UFUFU CAFE (荃灣廣場)

营业中

休息中

荃灣有好多café，今次去試荃灣廣場嘅日本過江龍Ufufu。呢間主打日式洋食同甜品，有Pizza、意粉、法式多士等等，甜品就以芭菲同雪糕為主。閒日夜晚7點半去到已經坐滿晒，非常有人氣。博多明太子薄餅個pizza餅底好有麵粉香，配埋鹹香惹味嘅明太子醬同埋芝士，非常開胃！羅勒忌廉汁雞肉意粉意粉好Q彈，似係手工意粉，亦都好掛汁，成道意粉都好清新。雞肉選用雞胸肉，慢煮到好滑，完全唔嚡！草莓物語芭菲成杯有好多配料，包括士多啤梨、牛乳軟雪糕、忌廉、酥餅，底層仲有少少餅碎，軟雪糕充滿奶香味，同士多啤梨好夾！牛乳雪糕八女抹茶用日本八女抹茶沖製而成，入口甘香消暑，頂層有牛乳軟雪糕，溝埋綠茶幾正！整體水準唔錯，好有日本感覺，木系裝修感覺都幾relax，經過可以一試！

𝐅𝐫𝐞𝐧𝐜𝐡 𝐓𝐨𝐚𝐬𝐭🍞 • 𝐏𝐚𝐫𝐟𝐚𝐢𝐭🍨 • 𝐏𝐢𝐳𝐳𝐚🍕 • 意粉🍝你會點排次序？🧐女生們應該都會先排甜品係頭位吧💃🏻所以...我同朋友仔都唔例外😏嗌左份勁吸晴👀既𝐅𝐫𝐞𝐧𝐜𝐡 𝐓𝐨𝐚𝐬𝐭🍞餐廳🍽既甜品由🇯🇵日籍甜品師🧑🏻‍🍳👨🏻‍🍳顧問設計，好靚好岩打卡呀📸~•~•~•~•~•~•~•~•~•~•~•~•~•~•~•~•~•~•~• 黎依到一定要食𝐅𝐫𝐞𝐧𝐜𝐡 𝐓𝐨𝐚𝐬𝐭🍞，分左𝐌𝐞𝐚𝐥鹹／𝐒𝐰𝐞𝐞𝐭甜𝟐類，共有𝟗款。我地𝟐個女仔就梗係揀𝐒𝐰𝐞𝐞𝐭𝐒𝐰𝐞𝐞𝐭甜啦😚話晒女人食甜品係有第𝟐個胃🤰🏻▪草莓家族French Toast ($178)𝟑大件吐司，表面加滿酸酸甜甜既雜莓🍓 • 果醬 • 滑滑既𝐂𝐫𝐞𝐚𝐦🤍吐司外層少脆，中間包心濕潤軟軟綿密💦旁邊仲有牛乳雪糕🍦，糖漿可以淋上面雪糕🍦(加+$10)可轉抹茶口味🍵.▪明太子帆立貝忌廉意粉 ($128)帆立貝表面煎得香口。忌廉汁好稠身，每條意粉都掛到汁🍝.▪Drinks (加+$28) 配咖啡套餐☕️朋友仔鍾意🥛奶味重，揀左▫️Latte(有心形小拉花)鍾意☕️啡味重既我，就揀左▫️Flat White.~•~•~•~•~•~•~•~•

之前食過LDK ufuf 的餐廳，見呢間因為cafe 類型，食物種類選擇不多，加上果日我地去平日，大概7pm 左右，見好多野食都話售罄，所以果下更加少選擇😂😂😵‍💫😵‍💫不過食物味道及質素不錯～.羅勒忌廉汁雞肉意粉 🍝🍝🐔 $128好味度：⭐️⭐️⭐️個意粉有點偏硬，不過佢個醬做得好好，羅勒味好香，雞肉都好嫩～.French toast....芒果派對🥭🥭🍓 $138好味度：⭐️⭐️⭐️⭐️⭐️好鍾意食佢地的toast...之前在LDK. 食過，toast做到外脆內軟，而且有少少焦糖味，好香👍🏻👍🏻推介佢地的toast‼️😀😀.焦糖香蕉巴菲 🍌$88好味度：⭐️⭐️⭐️

