URBAN Cafe (駱駝漆大廈第一座)

营业中

休息中

同男人放假二人世界，去咗間貓cafe.網上見到間野既空間感都大，同埋好多隻貓貓。黎到都唔覺有怪味，光線相對都光猛。今日打卡都打得幾開心。三重芝士闊條麵：闊條麵煮的彈牙，肉醬都好足夠，連埋芝士碎一齊食好惹味。巴馬火腿拉絲水牛芝士手工薄餅：薄餅幾鬆軟，同埋水牛芝士味都多，拉到絲，同埋跟埋parma ham食咸度岩岩好唔會過咸。二人小食拼盆，分量量都大，有薯角、魚柳、雞寶，炸得香脆。呢道仲有出面少見既四百次咖啡：點咗玫瑰味試下，咖啡同玫瑰味都好夠，幼滑。男人話杯Oreo朱古力既朱古力味好濃，但就甜咗少少，下次再黎可以叫少甜.。貓貓都出奇活潑，跳黎跳去，做主子好過做人😆

上網搵到呢間好多貓貓既cafe 抱住好大既期望黎 不過turn out有啲失望😔😔 係星期日晚黎 成個場接近全full 超級忙 好多小朋友 場面其實接近有啲混亂 啲侍應做到踢哂腳 甚至客人呼呼喝喝 態度都幾無禮貌 ⋯ 講返野食 其實食物都算多選擇 呢個煙三文魚carbonara 質素普普通通 不過相信大部分人黎都係為咗睇貓貓 食物質素還可以接受啦 呢個mac n cheese係出色過個carbonara 既 芝士同煙肉都好香 鋪頭入面都真係好多好得意既貓貓 🐱不過有時見到啲店員忙起上嚟 有啲粗暴咁對待啲貓 真係有啲扣分⋯

觀塘一向俾人嘅印象都係好多工廠大廈，但其實依度除咗係工廠數目最多嘅地方之外，更加多嘅係好多高質嘅餐廳😛💓上網唔難搵到依間位於觀塘駱駝七大廈嘅urban cafe，自從朋友第一次介紹咗我過嚟呢度之後，就已經忍唔住每個禮拜都要來一次，等我同大家推介下我最心愛嘅餐廳啦，推介各位必定要過嚟一次😚💓首先餐廳嘅衛生做到好足，每位人客入嚟都要着鞋套同埋消毒手，食得安心又放心，而且呢度真係幸福感滿載，有好多主子陪住大家😜🤣加上食物一啲都唔馬虎，絕對高質好食！雖然我見到二人套餐好抵食，但係最後都係決定散嗌，一樣咁好食🎊日式青蟹子青口忌廉扁意粉🍝同埋西班牙海鮮燉飯兩樣都係必食推介，依度嘅海鮮好新鮮，特別係青口，非常鮮甜😛以後一定會再嚟！😝🎉

💕真係太鍾意去Urban貓貓Cafe💕，尤其係過左暑假，平日少左學生，被貓貓包圍的感覺太療癒了。觀塘分店有超過60隻貓貓，總有一兩隻陪住你。貓貓隻隻都friendly 又可愛，有啲懶洋洋，有啲充滿好奇心，不時走埋嚟黐人摸摸。而且環境乾淨無味，食物質素唔錯，又可以同🐈🐈‍⬛🐈🐈‍⬛🐈🐈‍⬛打咭！！🐈‍⬛日式拿破崙黑椒豬手野菌扁意粉豬手有少少黑椒味，煮完仲有鹹香，豬手皮彈牙唔肥膩，配上蕃茄base嘅拿破崙汁，燈籠椒及洋蔥，非常醒胃。🐈日式鰻魚紫菜蟹柳蛋黃醬墨西哥卷墨西哥卷日式配料，未想像過嘅fusion 配搭，口味迎合小朋友，仲有沙律菜以及厚切自家製焗薯。🐈‍⬛香草燒豬扒配菠蘿莎莎• 薯菜菠蘿莎莎清新配搭，燒豬扒香草味豐富而且勁淋，薯菜同樣係厚切自家製嘅焗薯。🐈朱古力雪山心太軟心太軟朱古力味濃，但唔會太甜，配有曲奇雲呢拿雪糕及新鮮忌廉。🐈‍⬛ 400次薄荷咖啡，伯爵茶拿鐵，意大利焦糖咖啡400次薄荷咖啡清新醒神，咖啡泡沫好creamy順滑。伯爵茶拿鐵earl grey味清清的但偏甜，建議選擇少甜。意大利焦糖咖啡有淡淡焦糖味，咖啡base似latte，奶味較重，怕甜的建議選擇少甜。

由於一早已於社交平台訂檯，所以唔駛等位已經可以直入。作為貓奴家屬，去貓CAFE已經是日常活動。平日通常去開旺角分店，地方較細，所以職員都可以好好照顧貓貓。觀塘分店地方太大，人手明顯較缺人。加上客人多一家大細前來。家長比較粗魯，貓貓經常被夾硬抱返埋檯。慘慘貓囉 ！食物質量方面，家人也發覺食物比旺角店分量少，飲品也較細杯。 如果對食物方面較有要求，可能要去返旺角分店。另外，由於客人太多，餵食方面貓貓都不感興趣，應該食得太飽了。但以貓CAFE來講，價錢合理，貓貓又好多。如果以去玩貓為大前提，絕對大滿足！

