URBAN Cafe (麗新商業中心)

营业中

休息中

Book 左12點帶寵物，但係排隊時一開始係一條隊，之後職員先話分開Walk in同埋有Booking，我諗住去問下啲人又勁鼓譟以為我打尖（排貓cafe 果啲人好緊張）。排到又話要等帶位去另一邊（另一個入口），好混亂同埋經驗唔係好好，同個職員講又當聽唔到。食物係幾好，咖啡都唔錯，不過就要自己去拎餐攞食物，有啲唔方便，坐高一層嘅人就不停上上落落，張檯亦太細。同埋唔知點解係冇侍應，要等有侍應經過先至可以叫埋單或者問嘢。整體黎講，價錢都算合理，食物唔錯，不過冇乜服務。但帶寵物來講坐室內有冷氣係好重要❗️香港真係冇乜地方可以室內帶寵物。

去過URBAN CAFE旺角店同觀塘店，分別都有好多貓貓🐱真係令人好開心！知道荔枝角開咗新店，更大更舒適，我就約埋朋友一齊去同貓貓玩😻12點開門就到場，都有好多人排隊～證明貓貓的吸引力😘 午餐時間每人最低消費一個午市套餐，套餐包咗主菜，餐湯同牛油多士條。份量好豐富。✪ 烤韓式五花肉泡菜蘇格蘭漢堡 💲122五花肉烤得恰到好處，半肉半脂，好滋味。泡菜酸酸地好開胃。加咗牛油果奶昔💲30，口感好奶滑，淡淡牛油果香。✪ 帆立貝青醬忌廉長通粉 💲103青醬味道好濃郁，掛係意粉上，好好味。帆立貝有嚼口。加咗青檸薄荷梳打 💲48，感覺好清新！✪ 忌廉蟹肉薯餅💲48用優惠價加配咗4件薯餅。外脆內軟，入面忌廉蟹肉好綿密。✪ 提拉米蘇 💲78估唔到係咁好大份！入口順滑，唔重酒味，底層有軟透嘅餅乾。【 Urban cafe 】📌荔枝角長沙灣道680號麗新商業中心1樓

首先餐廳向未夠一歲既BB都要收最低消費，但餐廳又無提供BB可進食的食物，咁點消費？夾硬收多一個人頭錢🤔而向員工查詢時只表示唔滿意可以離開？什麼態度？由於未試過去餐廳要向未夠一歲既BB收取最低消費，只係想查問清楚，怕自己聽錯，但員工態度惡劣。另外員工們就算見到揮手示意都視而不見，連餐具都係自己拎，無服務可言。而餐廳標榜歡迎寵物，寵物不用最低消費反而未夠一歲既BB就需要？各位帶BB既家長諗清楚先去😒另外場地太大，貓貓比例唔多，基本貓貓只係遠觀，而接觸得到既時間好少（幾下左右），因為當你一伸手接近，貓貓便跑走了。

之前去過一次 Urban Cafe 覺得好好玩，貓貓全部又得意又乖，餐廳又好乾淨，重點係食物即叫即整，好有水準 😋 見到荔枝角都有分店，所以就約埋喺附近返工嘅朋友一齊去比貓貓治癒一下 💕去到要爭取時間陪主子啊 😍 所以快快手揀左個 Set for 2，入面已經有餐湯、沙律、兩個主菜同埋兩杯嘢飲，我哋仲加錢加多個小食拼盤，食飽 d 先有氣力同主子玩架嘛 🤩明太子紅蝦蝴蝶粉兩隻紅蝦都好大隻 😍 而且非常鮮甜 🤤 蝦頭入面 d 膏簡直係 MVP 😋 我啲粉煮得剛剛好，明太子嘅 sauce 好香，味道唔算太濃，唔會搶左紅蝦嘅鮮味 👍🏻夏威夷薄餅水牛芝士同車打芝士組成了澎湃嘅拉絲 🤤 上面仲有煙肉同菠蘿，屬於厚 pizza 但係個邊都幾脆，唔錯 😋滋味小食拼盤入面有薯條、炸芝士雞胸同埋紐西蘭魚寶，全部都唔會殺得太乾，而且都幾脆，又唔會好鹹 😋 加上份量都多，食得好滿足 😆飲品：香橙蜂蜜梳打、玫瑰蘋果醋梳打兩杯梳打入面都有爆珠㗎 😍 而且唔會好甜，香橙同蜂蜜味好夾，微微酸甜好 fresh，蘋果醋就偏酸，有少少玫瑰香，飲落都好舒服，推介 😆 沙律同餐湯都幾唔錯，尤其係餐湯，夠曬濃同 creamy，勁

