Twinkle Baker Decor

/ 朋友們佢地知道我鐘意富士山🗻，所以就突登揀左個「富士山下」既蛋糕🎂俾我⋯📍富士山下🗻 (6吋 hkd$388)💬就咁睇個蛋糕🎂真係好靚，搞到即刻好想飛去日本🇯🇵，睇真正既富士山🥺⋯蛋糕外層係白朱古力，而底下舖滿綠色扮草地既就係抹茶碎！💬切開左之後，有小量士多啤梨流心，(不過真係太小量，所以影唔到📸)而入面既蛋糕係抹茶牛油同埋抹茶朱古力，味道都還好，不過整體黎講，我地覺得都係好睇麻麻地好食既「蛋糕🎂」🙈…查看更多

想試呢間嘅cake好耐因為外賣協會嘅我都覺得蛋糕賣相好吸引今次係老公親自去代買慶祝朋友生日因為朋友好喜歡日本文化、風景etc.所以老公特別揀咗呢款富士山🗻個底係好香嘅抹茶蛋糕碎🍵雖然食落略甜，但勝在茶味夠出；大小朋友都岩食🤣白朱古力配上士多啤梨流心嘅搭配一直都好夾今次都無例外，嗜甜嘅朋友實會歡喜切開蛋糕有脆脆朱古力珠珠同埋白朱古力慕絲，軟滑口感加上香脆甜朱古力，好有趣嘅口感！大小朋友食完都流露開心幸福快樂表情😊😂P.S.我自己個人覺得整體蛋糕偏甜，食完有點膩；當日係配上無糖咖啡就感覺完勝或者係朱古力系列唔太啱自己口味但整體蛋糕都有七分，至於賣相當然十分啦！真係好靚，好睇都好食😋期待下次☺️…查看更多

最近姨甥女生日，最愛粉紅色既佢點名要呢個全粉紅既蛋糕，佢要求又要好睇又要好食，人仔細細咁多要求🙄現時的蛋糕除左要好食仲要靚！估唔到蛋糕設計都可以好好玩，一向覺得twinkle既蛋糕多樣化設計又靚。今次終於試到！櫻花樹下 （$388）蛋糕頂層插滿不同棉花糖和macaroon、閃光珠珠，少女心爆棚，賣相精緻之餘裡面亦有內涵，蛋糕層海綿蛋糕夾雜白桃果肉同慕絲，外面厚厚buttercream，小女孩滿足過了一個開心生日！…查看更多

Twinkle Baker Decor 全港有多間分店， 主打蛋糕和 Cupcake, 每次經過它們的店舖， 總是會被那些鬼馬和可愛的蛋糕吸引著， 今次買了八款件裝蛋糕， 特別喜歡 My Melody 茶會派對， 檸檬乳酪慕斯 ，配合檸檬醬丶檸檬皮碎和原味海綿蛋糕， 不但有層次感， 充滿檸檬清新的感覺， 不太甜， 蛋糕上面放上 My Melody 的裝飾, 好可愛呀。…查看更多

Dreamy《飄雪南瓜車Snowy Pumpkin Carriage》Cake ❄️🎃 Tasting not bad while looking superb! Love the taste since i’m a big chestnut fan 🙌🏻 What a cute touch of the christmas girls’ night✨ 蛋糕分層Cake Layers：栗子慕絲 Chestnut mousse 栗子蓉忌廉 Chestnut mesh cream海鹽焦糖朱古力脆脆 Salted Caramel Chocolate crust原味海綿蛋糕 original flavour sponge cake 底座為濃朱古力布朗尼 Brownie Base…查看更多

Twinkle Baker一向都有做造型特別的蛋糕這次超少女以夢幻色系buttercream 襯托閃閃的美人魚尾裝飾🧜🏻‍♀️用來和朋友(特別是美女朋友)慶祝生日一流～(´•᎑•`)♡蛋糕內層：❀ 香甜荔枝玫瑰慕絲❀ 一層層士多啤梨海鮮蛋糕味道甜甜酸酸 適合夏天開胃又清新～❀ 夾著荔枝果肉及荔枝爆珠👅 口感層次更加豐富𓇠 🧜🏻‍♀️ 𝕄𝕖𝕣𝕞𝕒𝕚𝕕’𝕤 𝕊𝕠𝕟𝕘 🎂📍All Twinkle Baker Stores 🗓 reserve and arrange self pickup 3 days in advance! 💰528/6”𓇠 …查看更多

