋆⸜𖤣𖥧𖥣｡𖥧𖤣𖥧𖥣佐敦開咗一間新開嘅burger外賣小店❣️主打各類唔同嘅漢堡、沙律、小食🥳即叫即整 食材新鮮 唔洗等好耐就攞得 好方便😍🐮和牛牛肉漢堡💲6️⃣8️⃣呢個漢堡係特意用咗鹿兒島黑毛和牛🐮入口肉質軟腍 而且好多汁 非常之juicy✨仲有牛肉味道亦都十分之濃郁😳漢堡包仲夾咗芝士更加邪惡🧀配菜有洋蔥、蕃茄、青瓜同生菜🥬加咗配菜令到感覺更加清新 減低油膩感👍🏻🐥雞肉漢堡💲5️⃣8️⃣雞肉係佢哋自家製嘅雞肉漢堡扒🐥同和牛牛肉漢堡一樣份量十足 好大個！雞肉入口唔會好乾同鞋 厚切仍然可以保持肉汁✨配上蛋黃醬、生菜、蕃茄🍅同樣好食😋呢個就比起和牛漢堡更加輕盈🤩冇咁有負擔感🫣全部漢堡即叫即製 麵包輕輕都有烘過🙋🏻‍♀️麵包表層有啲香脆 再加有黑白芝麻🖤整體口感會更加豐富🥳脆炸泰國無激素單骨雞翼💲1️⃣2️⃣雞翼係連漢堡包加配😆即叫即炸！炸粉唔厚～就算返到屋企過咗一段時間先食🫠都仍然可以keep住香脆嘅口感🤩

🐽呢間burger店只做外賣，重點係CP值幾高😎。👅和牛牛肉漢堡（$68）個burger疊到好高呀🤩牛肉用左鹿兒島黑毛和牛，好有誠意😆牛肉有肉汁，唔會好韌但肉味唔重🧐祕製waga醬帶酸甜味，但略厭醬汁唔夠多！煎日本蘭王蛋（+$10）係必加😝一咬啲橙黃色蛋汁流出黎幾香同埋食起黎無咁dry! 仲有夾左生菜、洋蔥同番茄係入面🍔。👅蝦皇堡（$68）我同男朋友一致覺得蝦堡比牛堡更加好食更有驚喜😛炸蝦餅好厚身，就算係外賣都食到外皮既香脆口感👍🏻入面有唔少蝦肉好足料，幾有鮮甜味😋同個祕製海鮮醬一齊食好夾！

同同事出去做完野經過佐敦德興街 呢邊真係多左好多小店見到呢間burger 比d價錢吸引到我😵鹿兒島黑毛和牛burger都只係$68一於要買返公司食~而且佢有樣野係幾好 因為同事係素食者呢度有素食burger咁就唔洗怕同事冇野岩食🙌🏻.🐮鹿兒島黑毛和牛牛肉漢堡 $68包面係有黑白芝麻 十分香口黑毛和牛牛肉好juicy 芝士同牛肉溶合左牛味香濃 而且勁厚身生菜係有幾塊疊埋一齊青瓜蕃茄同半生洋蔥 全部都好新鮮食落索索聲🍗跟餐炸雞塊 $12幾喜歡佢個黑黑地既醬 係秘製醬汁黎酸酸地都幾開胃.🥬素食漢堡 $58包面係有黑白芝麻 十分香口有塊素豬柳 望落係同一般漢堡冇咩分別一樣咁多生菜青瓜蕃茄同半生洋蔥🍟跟餐薯條 $12粗身薯條 有口感的 份量都算多.📍Waga Wagyu Burger📌佐敦德興街1號地下B4號舖

經過佐敦附近發現有間漢堡店，又唔想成日食M就，就去買少少黎試下，佢好獨特竟然有泰式奶茶飲係我的至愛，另外佢地的漢堡都做得非常出色，小店真係要支持👍🏻👍🏻👍🏻5⭐️最高牛肉漢堡 Hagyu Beef Burger ⭐️⭐️⭐️⭐️⭐️漢堡材料用左和牛做食落夠晒肉汁和和牛漢堡真係唔同，食落即溶係口😋😋雞堡 Chicken Burger ⭐️⭐️⭐️⭐️雞堡配上獨特的醬汁，食落去雞肉熱辣辣，和新鮮的生菜，非常可口🤩📍地址：九龍佐敦德興街1號地下B4舖#美食推薦 #foodies #hongkongblogger #美食推薦 #美食日記 #食食食 #好味道 #hongkong#igfood #foodies #hkeat #hkeats #hkblog #hongkongfoodie #美食情報 #lunchtime#hkfoodshare