❣️荔枝角新開貓cafe❣️之前都去過觀塘同旺角分店，見今次開咗新分店就過嚟試下新分店係木系風格，空間好大，亦有好多比貓貓休息嘅地方，舒適休閑。場地都好乾淨，唔會有異味👍🏻👍🏻食物味道都唔錯，特別推薦封門柳，火候控制得幾好，肉味香濃，另外仲有松露汁同奶香薯蓉伴碟，味道配合得幾好。甲羅燒長通粉都好唔錯，意粉熟度恰到好處，醬汁味道濃厚，有埋蟹殼一齊上碟，打卡一流👍🏻👍🏻但甜品就差少少，叫咗個伯爵茶蛋糕，冇乜茶味，而且偏甜，雪糕都係一般，大家唔洗專登叫🥲新分店一樣有好多可愛親人嘅貓貓🐱😻貓貓全部都肥嘟嘟，毛毛都好順滑。想同佢哋有更親密接觸仲可以問店員購買乾糧或者濕糧，親自喂比貓貓食🥰🥰整體表現ok，有貓玩，嘢食質素都唔錯，甜品麻麻哋，經開呢頭都可以試下

荔枝角新開左一間貓貓Cafe呀！係外面就已經望到勁多貓貓啦！平時去開既貓貓Cafe嘢食都覺得麻麻，但係呢間又唔錯喎，水準你完全唔會覺得差👍🏻我7:30去到，大約見到都有數十隻貓貓🐱4個人去到，叫左個4人餐$658套餐有4個沙律🥗，4碗餐湯🍲，4款主食，4杯餐飲套餐加$48仲可以有四人小食拼盤🥘🔸沙律🥗餐湯🍲作為前菜，沙律同餐湯都不過不失，正正常常啦！🔸4人小食拼盤🥘小食拼盤有薯條🍟，炸芝士雞胸🐤，紐西蘭魚寶，炸雞翼🐣令我最讚不絕口就係個炸芝士雞胸，個皮好薄，炸完出嚟仲好脆口，咬落雞肉仲好多汁😍🔸煙三文魚溫泉蛋卡邦尼扁意粉🍝傳統嘅卡邦尼意粉，個人覺得卡邦尼就一定冇得說，不過溫泉蛋就煮得有啲過左，做唔到留心嘅效果🥹🔸明太子紅蝦蝴蝶粉🦋有兩隻大蝦係碟上面👍🏻分量十足，都好大碟㗎，蝴蝶粉配上明太子一齊食，真係冇得輸👍🏻🔸西班牙燒烤醬黑毛豬肋骨🦴起碼有超過10條骨呀😍份量都唔少㗎👍🏻燒烤醬汁都好入味，仲有薯條做底👍🏻🔸夏威夷薄餅🍕即叫即整，做到拉絲嘅效果👍🏻薄餅底都唔算厚🔸梳打咖啡☕️第一次飲梳打咖啡，就覺得好特別，嚟到已經聞到香濃嘅咖啡味🔸檸檬茶🧉我就叫咗少甜，正正常常啦！又真係會小甜👍🏻🔸蜂蜜

Urban Cafe應該好多人都識，佢喺觀塘同旺角都有開設分店，知道佢哋喺荔枝角開咗新分店，咁我都即刻過嚟同貓貓玩下，食下嘢！新分店行小清新路線，空間感好強，裝咗好多落地玻璃，光線充足。同時亦設有貓樹同貓架比貓貓休息同玩，設計有心意。而場地都好乾淨，唔會有任何貓貓嘅味道，客人入場前都要着鞋套同埋消毒雙手以確保場地衛生同保障貓貓嘅健康👍🏻雖然urban cafe係貓cafe，但食物味表現都唔錯。封門柳配上松露汁同薯蓉，大約係五成熟，肉味濃，都唔會靭，份量都ok。無食開咁生既我都覺得好唔錯！甲羅燒長通粉，意粉有咬口，撈上醬汁同蟹膏，味道濃厚，係打卡之選👍🏻 比想像中好味🤭新分店嘅貓咪一如既往嘅咁得意🐱肥嘟嘟，毛毛順滑，全部都可以摸，見到好多小朋友都可以玩得好開心。想喂貓貓嘅人都可以向店員購買乾糧或者濕糧，不過數量有限，想喂就要提早同店員講聲。眼見小朋友有得參與其中，佢哋都好開心😁整體嘢食質素唔錯，鐘意貓貓嘅朋友唔好錯過！🥰有得食又可以同貓貓玩一舉兩得如果用餐時間再長啲就更理想啦！

入去的客人好極端，愛貓的人只係想寧靜同貓兒一齊食頓飯，帶小朋友的家長就只為小朋友可以玩貓，開心就自然嘈，咁會點？愛貓既人就會好唔鍾意咁話，這裡不是遊樂場，兩者諗法唔同，跟本都不能共處，亦無話對錯。這裡職員態度惡劣，見小朋友不守規矩只用鬧方式去處理，家長接受唔到自己子女比人鬧真係唔好去，仲有，唔好旨意有得餵貓，見你有小朋友一定唔會賣比你野食方面，拉絲薯條無拉絲，炸雞得肥膏，pizza又咸又乾，絶不再幫襯

