Ulyssa by Aldou (已結業)

呢間餐廳係工業大廈入面 一入到去感覺幾有情調 燈光暗暗地 每枱都放咗蠟燭 啲位都算寬敞 幾好坐食物方面 我地點左一個小食 兩個主菜小食我地揀左串燒拼盤(豬牛雞) 其實好多小食都好特別好吸引 不過唔知點解我朋友會揀個咁普通嘅小食! 不過錯有錯着 估唔到係出奇地好食 總共有6串 3串雞3串牛 佢燒得香噴噴 而且好有口感 點埋個汁食仲好食然後到主菜 北海道帶子羅勒醬扁意粉 有3粒好大嘅帶子! 食落冇渣 口感非常好 然後扁意粉配上羅勒醬 係好少食到嘅味道 好fresh 好特別 越食越開胃最後係 香煎三文魚配白酒沙巴翁汁 一黎到就聞到好香嘅三文魚味 然後配菜有少少青豆 蕃茄 磨菇 腸 三文魚煎得非常香口 一啲都唔腥 而個白酒沙巴翁汁亦同三文魚非常之夾 有啲似沙律醬嘅味道總括而言 如果係尋求一個寧靜舒適嘅環境 而且又有美食嘅地方 呢間會係一個唔錯嘅選擇！

全日早餐真係有啲難食，本身真係好期待一定好好食，點知，完全5吸引，本身以為係高級餐廳，啲嘢食係好好食，原來唔係香煎比目魚配菠蘿番茄莎莎賣相相當靚，食落去都ok，係咁多道菜裏面， 最正常嘅，所以味道都過得去煙三文魚牛油果醬意式包配薯條味道食落去係OK，嘅而且份量好大，夠4個人分香煎五花腩配腐乳紹酒汁賣相真係好靚，食落無酒汁，又多肥肉，肥肉仲有少少凍，完成失水準，我朋友話上次來食幾好，今次點解咁失準而我都是第一次食，已經頂唔順啲食物和服務人員的態度，有個女既10叫9唔應，而且黑口黑面，相反有一個着恤衫嘅男服務員，態度就好好就而且好有禮貌。而我們叫嘅兩杯熱朱古力，吹左3次都未到，明明都不太忙，點解仲要等咁耐呢？咁嘅價錢食啲咁嘅質素嘅食物，真係有啲失望。

工廈一向都有唔少美食，今次又去工廈發挖美食😋一出lift門口已經有易拉架擺係當眼位，絕對唔怕搵唔到🤓門口嘅佈置已經好文青style😍內在環境以木造擺設為主🌳🌿配上掛燈相當有情調🌹Menu相當齊全，有齊salad、snack、pasta同埋其他main course📋我地叫左一碟沙律、一份risotto和一份牛肉🤩3碟菜都decorate得好靚、好有心思💕🥗 水牛芝士辣肉腸沙律水牛芝士和辣肉腸嘅咸味與蕃茄和沙律汁嘅酸味相當配合😋鐘意食水牛芝士嘅一定不容錯過🧀🥓煙肉菠菜野菌溫泉蛋意大利飯意大利飯上面放了麵包趣趣做裝飾😚煙肉和野菌嘅用料好足。溫泉蛋放左係飯嘅上方，一切開溫泉蛋，蛋黃汁就會流落意大利飯到，超正！🤤真係流心溫泉蛋黎架😍🥩低溫慢煮燒美國牛腹肉配燒汁慢煮牛腹肉一定要試💕牛味十足，就算只有簡單燒汁蘸都能夠令牛肉美味倍增🤩想再添滋味可以點埋旁邊嘅芥末醬😚略略炒過嘅蔬菜都不錯👍🏻

