Tonic的食记– 香港旺角朗豪坊的西式酒酒吧

餐厅:	Tonic
优惠:	国泰会员凭「国泰 - 亚洲万里通」应用程式內会员二维码，赚高达HKD4 = 2里。受有关条款约束。
立即加入国泰会员计划，今日开始累积里数！
条款及细则:
国泰会员于指定合作伙伴餐厅用膳，付款时须出示「国泰 - 亚洲万里通」应用程式内的会员二维码，方可赚取「亚洲万里通」里数。国泰会员每次可赚取「亚洲万里通」里数之消费额上限为港币10,000元。会员凡于国泰伙伴餐厅作合资格消费，每港币4元可赚取2里数。而渣打国泰Mastercard®客户凭卡消费可享每港币4元赚取2里数，包括合作伙伴餐厅合资格消费之餐膳里赏（每港币4元赚取1里数）及基本餐饮类别之合资格签账奖赏（每港币4元赚取1里数）。赚取之「亚洲万里通」里数将根据餐饮与膳食消费，包括服务费、税项及小费的总和而计算。惠顾特定推广套餐或不可赚取「亚洲万里通」里数。请预先向个别「赚里餐厅」查询。赚取的「亚洲万里通」里数将于认可餐膳消费交易后10个工作天内存入会员的账户。