全港最大最平嘅貓Cafe 一「 Urban Cafe」開到去荔枝角，新店位置鄰近地鐵站，環境明亮潔淨，空間仲十分寬敞。雖然主角係貓，但其實食物質素比預期高，而且價錢唔貴，無Mark-up之餘，亦無最低消費，得閒過黎坐下玩下貓都幾寫意。先講食物：楓糖漿蕃薯條 ($68): 酥香甜美，蕃薯味幾重加埋楓糖漿更香甜，但唔會太膩。安格斯封門牛柳伴黑松露燒汁 ($188): 封門柳肉質鬆軟，牛味比較濃郁，向來都係我Favourite。Medium熟度，肉色粉嫩，嫩滑具肉汁，幾好食。四重芝士肉醬蝴蝶粉 ($98): 肉醬調味適中，酸酸甜甜味道唔錯，加左少量芝士都幾香口，「四重」芝士呢個Term聽落好似好多，但比預期少。但相信大部份人過來都係為左玩貓，而非只食一頓豐富晚餐。無特別問/數有幾多隻貓，但一定有逾三四十隻，貓貓可自由在店內活動，除左可以係Common Area玩，佢地亦會隨時坐係你張枱旁邊，但佢地被訓練過一般唔會主動食客人嘅食物。而呢度亦有提供罐罐/乾糧比食客購買，親自餵貓貓食，大部份人都會買，而每枱好似限購一罐。大部份貓都幾親人，男女老幼都玩得好開心，得閒黎放鬆下都唔錯。

鐘意貓既小編平時放假都鐘意去下貓CAFE，之前去過URBAN CAFE幾次感覺都唔錯，新店在麗新商業中心1樓，裝修以木系為主，新店空間感大，門口仲有棵木樹俾主子訓覺休息，店內仲有長枱方便啲貓貓周圍行下，今次叫左個二人套餐CP值都好高SET FOR 2 $348兩份精選餐湯兩份精選沙律餐湯係西蘭花煙肉忌廉湯，入口綿滑，沙律菜都好新鮮明太子紅蝦蝴蝶粉造型可愛的蝴蝶粉，加入白汁同雜菌好Creamy，紅蝦有兩大隻爽口彈牙，貓Cafe都有呢個質素有驚喜夏威夷薄餅(羅勒番茄醬、水牛芝士、車打芝士、煙肉、菠蘿)薄餅輕脆內裹軟熟，芝士味香口，可以同朋友開心Share套餐包左2杯$38或以下既飲品，亦可以補差價升級今次揀左香橙蜂蜜梳打同蜂蜜柚子茶，兩杯都好清新，不會太甜有助解膩

😹荔枝角貓貓Cafe 萌爆貓貓陪你食大餐到訪過觀塘Urban Café數次，感覺Urban Café是最高食物質素貓café了。這次和朋友相約到開業不久的荔枝角店，工作過後，享受美食，然後坐在店內的共用空間與可愛貓貓玩樂，生活愜意美好。🦀 地中海軟殼蟹希臘沙律 $128炸得金黃香脆的軟殼蟹配上色彩繽紛的希臘沙律，充滿視覺效果。希臘沙律爽甜的生菜、甜蜜的菠蘿、加上爆脆蟹籽，入口清新香甜，層次豐富。🐔 南巒炸雞翼伴他他醬 $78南巒炸雞翼外層香脆，內裡充滿肉汁，炸物搭上甜甜的他他醬，口味層次更豐富，蠻好吃的。🐮 安格斯封門牛柳伴黑松露燒 $188安格斯封門柳肉質軟滑，牛肉味濃厚，7成熟的切片封門柳外層微微焦煎脆口，肉質相當嫩腍Juicy。配菜有蘆筍、茄子、紅蘿蔔和翠肉瓜，搭配均勻。🐟 香煎海鱸魚柳伴藏紅花忌廉 $168海鱸魚柳肉身厚滑，魚皮煎得焦香可口，魚肉無骨啖啖肉，味道較清新怡人。🥐 海鹽芝士奶蓋鮮果牛角包窩夫 $98甜品可以選擇後上，海鹽芝士奶蓋味道香滑濃郁，配上香脆的牛角包窩夫，口感一滑一脆，加上新鮮水果，真的會讓你感到甜蜜又滿足。🥜 花生醬奶昔 $68有被驚艷到的花生醬奶昔，小編