已經幫襯過兩次，其實佢啲蛋糕唔好食，只係造型靚，可以打卡呃LIKE，今次訂咗個<＜扭扭擰擰＞＞比個囡，係因為阿SIR話响社交平台見到好靚，不惜用$448大元買一個我覺得唔會好食嘅蛋糕。今次呢個糖果扭蛋機，小朋友非常鍾意，因為像真度好高，仲有好吸引嘅珍寶珠，不過拆開美麗嘅外殼之後，內裡嘅蛋糕都真係唔好食，第一蛋糕唔夠軟熟亦無蛋香，第二所謂＂四層紅莓乾牛油蛋糕，煙韌的果乾配上酸酸甜甜的藍莓夾心＂係無清新可口感覺，第三＂吉士醬讓每一口蛋糕都充滿牛奶及雲呢拿的香甜＂，但我食唔到有吉士醬，第四個美麗外殼既唔係海棉蛋糕，亦唔係翻糖皮，但口感帶點膠膠地，所以我試咗一啖就切走晒無再食，而內裡唔知點形容嘅海棉蛋糕我都只係食咗兩啖就放棄咗，最後大家都只係食咗半個蛋糕就掉咗！如果相比之前食嘅＜＜富士山下>＞，果個叫做好食好多，起碼大家都食晒，真係唔會再有下次！ …查看更多

第一次試twinkle baker 嘅蛋糕見到賣相已經覺得好靚成個蛋糕都係七彩夢幻色系而且條閃令令既美人魚尾好吸睛拎嚟幫閨蜜慶祝生日係最好不過☺️一打開個盒已經聞到好香荔枝味蛋糕入邊係用咗士多啤梨蛋糕同原味牛油蛋糕 內層有香甜嘅荔枝玫瑰mousse 食落唔會太甜 有淡淡的荔枝味荔枝同玫瑰兩個味都好夾中間夾住咗好多荔枝果肉同埋荔枝爆珠喺蛋糕入邊有爆珠真係第一次見好特別每一啖都有唔同口感味道酸酸甜甜 好開胃好啱夏天食 …查看更多

以前都成日經過呢間餅店見到好靚但心思思怕好睇唔好食咁岩收飛要芋香蛋糕上網search 發覺呢間近近地又有仲要同天芢合作嘅蛋糕好似安心d就直接上網訂試試上網填form比錢好方便仲唔覺意因為要改期試試埋佢地個customer service回覆得好快態度又唔錯到拎糕個日食都好驚喜，蛋糕好香又唔死甜唯一少少可進步係可以比埋餐具就好啦同埋拎糕只係講電話單都唔check有dd 唔安心😂咁是但1個人都可以拎我個糕啦…查看更多

上年經過上環無限極廣場1樓的 <Twinkle Baker Decor>，見到超萌又別緻的蛋黃哥蛋糕， 細細個約1磅，絕對符合媽咪生日蛋糕的要求！於是，我提早3日預訂，買了這款蛋糕作為上年媽咪的生日蛋糕，為她送上驚喜及祝福吧！港式菠蘿油蛋糕 $348 店方的 Cup cakes 本身已加入港式美食元素，就連蛋糕也不例外！  Size 約有 4吋！外型做到成個菠蘿包咁， 菠蘿皮及蛋黃哥朱古力最甜，其他嘅菠蘿椰子慕絲幾香甜！夾雜香軟的斑蘭海綿蛋糕！純粹氹人開心及驚喜還可以！以質素來說，性價比低！整體過得去啦！…查看更多

今日返工原來發現同事仔今日生日，即刻去買返個蛋糕仔慶祝吓，之前成日經過冇極限呢間蛋糕舖，全部蛋糕都好得意、好有創意、好有香港特色，決定今次買個細細地嘅試下，係幾得意嘅但味道就麻麻哋啦，鍾意個別卡通人物嘅話，都可以特登嚟買下嘅，但係就唔好預佢啲蛋糕好好食呀，都係好睇唔好食，不過有特色嗰啲蛋糕，平平哋買返個同啲朋友或者同事影吓相都幾開心嘅，可以試吓佢有香港特色嗰啲蛋糕，真係幾有創意幾靚，唔好食影吓相都開心。…查看更多

