Tonic

营业中

休息中

Happy hour 去了朗豪坊的 tonic 與三五知己喝個酒聊個天 tonic 外觀的隔調是不錯的 而且氣氛還尚算足夠 正適合幾位朋友一同閒談聊天 我們四人坐下點了四杯喝品 我點了sangria 而其他幾位不約而同地點了 corona 的冰藍特飲 杯子份尚算大杯 我的 sangria 尚算正常 沒有太大的特別 但是我幾位朋友所點的特飲卻被指 不好喝 配搭得不好 而且帶有苦澀的味道 可能並不是迎合亞洲人的需要去研發的調酒 但整體的環境配合我還是給與一個不錯的評分 價位大約是每人$100 在 happy hour 來說 價位稍高

朗豪坊13/F的幾間食肆，同一個老細! 但Tonic呢間野的服務就是最差的一間，由裝修前至裝修後都冇變過! 今晚，光顧了($750+)! 酒精後見口乾，請侍應給一杯飲用水, 呢個女人，居然叫我自己買，酒吧沒有飲用水提供!埋單時我問她："隔離德國餐廳都有飲用水，你地同一個老細的，點解你地冇"?個女人回應："因為我地係酒吧！所以只有一支支的水!"我問："敢妳返工吾駛飲水?"個女人再回應："我地自己帶水返工的!"天荒夜潭的謬論! 我是(老蘭)的客，(蘭桂芳都是酒吧)，都會提供飲用水啦！

因為考試 加上林林總總既事情 好想搵閨蜜傾下計 抒發下咁岩佢係旺角返工 就六點幾接佢放工 有時需要一點酒精先可以講下心底入面既不快太子既酒吧街又未咁早開 所以我地揀左旺角朗豪坊最上既SKYBAR個層既食肆因為位多 氣氛輕鬆而且有POP SONGS  就打算去HAPPY HOUR 叫野食同酒飲下 而度幾間野食 除左日牛同SKYBAR之外 好似係係同一個廚房拎出黎🤔HAPPY HOUR $138包兩杯酒精飲品同一個小食 紅白啤都得小食可以揀黑松露醬芝士薯條 炸魷魚圈 同埋Quesadilla 上幾次食過黑松露醬芝士薯條好好味 五花腩MINI BURGER都好足份量 魷魚圈都好大份！今次朋友話想食黑松露 所以我地兩個女仔叫左一個HAPPY HOUR SET 配 黑松露醬芝士薯條 chardonnay 同埋corona beer!      另外加左個mini-burger $98先上左野飲同黑松露醬芝士薯條 野飲一般啦唔係話好特別 因為始終佢地買左隻brand跟住serve比客人要讚既係薯條！除左本身薯條上面帶黑松露醬同芝士 佢跟既黑松露沙律醬都係必定要點黎食！本身怕肥既朋友都食左好多醬 我

Friday chills with fd after dinner in Mong Kok Limited choice for wine here Nuts can be refilled for twice onlyAnyway it is a good place for chatting

去朗豪坊咁高層，梗想飲兩杯輕鬆下啦, 上到去冇乜位淨喇，最喜愛嘅sky bar冇位，自然入左間有吉檯嘅，又中伏入到呢間打開酒單，嘩，啲cocktail 又怪又好多果汁亂溝，擺明唔想啲客叫，一杯要咁都成舊水! 蘭桂價錢囉，但冇那面嘅質素啲house wine貴到呢～成舊水飲一杯仔，搏啲人唔識嘢咩，服務就一般到唔恨喇揀冇可揀下叫左一杯long island ，朋友一杯mojito,老實講傳統嘢唔衰嘅，好在冇事雞翼呀，薯條呀就真心貴，不如去m記食完先上去飲嘢傾計啦，又咁講，要飲嘢過尖咀仲好啦～

