Urban United Burger & Bar (已結業)

周六下午想找個地方可以吹水耐D嘅地方，又可以吃些不同美食，在網上本來在元朗區找了過好幾間餐廳，一間話冇下午茶（網上有寫有），另一間話有休場時間，於是問依間，佢話冇休場時間，我地每次聚舊都去不同餐廳試試，依間雖然坐位唔算多，但有burger, 意粉, pizza,沙律， All day breakfast 等，叫左個軟殼蟹墨魚汁意大利麵（偏咸左少少），巨型魚柳包魚柳鬆大件抵食，內裡的醬剛剛好唔算多，藍莓醬猪鞍架藍莓醬配搭完美，猪鞍不會硬好好味，加錢可連薯條（好正）和飲品。

其實之前都係OR度留意到呢間，今日到終於專登揸車去試啦！由於時間都唔早成9點幾十點，所以都唔洑洗等位就有。環境唔差有點格調，我點左個軟殻蟹鵝肝漢堡再加28蚊跟餐(多份薯條同飲品)，等左15分鐘到就有，整體味道都尚好，唯獨份鵝肝有點失望，太淋一切就濕淋淋咁散晒啦。。。之前睇食評話係炸過，但我今日食完全唔係......so far蟹係脆同juicy既，醬汁味道薯條都好味。店員服務都ok無睇食評所描述既咁差。

同朋友過黎慶祝生日飯當晚9:00入座 店員安左個四人位比我地兩個入座餐廳內環境好有風格 有特色食物價錢都唔貴 可以接受～強烈推薦依個黑松露薯條 份量足夠3-4個人啊食完之後讚不絕口 由面到底都沾滿左醬

元朗又新街出名多嘢食，今日放工就去又新街搵下嘢食，見到間餐廳裝修有啲特別，而且餐廳入面好多人，就入去試下。 餐牌上面有好多唔同種類嘅漢堡，我叫咗一個b6達拉斯烤菇牛堡，外加一個炸薯條。另外見到佢有個手工啤酒餐牌，入面啲主題同公仔都幾得意，最後試咗個嫦娥朱古力黑啤。 店員首先送上嫦娥朱古力黑啤，仲幫我將啤酒倒入另一個杯上面，係呢個手工啤系列嘅杯，呢杯黑啤入口比較滑，而且有少少朱古力味，味道幾青新。 之後店員送上炸薯條，薯條啱啱炸起身，而且都係粗薯條，口感更佳。薯條炸得啱啱好，唔會太林亦唔會太燶。 店員最後送上達拉斯烤菇牛堡，塊牛肉漢堡係人手打嘅，肉味好重同好有口感，配上車打芝士蕃茄同洋蔥，味道十分夾。

好一陣子沒來食了，餐牌依舊，沒有加價呢。倒是多了手工啤酒，下午仲有happy hour價錢添。難得今日店內客人不多，可以好好影下這裏色彩的橫裝，一副美國style的樣子。靚壁畫Bar枱門口點餐後店員送上餐具，還有濕紙巾。蜜桃伯爵茶叫漢堡加$28轉combo，可選指定飲品，冷熱同價，要了凍的蜜桃伯爵茶，十分香甜，內裏還有椰果增加口感，天時暑熱飲一杯真係透心涼。達拉斯烤菇牛堡（$88）轉combo後送薯條，漢堡、薯條、凍飲好吸引啊。厚厚的漢堡扒加上大傘菇，香口又多汁，好滋味，再配上蕃茄，芝士，洋蔥等漢堡必備配料，口感豐富味道平衡，最特別係呢個漢堡唔係配西生菜，而係用羅曼生菜㗎，呢種菜爽口啲又青甜啲，好味。大個到一口咬唔哂，食左幾啖放棄用返刀叉食。薯條即叫即炸熱辣辣，有皮嘅粗薯條黎，薯味重啲，看似細細桶，原來入面份量都唔少，食極都仲有，哈哈。下午時段客人較少，全部食物都即叫即做，等了約十多分鐘才有得食，但食物好熱，等都抵。

