翠亨邨 (新世界大廈)

前排陪女朋友去中环新世界大厦睇完医生，决定食啲正气啲嘅食物。同一栋大厦有一间叫「翠亨邨」嘅中菜厅，上到去餐厅门口，见到好多月饼promotion，先知道原来呢间餐厅系Mira Group旗下嘅，即刻觉得好有信心，一于试下！呢间餐厅地点方便，环境舒适，气氛轻松，非常适合商务聚餐，以及家庭聚会。开头我哋叫咗「足料老火汤」，汤底好浓，材料新鲜，饮落去好暖胃。跟住我哋试咗经理推介嘅「皇牌蜜汁叉烧」。呢度嘅叉烧外脆内嫩，蜜汁甜而不腻，口感非常好，女朋友表示非常like！作为零舍爱食虾嘅人，当经理一推介另一招牌菜「黑鱼子香芒贵妃虾球」嘅时候，我即刻心心眼😍！ 呢道虾球鲜嫩弹牙，搭配香芒，味道清新，食落去非常享受。再来就系「桂花蟹肉炒银丝」。蟹肉份量足，炒得刚好，而且唔会好油！最正系啲粉丝吸收咗蟹肉嘅鲜味，实在好味。「拍蒜炒菜心」系一个简单但必试嘅正气蔬菜。我好欣赏佢蒜香味十足，菜心爽脆，感觉好健康！最后，我哋分享咗「大良炖双皮奶」，甜度适中，奶香浓郁，唔会太甜，结尾非常满足。整体来讲，「翠亨邨」嘅食物质素高，服务态度亦好，值得推荐！所以，如果大家想喺中环享受一顿高质素嘅中式晚餐，可以考虑呢间餐厅。我前排同女朋友去咗中环新世界大厦嘅「翠亨邨」食晚餐。呢间餐厅环境靓，气氛轻松，非常适合情侣聚餐。…查看更多

粤菜老字号「翠亨邨」是现时少数能保持从前味道的饭店，毕竟走中高档路线，看似平凡的家常菜烹调用心，对得起有要求的客人！怪不得，星期三晚也其门如市，大厅该有八九成满座，见不到饮食业下行的景象！二人点菜，菜式可以做半份，而且分碟上菜，高级餐厅的做法，窝心满意，刻意点算「翠亨邨」的经典菜式。皇牌蜜汁叉烧 $104 （半份）忠于传统，选用梅头，并非时下盛行的黑毛猪，别过全件软绵绵的口感，回复嚼劲，玫瑰露味出众，传统的滋味。木瓜花生眉豆鸡脚煲猪 $58*2来一道时令老火汤，汤清味醇，汤料仍有味道，蘸豉油吃也不俗。黑鱼籽香芒贵妃虾球 $190（半份）虾球炸好之后淋上黏稠丰富的香芒汁、及黑鱼籽添咸香，脆软对比，口感味道皆讨好，是相比之下有新意的菜式。桂花蟹肉炒银丝 $149（半份）另一道考厨艺，炒得干身但不干旱，食落有适当的水份，功夫了得！二人分享份量仍不少，健康的惹味菜式，代替淀粉质填肚，现在流行的吃法，我欣然接受。拍蒜炒菜心 $79（半份）一吃便知是高档餐厅的做法，每条菜心皆拣手，长度宽度相约，菜花全清，加蒜清炒，清甜爽脆。大良炖鲜奶 $48*2甜度适中，非常香滑，一大碗，食完真的饱了。茶钱每位$22。服务到位，运作畅顺，这晚气氛颇热闹，中环难得的CP值高的选择。离开时见到前台的宣传单张，这个凉夏冬瓜盅宴甚合心意，有响螺及冬瓜盅等，$1488 四位用，即是加－服务费后，每人$444 我觉得很合理。…查看更多