正當我由尖沙咀行緊去佐敦諗緊買咩返屋企食時，就見到間外賣漢堡包店，餐牌上有5款漢堡包可選擇，分別係牛、豬、雞、蝦和素食，但可以追加配料，咁我一定係揀食牛，仲有小食同沙律供選擇和牛牛肉漢堡 $68即叫即整，漢堡包好高身，麵包入口好香芝麻味道，塊牛肉仲要係用鹿兒島黑毛和牛，牛味濃郁，配埋溶化嘅芝士，夾住菇、蕃茄、青瓜、生菜，洋蔥，菜量明顯比其他舖多，口感豐富松露薯條 $22粗薯條外脆內軟，灑上松露粉，好香松露味

有冇人同我一樣都好鍾意食蝦漢堡😆？呢間佐敦漢堡店嘅蝦皇堡（$68）大大個好足料！咬落超滿足，彈牙有口感～仲有多多生菜好健康😝加配小食脆炸單骨雞翼同雞塊都好抵💕泰式奶茶大大杯唔會太甜🥰.Get a mega size shrimp burger at @wagaburger 🍤Their shrimp cake was so chewy and huge in size, with plenty of lettuce that makes it healthier. Their snacks chicken wings and nugget were both made to order with their signature sauce.

上次黎買三文治既時候已經聞到隔離有陣陣牛味，行過啲就見到呢間主打和牛漢堡既店舖🐮Bookmark後今日終於再到訪🍔試試佢地Signature既和牛漢堡。🐒和牛牛肉漢堡💰$68睇Openrice基本上個個都係試呢款，因為$68既價錢就試到和牛patty😍超值呀，Menu寫左Burger入面有秘製Waga醬、生菜🥬青瓜，洋蔥，番茄🍅食落洋蔥係炒過，當啲肉汁滲埋落去同麵包一齊食，勁滿足☺️生菜份量多令成個包都好爽脆，唔會因為肉汁而令到成個包好濕。🐒雞肉漢堡💰$58我係豬柳同雞肉之間Stuggle左好耐，最後揀左Chicken🐥原來有別於之前既漢堡普遍都係一塊雞扒放入去，佢係自家製Chicken patty，感覺負擔少啲🤣今次入面就係配蛋黃醬、生菜同番茄，雖然配料無和牛咁豐富，但都係一個清新之選🌱。🐒泰式咖啡💰+$16(跟餐)🐒泰式鴛鴦💰+$16(跟餐)另外值得一提係竟然有泰式飲品😍仲要味道都十分濃郁同正宗🥤又喚起我對泰國掛念🥹

佐敦新開咗間外賣漢堡店就，係E出口出行1分鐘就到，經過好香牛肉味，買咗2個漢堡試下。和牛牛肉漢堡 ($68)勁大個好足料，除咗有好厚身Juicy既鹿兒島黑毛和牛漢堡扒之外，仲有生菜，芝士，洋蔥，蕃茄。蕃茄處理得幾好唔會令到整體太濕，而且洋蔥好甜。加上醬汁幾特別。成個漢堡咁多配料，但係一食都食得出牛味好重，唔錯👍🏼豬柳日本蛋蘭王漢堡 ($58)呢一個漢堡真係一試難忘，第一次食用蘭王雞蛋🥚既漢堡。蛋味勁香，加上半流心既狀態，真係好正。豬柳同芝士本身有既鹹香，再加上漢堡包有加牛油烘過，整體高質😋。同埋呢個漢堡冇和牛漢堡咁厚，女士食起黎都方便。炸雞塊 ($12) | 脆炸單骨雞翼 ($12)即叫即炸熱辣辣，雞翼肉質嫩滑多汁，精粹係辣醬，好惹味。