朋友仔仲未收工，我行住睇下搵咩食，見到呢間好日式既cafe，有好多人特登黎買軟雪糕食，一於又試下呢間。好，坐低睇下有咩好食先。九州漢堡扒多士，厚厚多汁漢堡扒，啖啖肉，肉地咬落有texture。多士就拌有士多啤梨和口感幼滑忌廉。照燒親子雞薄餅，又薄又脆pizza，每件pizza都有雞肉和蛋蛋，有濃郁芝士仲有沙律醬，越邪惡越好味。香橙朱古力芭菲，係呢度既signature， 將chocolate sauce倒落去果下，真係要打咭。成個芭菲好豐富，有soft cream，mousse，朱古力蛋糕，crunch，仲有橙橙。

朋友帶我黎呢間餐廳位於荃灣廣場入面,呢度有好多唔同既餐廳,佢帶我黎呢度食好正既甜品,呢度環境都幾闊落光猛,座位舒適,我地叫左一個半熟蛋雞肉PIZZA,呢個PIZZA即叫即焗好大個仲脆卜卜咁,涵料都好多下,而且仲有燒烤醬汁既味道,呢度既芭菲同雪糕都係日本直送既材料,比較新鮮,我地叫左一個士多啤梨芭菲雪糕,雪糕係用左日本3.6牛奶制成所以比較香滑,另外仲有士多啤梨都係日本既新鮮生果,好鮮甜,牛油果多士都唔錯。

明太子帆立貝忌廉意粉 $128估唔到帆立貝好大粒😋🐚 帆立貝味道鮮甜😍 而明太子醬汁帶有微微嘅鹹香 好好味😋 明太子忌廉汁十分creamy 😋😋豚肉生薑燒烏冬 $98生薑醬汁煮嘅豚肉十分入味☺️咬落去有微微嘅甜香 薑味唔會太重 醬汁配埋烏冬撈埋一齊 滑嘟嘟咁食入口😍芒果派對 $138甜品我哋揀咗芒果派對☺️好多芒果而且擺盤美麗😚UFuFu Cafe （荃灣）📍荃灣大壩街4-30號荃灣廣場3樓321-323號舖

這間過江龍咖啡店來自佐賀😝，主打日式餐點，而甜品更由日籍甜品師設計🥰，賣相精美，很適合我這個甜品控😈餐廳裝修以木系風格為主調，營造休閒寫意感覺❤️，雖然餐廳空間不多，但座位與座位之間有一定距離，坐得亦很舒適😗- 明太子帆立貝忌廉意粉🍝 $128意粉口感煙韌😗，掛滿濃稠明太子忌廉醬汁😍，帆立貝鮮味有彈性☺️，鹹香味十足😎- 番茄羅勒薄餅🍕 $118薄餅厚薄剛好，餅底香脆有嚼勁🤣，表面鋪滿大量車打芝士、高達芝士、巴馬臣芝士🧀、番茄🍅及羅勒，混合三款芝士，拉絲效果明顯😍，每一口亦可品嚐到番茄的酸、羅勒的清新及芝士的鹹香，口感很香濃惹味😋- 八女抹茶多士🍞 $138賣相相當精緻，而且份量豐富‼️，吐司吸收濃郁蛋香🍳，外層煎至金黃酥脆，內裹口感鬆軟綿密，表面加上大量香甜忌廉、細膩紅豆🫘、士多啤梨🍓及軟燸白玉🍡配料，層次豐富🤩，另可配上楓糖醬汁🍯，加強甜味，抹茶軟雪糕，茶味回甘，奶香味十足😋推薦大家來這間咖啡店必點八女抹茶多士👍🏻，味道相當有驚喜❤️，其他正餐菜式亦很不錯，果然是日本過江龍店舖‼️📍 Ufufu cafe - 荃灣荃灣大壩街4-30號荃灣廣場3樓321-323號舖@ufufu_coffee_