在中环返工嘅人，十居其九都嚟过翠亨邨。开咗多年，唔高调，唔花巧 。平日晚饭时段，坐得松动 。坐得舒服之余，环境带点旧时中环酒家味，木框玻璃，瓷碗瓷碟，都干干净净茶拣咗铁观音，冇乜悬念。香气中正，热度合宜。啱啱饮完头几泡，店员见水色开始转淡，未等我开口，已主动问：「帮你换返壶新茶好唔好？」讲完即刻动作俐落，换咗壶先泡，将原本𠮶壶搁一边慢慢焗。讲得出细心，做到出节奏。现代服务多数系机械式「加水」，但要斟茶斟得有温度，系另一种层次。坐低未几，换上热铁观音，店员见你未饮完，已经一手斟落嚟，系𠮶种粤菜馆应该有嘅体贴老火汤冬瓜薏米莲子煲唐排猪𦟌。呢啲汤，最忌就系得表面清润，实情寡淡如水。呢度嘅汤，色清香浓，唔油腻，一饮落去，真材实料。汤底煲到骨胶溶化，入口软棉，唐排未化，骨边啖啖肉，吸晒汤汁，啖啖顺喉。今时今日，连煲汤都变得讲求成本效率，肯慢慢煲成个下午嘅店，唔多叉烧系招牌，一碟上枱，冇摆花、冇烟雾，就系几块切好嘅蜜汁叉烧。睇似平平无奇，入口先知下过苦功。烧得恰好，唔干唔柴，带微微焦香，蜜汁收得紧，唔甜得过火，肥瘦参半，口感平衡。叉烧最难系咁，个个都识话要「腍中带咬口」，真系做到几多间？另一道黑鱼籽香芒贵妃虾球，就明显系想行创新路线。虾球炸过但唔厚粉，保留到爽弹口感，芒果切得厚身，清甜唔腍。味道唔算复杂，但胜在清新桂花炒银丝就精致得多。蟹肉唔多，银丝轻身，入口有一丝丝桂花香，点到即止 。炒菜心用咗拍蒜，蒜味刚好，菜心炒得爽，无渣，颜色翠绿，有火气而唔焦，算系一碟正统又讨好嘅青菜。最后来个大良炖鲜奶。白得发光，表面冇一丝气泡，轻轻一舀，入口系细腻，奶味纯净，唔太甜，收得住。好多人成日以为炖奶系甜品，但其实做得好，系一种技艺。炖得稳，唔出水，唔起孔，唔挂蛋腥，冇可能靠「快手」搞得掂。成餐饭每一道菜都做得稳、做得实。呢种稳阵，唔系敷衍，而系靠时间累积出嚟嘅手感同经验。翠亨邨唔系话要做星级名店，亦唔系要打卡排队，它只系一间知道自己系咩、应该点做、然后默默咁做好每一道菜嘅老粤菜馆。嚟过一次嘅人会记得，返中环再揾地方食饭时，就会自然咁谂起佢。…查看更多

呢日系中环求其揾食见到「翠亨邨」，见系Mira旗下就胆粗粗试吓——点知有啲菜真系有料到！环境唔错，枱与枱之间唔逼，倾计唔使嗌交，啱晒我哋呢啲钟意慢食嘅人。讲返食物，「足料老火汤」真心足料，无落味精，够热够浓，饮完成个人醒神！「皇牌蜜汁叉烧」系全场MVP！个皮脆到似烧猪腩仔，肉质松化得嚟唔黐牙，蜜汁唔会死甜～最期待系「黑鱼子香芒贵妃虾球」，个虾真系大到好似乒乓球咁！咬落去「啪」一声弹牙，芒果清甜平衡咗沙律酱腻感，系有心思嘅配搭～「桂花蟹肉炒银丝」粉丝干身唔油，虽然蟹肉唔系一梳梳咁，但有淡淡桂花香，好特别，呢个价钱算交足功课！「拍蒜炒菜心」普通但炒得够镬气，蒜片爆得香，菜心冇渣，合格以上。最后个「大良炖双皮奶」奶皮够厚，炖得滑溜，唔算太甜。整体评价：有集团背景但冇hea做，叉烧同虾球必encore，服务几好换碟密，两个人食咁丰富，唔洗千零蚊埋单，中环地段来讲合理。会再来试佢哋点心！ …查看更多

回味儿时的回忆，多年水准保持，经典菜式，百吃不厌。整体计，符合高级食肆的要求，富豪饭堂级别。皇牌蜜汁叉烧特别走来吃个最喜欢的叉烧，梅头肉做，有咬口，传统做法，基本上冇得输。木瓜花生眉豆鸡脚煲猪有家的味道，老火汤，如果屋企唔煲汤，呢个很好的选择。黑鱼籽香芒贵妃虾球特色菜，酒楼才做到嘅菜式，大虾酥脆、虾肉爽、够大只、香芒酸甜度适中，带出夏天清新的味道，引发食欲。桂花蟹肉炒银丝有镬气，干爽，黄金蛋花，平均分散，见师傅功架拍蒜炒菜心条条菜心鲜嫩，有甜味，无多余花叶，清炒无芡汁。大良炖鲜奶奶香，幼滑。中环来说，价钱非常合理…查看更多