Waffle Corner (葵涌廣場) (已結業)

葵芳廣場2樓有一處的位置有很多小店集中,如果往往不是特別熱門的話,很快就會被別人取而代之,現實總是殘酷的。不過,今次竟然沒有那一間小店特別吸引到我,充其量在思考過後,朋友說想食長長的粗薯條,所以就勉為其難光顧這間以窩夫為店名的小店。環境方面值得一讚,超級黃的文宣和擺設,但衛生條件就相對一般。小食的選擇亦比較多,不是特別專於某種產品,個人是比較喜歡專注做單一產品的小店,容易控制成本和質素。今次點了長型薯條在香港確實少見,30元一盤,可以選兩種醬料,我們就選了黑松露和蜜糖芥末醬。其實不太喜歡兩種醬料同時灑在薯條上面,因為本身兩種醬都不相配,這點扣分。如果可以分開上較佳。薯條即炸幾好味,不需要講太多。喜歡吃薯條的朋友可以試下,否則建議試窩夫吧~^^支持黃店!

黎到一間小食小店,有好多種類ge小食,有肉類有撈麵有薯蓉薯條腸粉甜品薯條.......有唔同飲食習慣Ge人都可以一次過滿足曬,唔同ge朋友一齊黎到都唔洗驚有人無野岩食好鐘意食薯條ge我揀左個黑松露長薯條,係香港賣長薯條ge舖頭唔多其實自己唔係特別好長薯條,但因為鐘意薯條又貪得意一於買個黎食下$30一盤長薯條價錢唔算貴,炸得幾香脆,幾有薯仔味,沙律醬+海苔粉+薯條配搭好夾,好味道!好想再去試下其他小食,但葵廣真係太多誘惑啦,有機會再黎啦!

唔係講少，之前黎葵廣掃街每一次都要叫呢間既雞翼尖。而家知道佢係同路人，有哂連儂牆，啊唔係，係連雪櫃儲物櫃你見到既地方都有訴求。你就知冇睇錯人💛·點解我咁鍾意佢呢？係因為雞翼尖味道好過元朗既_仔涼粉好多！·雞翼尖既蒜同牛油🧈調配得岩岩好，而辣椒個種後勁凌厲，會食到一半湧現🌶️，岩哂我呢d無辣不歡既人！食到流鼻水呀🤣·而雞翼尖本身唔會煮得過林，甩皮甩骨咁，損下損下係好鬼爽。結果獨食左成6/7隻咁多，對唔住寶寶啦🤤🤤-細份雞翼尖（9隻）｜$10-Waffle Corner (葵芳)葵芳葵富路7號葵涌廣場2樓2020號舖-

就連出去餐廳食都感覺危危乎🤔所以而家盡量都叫外賣食，希望安全啲啦呢間小店食物種類何其多，有窩夫，手撕雞海蜇，金菇肥牛卷，燒賣魚蛋，肉操撈麵，辣雞翼尖.... 今次叫咗wasibi手撕雞腸粉，比較特別！唔係周圍都見到🤭就咁睇唔係好見到有Wasabi😂不過食落就食得出啦😌味道調配得剛好，又唔會太過刺鼻！！腸粉都算係滑溜😬加上手撕雞肉質嫩，又幾好味喎衰鬼，而且份量亦都幾多😃一個人食都飽腹嫁😇

葵廣入面真係好多黃店，今次試咗尼間。記得佢岩岩開既時候無咁多野食簡，戈陣sell 既係佢地既招牌焗棉花糖waffle ，當時覺得佢太甜😢，就再無嚟尼間食店買過野食。今日再去俾佢既連儂牆吸引咗，基於我都幾支持尼d黃店，最重要係佢有個幾新穎既野食———手撕雞腸粉，就買咗嚟試下。手撕雞加腸粉對我嚟講係一個幾新奇既組合，本身以為佢地係撈埋曬（即係d醬汁，腸粉同手撕雞都撈勻）咁食。不過原來佢只係腸粉加平時既醬再係上層放手撕雞入去😂。咁食落口腸粉就普通，正常腸粉撈醬既味，不過d醬少咗少少，搞到有d乾。而個手撕雞係好食既😋，好多同埋好嫩滑，唔同部分其他食店，好嚡熠熠。佢好似有撈少少類似麻醬既醬汁，不過唔多，雞味突出。不過如果d雞撕得再細d就會更好，更似手撕雞既質感。佢間店仲有其他款野食，例如海蜇手撕雞，同時都有麻辣味可以選擇，唔鍾意食腸粉既就可以簡尼d🤤。想食甜野都可以嚟尼到食waffle，佢而家出多咗款式，可以再試。

芋圓周圍都有得食～但係可以任揀配料就唔係到到都有喇😍除左比間店貼滿晒嘅連儂場吸引到！呢到嘅芋圓糖水仲好特別相當有gimmick😋-今次嗌左三色芋圓+任選以下全部配料🤩係！全！部！都只係$29真係抵食到爛🤣包括左仙草凍、愛玉凍、抹茶凍、珍珠粉圓、黑糖寒天、三色芋圓珍珠、白涼粉、涼粉、涼粉條、芒果同益力多味爆珠、荔枝同芒果味椰果、三色Q果、水晶粉同埋椰汁西米露🥰全部配料都可以任揀，啱晒選擇困難症嘅人🤫每款配料都有唔同嘅口感，所以口感食落相當之豐富🤤不過嗰日去到就冇珍珠粉圓同埋水晶粉🙈不過淨係食其他都夠🤣-啲芋圓唔會話有好濃嘅芋頭、紫薯同地瓜味，不過就相當Q彈好有咬口，$29算係咁啦！不過要讚一讚個椰汁西米露真係好香濃嘅椰汁味，唔會溝到好稀好淡🤍同埋個抹茶凍都幾特別😚💚-提提大家貪心的小狗🐶要晒所有配料嘅話～成兜野都真係好大～食到一半就真係好飽🥴建議同人share食🤭