入到餐廳，滿是日本之感覺，家族感甜品店子。🇯🇵🍰 #日式甜品 #家族感 #美食抹茶法式吐司有法式吐司，整得好美，還要好好吃！抹茶味，雪糕濃，吐司熱辣辣，楓糖醬汁不會淋，又有空氣感之感覺，楓樹糖漿，甜甜好味！紅豆後小丸，口感煙韌，表面有滿滿的抹茶粉，抹茶味濃郁，沾了醬的吐司也不太甜膩！芭菲亦非常打卡，喜歡喔。甜品飲品就當然特別香蕉牛奶雪糕芭菲是日式牛奶雪糕，焦糖香蕉，色澤金黃，香蕉味道香，雪糕軟，配上朱古力點點烤香甘香，口味是香蕉朱古力的快樂。任您選擇，甜品充滿日本感覺，擺設充滿了日本特色，美味之甜品，旅行之感覺。蘋果汁很傳統感覺，有日本口感，誘人香～士多啤梨芭芭菲用士多啤梨製成，很美，打卡非常棒，雪糕有日本奶的鮮香，甜度適合滿是日本的感覺，配日式碟子，很有感覺

｛食盡荃灣之日式 — Ufufu cafe ｝————————————————呢排成日行雷落雨， 最啱都係留喺室內食件cake飲杯咖啡🫢， 位於荃灣廣場既， 以木系裝修帶出自然日式風格， 落雨天過嚟食個甜品飲杯咖啡，感覺幾寫意🔸 牛油果雞胸配法式吐司 $158份量都幾大，尤其係髮色吐司有好多cream， 建議如果想試多幾款食物嘅話可以同朋友一齊share呢一個餐😚， 牛油果新鮮， 吐司軟綿綿，加埋雞胸感覺幾健康😋🔸 蜂蜜四式芝士pizza $138Pizza黎到香噴噴🤩 超香芝士味， 記得趁熱食，食得出落左蜂蜜， 比起一般芝士pizza再多左陣甜味🔸 吉士忌廉芒果芭菲 $88 / $116Parfait系列口味多多， 有抹茶朱古力 咖啡 士多啤梨 焦糖 等，不過我就俾佢呢個成朵花既芒果吸引左，芒果好甜唔酸，$116就可以包埋杯coffee，幾岩想下午茶既人嘆下既人Overall comment: 幾清新既日式cafe，主要食甜食，再有小小意粉同pizza

一早就已經上嚟朝聖，好多朋友都話呢度嘅多士同埋芭菲雪糕超好食。今日終於有時間可以過嚟試吓，其實都已經係行完街嘅晚上。🤣兩個女仔有少少肚餓，所以都叫得比較多。九州漢堡扒 $158講真，好豐富，好惊喜。漢堡扒好juice好嫩滑，咬落去係爆汁。然後有一隻温泉蛋，入邊的蛋王是5成熟。然後有少量沙律+蘑菇+車厘茄，中和返啲蛋同牛的油脂。最後有一個French Toast上邊有竹少忌廉+士多啤梨，呢個多士好正，吸滿蛋漿再去焗，好香濃，外脆內軟。博多明太子PIZZA$118呢個係一個pizza,超級無敵香。一擺上嚟，好香濃的芝士味，芝士下邊是一層明太子，最底係脆香餅底，每啖都有拉絲芝士+咸香明太子+脆香餅底。三層享受，每層都好夾。好正呀吉士忌廉芒果 $88好鐘意呢個。一開始仲擔心又芒果又吉士又忌廉，會唔會又甜又漏咖！…no,no,no..結果係店主將吉士同忌廉打成沙𣲙+芒果的清甜。最後一啲都唔漏，係清新，係清甜。博多甜草莓梳打。$48是酸酸甜甜的加埋㧧打同𣲙，又開胃又啱曬夏天享用拿鐵咖啡。$45咖啡同奶的比例啱啱好，係一杯好咖啡，啱曬食完仲要工作的拼搏精神香港人。

已經係第2次黎食啦~ 今次見到意粉menu 係全日供應! 叫左和風蜆意粉，份量都幾多，而且蜆肉都比得好大方，唔會有沙。個意粉比較濕潤，唔會乾，相對冇咁咸，幾好食。九洲漢堡扒多士如果又想食咸食又想食甜食，而且肚既空間有限，絕對推介呢個! 漢堡扒好juicy，切開都已經睇到D肉汁流左出黎! 多士係法式多士，外皮少少焦脆，中間好濕潤。再加埋cream同埋蜜糖，同埋士多啤梨，真係正中我心意。草莓物語芭菲呢到既芭菲係我每次黎到都要食，每次簡都好掙扎，因為款款都好吸引好想試! 芭菲有雪糕，仲有cream，底仲有鍊奶同埋脆脆，食落口感好豐富。另外，士多啤梨醬係分上，可以自己落幾多就幾多!

