URBAN Cafe (彌敦道)

营业中

休息中

URBAN Cafe旺角彌敦道566-568A號僑建大廈2樓2/F, Kiu Kin Mansion, 566-568A Nathan Road, Mong Kok又來樓上CAFÉ 見CAT CAT貓貓啦, 見到貓貓圍住你好治療架! 探下佢地摸下影下相, 不知幾咁RELAX 又開心, 別人家的貓貓總是不會令人失望。基本上都是點2人餐, $298Soup and salad$28 跟餐加小食，炸餃，雞同薯角，除左雞比較厚粉，薯角同餃子都脆身香口。黑毛豬BBQ RIBS是必食, 來到當然又要回味一下‧大大份十呎, 加埋炸薯條, RIBS肉又唔會好難,醬汁酸甜滋味, 是抗拒不了的。另一個主菜今次點了三重芝士肉醬闊條麵。肉醬個蕃茄醬調得好味。心太軟抹茶味，食埋甜品最開心。Xmas 貓貓都換上了Xmas 頸帶，超可愛，佢地又唔怕人。

今日Lunch約左幾個朋友去左Urban Cafe食用膳時間得1.5小時，lunch黎講都非常足夠。叫左個Lunch set, 有個牛扒跟扁意粉, 沙津, +餐湯同叫左杯特飲諗住係Lunch set無特別既期望, 點知一上菜我同啲朋友都嘩一聲好... 香... 呀...真心, 個扒好好食, 加埋用牛油處理過個扁意粉,朋友揀薯角，即炸熱辣辣，一d都唔hea個餐湯都唔錯，creamy 好飲。再加埋我地另外叫左個Pizza, 唻到個陣仲熱烘烘的, 個啲芝士勁正, 我兩三啖已經食左一件有時間我地都會再唻, 值得推介

今日走堂嚟咗旺角Urban Café。🧀即磨芝士黑松露野菌忌廉意大利飯 黑松露嘅味道突出，加上野菌同芝士嘅香味，令成個飯嘅層次感level up!! 食黑松露忌廉飯最驚就係個飯太過膩，搞到好濟，但好彩呢次個配搭啱啱好，就算食哂成碟都仲有胃食到少少小吃！推薦🙌🏻🌿鹽燒厚切牛舌蕃茄羅勒芝士闊條麵印象中好似無食過咁厚啲牛舌，食落口感好正 啲闊條麵唔會好稔，好有口感，有啲似手工麵啲質感 芝士味唔會太重，無蓋過蕃茄羅勒嘅味 鹽燒牛舌加闊條麵真係好夾 讚！(期望多兩塊牛舌 可以同朋友一人一塊😆🇪🇸西班牙黑毛豬肋骨配扁意粉今次呢個黑毛豬肋骨配上燒烤醬，好有美國嘅風味！豬肋骨唔會煮得太柴，件件都醃得好入味，本身會以為好小肉食，原來都幾好食😋配上橄欖油煮嘅扁意粉，真係好夾，亦都唔會好油淋淋，食完都唔會好油膩🇳🇴挪威煙三文魚拉絲水牛芝士手工薄餅薄餅餅底唔會太乾太硬，加上大量溶化左嘅芝士，望落十分吸引。雖然有好多芝士，但因為有煙三文魚所以食落都唔會太膩。而且每塊薄餅都平均有一塊煙三文魚，就可以確保每人都可以食到～🇺🇸M4美國豬鞍扒配檸檬蘋果醬和薯菜$148 呢塊豬鞍扒超厚切，我諗有成3 cm厚，但都唔會鞋颯

仲記得之前成日都係旺角搵好嘢食 喺旺角好多餐廳我都食過 無論係茶餐廳小菜店 又或者係糖水舖我都搵過曬 不過今日就嚟到呢一間 我個人覺得去旺角都算好特別嘅餐廳 因為呢間西餐廳 仲要係有得玩貓 鍾意貓既人一定唔好錯過😁😁最緊要係個環境又唔差服務態度又好，所以真係一次過滿足晒咁多個願望。😎😎二人餐及四人餐款式:意式青醬忌廉海蜆野菌扁意粉呢個係二人三或者四人餐都可以叫到嘅 佢係好好食 用咗好多唔同嘅醬汁溝埋 變咗一個好特別嘅自家製醬汁 配合埋意粉 搲多啲汁 咁我食埋佢陣間有層次感。❤️❤️❤️❤️                                           