今日好心情，同朋友嚟試下呢間。知道呢間餐廳的分量唔細，所以真係要等好心情，有胃口先好嚟食 Lunch 比較少人，坐得比較舒適，傾計一流。我叫咗個阿拉斯加特大🐟魚堡餐，真係同相一樣，勁大件...對於食量吵嘅我，真的睇到都已經有啲飽，加埋薯條梗本一個人叫不了。魚塊勁大且脆，不過我覺得粉多了些。朋友叫了磨菇🍄牛堡餐，磨菇很juicy ,牛堡都不錯。薯條上枱時剛炸好，很脆，但分量太大根本吃不下。我的餐跟盆裁朱古力，很特別，賣相好，足料好飲。朋友的餐飲跟咖啡就相對普通。

我本來也不喜歡寫食評，但今次也忍唔住要寫！星期日下午一點是繁忙時間，我們排第一位，三個人要等位是基本的，還等了四十五分鐘也明白，在等待的四十五分鐘內入了三批兩人也理解，但問題是完全沒有人打算理會我們，也不打算告訴我們大概等多久，又不作登記紀錄，還說不知道我們在排隊（我們由始至終都座在排隊座處，他們在四十五分鐘除了叫入座也沒有出來看），結果四十五分鐘后沒人進入了，又剛有一枱四人打算走和一張空的兩人枱，問他們這張走后是否到我們，他們現在才說"這張有人訂了，另一張四人枱才可以，但唔知幾耐"😧無言，一早又不說，好像玩野一樣,要不是等了那麼久，早就走了.結果我們有一人走了，就去座兩人座.一入來，找侍應落單，一個年輕男人走來，態度十分差（等位時我媽看到第三批兩人入內時問要等多久，有一個年輕女子出來說時安撫說話時，這傢伙竟把那女孩拉走,不凖她說下去），我媽問他什麼態度，那人竟說沒鬧我們已經是好態度，我就說你們可以在什麼情況和理由下去閙客人？？你這個到底是什麼服務態度😡簡直不知所謂！致於食物方面是不錯，有杯飲品落錯了加了糖，他們有個應該是高級的還是老闆走來說不好意思，換一杯來給我們，這樣的服務態度才對

最近經朋友介紹得知元朗開了一間不錯的漢堡店，所以很快便與朋友相約一起去試一試餐廳位於比較隱蔽的內街，但不算太難找到。附近的店舖於晚上都大都已關了門，唯獨此餐廳還燈光火明，為寂靜的內街帶來一點生氣餐廳座位不算太多，我們到達餐廳時已經接近滿座，等了約10分鐘才獲安排入座。餐廳環境餐廳在佈置上非常用心，佈置以美國街頭為主題，店內有很多色彩繽紛的壁畫，讓人充滿活力。達拉斯烤菇漢堡喜歡吃菇的朋友真的要一試這個達拉斯烤菇漢堡巨型的烤菇乃是整個漢堡的主角，外觀非常吸引。巨菇雖然是經烤焗制，想不到菇內的汁保存得非常好，一口咬下去非常juicy，菇汁香濃，而且廚師在烤菇上塗上蛋汁，口感順滑，十分美味。烤菇下還配上牛肉，牛肉上配有半溶芝士，肥而不膩，肉質鮮嫩，芝味香濃，尚算不錯。阿拉斯加特大魚堡特大魚堡賣相吸引，魚柳又大又長，而且很厚身，比去麵包的長度高出差不多兩倍。主角魚柳外表炸至金黃，炸粉份量適中，內裡雪白，肉質非常嫩滑，入口即溶。除了魚柳外，漢堡的配料還有洋蔥圈、片片的蕃茄、溶溶的芝士及沙律醬，使整個漢堡口感豐富，味道有層次，十分美味。跟餐炸薯條只要加上28元，便可成為套餐，除了漢堡外，還配上薯條及

