Tivoli 意大利餐廳

营业中

休息中

📍Tivoli 意大利餐廳 (佐敦)佐敦柯士甸道130號地舖懷舊浪漫有情調的意大利餐廳❤️餐廳屹立佐敦45年，每張桌上都有紅蠟燭，燈光昏暗，加上高質西餐，「燭光晚餐」拍拖好地方。侍應會穿上西裝，熱情介紹食物，主動幫我哋影相☁️Chateaubriand grill for two 七打牛柳$488牛柳有四件，賣相攞碟好靚。我選了五成熟，肉質厚身，粉紅色，軟嫩不會韌☁️蒜茸青汁意大利粉$168一上枱已經好香，好大碟，表面舖滿大量芝士，意粉好惹味☁️法國生蠔4隻🦪$220 海水味重，鮮甜大隻，旁邊有鮮檸檬🍋，榨檸檬器好得意，吾會整污糟手指☁️Tartufo Classico $75外型像松露，雪糕已切開四件☁️pink lady $50☁️summer lover $50

与班朋友在佐敦做完运动后觅地方食午餐，找到位于佐敦柯士甸道13号的Tivoli意大利餐厅，交通方便佐敦站出口1分钟左右，餐厅灯光幽暗给人感觉装潢好旧古雅风，应该历史悠久左手边的橱窗，除了展示名人和忠实顾客光顾时拍的照片。食物份量足，味道口感食材一般，整体算不错。

所以同個仔去食牛扒，集隊叫一個448嘅牛柳餐，七打牛柳，做完個師兄就即刻攞個包嚟，嗰啲包凍冰冰，然後就攞一個忌廉湯，飲了後就上扒，食完我就問佢係咪有飲品嘅嗰餐佢話有，咁就叫檸檬茶，食完埋單多咗100文，我問佢乜嚟，佢話個湯，要另外收錢，我問個餐不是包，佢話唔係，噉點解呀唔事先講啦，我湯來嘅時候有冇出聲，正常就覺得個餐包了的。唔算覺得給搵笨。不會再去

每次和老婆來到這裡, 也會吃這裏的燒牛柳, 三點大塊不用一百元, 肉夠嫩也很少筋, 在港式西餐來說沒甚麽好要求, 也感受到比港式扒房更出色的地方, 其蘑菇醬真的有草菇切粒, 更有自然的味道和咬感之餘, 也沒有令到醬汁變得稀薄. 白汁焗海鮮飯虳飯身是炒底, 口感乾爽, 白汁厚身而海鮮種類也豐富, 沒有什麼好批評的地方. 能夠經營40多年, 除了有附近學生的支持, 也是其經典的港式西餐味道, 有情懷也有實際. 今次最特別的, 是之前的羅宋湯加了紅菜頭, 味道更甜, 顏色也更鮮艷.

今日嚟咗位於佐敦嘅Tivoli意大利餐廳食午餐成日都經過呢度，但就硬係無試試佢，今日就有機會佢嘅午餐都幾受歡迎，人多就最好book定位午餐跟餐有塊包另外都有個湯，幾濃郁焗海鮮飯，幾多魷魚，$85呢個波菜魚柳飯就普普通通，$85焗豬扒飯，size ok，$95煙肉蛋意粉，$85，普通

上次食完呢間餐廳嘅午餐，真係值得再幫襯。午餐款式多元化，CP值極高，好過去茶記。今次食蒜蓉豬扒跟意粉同雜菜，真係冇得頂。見有小小肚餓，同部長講可唔可以幫我加多啲啲意粉，部長話冇問題，嚟到非常大碟，完全充斥咗我空虛嘅胃😅。頭盤都係叫羅宋湯，味道不變，都係咁好飲。飯後仲叫咗杯凍檸茶，咁就係一個完美嘅午餐啦。