假期約左呀媽去到Urban cafe食lunch, 去到地方唔算好大， 千幾呎夠十幾張枱擺，窗邊一塊落地玻璃望馬路。我地叫左三個餐，兩個甜品， 果到過barcode 落單，主菜方面呀媽叫左塊扒配薯菜，我叫左個鴨胸炒意粉，另外再叫多個帶子pizza ，首先跟餐嚟左個粟米忌廉湯，個湯粟米味好濃，忌廉相對無咁多；之後一個吞拿魚沙律，上面有啲吞拿魚醬，粟米同菜，個醬好好味有啲碎魚肉係裏面；之後嚟塊扒，佢加左好多汁，肉質都比較易咬，個薯寶好熱㷫㷫仲好脆；跟住叫左個鴨胸炒意粉🍝，鍾意食辣嘅朋友可以試下，佢有一定嘅辣度。意粉熟透唔會太硬，鴨胸佢切絲有咬口，分佈平均；甜品叫左個綠茶心太軟加雪糕，旦糕流心嘅部分頗多，糕質軟熟，雪糕自定朱古力，唔太甜，裏面有碎碎旦糕仔咬下；呀媽揀左pancake, 配兩個雪糕，賣相唔錯，pancake 夠甜，我地都差啲食唔晒，今餐好滿足。😬📍 URBAN Cafe (彌敦道) (旺角)旺角彌敦道566-568A號僑建大廈2樓

今日朋友話想玩貓，所以就嚟到呢間好出名嘅旺角Urban Cafe☺️ 黎一邊食嘢一邊玩貓 ，一次過滿足晒兩個願望。呢間Cafe環境寧靜，坐落都幾舒服。食物方面，呢間餐廳嘅質素都好好架，而且價錢都唔算好貴。二人餐嘅價錢都係$300左右😉，講緊係已經包左餐湯同埋沙律，兩個主菜，仲可以加錢要買小食拼盤，仲可以upgrade試吓佢哋嘅特色飲品。😝😝 所以呢間cafe嘅性價比真係好高😄你哋可以睇吓我哋叫咗咩嘢食，我自己呢就最欣賞佢哋安格斯牛肉竹炭漢堡😝，分量好大，塊肉都幾厚，一啖咬落去非常Juicy😍，而且竹炭包個賣相好特別，係打卡必點🤪而佢另外一個主菜—青醬忌廉海蜆野業意大利粉，忌廉汁濃郁，麵條硬到剛剛好😍，海蜆嘅份量都唔少☺️😋而小食拼盤都好抵食，只要加多$28就可以食到薯條、雞軟骨餃子、同埋炸雞塊😍。我哋食飽玩完貓之後，最後仲加埋個甜品😋😋brownie 配雪糕～～食完十分滿足☺️

放佐工準備同朋友搵間café坐低enjoy個dinner，book佐urban café試下。一入門已經好幾隻貓貓好慵懶咁閒逛緊，心情瞬間變好。.D野食性價比都幾高下，同fd2個人一齊食，叫佐個二人餐，300蚊有找就有個超豐富嘅晚餐。.一人一份是日餐湯、沙律同主菜，而主菜我地order佐個溫泉蛋煙肉野菌黃金卡邦尼意粉and西班牙黑毛豬肋骨拚薯菜，加多28蚊仲有客滋味二人小食拼盤。.其實已經超級豐富，我地仲衰貪心，叫多份黑松露拉絲芝士薯角>v<，但真心，中意黑松露嘅友友真系唔好錯過，超級驚喜。.同貓貓玩下玩下，好快D野食就黎了，個餐湯真系盛讚，甜而不膩，味道超級濃郁，仲要有粒粒南瓜蓉系度，加埋酸酸甜甜嘅爽口沙律菜，認真開胃。.卡邦尼意粉juicy得黎又唔膩，個菇啖啖爆汁，加埋韌口煙肉個香味，真系食到停唔到口。.豬肋骨煎到恰到好處，邊緣少少焦身，yang埋燒烤汁，又香又惹味。.小食拼盤好正，新鮮出爐嘅雞翼、雞軟骨餃子同唐揚雞塊，啖啖都系肉呢! 最無敵嘅系個黑松露芝士薯角，平時去親餐廳有黑松露薯條都一定會點，但質素真系好參差。呢度真系有驚喜，芝士系熱辣辣淋上去，唔系個d已經凍