在鬧市中的旺角，Happy hour之選👍🏻，是日星期六，在旺角一帶shopping 血拼完，行到累累後，便想休息下，飲番杯🍻食啲小食後再戰鬥過，我們選了朗豪坊頂層的Tonic，這裡的Happy hour 至到晚上八時（平日假日都係，打工仔放工都可整番杯），所有飲品七折供應，送nuts🍘，仲免收加一添🎉我們一行兩女叫咗一個幾抵嘅1664生啤套餐，價錢$198，包兩杯1664🍻及二選一嘅小食，我們選了招牌柚子煙三文魚，其實即係煙三文魚卷😝，幾清新，頂上兩條不是青瓜條，原來係青蘋果條，酸酸哋，為三文魚卷增添不少鮮味，值得一讚廚師嘅細心；另外我們再叫了同時做緊優惠嘅頂級澳洲肉眼牛扒$98（五成熟），牛扒煎得啱啱好✌🏻️，保持鮮嫩多汁，媲美五星級酒店水準😋這裡最抵讚的是套餐與美食優惠可同時享用，我們再叫了一支礦泉水，埋單$379，已可飲飽食醉了

叫野飲，侍應連vodka lime 係咩都唔知，ok我當佢暑期工唔識算，無話佢，佢又唔識搵同事幫手。埋單，另一侍應連銀聯卡係咩都唔知，唔知好心你入去問下自己d同事，唔係問番我轉頭咩叫銀聯卡。之後睇番張單，扣左我1蚊charity,我問佢點解扣左我1蚊for charity,佢拎左張類似傳單既野比我睇話係for this charity, 老實講我同我frd睇完張野都唔知係邊間charity for what purpose。1蚊唔係重點，重點係佢無問過我，亦無提出要捐錢就直接係碌左張卡到計埋扣左，捐唔捐係我選擇or你出到聲講明係到飲酒一定要捐無問題，但唔可以係我唔知既情況下碌左扣埋錢，我好聲好氣講出呢個原則問題，個女仔正係哦一聲，睇樣又係似暑期工，鬧來都哂氣，唔通要佢比番1蚊cash我咩，經理全程企係後面睇住唔過來。酒款少，cocktail好一般，真係唔會下次再去

平時行朗豪坊都好少上頂樓,點知今次比朋友叫左上去先知原來都有咁多選擇,我地四個坐低之後每人叫左杯野飲,一個三文魚PIZZA同一份牛肋肉,依到一杯野飲既價錢大概70~80蚊,有小小偏貴,不過叫一杯正價野飲就可以任坐,同朋友黎一齊吹水就一流!野飲方面我就叫左杯無酒精荔枝berry特飲,不過味道有啲苦。食物方面PIZZA同牛肋肉夠晒四個人食,PIZZA上面啲三文魚好足,不過啲沙津菜就多得濟,食落口會苦苦地,至於牛肋肉既肉質好林,隔離仲有個薯蓉,連埋啲牛肋肉汁一齊放入口好好食。不過四個人埋單每人200蚊有啲貴,如果有優惠會再幫襯!!

每次跟朋友想到旺角坐一坐聚一聚，但永遠都無一個合適的地方朗豪坊的Tonic已算是一個比較好的選擇，至少環境比劈場好。Happy hour飲品有30% off，侍應亦主動介紹$148兩杯飲品加一款小食套餐，和$88燒春雞promotion。跟餐嘉士伯生啤不太夠冰凍，味道就足，實在太多酒吧偷偷加水減低成本了 小食三選一，選了松露薯條。薯條比想像中大盤，是麼粗切的，內裡充滿薯泥，但某部分炸得比較過火，熱騰騰的，松露醬汁香濃的，為薯條本身生色不少。燒春雞方面比較失望，雞的個子不是春雞size，比較大。個調味不足，只有外皮有重重的香料，雞肉毫無味道，而且不太嫩滑。附上的只是kfc一般的薯溶Gravy，又是淡淡的。另外叫了杯mocktail，名為little princess的是比較甜，有著莓味糖漿，不過不失。P.S: 眼見餐廳的熟食是由隔離berliner出菜，應該是共用一個廚房，所以下次大家可輪流試下附近的餐廳，以實証一下。