經常行過呢間餐廳，都俾佢嘅裝修吸引住，門口亦有寫咗每日嘅精美午餐，都有好多選擇，價錢亦好吸引。餐湯今日叫咗羅宋湯，味道係我最鍾意嘅，什菜加牛肉熬湯，冇得輸。真係想入厨房問吓廚師係點樣熬嘅。主菜叫咗煎雞扒蒜蓉汁配白飯(亦都可以轉意粉或者薯菜），雞皮嗰邊煎到香脆可口，雞肉嫩滑，加上鹹度適中嘅蒜蓉汁，非常之開胃。餐茶叫咗凍檸茶，亦都冇令我失望。3度菜嘅午餐埋單盛惠$66，已經連埋加一。茶餐廳嘅價但餐廳級嘅享受，值得每日幫襯！

星期四，無準備吓就walk in嚟咗，第一次嚟，係著西裝做西餐嘅老待應真係好少有。晚上未夠6半就坐低，當時得4枱咁大把一坐低就叫咗dinner set$168燒牛柳同$228芝士雞加garlic bread。Mushroom soup有粒粒mushroom，有口感，係差啲菇味，下次試龍蝦湯，見啲熟客仔必叫Garlic bread抵食，$30🤭平過pizza hut，又新鮮熱辣Main course，牛5成同雞都好嫩好淋，份量好似少但夠飽埋單先知7半前走，牛柳減50蚊，$118😆平過正過花園餐廳（無得比😂）走時開始多人，10幾枱客，祝生意興隆!

今天去佐敦Tivoli意大利餐廳吃lunch, 叫了全場最平的豬扒洋蔥汁意粉，只需要$60。豬扒好大件，都很軟嫩，而且有兩件，麵包都有兩件，意粉軟硬度適中，都幾抵食。餐廳的氣氛好好，老派得來又有情調，服務態度良好。

昨晚同屋企人行完佐敦間永安，諗住近近地就決定去《Tivoli》啦，上次係星期五見到餐廳full晒，昨晚係閒日把心一橫行入餐廳問吓有冇位，幸運地無訂座都有位，被安排坐近收銀附近，店內環境好古色古香，充滿意大利風味🇮🇹，小妹覺得有啲似去左哈利波特既餐館；主餐牌亦沿用意大利國旗做封面，甜品餐牌上更使用意大利文作介紹，別有特色。我哋特登嚟到，決定order啲特別嘅美食，眼見每枱都必定叫燒牛柳晚餐，於是乎叫左一份試吓😋另外仲叫左 PIZZA ALLA "TIVOLI"公司薄餅、海鮮寬條麵，等過馬路時聞到好香蒜蓉包味，迫不及待叫左一客，小妹爸更要多枝意大利啤酒PERONI🍻添❣️▫️燒牛柳晚餐🔸🔸餐湯～紅菜頭甘筍忌廉湯好香紅菜頭既香味，飲落仲有粒粒甘筍肉，小妹本身幾喜歡紅菜頭，覺得呢碗湯好正😊好好飲❤️🔸🔸燒牛柳配薯菜牛柳要左七成熟，肉質嫩嫩，配搭嘅番茄🍅紫椰菜都鮮甜，一球薯茸係牛油焗薯薯茸，每啖都有粒粒薯仔粒，有口感得來又滑及好香牛油味💛▫️蒜蓉包香脆可口，太好食🤤超級推薦丫❣️▫️ 海鮮寬條麵好香嘅蝦汁似用了蝦膏，配料有魷魚、青口、蝦仁、魚柳、洋蔥&蕃茄，可惜麵質遜色易斷，汁醬太稀唔掛碟，如果醬汁結身少少