經過琴日苗柏襲港，今朝出門口既人一定有傘，夜晚食飯都一定有傘啦，我同女友人坐低先，傘靠牆放，男友人後到亦有帶傘，我想將傘放牆邊時，男職員話按規矩要將傘放出餐廳門口傘架上，男友人話傘是全乾的，男職員堅持話「這是規矩，要放出去」，但又冇叫我放，放眼四周既枱，枱枱都有傘，唯獨是我這位朋友的傘要放出去。男友人最後以大事化小既心態放傘於門口傘架上，點餐時男友人以疑慮問女職員，點解其他人既傘就可以拎入黎，我就要放出去？會唔會唔見左架？ 女職員態度十分無禮咁話「出面有閉路，唔見左就幫你報警囉」呢番說話到佢返入吧枱再講左3次。呢啲規矩係佢地鐘意就叫客人跟，完全唔理正常情況，如果係濕傘完全明白要放傘架，但明明係乾的。叫左個意粉，一份炸魚burger，一份西冷，食物其實好多好大份，雖然偏鹹但以價錢黎講係可接受既，支tuffee apple 係驚喜，真係好好飲蘋果味後有拖肥味。食物整體係中規中矩，一邊食仲要一邊聽個女侍應話「挑戰我底線，真係xx xx」香港餐廳何其多，何需委屈自己，我好後悔當時冇狠下決心帶頭走。

元朗食店多不勝數，突別是又新街一帶。正在難以選擇的時候，見到巷裡轉角有間橙黃色招牌的西餐廳，吸引了我們走上前看看。餐廳用紅磚牆加上黃色窗框，看進店內牆壁畫劃滿街頭塗鴉，很有美國街頭氣息。用了烏絲燈泡，帶出了街頭風及工業味道。窗邊設有吧枱，喝著手工啤，坐著閒談傾心事，忙碌一日後放鬆一下的最佳選擇。除有一般啤酒，餐廳也提供數款手工啤酒。漢堡扒肉汁豐富，外層煎得香口，漢堡肉嫩滑。魚肉香嫩，炸得夠脆身，脆漿混合了香草，香草味跟魚肉很夾，凱撒汁、洋蔥、蕃茄令漢堡更野味。我決定要一啖一啖吃掉整個漢堡，分開一層層吃會多了點缺失！餐廳店員上菜時跟我說，因來貨魚柳較少，所以給了兩塊， 殷實商人 魚柳其實一塊都很足量 ，只是未到餐牌上的特大，兩塊是多給了。紅綠燈黑松露薯條，薯條面鋪滿了芝士，芝士下有黑松露醬，薯條未上枱黑松露香味已漂入鼻子了。薯條配有凱撒汁、芥末、茄汁，黑松露及芝士已很野味，都不多需要點醬汁。啤酒成份有海鹽、柚子梳打，啤酒泡沫細滑，喝下口腔留有陣陣果香。超細心，點了漢堡後便上消毒濕紙巾。和朋友一邊食漢堡，一邊傾談生活鎖碎事。這店細心友善款待，一天的忙碌，被這美味漢堡沖淡。

元朗真係好多好野食，實在太耐冇食個Burger啦，今次就的起心肝gogogo~餐廳裝潢七彩繽紛，美式街頭風得黎，又帶有酒吧feel所有小食都想試，但再諗就天黑，本身想食軟殼蟹Burger，但見到小食都有，又想食牛，於是乎簡哂兩樣我最想食既軟殼蟹同牛🤤牛油果軟殼蟹墨西哥餅 $48見到個賣相就已經加分啦，熱辣辣炸起既軟殼蟹，加上牛油果醬同新鮮蘿蔔、芒果，配搭非常之清新，一個人食哂都唔會覺得肥。達拉斯烤菇牛堡 $88烤菇夠哂林，牛漢堡扒生熟程度剛剛好，唔會過熟，無鞋口既感覺，而且仲有豐富肉汁，裡面夾雜住羅馬菜、蕃茄、洋蔥呢d配菜全部都好新鮮，加埋一齊食，正。本身想加$28蚊食埋個薯條，但驚太飽食唔哂，唔想浪費，唯有下次再黎過啦。最後叫左枝Cloudy Lemon $38 ，清新嘅檸檬味又帶有檸檬皮嘅香味，飲完都唔覺得自己飲緊酒，舒暢～食飽飽再起行😆

