Uncle 4 Bar (已結業)

第一次食是兩年半前了，哈，今天才寫食評。這裡是我跟他第一次兩個人單獨約會時，食飯的地方。地點是他建議的，他很像是很懂吃的，反之那時的我，只會吃十多二十元一餐，平常吃得最多是粉麵店。真的不知道有這地方。入去坐下後，覺得很黑也很有情調，有燭光。一個餐很大，要幹掉整個餐真有點難度，還好他的胃口不少。我記得他點的是鵝肝，我吃的是雞扒吧，相信在此我是不會有太多選擇是會吃的。整體是一餐氣氛很好的飯，我們談了很多，熟絡了很多。用今天的角度看，覺得70多80元左右吃一頓晚飯，也不是很貴。

食過幾次lunch, 野食夠熱, 水準時好時差, 最好食係焗飯, 因為夠熱吖嘛~~~ 其他就一般啦, 咁既價錢都算合理既....總之,黎呢度唔可以要求太高, 有時仲會播d好leung既歌tim......

星期六中午, 要去亞士厘道搵食, 唔想食sushi one, 見佢唔貴,門口個menu d野都好似幾0岩食, 入到去先發覺佢同響外面睇既環境相差好遠,地方好細,anyway 都入左黎,個waiter 俾左入面近水吧個位我地, 冷氣凍到死, 朋友要左海鮮tempura 烏冬,我要了鴨胸,雖然當時唔係太full, 落左order都要等好耐, 朋友個面先上,點知上錯拉面,唔係烏冬,叫佢換,叫左好耐個waiter都未得閒理我地, 同左佢講要換,又再等左一陣, 換番黎個烏冬,朋友一食,覺得個面同個湯既溫度唔係好同,懷疑佢唔係真係換過一碗新既黎俾我地,而係將頭先果碗拉面拎起左d面,再加番d鳥冬落去,硬係唔知點咁, 朋友食左一半, 我個鴨胸都仲未黎, 催下個waiter,佢話因為係即刻煎,所以要等, 大佬呀,都唔係等咁耐架? 過左一陣, 我個鴨胸終於黎, 好在都幾好食, 唔係真係激死!

本人間中都有去Uncle 4(亞士厘道), 幾ok! 今早行過港景峯的Uncle 4, 便有一試心態, o甘就出事啦...., 有個""金髮waitor"", 落單時好似想駡人, 今時今日o甘既服務...(食物有幾ok都無用....)

依間o野開左好多年o架喇,其實最近味道和款式都改善o左好多,只是由朝到晚都好忙,所以服務就麻麻..只有在下午茶時段較抵食.

dinner order 左什扒和羊架, 唔好食, 什扒乾過塊柴, 羊架肥過扣肉... d 燈光黑mum mum, 睇都睇唔到...待應無笑容, 或者太黑, 佢笑我都睇唔到..唔會去, 請都唔去,費時食錯o野都睇唔到.

好開心同個best friend食飯.. 但我地都唔知食咩好.. 咁就去亞士厘道搵下有咩食.. 今晚想食西餐.. 咁就試下呢間啦.. 呢間餐廳d食物都ok.. 冇乜問題.. 但個女侍應真係好古怪.. 入到去既時候已經見佢講緊手提電話.. 都冇乜招呼客人.. 都唔緊要啦.. 我個friend問佢個蕃茄雞絲意粉可否轉白汁.. 佢話得.. 點知黎到都係茄汁.. 俾佢吹脹.. 叫佢俾d牙簽.. 應左你話好.. 十年都未拎到出黎.. 佢真係好比小丸子裡面既阿呆.. 成鬼日抬高頭望住部電視.. 呆呆地.. 唉.. 咁既服務真係好唔要得.. 不過食物質算係唔錯.. 尤其呢間野唔太貴.. 我叫既羊扒餐有成3件羊扒咁多.. 好大碟.. 而且唔韌.. ok好味.. 頭盤既沙律都好味.. 唔計服務既話都值得試下既~~

服務態度超差﹐問佢有冇非吸煙區﹐佢o係2 張有人食緊煙o既table 中間拎走左個煙灰缸就叫做「非吸煙區」﹐餐牌用「掟」o既方式畀你；d野食尚算可以（我叫左個葡式焗豬頸肉飯）﹐但我叫果個提子雜飲真的好「特色」lor ——只係一杯加左冰o既利實納!!!