希望餐廳可以改善一下經營手法
今日同朋友補番生日飯日，我就收工撘車出去晚餐，佢話會遲20分鐘左右，咁我就自己行下朗豪坊睇下食咩好
上到13樓，sky bar同mr. Steak都係未裝修好都去過，所以唔去啦，咁睇他其他，打邊爐我又唔想，咁得番其餘3間，但眼見3間餐廳menu一樣嘅，係我企係tonic附近行前細睇menu期間，突然黎左個短髮女侍應(有d年紀嘅)，佢就黎同我講，你係我地lee度，都可以叫食到同一個menu嘅食物，我地三間餐廳係同一個group食嘅嘢係一樣架，我話：好丫，我睇睇，我等埋我朋友，睇下佢有冇興趣先
我行左去扶手電梯位近餐廳嗰邊，即係一上電梯左手邊就係sky bar 同 mr steak 近tonic嘅中間空位企左一下，同一個女人又走黎講(趕客feel)：飲嘢食嘢都得架，小姐幾多位？我話：你頭先問左我，我等埋朋友先，可能佢覺得我阻止掛，咁我就行去扶手電梯前d企係嗰度等我朋友，遠理佢地餐廳
朋友到了，我地就再睇menu，一個戴眼鏡男人就話d嘢啱唔啱食，我地有咩。。。咩。。。咩。。。介紹中，我話好丫我睇過下，我朋友都睇下先，咁我同朋友都okay，就同戴眼鏡哥哥講兩位丫唔該
坐底左，睇menu，其實都有d心水，咁就舉手示意叫嘢食，一位札馬尾女侍應，同我地落單，我地叫左：
Thin Ceust Pizza with Black Forest Ham (最後冇食到)
Roasted Half Chicken with Green Beans and Roasted Potatoes
Pasta with Braised Beef Ragout
落單嗰時我問札馬尾位女侍應，黑森林火腿我記得嗰黑色係燻黑而唔係黑椒係唔係呀，札馬尾位女侍應：我幫你問一問㕑房丫，我話：好呀，唔該，同埋呢幾個dishes唔好一齊上，我想慢慢食唔想食物咁快凍加上張枱都唔夠大，lee位女侍好nice咁應我，ok咁我安排遂個遂個上丫
其實我話兩個都夠食啦，我個friend就係咁話叫啦叫啦，食好d丫麻，食你想食嘅嘢丫麻，咁就叫左三個main
短髮女侍應走黎問我地，食乜嘢？落左order未？我地話落左喇，其實我地坐出面都幾開揚，睇唔到同事同我地落左單，都可以問番同事丫，就算睇唔到，唔想問不如你自己睇番個mon我地落左單未啦，你問嘅態度又唔係好，點解要走黎挑機？(i mean騷擾我地)
咁落左order就睇嘢飲，我都唔知飲咩好，札馬尾位女侍應覆番我個黑森林pizza唔辣架，咁我地再睇drinks menu，睇睇下我朋友就見到另一個pizza話好吸引，我話你條友丫，係咪想轉呀，係就快啦！！人地入左單入左㕑房，整左就唔好叫人轉啦，咁我地就揾同事幫我地轉，最後叫左短頭髮女侍應，同佢講你睇下轉唔轉到丫，我知道落左單，但你幫我睇下㕑房整左未丫，唔好意思，lee位短髮女侍應態度唔多好咁話，入左單喇，我又重覆你睇下整左未丫，未整試下幫我地轉丫唔該，佢話係呀整左冇得轉，因為入左單去㕑房，其實你係咪真係想幫我呢，我唔明點解你唔快快行入㕑房睇下整左未，係咪咁先似係真心幫我呢，仲解釋一輪，重點係我都講左我明你地難處而且都係我落左單先提出改，我好理解架，咁好好彩最後我地都轉到Pepperoni Pizza
食物到了，第一個就係個pasta，上菜嘅女侍應較年輕，戴眼鏡男人行前幫手執一執枱面比佢上菜，放下意粉時我問了一句可否比兩杯水我地呢，此時，戴眼鏡男人就話我地有sparking water或者蒸餾水，你想要咩？我話冇tap water咩？戴眼鏡男人話冇，咁我答：咁我再睇睇menu丫
友人話冇shiraz，我話冇理由，等我睇下，我話咪有囉，不過冇by glasses，朋友問咁一支幾錢，我話：哈，六百幾仲要加一，唔係度飲啦，朋友都同意
突然短頭髮女侍應走黎同我地講，你地叫左嘢飲未？我地lee度每人最小要叫一杯嘢飲架！！我應佢，我睇緊一陣先叫得唔得，佢黑人憎嘅態度我地忍唔住喇，佢行開左，我個friend問，入黎又冇同我地講，咁你頭先自己一個人睇menu嗰陣佢地有冇同你講過？我話冇呀，我朋友話咁同屈食乜分別，咁我地就叫左戴眼鏡男人問過明白，我話：我想問下呢，你地同事話係lee度食嘢每人最小一定要叫一杯嘢飲架，係唔係架？戴眼鏡男人應：係呀，我地lee度係酒吧黎，咁我回應：咁點解我入黎到落單到改單都冇人同我講每人一定要叫兩杯嘢飲嘅，戴眼鏡男人：我地想推廣一下飲品，我話lee d係你地嘅事，但我而家兩個人叫三個main我真係飲唔落，而且你地同事完全冇提過冇講過講每人一定要叫兩杯嘢飲，而家我叫曬嘢食先話一定要飲，咁我一早唔叫三個main，一早唔係度食啦！！！我朋友答：咁而家即係點？我又撘句：出面餐廳食飯要最底消費都會係入餐廳前，電話訂檯嘅時候講，而唔係我入黎，叫埋嘢食先講，一定要叫嘢飲，戴眼鏡男人：咁唔洗叫都得嘅，我話而家係你地由我睇menu到入枱，到落order，到食物到都冇人同我地講一定要每人一杯嘢飲，你地同事話係一定，一定要，一定即係must即係唔叫唔得啦，咁我三個main都唔知食唔食得曬仲點飲？戴眼鏡男人：我地會跟進番同事嘅態度，札馬尾位女侍應送上兩杯tap water

Pasta with Braised Beef Ragout

Pasta with Braised Beef Ragout

咁我地繼續食嘢，個燴和牛肉醬伴意大利麵，如果話係和牛肉去燴咁係咪會好淋？但佢lee個牛肉醬質地係好似湯渣肉嘅肉質好結實嗰d，佢係做到醬咁樣，但質地就唔滑都唔係平時肉醬粒嗰d，我就唔係幾鐘意，始終湯渣質地我唔喜好，個粉微暖可能我地講得太多嘢先食，粉質地唔算爽，不過味道好好，其實唔講肉質地嘅話，個粉係好好味，不過可以唔好煮太耐早多小小上碟會好d，意粉上的幾片cheese，增加了鹹香，好辣嘅我又點可以唔加辣椒碎，可惜佢地冇，我只好加Tabasco，因為個粉係蕃茄底，所以都夾到，我朋友就大讚話好食，咁我都覺唔差只係肉質我唔喜歡，但正正就係配撘特別先叫lee個，因為想知燴肉醬係點丫麻。(不過好在lee度燈光偏藍，如果唔係牛肉熟左既colour仲要成了醬既樣，我諗賣相會略為遜色)
Pasta都未食完就黎左個pizza，唔係話一個個上咩，札馬尾位女侍應話係呀，改過單所以一齊上左，咁我話：咁好啦都冇計，佢好nice咁應番我：雞等你食左先上丫，我話好丫
其實我想叫杯酒match番個叫嘅嘢食，但食雞真係唔想飲紅酒，白酒又麻麻地，mocktail又怕飲唔曬，真係諗唔到，但我朋友就爆左句，我要芒果，o咀了，我話咁叫左你先啦，我飲你兩啖，哈，真係飲唔曬唔好浪費丫麻，朋友話，一杯嘢都係幾十蚊，飲唔曬都冇所謂，我話唔好啦，最後叫左杯mango delight