元朗一向多好野食，今日放假就梗係要周圍睇下有咩好野食啦同朋友轉入橫街見到呢間餐廳門外嘅牌好吸引，一心想試下個英式早餐～（後來先發現原來唔係All day）玻璃設計，見到入面裝修幾靚，同朋友坐低傾下計都唔錯！下午茶時段後，晚市之前，所以都未有人，播下歌幾relax呢到嘅枱凳都好有歐美style，再加上啲壁畫塗鴉真係好正。由於係無All Day Breakfast，我同朋友一人揀咗一個burger，只係升級咗一個餐，再叫多杯Cocktail。紐約雙層八安士牛堡（$118），套餐加$28配薯條＆飲品雙層牛肉漢堡唔會太生或者太熟，啱啱好，仲保留到肉汁好juicy再加上車打芝士同麼沙里拿芝士，車打芝士就好似平時食咁咸咸地，另一種就牛奶味較重，有唔同層次。配料仲有好多蔬菜添！酸青瓜好正，醒胃Combo嘅薯條係粗薯條，份量都幾多飲品點咗蜜糖檸檬水，蜜糖夠多夠濃。另一個係芝加哥BLT牛堡（$68）同樣都係牛肉漢堡，不過上面仲多咗芥辣醬同蕃茄醬，個味即刻唔同晒煙肉好香脆，又唔會太咸。不過我覺得個包如果脆啲會更好，太軟個口感好似濕咗水嘅包咁。朋友叫咗Cocktail - Pina Colada（$78）好

近年來Burger食店推陳出新，本尊都食過唔少正野。喺美食匯聚嘅元朗，又點可以無一間好食嘅burger店比本尊點評一下呢? 首先藉得大大力挺介一下嘅，就係鵝肝軟殼蟹堡!麵包有滿滿嘅牛油，軟殼蟹炸得鬆脆，加上煎過外脆內軟嘅鵝肝，香口度爆升，整個Burger無得彈，食完都不禁高呼一句「油脂萬歲！」 櫻花蝦卡邦尼意粉溫泉旦天生已經無得輸，加上有櫻花蝦提升香氣，呢個意粉比好多意炒都多一分出色。 Parma Ham 凱撒沙律食完咁多肥仔野，作為健康都市人，梗係要食下菜，大大塊Parma Ham 係呢碟野嘅重點，$58蚊值回票價。 下次本尊一定再黎，到時就係挑戰極肥仔漢堡，等我!

二十出頭的時候曾在美國短期留學，人在美國甚少自煮，吃得最多的不是那些美式中餐外賣，便是Burger King、McDonald 、Abby 這些包店出品，返港後的頭半年，真的是看到疑似漢堡的包類，也覺倒胃口。不過人是一種犯賤的動物，返港半年後，竟又偶爾掂念漢堡滋味！口胃曾被漢堡薯條等Junk Food 大肆虐待，久別卻又生掛念，可能這便是人們說的心理病 - 斯德哥爾摩症候群吧。註: 斯德哥爾摩症後群資料可參巧此連結https://zh.m.wikipedia.org/zh-hk/%E6%96%AF%E5%BE%B7%E5%93%A5%E7%88%BE%E6%91%A9%E7%97%87%E5%80%99%E7%BE%A4現在一年之中總會吃上十趟八趟漢堡，但已不僅在Burger King 及老麥等快餐店了。近年不少Cafe 餐館，以至名廚主理的名氣餐廳，菜牌亦出現漢堡踪影，收費動輒HK$2-300 是閒事，用料亦變得越為講究，安格斯、澳洲和牛、日本和牛、草飼牛等等牛肉皆成為漢堡包的常用材料。漢堡已由平民食物，華麗轉身，成為不少西餐廳的台柱食物。四月尾辭退了家中菲傭後，因為筆者懶煮懶洗碗，

平時食麥記食得多，見到漢堡包都當左做頹食。還好有間burger 可以一改我對漢堡既印象。菜單款式都幾多店內佈置幾有心思先叫左個華盛頓總統堡。一層層既新鮮蔬菜，加上充滿左沙律醬同肉汁既牛堡，上面再加番幾片巴拿馬火腿，味道極為豐富。巴拿馬火腿本身味道較濃，如果可以配以肉味冇咁重既肉，效果一定會更好。如果唔想食burger 咁heavy 既話，可以食下pasta。呢個雞肉鮮茄意粉茄味幾濃，加上新鮮蕃茄同香料，更能帶出田園味道。如果想飲啤酒的話呢到無任歡迎，唔飲得既亦可以飲其他特式飲料。