今日去咗全港最大面積貓 cafe 🥰入到去真係嚇一跳啊！大到有幾個area 😍建議大家坐係近廚房嗰邊嘅位置因為嗰個位置好似貓貓比較多食物方面🍳我單點咗卡邦尼意粉，卡邦尼意粉主要用煙肉、雞蛋和芝士製作，鹹香味重，口感較軟腍薄荷朱古力奶🥰清涼嘅薄荷加上香濃朱古力 😋好飲同埋小食炸雞 新鮮即叫即炸 唔係擺咗好耐個d,一班朋友一齊分享就最啱啦✌️一路食一路玩貓貓，貓貓親人，活潑！可愛環境又衛生，下次再去😍

我又黎同貓貓玩喇！今次都係揀觀塘店，貪佢地方大啲同多好多貓貓～～～～～ 今次我地揀左三款野食，水準唔錯！邪惡四重芝士煙肉蒜香拉絲通心粉：呢個通心粉聽個名都知佢邪惡程度爆哂燈，用咗四款不同口味嘅芝士，仲加埋煙肉同埋蒜香添，令人聞到都流哂口水啦，而芝士仲要勁多，可以做到拉絲，煙肉有油香同埋增加口感，蒜香味同芝士好夾。水牛城雞翼：所用嘅雞翼隻隻份量十足，炸衣夠薄，炸得好香脆可口，但肉質仍能保持嫩滑多汁。而特製嘅水牛城醬汁酸中帶辣，令雞翼更加惹味。西班牙海鮮燴飯：呢個飯用咗多款嘅海鮮，包括魷魚、蝦、蜆等，令飯帶有海鮮嘅鮮甜，而飯嘅軟硬度適中，令整個燴飯變得更加好味

又黎到熱門的貓兒Urban cafe 啦🥰點解呢間餐廳人流咁多呢?因為佢係全港最高食物質素貓cafe，環境衛生✅無臭味👍🏻一入門口已經見到佢地跳跳下咁 太可愛了令人感到開心😛今次叫咗二人餐二人餐包括沙律，粟米忌廉湯，仲有兩個主菜，燒豬肋骨同埋卡邦尼意粉，特別推介大家食燒豬肋骨有三件燒豬肋骨旁邊有薯蓉，烤得軟腍，骨頭吮得一滴醬也不剩。兩杯特飲，伯爵茶拿鐵芝士賴蓋幾好味😍唔會太甜味道好香濃 同出面嘅手搖飲品舖差唔多有水準👍🏻😋額外仲加多咗個小食拼盤😋入面有炸魚柳同埋炸雞薯條😍好香脆，好滿足

呢間cafe 好難得係小朋友都friendly 嘅cafe我有個岩岩小六嘅親戚，好想去下貓cafe ，佢屋企唔養得寵物 唯有帶佢黎望梅止渴😆餐廳🍴QR code order,即order即整 等嘅時候可以同貓玩 食完野又可以繼續同貓玩無限時，可以玩夠先走間唔中上黎嘆杯咖啡都得☺️Order jor 二人餐兩個餐湯 兩份沙律🥗Main 揀兩款 飲品 揀兩款 可以叫特飲添😋👍🏻揀左芒果薄荷梳打 🍹好fresh 唔會過甜 好岩細路飲特濃鮮奶朱古力🥛 正 好香濃 🍫我個妹妹好多野唔食 比佢揀左三重芝士焗闊條麵 夏威夷風情拉絲水牛芝士pizza岩哂小朋友口味 佢仲食左兩塊半呀 即叫即焗 兩個都左都熱辣辣 好拉絲呀有優惠價叫甜品/升級小食 個人覺得叫set 抵食啲環境方面：👍🏻👍🏻👍🏻👍🏻👍🏻我覺得地方大 無臭味 做足清潔消毒 貓同人都有足夠空間休息 有好多貓 貓又親人 連小朋友都唔驚添價錢都抵呀 價錢係哂餐單度 清清楚楚 其他貓cafe 有啲限年齡，有啲限時間，有有最低消費 多左時間又要再叫野 某啲係加完錢得包紙包飲品🫣