餐廳主推日式餐點, 甜點全部由日本甜點師設計, 配上牛乳雪糕🍦勁靚又好食❤️Menu選擇雖然唔算多, 以Pizza,芭菲, French Toast,pasta 為主~ staff勁友善❣️食物全部都好好食！推薦西多士🍞Pizza都焗得好脆同煙韌🤤🤤.明太子帆立貝忌廉意粉 $156加左 Ice Mocha明太子味好夠,而且好 creamy!! 蜂蜜四色芝士薄餅 $138厚邊厚底Pizza, 勁煙韌🤤仲附上左蜂蜜淋上去！焦糖香蕉多士 $138附上嘅牛乳雪糕好濃好好食！成個配搭好好❤️

今晚來看30元電影，見到餐廳門口憑即日戲票可有9折。餐廳食物以西日為主：款式分為薄餅，甜品，雪糕，全日早餐，咖啡很適合女任享用，食物外形相當嘩麗，我們選了一個薄餅，3杯飲品。摩卡咖啡好香好滑，拉花都很漂亮又大杯抹茶咖啡都好吸引博多草莓梳打芝士蕃茄羅勒葉薄餅好驚喜芝士拉絲柔軟，味道濃濃好惹味酸咸味道刺激味蕾。

#fatchubelly 荃灣📍 Ufufu cafe (荃灣廣場) (荃灣)💥九州漢堡扒多士九州漢堡扒鮮嫩多汁 😋配菜亦都比得好足料多士配埋士多啤梨出乎意料幾好食👍🏻幾推薦大家嗌呢個！💥照燒親子雞PizzaPizza 份量好多好啱幾個朋友share👨‍👩‍👧‍👦糖心蛋配埋照燒雞好夾中間仲有少少洋蔥同芝士一齊食落口感脆脆哋又可以拉絲如果大家食正餐都不妨可以試吓✅💥草莓物語巴菲巴菲嘅雪糕食落好滑好重牛奶味🍦士多啤梨亦都俾得好多同埋好甜配埋啲草莓醬食落酸酸甜甜🍓啱啱好中和咗啲罪惡感Ufufu cafe (荃灣廣場) (荃灣)荃灣大壩街4-30號荃灣廣場3樓321-323號舖

今次我地去左荃灣行街食飯，荃灣都幾多野行，連續幾個商場係附近，我地就揀左呢間日式既coffee shop食野，佢係由日本既九州開過黎香港架🤩餐廳環境幾好，枱上有餐具紙巾，餐牌仲真係有日文，幾有旅行feel，呢度既甜品種類都好多，我地就嗌左兩款✌🏻八女抹茶多士（$138）呢個甜品好有日式風格，有幾粒白玉旁邊伴碟，3件多士都淋上cream，抹茶醬同紅豆，仲有杯勁大既抹茶雪糕，雪糕係好濃厚既抹茶味，好岩我呢d抹茶控，多士本身已經被淋上既配料整得好有層次既味道，雖然有附上一小壺蜜糖，但係唔落都好好味，落埋都一樣正🍵咖啡芝士忌廉芭菲（單點$88）（連咖啡set $116)呢個芭菲可以選擇跟一杯咖啡或者就咁單點，黎到coffee shop梗係嘆番杯啦，呢個咖啡芝士忌廉口味其實即係tiramisu，食之前淋上附上既咖啡味醬，個芭菲食落好有種順滑感覺，食到裡面有d栗米片等既脆脆配料更有口感😋拿鐵咖啡咖啡我地揀左熱既Latte，入口好滑既一杯咖啡☕️蜂蜜四色芝士薄餅（$138）呢個pizza上菜時已經聞到好香芝士味，佢係落蜜糖食既，之前真係未食過甜味既pizza，估唔到蜜蜂同芝士pizza都好夾，下次再黎