點選了海鮮波菜麵午市套餐,先來了蟹柳忌廉湯,唔...好香濃好滑,再試主菜的波菜麵,海鮮料雖然少了點,但那汁味道好,很配合清淡的波菜麵,份量更是十足,如果細食的朋友,可以兩個人分享一個套餐,一來省錢,二來又不會浪費食物,一舉兩得也!

今日同媽媽出左去尖咀行下因為每年聖誕都會出一次行行下見肚餓就去左呢度搵野食啦睇倒佢個set dinner都唔錯所以就入左去環境幾黑因為夜晚會變一間bar但d位都坐得幾舒服食物方面我叫左「香草雞扒拼燒牛仔骨」雞扒幾好味~但牛仔骨略咸伴薯菜食~d薯角岩岩炸起幾好而媽媽就叫左個「寶雲蘇燒焗羊仔扒」仲有少少羶味如果冇埋就好勒至於其他例如餐包都整返熱先上檯~同埋餐湯幾香濃而個salad都係一般薯仔salad冇咩特別餐飲可以飲紅酒但我同媽媽都冇飲到~因為睇唔倒服務尚可見隔離檯果個因為要四成但上檯既接近全熟有位哥哥仔即刻幫佢換左都唔見黑面仲要好快換返比佢跟得都幾貼整體黎講呢個價錢仲有其他選擇如果冇咩特色既會試第二d餐廳~

份量很可觀，價錢在TST來說還可以，不算貴，環境也很浪漫！不過要是享用晚會就要早，因晚上會變酒吧。

When i frist time came to there , after i finished my dinner . I felt their food too bad. So I don't want come to there next time!

同一班同學仔聚一聚, 五個人七點黎幫襯, 間餐廳都唔係好多人, 都係d情侶撐枱腳. 有焗飯焗意粉既套餐, $68, 朋友既芝士焗蜆肉意粉好似無咩材料, 普普通通.我同另外兩個朋友叫左豪d既set dinner, $88, 有湯，沙律，主菜同餐茶．羅宋湯都ｏｋ，　幾濃沙律係生果沙律，居然有幾粒涼粉，好surprise.我既主菜係虎蝦＋牛柳＋意粉，好大碟，根本食唔曬．虎蝦有ｄ雪藏味，麻麻地．牛柳就幾好，大件，八成熟，切開時裡面微紅色，有水準～！　意粉有ｄ牛油調味，都幾好．呢個餐食完仲有一小杯芒果布丁，可惜太甜．服務都唔太差既，待應次次都好快清理好食完既野．我地坐左近3.5小時都無問題～

原先想去Fat Angelo's,不過得兩丁友,唔多過癮,咪沿路搵食囉,見呢間都好似OK,咪入去囉,加埋我哋得5枱人,有個好似manager嘅人完全冇服務可言,冇笑容,冇眼神交流...反而有D young D嘅staff都好佢好多.叫左焗蠔拚牛柳同T骨,黎到時先記起呀"manager"完全冇問過我哋要幾成熟,好彩都唔差,都有八成熟,味道都ok咁啦.講返個"manager"全程對住個電視'咪'獎門人,真係有冇攪錯!!!仲有間野有陣'up'味架~

我同個friend有個星期六行到倦倦地, 正想坐低tea一tea, 見佢門面幾企理, 有幾多人, 即本試試, 點知賴野! 張檯好污糟, 叫了成個字都未有人執, 到有個妹妹黎抹, 抹完又好似無抹, 仲係好污糟. 都算喇, 叫2set tea, 又漏單! d 野食當然唔好味啦, 又嘈...無下次!