拍拖日👫男友係愛貓之人，同佢嚟到全港最大嘅貓貓café ，佢有佢玩貓，我有我食嘢😂意式肉丸芝士肉醬闊條麵🍝 $83最愛食肉醬❤️番茄味香濃酸甜，上面有拉絲芝士，搭配粗身嘅闊條麵非常味美！紐西蘭肉眼扒配闊條麵🥩 $128用上辣根燒汁令到肉眼扒更惹味，煎得剛好肉質唔會韌！ 日式炸餃子🥟 $38有驚喜💥炸到脆卜卜熱辣辣上枱，一打開肉汁爆出來，好正！雪山心太軟配雪糕🍨 $58好香濃嘅朱古力流心😍就算搭配埋雪糕都唔會太甜！玫瑰蘋果醋梳打🍹超爽勁冰涼，蘋果醋酸酸甜甜，玫瑰花香味十足，清爽的搭配👍🏻400次薄荷朱古力咖啡☕️濃郁嘅400次咖啡香滑，帶有少少薄荷嘅清香！食嘢嘅途中不少貓貓都會跳上枱陪你一齊食，全部都好乖，當你食飽之後仲可以買罐罐餵埋貓貓🐱然後就會被貓圍攻😂全部都係為食貓！

貓貓可愛，可惜我唔會再去多次甜品難食，完全唔認為值果個價個雜莓bagel真係食到我出曬問號，一邊硬一邊軟，硬嘅部分似係麵包加水放入微波爐入邊叮跟住變成硬脆，一口落去似石頭成口都係麵包碎，完全唔知想點，距仲要漿住融化嘅雪糕同一堆超甜嘅棉花糖。而用印仔換嘅甜品真係非常普通，例如泡芙，距真係一舊泡芙，內裡中空，仿佛食到一舊充滿空氣的麵皮，我好後悔點解要帶張卡出來上次試過主食已經覺得普通，如果唔係個fd想試下貓貓cafe，就算有印仔都無唸住來，只不過今次真係難食到忍唔到我覺得好有必要講下，唔該改善下食物質素，我唔想有其他人體驗到我嘅感受。幅相係亂影，有啲樣衰將就睇下算

今個post要重點介紹呢間貓貓cafe呀🥰呢間貓貓cafe係觀塘 ，位置寬敞😆嘩！一入去勁多貓貓呀☺️每隻都超可愛💕佢哋會趴係張枱度！企喺你張凳度😍奴才們可以盡情親近主子啦😆入黎之前要用酒精消毒雙手同著上鞋套！以保障貓貓健康🐱貓貓一啲都唔驚人！呢到既貓貓肥肥白白，仲好乾淨！見到店員們都好錫貓貓❤️ 呢到有好多唔同品種同性格既貓貓☺️每一隻貓貓都有名牌架！仲有靚靚口水肩💕大家快d搵吓糯米糍、格仔餅同麥提莎喺邊度啦😝野食叫左三文魚沙律同三文魚柳💕質素都好好😳三文魚柳配蜜糖芥末醬一流呀👍🏻沙律夠晒新鮮🥗！飲品都好多款式！今次叫咗桂圓紅棗茶❤️仲有好多咖啡同無酒精飲品選擇架👏🏻以貓Cafe來講嘅質素超級唔錯😳！鐘意貓貓🐱既人快d黎感受下一路食野一路被貓貓圍住既幸福啦！❤️

愛貓人士唔好錯過😍貓咪佢哋超活潑又痴人❤️除咗可以同貓貓一齊玩之外 食物都好好味😋避風塘雞翼 $78即點即做 外皮炸得超香脆🤩加埋有避風塘嘅炸蒜粉等調味 惹味之選🤤同時欣賞佢雞翼冇乜雪藏味 本身又無醃製過 咁就唔會過重口味🥰慢煮三文魚柳 配 蜜糖茉末醬 $168兩大塊三文魚柳😝口感表面焦香 內裏滑嫩 如果魚皮在煎脆啲就更perfect喇😁東瀛蟹籽軟殼蟹拉絲水牛芝士手工薄餅 $128大大隻軟殼蟹🦀新鮮香脆！飽肉多膏！佢哋嘅Pizza底雖然唔係薄批 但完全都唔會膩！口感係有麵包嘅鬆軟 批底好香脆🤩加上面頭拉絲芝士份量超足❤️好滿意🥰

Went for lunch again. Ordered the ribs, spring chicken lunch set with 2 drinks. The bill came to $4xx. In terms of food, definitely went downhill.The ribs were very dry with the splash of spicy sauce and some really soggy eggplants. The mashed potato was also tasteless. The strawberry soda was very sugary but didn’t taste anything strawberry. The coffee tonic was also bad. Honestly the food was a let down. Would go for just burger next time. Hard to go wrong with that.Yet they do have more cats

🐱🐱cafe愛🐱嘅朋友一定要嚟由於無book位，要等，不過等左一陣就有枱😁進入餐廳前要著上一試性鞋套，只要放隻腳連鞋落部機度就可以，唔使用手套，又唔使烏低身。尼個安排幾貼心❤❤一入餐廳就見倒好多🐱🐱自由行嚟行去，好可愛😍😍😍講番食物……蜜糖芥末烤春雞 - err……味道一般，肉質好鞋黑松露雜菌焗意大利飯 - 好濃芝士味，普普通通，不過不失每枱客人進食後，可+$18購買🐱糧一小包餵🐱🐱整體……有點失望…… 餐廳環境有點似工廠飯堂，一點都唔chill，好迫，人又多，🐱同人行嚟行去，好嘈好嘈如果鍾意🐱🐱可以試試，我……就一般