飲品好好飲，芒果椰奶冰碎，唔記得仲有咩，芒果味濃但亦有椰味，好balance到所以印象好深有椰奶，如果夏天飲一定好正

再試下個Pepperoni Pizza先，薄底餡少，每塊pizza都有辣肉腸更有大量洋蔥，洋蔥應該略炒過，帶甜同爽，極小茄膏同cheese，不過正正佢汁唔多，個底冇過濕而爛，每一口也食到辣肉腸，但cheese味唔出，而且d餡好易跌曬出黎，相比下lee個pizza就唔值百幾蚊
札馬尾女侍應拎烤雞上枱，咁啱我自己整到自己碟嘢hi到衫袖我哎呀左一聲，女侍應話唔好意思係咪整到你，我笑住話，哈唔係，係我自己，佢好好咁拎包濕紙巾比我，我真係覺得佢係最正常嘅一個，就係咁我發現了佢地係under 飲食大集團Cafe Deco Group架！

Roasted Half Chicken with Green Beans and Roasted Potatoes

Roasted Half Chicken with Green Beans and Roasted Potatoes

Roasted Half Chicken with Green Beans and Roasted Potatoes

到烤雞上埸，真係好香，不過可能燈光影響，烤雞上的煙肉顏色更為深色，其實都好黑，不過黑唔黑嘅煙肉我都唔喜好，所以冇食，朋友切雞脾比我，真係好滑好多汁，而且雞皮烤得好薄，小小脆，但一d肥肥感都冇，真係好好食，醃肉方面做得好出色，完全突出了肉鮮，跟肉有汁分開上，點了一舊，應該係燒汁，味道正路，但本身烤雞已經好好食，所以我都係就咁食唔點汁，我再切d雞胸肉食，咁雞胸肉質一定比其他部份較為結實，但佢地嘅雞胸肉真係保持到肉斗，一d都唔乾，再切入小小雞柳位置比起胸肉較嫩，但整體成碟烤雞都係水準之作，半份只係HKD172真係好掋！！！！應該話係真係足半隻雞賣HKD172而且每一口雞肉都鮮嫩多汁呢，真係好值得一試架：)
其實食飯其間發生lee d事真係好掃興，不過好食嘅食物係要讚讚架！
最後我地都食剩兩件pizza就埋單了
真心推介lee間餐廳嘅烤雞，價錢合理，好食，掋食，環境都okay，只係短髮女侍應態度最差！！！在我而言，餐廳我最介意服務態度，環境，先到食物，我讀書嗰時都係做侍應，都做過d唔serve tap water嘅餐廳，但態度一定唔會係咁，而且要minimum change一定會先同客講！！
以下係我對餐廳嘅一些疑問：
點解入餐廳前，坐底都唔講每人一定要飲嘢？
點解同事話飲嘢食嘢都得，但入到去淨食嘢唔得？
最底消費係一定要飲嘢，咁係咪唔可以因應情況而堅持？如果真係咁堅持，不如一早就唔做我生意，早d講，我行過隔離食都可以架
點解三個唔同同事serve我都唔講一定要叫嘢飲？
點解要落曬order，食物都到左先講一定要叫嘢飲？
我地兩個人叫三個main點都唔係唔消費hea一晚嘅人，其實一早同我講，我可能會唔食，可能過隔離食，可能唔叫咁多嘢食去叫嘢飲，我唔係要你難做，都唔係想想做麻煩客人，只係lee d經營手法真係好令人反感，希望餐廳會改善！

Tonic 营业中 休息中

Tonic

营业中

休息中