Lunch 有多少少時間食飯，同朋友一齊黎左食。1）『燒紐西蘭牛肉眼扒 配 薯角』＋跟餐湯、沙律一開波個餐湯唔錯，唔係普通忌廉湯，入面有重少少甜味，可以飲多兩碗，之後嚟塊扒，勁大塊，朋友有一塊偏細，佢竟然比夠2塊，加埋磨菇汁juicy!啲薯角仲要即炸，脆到呢！要嗌！2）珍珠帶子拉絲水牛芝士手工薄餅見到隔離枱嗌咗哩個，啲拉絲睇落真係好正，雖則我食完個扒，飽到上囉柚，但真係太吸引，所以照嗌。果然無令我失望，芝士香濃、甜度適中，最緊要係落足料。總結，哩度環境同食物真心幾好，價錢唔貴！

Urban係我同男朋友愛店，每個月我地都要黎探貓貓～～～因為佢地個二人餐真係CP值好高所以我地次次都係會叫佢～～今日嘅餐湯係南瓜湯，飲到濃濃既南瓜味正正～～跟住就係沙律，滿滿既菜菜，食完就預備食個main la!溫泉蛋煙肉野菌黃金卡邦尼扁意粉：今次個卡邦尼意粉我覺得進步左！醬汁Creamy左好多，啲意粉成功掛到汁！ 加咗煙肉野菌除咗令口感變更豐富外，好！西班牙黑毛豬肋骨：豬肋骨份量都多有兩大舊，兩個女仔都夠食！豬肋骨肉質軟稔，好易就能切開，表面嘅燒烤醬夠哂惹味，亦令豬肋骨肉味更加突出。滋味2人小食拼盤：2人餐可以加28蚊追加嘅小食拼盤，入面有熱辣辣脆卜卜嘅雞軟骨餃子，炸雞同埋炸薯角，佢哋全部都係即叫即炸，喺調味就加咗少少辣，令其變得更加惹味，一食上癮。黑糖拉鐵：黑糖味都幾濃，但唔會太甜。呢款拉鐵係不含咖啡因，所以唔啱飲咖啡嘅人都可以一試。另外除左野食有進步，我地發現貓貓數量都多左！

朋友一直都好鍾意貓貓，見佢話呢排心情唔好，特登同佢黎Urban Cafe玩下食下野一入去已經好爆場，而且好多貓貓，覺得非常得意我地就點左個二人餐加多個小食二人餐點左芝士黑松露野菌忌廉意大利飯，同埋巴馬火腿拉絲水牛芝士手工薄餅，另外個餐仲包沙律、餐湯同野飲小食就點左金沙雞翼芝士黑松露野菌忌廉意大利飯有唔少野菌，啖啖都食到菇，忌廉芝士味道亦都好香巴馬火腿拉絲水牛芝士手工薄餅好出色，好鐘意呢個薄餅既厚度，外脆內軟，岩岩焗出黎食 好好味，加埋我都好鐘意食巴馬火腿，呢個火腿係較為淡味既，唔太咸金沙雞翼炸得好香，d咸蛋係外面炸到好香口，但入面都唔會好乾一路食一路都有貓貓經過，可以同佢地玩，全部都好得意食完仲可以幫佢地影下寫真，滿足過食飯呀

終於完成咗工作 去到deadline嘅時候 啱啱好就係星期五 難得幾遠嘅配合埋一齊 鄧要畀自己享受一下 搵一間好食嘅餐廳慰勞一下自己 所以今日就過咗嚟呢一間餐廳 呢間餐廳環境好靚 之前已經食過㗎喇 嘢食都好好食 同埋呢度仲可以有貓陪你 感覺冇咁孤單今日過到嚟都幾多人 但係多人得嚟都唔使等好耐位 證明咗呢度嘅員工好快手 犀利犀利👍坐咗一陣今日就叫咗一啲新嘅嘢食 係我之前未食過嘅 意式青醬忌廉海蜆野菌扁意粉估唔到呢個係用咗咁多嘅海蜆 再加上買我最鍾意嘅忌廉汁 所以真係好鍾意食呢個意粉。西班牙黑毛豬肋骨配薯菜    呢個用咗西班牙嘅黑毛豬 真係一件好靚嘅豬肉 所以肉質出到嚟真係有保障 好食得黎又放心

