影片
食家推介
12月喇，节日嘅气氛越来越浓厚🎄🎄🎄，想睇圣诞灯饰，去尖沙咀是常识吧😉！想揾个浪漫又可以边食边赏灯饰嘅地方，吾好浪费美好夜晚嘅每分每秒，今日介绍哩间Valeria Bar & Restaurant就绝对可以满足你嘅愿望～餐厅座位之间间隔十分阔落，有一边雅座正对路边的灯饰，一眼望出去，满眼盛载温馨华丽嘅圣诞气氛，坐哩个位置系冇可能吾打卡，因为实在太靓，建议book咗位先去，reserve最佳赏景位置～而主角食物都毫不逊色，即刻睇下～▶️是日餐汤粟米忌廉汤🥣($68) 非常creamy嘅汤，入口系粒粒粟米🌽，香甜又浓郁。奉送嘅面包篮配油醋，脆脆地好美味，仲可以沾上浓汤食用。▶️洋葱芝士焗青口芝士焗青口以叠罗汉嘅形式奉上，温馨提示要趁热食用先鲜美，冻咗就冇咁好味喇！座位头盘，分量合适，岩晒中意海鲜嘅我～▶️烤焗石斑鱼柳🐟($268)摆盘精美之余，石斑鲜嫩无骨，冇腥味，沾上酱汁，带出鱼嘅鲜味，分量刚刚好～伴碟嘅蔬菜种类繁多，五彩缤纷，烤焗过后上桌，营养均衡👍🏻～▶️深海海螯虾 配 蟹肉芦笋意大利饭🦀($288)哩个意大利饭真系啖啖都系海鲜，虽然价格小贵，但系非常足料！主角系拆壳后嘅蟹肉，几乎每一啖都食到，此外还有海量青口肉、鱿鱼、鲜虾、带子，真材实料好味道！▶️法式奶冻🍮($78)我同老公都好欣赏哩个奶冻，胜在吾会太甜又吾腻，但系又食到浓郁嘅奶香，上面有少少鲜果带出酸味，整体非常均衡。
继续阅读
Valeria Bar 布置简约时尚， 枱上 放上别致的烛台 ， 分外有情调，坐在舒适沙发卡座， 透过大玻璃看到室外的五光十色圣诞灯饰， 感受到圣诞节日的气氛， 再享受一个有情调的晚餐， 让人乐在其中。粟米忌廉汤呷一口热汤暖胃， 清新香甜，啖啖充满粟米甜香，口感浓稠，令人窝心。白酒香草忌廉青口 大只挺身的青口， 沐浴在滑溜的忌廉汁中， 青口鲜味嫩滑，每一口夹合滋味的蒜蓉及香草， 惹味中带淡淡酒香，让人喜欢。烤焗石斑鱼柳石斑鱼柳外皮烤至焦脆， 香气十足 ，雪白的鱼肉 ，鲜嫩滑溜，咀嚼时慢慢渗出甘香鱼油，细腻口感，份外滋味。深海螯虾配蟹肉露笋意大利饭肥美的螯虾， 肉质爽弹，入口阵阵鲜香，意大利饭软硬适中，而且每口米饭充满惹味酱汁及鲜味的蟹肉丝， 浓稠鲜味，配上爽脆的芦笋 ， 滋味味加倍提升，口感丰富。法式奶冻、抹茶芝士蛋糕震腾腾的法式奶冻， 满满的奶香， 十分吸引。 扎实的抹茶芝士蛋糕 ， 淡淡抹茶芳香， 甜度适中， 香甜细致。
继续阅读
想去睇圣诞灯饰，就一定要去尖东啦！今日同老公趁住尖东尚算少人，就去左帝国中心附近睇下今年的圣诞灯饰！行左阵见有啲肚饿，就入左间从外面望落去都几有情调嘅西餐厅！今次就叫左个汤，1个前菜同2个主菜！🫕粟米忌廉汤 HK$88粟米汤比我感觉唔会太杰，相信落粉唔算太多！🧆法式白酒香草忌廉汁青口 HK$178作为前菜黎讲，青口份量唔算多，面层好多洋葱，而味道有啲偏酸！🥘法式海鲜烩饭 HK$288本身想叫一个饭类，侍应同我讲今日主厨推介唔系餐牌上嘅烩饭，话系special menu！讲到咁特别，就当然要试吓啦！饭粒同一般既意大利饭都系偏向有少少生米既咬口，龙虾汁味道带微辣！🐟烤焗盲𫚧鱼柳配刺山柑汁 HK$268鱼块唔算大，但都厚肉，唔算好滑，味道就中规中矩！而配菜方面有我最钟意既炒蘑菇，但味道偏咸，配上鱼一齐食反而可以中和左个味道！
继续阅读
去尖沙咀shopping行到好攰，要揾地方食晚饭，就谂起帝国中心嘅 VALERIA，已经好一段时间无去过食饭喇，静静地同朋友享受一个悠闲晚餐先。今次，选择咗餐厅推荐嘅dinner set：精选餐汤、Appetizer、主菜、Dessert、drink有齐晒。周打蚬汤配上优质嘅面包，汤好浓稠，香味扑鼻，可惜的系稍为唔够热，汤底带啲忌廉，加上新鲜海蚬。前菜拣咗白酒忌廉汁青口，青口非常大只，加上少少白酒调和，带出香气。 淋上忌廉汁之后，放上花瓣装饰，特别吸睛，抵赞！我地点咗两款唔同嘅主菜，香煎三文鱼扒外脆内软，啖啖嫩肉，香气十足，配菜有杂菌同三色椒，加上微酸嘅忌廉香草酱，更加突出三文鱼鲜味。蟹膏蟹肉以甲罗烧方式烹调，蟹膏鲜香、蟹肉嫩滑，而且份量十足。 意大利饭口感烟韧，入面仲有一梳梳蟹肉，非常甘香滋味。甜品有苹果同士多啤梨两种味道嘅芝士蛋糕，十分甜滑绵密。 最后点咗咖啡，香浓大杯，醒醒神后又可以继续去火拼喇！
继续阅读
临近圣诞节🎄，尖东海滨开始有灯饰了！今次去帝国大厦一间西餐厅，气氛不错。🍴芒果🥭莎莎带子：煎带子好嫩，中间呈半透明，配埋芒果粒就系清新头盘👍🏻🍴烤焗石斑鱼柳：焗鱼柳和配菜炭烧香，配埋沙律汁醒胃。🍴松露杂菌意大利饭：杂菌新鲜，意大利饭煮得刚好。🍴苹果芝士蛋糕、士多啤梨芝士蛋糕：苹果味几特别，士多啤梨味就一般。味道：🔅🔅🔅🔅新鲜：🔅🔅🔅🔅卫生：🔅🔅🔅🔅🔅分量：🔅🔅🔅速度：🔅🔅🔅
继续阅读