農曆新年要留港度歲🧧 預早計劃定買乜嘢做啲乜 就算要留家🛋過年 都可以好精彩🎉🥁🍾 好似呢個轉運風車迷你蛋糕咁 食咗當去咗車公廟 有得食有得玩 一舉兩得-🎂#順風順水順風車 $298迷你蛋糕大概有3.5吋高同闊 艷紅加花花🌸🌺外表非常sharp醒 風車小巧可愛 唔轉得不過食得😬 食落肚之前 不妨先許個願🤟裏面係紅絲絨red velvet牛油蛋糕 再由紅桑莓🍒吉士忌廉相間 切開見到蛋糕裏面🍰層層疊疊真係好靚 蛋糕柔軟 紅莓忌廉酸酸甜甜又香滑 當中有朱古力🍫脆珠粒增加爆脆口感 食住過年 應節又好意頭㊗️🉐🈵-📍#Twinkle Baker Decor 扮清糕金鐘金鐘道93號金鐘廊1樓C01aa號舖…查看更多

話說呢排不停去朋友家，house warming，home visit ，總係唔好意思兩手空空去，私心想試呢間嘅cupcakes 好耐，因為佢嘅外表好得意😎，打咭岩唒，又唔會太貴，又得體。買5送1，$30一件，天仁茗茶cupcakes🍵☕️🧁，杯子蛋糕外型又幾搞笑喎，有創意，有心機有誠意🥰😍。鮮奶綠🍵，鐵觀音奶茶☕️，同埋冬瓜茶，我哋都買咗嚟試，share 食👍🏼😎❤️🤍，最喜歡就係綠茶味🍵😽好香茶味，又唔太甜，但就唔太食到係天仁茗茶嘅茶味，似係普通green tea😋，冬瓜茶就有點兒甜咗啲，同埋呢，個味就有啲假⋯⋯🙃，鐵觀音茶就一樣好食🤤🤠仲有食咗好立克味，都可以嘅。總結，送禮喺唔錯嘅，得體，又好岩打咭，不過自己食就性價比唔高🤗…查看更多

📌 Twinkle Baker Decor~上環仲有12日就到聖誕 係時候準備慶祝蛋糕🥳雖然有限聚令 但都可以同屋企人一齊慶祝😚蛋糕4.5吋 大概可以有三至四個人share嚟食今次呢個蛋糕係冬日為主題 仲有另外一款願望樹🌲造型都幾可愛 啱晒拎嚟慶祝！12月16或之前購買仲可以有九折早鳥優惠～仲有好多分店 購買方便見到舖頭都有唔少可愛造型嘅蛋糕🎂天仁茗茶系列的蛋糕都幾吸引亦有唔少cupcake同散水餅可供購買1️⃣ 雪羽奇蹟 𝗦𝗻𝗼𝘄𝘆 𝗠𝗶𝗿𝗮𝗰𝗹𝗲 $𝟰𝟮𝟴外表非常精緻 充滿冬日氣氛天藍色很吸睛 打卡一流📸原味牛油蛋糕包住蘋果醬同黑加侖子慕絲味道酸酸甜甜 但甜度偏高🤔中間仲有焦糖脆脆 口感豐富🤩一定要成件一齊食 單獨食到黑加侖子嘅內餡就會覺得好酸😖💡整體嚟講 蛋糕造型好有聖誕氣氛🎄不過整體味道普通😕入口都幾酸 而且甜度偏高🤭如果鍾意食酸酸甜甜嘅蛋糕可以一試但係其他蛋糕較為吸引🤣✨✨✨✨✨✨✨✨✨✨✨✨整體味道😋: 5/10性價比💵: 6/10 打卡指數😍: 8/10 環境服務🥂: 7/10 推薦指數👍🏻: 5/10✄------------------------------✄ 🍴: Twinkle Baker Decor📍: 上環德輔道中199號無限極廣場1樓Arcade Space 02號舖🔍: 11:00-19:30(Mon-Sun)☟︎ 同地區餐廳#hkhungryfoodie上環☟︎同類型餐廳 #hkhungryfoodie西式☟︎ 同款式餐廳#hkhungryfoodie蛋糕…查看更多

發現香港多咗好多呢一間蛋糕店呢間店嘅蛋糕賣相都好吸引！今日終於係試試佢嘅招財貓蛋糕呢隻貓有名叫-比比賣相（10/10）味道（7/10）因為我比驚喜屋企人，佢哋食完我問佢哋食咗咩味，佢哋估左地耐都答唔到我😂所以味道方邊唔係太突出不過味道係ok既～（其實係好立克味😂，都係啖味啲啲）打卡一流的蛋糕…查看更多