去旺角行左一震街,之後約了朋友飲野，加上很久沒見，所以都係想靜靜地找個地方傾計，朗豪坊的頂層都有環境好既bar,本來諗住去the sky bar, 一上到去經過tonic 既waiter已經好主動 講左佢地有咩promotion ，又七折又set咁，見環境都幾好冇諗咁多就坐低1664 Blanc 啤酒好清新，淡淡的花果香氣及滑順口感，非常適合不喜歡啤酒苦味的朋友歐，特別係女仔招牌柚子香菜煙三文魚$118煙三文魚包住應該係cream cheese，上面有幾條蘋果，講真無乜特別，平均$30一囗的話真係唔值，不過好在有1664 combo，起碼平左一半服務我覺得唔錯，waiter有禮貌都幾細心，跌左支叉馬上換上，下次可以試下黎食飯

去飲野就試過幾次，食飯就第一次。星期五8點到，等左10分鐘就有檯。每人最低消費一杯野飲， 叫左杯hoegarden rose， $82，唔知係咪好忙，斟到杯酒好多泡泡。叫左份雞肉餡餅，好大塊，好足料，切開仲有好多好多cheese，另外有salad 伴碟，唔需要另外order，值得一試！

諗住試下新野啦侍應安排入座比左餐牌我地睇啦咁岩就見到個餐牌2杯飲料加個小食係$148諗住問下個侍應啲詳細資料點知⋯有位男侍應同我地講：個餐牌咪有寫係度囉🙄🙄🙄🙄🙄係我地睇溜眼，第一次睇到啲資料睇溜左都好正常啫，同埋問下你都可以憑你經驗答到架啫你自己日日返工對住份餐牌幾十次，更係對份餐牌撩如指掌🙄🙄🙄咁我地講完我地想要既野食點知唔夠一分鐘番轉頭問番我地係咪要呢2樣飲品我：我頭先唔係講左一次架咩🙄野食麻麻真係唔緊要，服務差下次想番轉頭都幾難。講番啲野食

朗豪坊美食甚多今晚來到位於商場最頂層的Tonic打開餐單會發現餐廳所提供的食物款式不算多於是我們挑選了小餐牌上的啤酒套餐柚子香葉煙三文魚配Kronenbourg 1664 --- $198套餐可跟雞翼薯條或煙三文魚卷我倆揀了後者小卷味道酸酸鹹鹹是道頗為開胃的菜式安格斯西冷牛扒 --- $88牛扒質素以價格來說不太差份量恰好 味道則中規中矩

去到朗豪坊頂層，環境燈光好適合傾計談下心！ 比呢個頂級澳洲安格斯黑西冷牛扒吸引，無添加、無抗生素！ 星期日至四，叫紅、白酒有特別優惠，送特選德國凍肉拼盤，飲酒的人士幾適合！ 扒類、薄餅、意粉、仲有漢堡，幾多意式食物選擇！ 意式芝士黑松露薯條係我每次都會點既小食！ 皮有烤既味道、肉軟，恰到好處 薯條脆又夠味！脆魚、炸皮唔厚麵粉，再配合埋他他醬、檸檬，邊傾計食一流！虎蝦辣肉腸飯，有蕃茄醬味道！蝦又夠大隻有口感！小建議：上菜時間都幾快，如果怕餸菜凍，就可先叫一款食住先，保持熱食狀態！

昨天經朋友推介後，試試這間酒吧，但因本沒打算post openrice,沒有拍餐牌，所以無法提供詳細食品價錢及食物名稱!後來因覺得有一款德國腸仔薯蓉味道不錯，腸仔脆皮，一口咬下去芝士的味道、口感配搭薯蓉，但記得價錢略貴(大概$150-$200左右)，如有興趣到這裡，可嘗試這道菜我們還點了雞柳意粉，但味道較淡，肉質一般！飲品要了:mango delight, cosmopolitian, 1664我要的是mango delight,酸甜度對我來說剛好，味道不錯，但欠缺獨特性！另外，朋友說cosmopolitian味道較為酸澀，不太好入口，而1664味道清甜！環境來說，燈光優雅，氣氛不俗，但晚上樓下有唱歌表演，距離太近，聲音太大，無法好好地跟朋友聊天。整體來說，不過不失，如大家有興趣，可試一下我推介的德國腸仔薯蓉(大概名字)