Weekday都可以浪漫一下。今次不是去了尖沙咀或銅鑼灣的旅遊商業區，而是走進荔枝角工商廈區。近年這區都積極改革，老牌工商大廈都爭相變身，有些變成Spa，一些變成健身中心，而最多的應算是餐廳。今天來到的是一間很浪漫，而且很文青的餐廳。這裡樓底高，空間感特強，燈光設計很和諧，還播放著輕快歌曲，在這裡吃頓燭光晚餐很不錯。在餐牌上，看到幾個特別菜式，便點了來吃。Snack: 胡樣酸菜煮鮮蜆這個蜆跟一般餐廳的造法不一樣之處是它不是用白酒來煮，而是用了酸菜、原粒胡椒和原粒蒜頭。酸菜可以提升蜆用的鮮味，而胡椒和香蒜係可以刺激客人的食慾。Pasta: 寶雲酥波士頓龍蝦意粉有開邊半隻龍蝦，外殼烤到乾身，上面還有很多香蒜粒，而蝦肉仍保持鮮嫩，入口彈牙，味道鮮美。至於意粉的軟硬度就很適中，跟濃香的鮮茄醬拌勻一起吃，分外好吃。Main Course: 低溫慢煮燒美國牛腹肉配燒汁賣相吸引，一看便知牛腹肉是很鮮嫩的。燒汁調味唔錯。牛腹肉不點任何醬來吃已覺得很好味。點了燒汁或芥末來吃，更加美味。Drink: 自家拼配咖啡梳打這個自家製的咖啡加梳打亦幾特別。冰凍的咖啡加了梳打水，上面有很多cream。將cream

出咗bonus 成個月，今日先有機會同老公撐枱腳，好好食一餐慶祝吓。喺附近返工，第一次幫襯，放工行過嚟好方便。餐廳位於工廈，外面有點舊，裏面就好正。昏暗柔和燈光，播放著輕音樂，牆上掛上花花、小燈泡，加埋枱上嘅蠟燭，既浪漫又溫馨💕💖非常適合談心傾計。老公鍾意食羊，點了個蒙古風味燴羊膝$208大大嚿 豪邁粗獷嘅菜式🤣適合男士享用！未食已經聞到陣陣羊肉嘅香味，煮到骨肉分離夠晒淋啖啖肉，薯蓉蔬菜粒索埋啲肉汁，同樣美味啊！我就點了香煎虎蝦南瓜意大利飯$128隻蝦好大喔，肉質彈牙新鮮，舊南瓜又淋又甜好好味，啲飯食落都甜甜地有啲南瓜蓉。意大利飯煙韌，忌廉唔多唔會好滯！另外還點了一個避風塘式軟殼蟹$98軟殼蟹都係我老公嘅至愛😅香脆惹味，男人嘅菜式！菠蘿椰子沙冰$45好有驚喜好好味，菠蘿嘅酸甜同埋椰子嘅香都好夾，夠濃厚有果肉打成！

今日是我𠉴的記念日子，一定要有驚喜，於是一早book 定枱，食下一個浪漫的晚餐先.食店離mtr 1min , 十分方便易找，一看到這工業風的門口，我們就到了.有不少沙律及小吃.經濟的主菜及意粉.十分浪漫的氣氛，環境十分之舒服.裝修有型格.三文魚加上牛油果，十分之清新.帶子十分新鮮，加上意粉是即炒的，十分有穫氣，好味道.燒春雞，皮脆肉滑的春雞，火候控制得十分好，份量十足，香口好味道.希望大家也能夠過一天浪曼的晚上.

今天約了好友M相約在荔枝角午飯，原因她帶路買野，於是筆者帶路食野，一拍即合。午餐由$108-168, 另有加推項目。飲品除了一般咖啡、奶茶，還有花茶及特色飲品。先來是日餐湯，忌廉湯，完全唔熱，有點失望⋯⋯餐包用來點那加推項目，餐另加$68, 冬陰公蜆，相當唔錯。香煎比目魚配菠蘿番茄莎莎$128~魚皮煎焗得很脆，魚肉嫩滑，粒粒菠蘿配上番茄、薯蓉很夾檔。香煎帶子味噌海苔意大利飯$118~帶子有點老身，意大利飯未夠火喉，只爭一點點。四季鐵觀音~茶的質素平平，但除咖啡、奶茶外，也有花茶系列選擇而不另收費，唔錯。由於上網訂位，還有八八折。整體來說:魚做得出色，只是餐廳環境樓底矮，午市繁忙時段相當嘈吵，店員服務有點 cool ，還有很多進步的空間。

