Treats (已結業)

太古城新開了呢個foodcourt 感覺係走高檔路線的裝修幾靚幾有心 格局似一般餐廳多過foodcourt 有幾個好正嘅卡位 如果坐到果度真係坐幾個鐘都得雖然座位幾高級但食物唔算好貴當然有貴少少 7，80蚊嘅野但想求其食個常餐 39蚊都有交易 而且質素都幾好（唔記得左影相😂）見到好多人都食呢個黯然銷魂飯（$42）於是跟風試下42蚊無野飲未算好平 不過呢個地區呢個環境都算抵啦而且佢都做得幾用心個蛋即刻煎的 蛋黃keep到流心 蛋汁撈飯好食叉燒唔係蜜汁果種而是炭燒的 唔算juicy 但炭味幾香幾好食果然咁多人叫係有原因的仲有好多好吸引的食物真係要去多幾次先可以試曬啊btw 飲品corner 種類好多 無食野去買野飲都有好多選擇

因為種種嘅廣告吸引而來的，treats 新的 food court, 裝修簡約摩登於一身。場內很多工作人員（負責清潔的）首先週圍看看，樣樣都想試。但可惜人少不能試太多😅鎖定目標了！大部分都係自助形式付款的。首先最想食係黯然銷魂飯，🍳蛋煎得香香的、叉燒夠淋（好食😋）再嚟傳聞中的炸蛋飯，整個飯團炸至金黃色，切開後𥚃面的蛋漿流出（正）之後到 Future Bar 看看最注目，香港首設的 Ripple Maker 咖啡打印機。但有D可惜，服務員幫我打了2⃣️次，但圖案依然不夠清晰。佢話部機有D問題😅下次再去試吓先

假日晚飯時段想吃西餐, Simply life要等50個number... 灰左! 阿妹突然話不如去lunch多人到咩都睇唔到o既新Foodcourt望下!8點時段間間都迫滿人排隊, 一眼就望到一間食意粉沙律燒雞的舖頭, 話咁快就鎖定目標! 成個Foodcourt都係自助方式付款, 操作唔算複雜畢竟每間舖頭選擇唔算好多, 唔會出現搞好耐都唔知自己落左咩order o既情況, 付款方式除左八達通, 仲接受有paywave功能的visa/master, 非常適合我呢d喜愛儲分的師奶仔!三人點了兩個巴馬臣芝士黑松露意粉$78, 卡邦尼意粉$52同香草燒雞半份$80.先來的是香草燒雞, 燒雞肉質好嫩仲保留肉汁, 香草好入味配燒烤醬係絕配!再黎兩碟芝士黑松露意粉, 黑松露醬好多芬香撲鼻, 芝士係從一舊大芝士中一片片即磨出來, 略嫌芝士重手左d, 成碟意粉偏鹹, 一個人食會好膩最好share食!最後來的是卡邦尼意粉, 面頭的溫泉蛋賣相已經好吸引, 三個人都大讚淡淡的忌廉同溫泉蛋配合得剛剛好! $52吃到呢個質素Carbonara算係超值!下次要試埋隔離的粉麵檔, 未夠8點已經出現賣哂o既情況!

太古城內美食廣場裝修多時,原來已無影無形消失了、要搵上貼住荷包價餐廳可算少之又少,不過無有怕貼心「美心」又包起另一邊箱做上一個跟從前「美食廣場」般面積多國特色美食,意粉、日式飯卷、即磨河粉、三文治、蛋糕、通通以大路風格取越人心,今次這個品牌明顯Sale年青路線、感覺舒服之餘,猶如變種新代Food Cour給人有種簡約生活感。。。入場門口擺放各式各樣蛋糕麵包,視線完全被它控制之內~~再往深處走有新鮮生果即製果汁,即製意粉區、日式新派壽司飯、點心區、還有噱頭味足石磨河粉,當然離不開港人常吃燒味啦!做香港燒味飯飯應該會是最受歡迎,八達通交易已不再是新興之物,自助式落單方便且快、推一推輕觸式螢幕,選定心水嘟一嘟交易完成,連宅女廚娘也不見難度．．呈上「飛仔」員工便手起刀落咁為我切上一碟燒鹅鵝飯HK$50.其實飯堂式經營搵位不為難度(不繁忙時段),爬一口連汁飯飯底是軟熟、但不要期待會有怎樣米香,肉質較痩皮亦較薄口感上帶點韌,不過勝在肉味濃、微微拉高分數~~吃過正餐甜品胃自然噹噹聲响起來,還記得入門口便是售賣三文治、蛋糕、麵包等食品區,重視甜品情度猶如正餐,美好結束便是整餐Happy ending是