Tivoli 意大利餐廳由70年代開業，餐廳裝潢、一枱一櫈都保留咗當年嘅面貌，例如一張張竹藤嘅椅子、湖水綠色的百葉鏡窗、天光掛滿椰子同植物，餐廳嘅一磚一瓦都充滿著田園、莊園嘅氣息。.✨ 環境喺傳統老牌餐廳，都有老派嘅情調，依道每桌都會點紅爉燭🕯️係薄暗嘅燈光下，享受「燭光晚餐」😳.✨ 二人套餐 $628餐廳有一人套餐、二人套餐，亦有A La Carte 單點散嗌嘅Menu，今次就揀咗二人套餐 $628，有齊🥗前菜沙律、🫕餐湯、🧆主食、🍝意粉、🥤飲品！.🥗 芒果煙鴨胸沙津前菜沙律十分豐富，又有鴨胸（4塊）、沙津菜、生果粒等等。.🫕 龍蝦湯龍蝦湯湯頭香味撲鼻而來🤤湯面上有少少忌廉拉花，而且仲有好多龍蝦碎肉粒🍤飲落口感不錯，味道濃郁但唔會過鹹☺️.🥩 芥末牛柳芥末牛柳賣相、擺碟十分靚仔😍肉質厚身，入口軟嫩唔韌，蘸埋芥末醬，牛味就更濃香👍🏻.🍝 海鮮焗茄子配尖通粉雖然賣相普通，但大蝦份量都幾多🍤而且配埋芝士有少少拉絲，份量足料，兩個人食真係足夠😋.⭐整體︰8.0/10⭐食物︰7.5/10⭐環境︰9.0/10⭐價錢︰8.0/10

一間歷史悠久，已經開業44年，並不十分顯眼的意大利餐廳。比起當下許多只標榜高級價錢及環境的西餐廳 ，我更覺得這間相當不錯。古色古香的Tivoli令人懷念八，九十年代的味道。在傳統的老牌餐廳漸成絕響，當然算不上高檔fine dining, 但交足功課保持水準，不浮誇。晚上來的時候，餐廳環境不錯，很舒適，很有外國feel, 每桌會點蠟燭，燈光會調暗，十分有情調，想真正享受燭光晚餐，這裏值得一去。地方大，晚上人流不多，真係可以談心，非常有情懷的一家餐廳。食物方面，份量大，足料，抵食夾大件，價格相宜，而且味道好，當然水準亦高，蠋光下的晚餐，食物也特別覺得美味，食氣氛、歴史和人情味，這間出乎意料的有驚喜，價值公道，歷史悠久服務好。

餐廳主打蠟燭昏暗情調及滿滿人情味的幽默員工💕$138鮮果雜菜沙律水果種類繁多，顏色鮮艷，意想不到的是有金奇異果及手指提子，可惜雜菜份量少得可憐。$148 法式焗田螺一共半打，有足夠蒜味味道不過不失，墊碟的薯蓉重牛油香亦脆口挺出色。$168 燒牛柳 餐湯 麵包 餐飲是日最出色是套餐，店員相當體貼，見我們三人只叫一份套餐，亦跟足三片麵包及三件牛柳。燒牛柳份量十分，而配搭伴碟的紫椰菜及薯仔清新可口。$208海鮮薄餅薄餅的海鮮魷魚及大蝦的份量十足，啖啖配料。$208火焰雪山是日與朋友慶祝生日，故此點了火焰雪山增添氣氛，兩款甜品味道上是可一不可再。$70提拉米蘇

黑椒牛扒配意粉給人的第一印象就是那香氣四溢的黑椒味道。牛扒經過烹調後保持著肉質的嫩滑，咬下去時散發出濃郁的牛肉香氣，與黑椒的辛辣味道交織在一起，讓人胃口大開。意粉質地軟嫩，入口即化，與牛扒的口感形成了對比。意粉上淋上一層濃郁的黑椒汁，讓整道菜的味道更加豐富。此外，意粉還可以吸收牛扒上的肉汁，增添了額外的美味。

喺佐敦做完Facial，行吓搵餐廳食個lunch再繼續行程，路過呢間門面幾有特色又懷舊嘅意大利餐廳，唔使等位於是入去試吓。餐廳室內環境幾有氣氛，好古色古香好懷舊嘅意大利西式餐廳，餐廳入邊都有一大部份係外國人，老牌員工都好有禮貌同好熱情，餐廳都唔會好嘈，坐得好舒適。我叫咗個lunch set，有兩件牛油麵包，麵包幾好食，有兩粒好靚嘅唧花牛油，仲有一碗餐湯，我揀咗羅宋湯，主食就揀咗肉醬意粉，意粉唔錯，好多肉醬，而且都大碟，份量豐富，lunch仲包咗一杯冷熱飲品。