小店位於佐敦站附近，主打和牛漢堡包🍔，除此之外亦提供唔同種類嘅漢堡餡料、滋味小食同特色嘢飲🧃～ 漢堡包即叫即整，大概等5-6分鐘就有得攞啦！和牛牛肉漢堡超級高身🙈 牛肉厚度適中，味道濃郁，嫩滑多汁，果然係招牌菜😛！配料方面有生菜、蕃茄、青瓜、芝士、洋蔥同秘製醬汁，口感豐富，層次分明，十分滿足🥰～ 另外包皮一啲都唔hea，微微烘過，咬落去夠鬆軟而且面頭仲有黑白芝麻添，推介👍🏻好耐都冇食過蝦皇堡啦！蝦肉外皮炸至脆身，內裏爽口彈牙，十分厚身，啖啖肉好滿足呀！同和牛漢堡絕對有得揮🍤～ 泰國無激素單骨雞翼香脆可口，唔油膩，配上秘製泰式醬汁夠晒惹味，可惜得兩隻食唔夠喉🥺

現時香港的漢堡店大都選用美國安格斯牛肉為主，即使標榜和牛漢堡大部分亦只是澳洲和牛，然而這間新開不久的外賣漢堡店WaGa竟然用上日本鹿兒島黑毛和牛，而且價格更是相當親民。坊間一般漢堡店大多會以各式各樣的配料埋砌成一系列固定款式，而這裡基本卻只有牛、蝦、雞、豬及素食五款，看似較少選擇但亦提供多款配料可以自由追加，其實對食客而言反而彈性更高。食物全部即點即製保持質素，雖然店內沒有堂食座位只供外賣，但店主服務態度亦親切有禮，由於天氣炎熱更提醒我製作需時可以到附近便利店等候。和牛牛肉漢堡 ($78) 黑白芝麻包充滿彈性而厚度十足，不易受肉汁及醬汁影響變得濕軟；和牛肉餅底部煎至微微焦脆而中心保持鮮嫩多汁，肉質鬆軟且油香豐腴，加上秘製醬汁及芝士更加濃厚。生菜、青瓜、洋蔥及番茄份量明顯比一般漢堡店多，大大中和和牛油膩感，加配之煎日本蘭王蛋若然煎至蛋黃半熟流心定必更上一層樓。蝦皇堡 ($68) 由炸蝦餅、秘製海鮮醬及生菜組成，層次比較簡單但蝦餅足足比和牛肉餅厚逾一倍，吉列炸衣金黃酥脆而不鬆散油膩，質感結實彈牙，如若加入粒粒蝦肉相信口感更佳亦更鮮美，秘製海鮮醬酸甜微辣別具泰式風味。

呢間外賣漢堡店係有和牛食嫁😍和牛牛肉漢堡 漢堡包即叫即整，所以熱辣辣，個包仲搽牛油烘過！所以勁香！叫完店員都提醒要等6-8分鐘～一黎到成個包勁高勁吸引😍漢堡扒係用鹿兒島黑毛和牛製造，所以牛味超濃郁，而且因為佢好厚身，所以勁juicy勁多汁夾埋啲青瓜蕃茄一齊食又唔會覺得好油膩～btw佢夾生洋蔥入去，本身以為會好辣，但估唔到幾香而且唔會好突兀蝦皇堡雖然好似專賣和牛，但我同男朋友都覺得呢款一啲都唔遜色，蝦堡勁厚身勁彈牙，加上炸到個外皮脆卜卜一啲都唔油。泰式鴛鴦見到幾特別想try try~呢款冇得改甜度，店員提醒如果而且走冰嘅話會太甜～飲落其實都係偏甜唔算甜到飲唔落～但飲落感覺有啲涼茶味我就唔太識欣賞🙈

晏晝唔知食咩好好耐冇食過burger呢間睇落都唔錯都算幾多選擇黎和牛漢堡店，梗係揀～和牛牛肉漢堡啦～～～真係好多層呀！好厚一層嘅和牛夾係中間～上面有一浸就嚟流出嚟嘅芝士！先再鋪一浸炒香咗嘅菇片同埋洋蔥，真係好吸引，望到都流口水！牛肉底層係新鮮蔬菜～青瓜蕃茄等～ 清新撞和牛既肉香同芝士既濃郁～ 口感滿滿😋泰式燒牛肉燒牛肉配左滿滿既田園沙律，牛肉口感鮮嫩～配特製泰式醬～龍眼茶好多龍眼肉，冰茶夏天好岩飲～