本身同餐廳約左5點 但去到先話收爐…無得入要我六點先翻去餐廳… 又唔一早講清楚下次黎要問清楚d開放時間職員態度又麻麻試過觀塘嘅質素好d荔枝角唔推薦有d伏🥺🥺🥺🥺🥺🥺🥺🥺

2023.06.26今日同個同事Lunch Time食Farewell飯🥲所以決定去間Chill D 輕鬆D既餐廳🍴咁啱上網搵到公司附近嘅麗新商業中心就有呢間新開張無耐嘅cafe🆕除咗有得食之外🥣仲有好多得意貓貓🐱餐廳裝修以木系為主調🪵感覺較為舒適清新🌱而且有唔同品種既貓同你擦身而過🐱好治癒🥰午餐有十多款選擇💁🏻‍♀️每款免費🆓附送牛油多士條🧈餐湯同飲品（$38或以下/可補差價升級其他飲品🆙）今日我地叫左⬇️1️⃣牛油多士條🧈餐湯🥣今日餐湯係忌廉南瓜湯🎃好香滑加上甜甜又脆口既牛油多士條開開胃😉2️⃣紐西蘭牛肉眼扒🥩伴百里香牛油 🧈$128好大塊牛扒🥩而且有香脆薯條🍟同薯菜平衡番其油膩感🙂3️⃣蟹籽🟠鰻魚卡邦尼忌廉扁意粉 $110 擺盤好精緻✨食落好creamy 鰻魚粒香口🐟而且意粉又彈牙🦷4️⃣日式朱古力今川燒🍫 $98點可以少咗甜品呢個環節☺️原來係大判燒黎😍Pancake上有滿滿朱古力醬🍫中間夾住吉士醬🍫仲有一球曲奇雪糕🍪🍦同香濃cream可以一齊食用😆好邪惡😈5️⃣凍伯爵茶鮮奶🥛+$18好香滑🤍又消暑🌞6️⃣熱意大利🇮🇹朱古力🍫咖啡☕️ （轉燕麥奶）+$22好窩心可以加錢轉燕麥奶👍🏻口味相對較香濃同甜🤎

我今次去咗「Urban Cafe」食咗佢哋嘅二人套餐，$348有兩份湯同沙律，加埋兩款主菜同兩杯飲品。我哋揀咗明太子紅蝦蝴蝶粉同西班牙燒烤醬黑毛豬肋骨，兩款菜都幾好味。蝴蝶粉彈牙，醬汁都好Creamy，豬肉骨頭燒烤得夠香，肉質非常嫩滑，好食。餐廳嘅藍莓紫米酸奶同牛油果奶昔都幾好味，特別係牛油果奶昔，唔會好甜，轉燕麥奶又健康，不過要加少少錢。除咗食物好味之外，「Urban Cafe」嘅貓貓都好可愛同親人，令到整個餐廳氣氛非常放鬆同舒服。「Urban Cafe」嘅價錢比其他貓cafe更加實惠。入場唔收費，唔計時收費，唔限年齡，可以俾小朋友玩貓貓，環境清潔整潔，無臭味，好舒服。

呢間貓貓 Cafe原來已經係第三間分店🤗我地一去到門口首先要用自動鞋套機套上鞋套（阿仔真係覺得好新奇😂不過著左鞋套真係要好小心行路😂真係好鬼跣🫢）之後再要用酒精搓手液消毒雙手先可以入去，環境非常衛生，好多貓貓🐱但完全無臭味，貓貓都好乾淨，仲大部份都好親人😍成日走黎我地張枱😂有隻仲影影下相痴住左我大脾😍，佢地d毛仲好靚好滑😍😍而地方就夠大，日系木色裝修，中間有棵比貓貓爬既樹比我地同貓貓影相打卡📸而我地就叫左牛油果雞胸藜麥沙律 $98牛油果🥑新鮮，雞胸好嫩好滑，加埋藜麥，健康又好食！夏威夷薄餅$98味道正常，好多芝士，唔係好大份，係細 size 分到4件美國豬胺架伴青檸蘋果醬 $168豬扒厚身，肉質粉嫩，配埋個蘋果粒🍎甜甜地酸酸地幾得意，薯蓉都好滑海鹽芝士奶蓋鮮果牛角包窩夫 $98曲奇雪糕🍪🍨伴牛角包窩夫鬆脆酥香，面頭淋左d蜜糖🍯，配上新鮮士多啤梨🍓和藍莓🫐，再加上細細粒棉花糖，芝士奶蓋略嫌偏鹹左少少🤏食既時候可以點少d😂日本伯爵茶芝士蛋糕🍰配雪糕 $58芝士蛋糕好 Creamy，伯爵茶味都幾濃🍨雪糕球冇得揀味，所以都係曲奇雪糕😂🍫Oreo 脆脆朱古力雲朵沙冰 $62頂層有厚厚嘅 crea