平時返工最得人多 多謝到有啲悶悶地 所以本身係諗住搵一間貓cafe 坐低休息一下 同小動物好好玩一下 畀自己放鬆一下 所以就過咗嚟呢間餐廳 點解我搵到呢間餐廳 其實都係朋友介紹畀我 因為佢都知道我成日會搵唔同你貓cafe 食嘢。餐廳鋪面寬敞舒適而且五臟俱全❗餐廳裝修優雅簡約舒適， 再加上 員工嘅服務態度友好好 所以嗰度呢真係一種享受 視覺觸覺聽覺味覺都滿值得到挪威煙三文魚拉斯水牛芝士手工薄餅呢個嘅三文魚係咪真係啱曬我 成日好怕啲三文魚好鹹 但係呢個真係啱啱好 好好食 再配合係呢個 青醬忌廉海蜆野菌扁意粉 呢個意粉又係好好食 係咪分量都幾多 一邊玩一邊食真係好enjoy。

要做到一間出色嘅西餐廳 真係唔係咁容易 因為西餐我覺得係易學難精 容易做得出 但係要做得好食嘅實唔係咁容易 所以今日嚟到呢間真係要介紹一下 因為我真係非常之滿意❤️❤️❤️❤️過到嚟呢一間餐廳 首先見到嘅第一個嘢 就係貓 我真係非常之鍾意貓 一見到就即刻超級開心 開心到都冇留意到其他嘢 等我冷靜落嚟之後我先留意到其他我留意到就係 呢度嘅環境原來都真係好靚 同埋感覺個氣氛好輕鬆 唔知關唔關呢間餐廳有貓事 所以真係好舒服。到咗食物方面鹽燒厚切牛舌蕃茄羅勒芝士闊條麵好少有得食闊條麵 呢度做出嚟嘅闊條麵好好食 同埋用咗好多蕃茄 好鍾意食蕃茄呀 ❤️❤️❤️挪威煙三文魚拉斯水牛芝士手工薄餅呢個手工薄餅真係手工做出嚟 最好食意式青醬忌廉海蜆野菌扁意粉            意粉亦都非常 足夠嘅分量。                                   

呢間餐廳係我之前喺openrice入面搵到嘅 其實都bookmark咗好耐嘅餐廳 今日整個呢頭 所以就決定過嚟呢度食嘢 睇下呢度有啲乜嘢菜式好食先 地點嚟講都非常方便 地鐵站行出嚟行幾分鐘就到 地點都好容易搵得到😎過到嚟嘅時候等咗一陣位 不過都唔需要等好耐 同埋等緊嘅時候 竟然有貓貓陪我一齊 成件事邊個好開心 等耐啲我都願意😂😂    坐喺度睇一睇餐牌我就叫咗挪威煙三文魚拉斯水牛芝士手工薄餅 呢個真係好好食喎 因為佢真係用咗好多芝士 同埋手工做出嚟嘅薄餅真係好食過機做好多仲有呢個 西班牙黑毛豬肋骨配薯菜 真係好好食 同埋佢真係用咗好多 薯菜 全部都好好食最後叫咗一杯 雪糕棉花糖朱古力 當係甜品咁食 都已經好滿足吧。😎😎

自己係一個非常之鍾意食西餐嘅人 不過我覺得呢排好多西餐廳其實都唔係咁好食 好多都冇咗心思去做 不過今日嚟到呢一間 我覺得係我近排見過最有誠意嘅一間西餐廳 除咗環境裝修非常靚 中咗好多成本之外 員工嘅服務態度亦都好好 最後嘢食都好好食 仲有可以玩貓貓 感覺好和諧 氣氛處理得好好😋😋嘢食方面我自己叫咗 挪威煙三文魚拉斯水牛芝士手工薄餅 呢個係一個好好食嘅薄餅 同埋都幾大塊 所以都幾抵食意式青醬忌廉海蜆野菌扁意粉        意粉亦都好好食 味道處理得啱啱好 好食得嚟感覺都好健康☺️總括嚟講到呢間餐廳都非常之滿意 下次都會再過嚟呢度幫襯 下次仲會帶埋其他朋友過嚟試添