最近穩到工廈都有間浪漫情調西餐廳，店舖雖小但周遭的燈光佈置十分有心思！煙三文魚牛油果藜麥沙拉$88牛油果沙拉應該算是近期大受歡迎的健康食物之一，好味又健康。配合煙三文魚，香味突出。加上藜麥，豐富口感，健康人士必點！煙肉菠菜野菌溫泉蛋義大利飯 $108外觀相當漂亮！呢道義大利飯包含了好多豐富美食元素，意想不到配搭起上來係好好味！菠菜蓉混入溫泉蛋，配合煙肉和野菌，口感層次豐富，味道好夾。由於加入了溫泉蛋，令到義大利飯更加creamy入味！低溫慢煮美國燒牛腹肉配燒汁$238切件慢煮牛腹肉，經過一段時間慢煮過程，可以品嚐到濃郁牛味，牛腹肉非常juicy。想不到工廈也隱藏住平價又有情調的西餐廳，下次經過可以帶另一伴來嚐嚐！

呢間餐廳裝修好靚呀，夜晚食飯更加有氣氛，餐廳內好多細嘅燈，好似天上嘅🌟星，而且好多🈵️天星嘅花花，情侶黎撑枱腳就非常好，不過我今次就同咗細妹撑枱腳🤣我地點咗黑松露薯條🍟薯條🍟炸得一d都唔乾。另外，我地仲點咗帶子意粉，帶子好大粒，而且仲好新鮮。最後，我地仲點咗份燒春雞，燒春雞入面放咗飯，好特別呀，而且隻雞燒到皮脆，但肉質好滑。兩個人最後埋單先係五百蚊左右，都算合理，我最欣賞都係個裝修，影相一流。

荔枝角呢|工商業大廈都出咗名好多好嘢食，今次就比我發掘到呢間好己有有情調嘅西餐廳。一行入餐廳，就已經聞到一陣花香嘅味道，原來餐廳將一啲乾花掛起咗，既可以做一個裝飾，又可以令客人行入餐廳嘅時候聞到陣陣嘅花香味。餐廳嘅燈光偏暗，幾有情調，而每台嘅枱面都有一個小蠟燭。我覺得如果情侶黎撐枱腳都唔錯啊。嘢食嘅選擇唔算好多，但係每一個種類都有啲選擇叫咗一個燒牛肉菠菜沙律燒牛肉嘅份量都唔少，再加埋比較少見嘅菠菜苗，菠菜苗非常之滑，做沙律菜超正海鮮意大利飯海鮮嘅種類都幾多，而且每款有兩件。意大利飯都算係一個半生熟嘅狀態，唔會熟到太爛。 慢煮牛腹肉，感覺同沙律係用緊同一款牛，但係呢款牛又配左另一個醬汁，味道有啲唔同，幾正。

今日同同事去食Lunch，叫了巴馬火腿意大利飯、保雲酥春雞、慢煮牛腱及腐乳紹酒汁五花腩，第一次來這店，食物都好驚喜！以上4款同事都話好食，當中只有2款我有食，就是五花腩同埋慢煮牛腱。慢煮牛的外圍會比較難咬斷吞下，但中心位係Ok淋的！份量黎講，我個人覺得都大舊（平時可唔洗食澱粉質、單食餸甘計），我就夠飽的，同事爭少少，因為無咩薯蓉，唔係個個都飽足夠食。至於腐乳紹酒汁五花腩，初時見到個名都有少少滴汗，腐乳同紹酒的配搭都比較創新。但當來到時，店主整得好靚，已經好吸引目光，當食落去時，無咩酒味的、可安心食，應是在煮的時候揮發左，估計是正常現象。有腐乳味的，加上正花腩的肥膏，煮完出來好Juicy，同事同我都覺得好食！但要一個人食哂都比較油膩，所以餐飲叫左杯茶去解解油，平衡返。Well，初次到來，大家都食得好開心同滿足，覺得可以下次再Enclore～偶然獎勵自己食餐好少少、貴少少既話😆因為最平的餐都要$108，再加一，都算豪架～百幾蚊一個Lunch😎最後，如果餐廳餐飲點咖啡唔洗另外加成$12甘貴就更好，同埋多返少少薯蓉薯菜😆甘就更多人可以飽足😋