回頭客今次買左三碗上次一試之後深深念念不忘想再食任選13款配料,芋圓.珍珠粉圓.黑糖寒天.椰果.Q果.椰汁西米.仙草.涼粉.愛玉凍.抹茶凍.白涼粉.水晶粉......天啊!好吸引所以就去買可以要哂13款配料又得自己淨係揀鐘意嘅配料又得我喺度揀配料 店員好好~好有耐性芋圓同埋其他煙韌配料都有咬口有味好食分量好多好大 飯後甜品三個人一齊食都夠一碗三色芋圓任選配料都只係$29好扺!我係外賣自取返屋企食 在此呼籲一下返屋企食嘅話可以唔使攞餐具 盡量支持環保下次會帶埋可重用嘅碗 希望可以減少浪費

有日喺IG見到人地嘅食評,任選13款配料,芋圓.珍珠粉圓.黑糖寒天.椰果.Q果.椰汁西米.仙草.涼粉.愛玉凍.抹茶凍.白涼粉.水晶粉......天啊!好吸引所以就去買可以要哂13款配料又得自己淨係揀鐘意嘅配料又得我喺度揀配料 店員好好~好有耐性芋圓同埋其他煙韌配料都有咬口有味好食分量好多好大 飯後甜品三個人一齊食都夠一碗三色芋圓任選配料都只係$29好扺!我係外賣自取返屋企食 在此呼籲一下返屋企食嘅話可以唔使攞餐具 盡量支持環保

呢間雖然叫Waffle Corner 但原來佢有賣「三色芋圓+任選配料💜💛🧡($29)」！見佢咁把炮可以任選以下所有配料 有選擇困難嘅🐰小編就決定試一試佢🤪 芋圓有咬口 有淡淡芋頭同番薯嘅味道🍠 配料超超超足！配埋椰汁簡直一流！🤤注意⚠️：建議可以走爆珠-This street food shop mainly sells waffles, but now it also sells taro balls and sweet potato balls served with 14 kinds of ingredients💜💛🧡($29)The taro balls and sweet potato balls 🍠has a mild taro and sweet potato taste respectively. They are chewy.🤪This dessert serves as a wonderful end of my lunch!🤤-價錢price：$29地址address：葵芳葵富路7號葵涌廣場2樓2020號舖 shop 2020, 2/F, Kwai Chung P

行過見到佢個海蜇手撕雞既圖片圖片好吸引所以就買左個試下點知 有小小圖文不符圖片係雞絲 但出到黎係雞件不過啲雞既調味都幾好食失望中都仲有驚喜 仲係熱熱地而啲海蜇就係凍既 一凍一熱

"Waffle Corner" 似是西式甜品店的名字，原來所賣食物款式不拘一格，除了waffle、雪糕、芋圓糖水，還有撈麵、章魚燒、雞翼、薯條、薯蓉、手撕雞腸粉、迷你小籠包等！我選了「三色芋圓＋任選配料」當正餐，除了抹茶凍外所有配料都要，以椰汁西米露作糖水底。我分不清某些配料的口感和味道，如鮮草跟黑糖寒天，椰果和三色Q果，因此不肯定糖水裏頭是否有齊配料。口感和形狀比較突出的是愛玉、鮮草、涼粉條、爆珠、椰果。至於芋圓，跟附近的任x點、銅鑼灣的古早味相比，口感其實都差不多。另外，西米露糖水好像有些少咖啡味。整碗甜品撈口感豐富，加上大大碗，實在過足口癮，超級飽肚，超級抵食，比附近賣三十至四十多元一碗的芋圓抵得多。這兒收支付x及微x，小食店來說也是難得。

第三次幫襯waffle corner 大失所望 以後唔會幫襯☹️我之前download 某個其他app提供一d食物優惠 例如買特盛三色芋圓配雪糕有$9現金券 由原價$39降到$30但係！！！兩個店員根本唔知有呢個優惠😡我身為一個客人 知得仲多過佢 我scan完個QR code 個兩隻嘢話要收我正價$39 我唯有俾個優惠佢睇(下圖) 佢地將信就疑 要打電話俾老闆 confirm係咪有呢個優惠 先俾我畀$30😑😑😑店員裝到勁滿 如果我隻手斜少少就會倒瀉成兜芋圓😵 芋圓質素比之前差左 無乜味 但其他配料(寒天、愛玉、椰果)味道不過不失

蒜辣雞中翼 ($26/6)呢度嘅蒜辣雞中翼用上大量指天椒、蒜頭調味，未食已經聞到好香好惹味，食咗第一啖覺得都唔係辣姐，應該接受到嘅，點知蒜香消散後越食越辣，但辣完又會好想繼續食，真係過癮🤯🌶 最後食完變左one direction (一個大red唇) 呢種蒜辣嘅層次，如果鍾意食辣嘅朋友，一定會好鍾意，我都好佩服自己挑戰成功。

手撕雞通常都是配搭飯或者撈麵，這間店卻用了手撕雞配搭了腸粉。這樣的配搭，想不到出奇地配合。這間的腸粉味道不錯，滑滑的，有口感，不怕過軟。手撕雞用了雞腿肉，吃起來很好。但是如果以手撕雞的規格來說，撕得不夠多，雞件太大舊。

黎到葵廣，指定動作就係掃街。小店眾多，我比較喜歡每間試少少，想盡量食到唔同款式嘅美食。由於我超鍾意食粟米，所以買咗杯蜜糖牛油粟米邊行邊食。味道唔錯，蜜糖牛油夠多，十分香甜。價錢合理，值得一試。