最近常去荔枝角搵食，因為呢度好多隱世小店，只要放工有時間就細心搵下，隨時有意外驚喜！今晚去既呢間係億利工業大廈，入口係幢頗殘舊既工廈，不過唔好被外表蒙騙，好多好西都係呢幢工廈入面！呢間Ulyssa by Aldou係以西餐為主，入到去已經好多人，好彩先book左位，唔係幾話唔知等幾時先有得食！先黎杯飲品，呢杯朱古力薄荷甜甜圈奶昔真係好邪惡！將所有甜野集於一身！奉勸各位如果好肚餓先好叫呢杯，如果唔係飲完已經半飽！再黎個炸薯條配松露芝士醬，同樣邪惡！ｄ薯條卜卜脆，仲有幾種醬你揀，yummy！另外仲叫左個避風塘炒蟹，金香鬆脆，每粒淮鹽滲透蟹肉入面，愈食愈惹味！

晚上到了這裏吃晚飯, 餐牌上的食物款式也算多, 有沙律🥗、小食、意粉、主菜供應, 我們點了燒牛肉香醋嫩菠菜沙律、北海道帶子羅勒醬扁意粉、香煎三文魚配白酒沙巴翁汁來分享。燒牛肉香醋嫩菠菜沙律 - 沙律的份量比較少, 上面有幾片燒牛肉, 底下有少量菠菜。北海道帶子羅勒醬扁意粉 - 意粉有微微煙韌的質感, 食落充滿橄欖油的味道。意粉上面的帶子有微微彈牙的質感, 意粉的口感也不錯, 裏面還有少量蕃茄粒, 以減輕意粉帶來的飽滯感。香煎三文魚配白酒沙巴翁汁: 香煎三文魚有兩件, 香煎至三文魚面層有微香脆的質感, 三文魚皮煎至脆卜卜。三文魚底下有炒菇、少量臘肉、蕃茄、青豆。但魚有點兒油膩, 底下有一層油。

星期四，又係我哋成班女同事外出食美食既時候，今日同事㨂咗呢間大家一齊來試下，大家都覺得環境部局有點似曾相識，上openrice搵下資料原來我哋之係來過，而同坐喺同一個位置。佢前身BONDI結業，或是改頭換面捲土重來。我真係諗太多了⋯⋯南瓜湯唔差，同事話無咩南瓜味既南瓜湯。好特別既餐包，點黑醋橄欖油，油太多完全無法點到黑醋，有點可惜。All Day Breakfast 分量相比其他同事的order豐富好多，只有炒蛋偏咸，哈哈⋯鹽不用錢買的嗎？ 第一次食咁迷你既牛角包，好酥脆，大菇肉厚內裡非常juice，配埋藍梅，燒菠蘿，非常fresh 一個價錢可以品嚐咁都唔同既食物，非常超值。芒果奶凍，芒果應該用咗當造腰芒，所以非常甜非常香，奶凍聽侍應話係用新鮮牛奶做好滑，但因為完全無咩落糖調味亦因爲咁樣，感覺非常騷，我接受唔到。其他同事就對呢餐飯評價極低。總言之大家都覺得價錢與食材不相符，因為與工廈的品質與價錢差異，本區亦有好幾間價錢相近但好食好多既餐廳。有比較大家當然試得㨂啦！

見倒個個話好，前幾日經開呢頭去試下，特別係佢推介加錢可以食芝士火鍋。店鋪裝修尚算不錯，點知食物真係好令人失望😔: main course價錢如果真係好食都唔算貴，但係弊在味道實在麻麻地。我叫左蒙古羊膝 ($208) set，骨頭好大舊，肉既分量好細，味道亦太鹹，飲埋野先剛剛夠飽，希望可以檢討下啦。