The Steakhaus

营业中

休息中

優點：食物質素正常，味道尚算可以。缺點：體驗極為惡劣。首先，食物份量偏細，食完唔覺得飽，等極都唔上菜。全場得兩枱人，但等個牛扒都要40分鐘，期間完全冇人理你，無侍應/門面。用QR Code落單，原本應該快啲，但呢度就好似冇乜用，舉手都冇反應。最離譜係，忍唔住自己行去廚房問情況，但個廚師態度真係唔好，好似欠咗佢咁，問兩句就成面黑晒，完全冇耐性或者解釋。睇返廚房，明明有五六個人喺度做嘢，但樓面竟然一個人都冇，餐廳分工有顯然易見嘅問題整體嚟講，食物味道雖然正常，但呢間餐廳完全冇考慮顧客體驗，服務同效率簡直係零分。只適合任何有大量時間又唔會燥嘅人嚟食

今日心血來潮，想食牛扒，本來諗住去太子老字號扒房，去到門口超級多人，上網搵到呢間就去試吓。去到門口，都唔夠膽入，我哋食晚餐，門口冇大招牌，有支紅色光管，喺呢啲區，唔敢亂入。如果有清晰嘅招牌就好啲。我哋叫咗安格斯Prime 西冷配烤大蒜，香草羊架配脆薄荷葉（6支骨），黑松露和帕瑪森起司炸薯條。我個西冷到咗先，都幾鞋，有啲失望。我都覺得有啲出奇，講明係扒房，點解幾成熟都唔使問，用QR code落單，都可以有呢個選擇。😡目測塊扒都有八成熟。😐朋友叫咗羊架，我食咗一支，好味過牛扒。肉味有蘇香，都幾腍，不過冇乜香草味。另外嗌咗個薯條，正常發揮，有芝士都幾好食，黑松露醬都香，不過嗰個沙律醬唔係好岩我。另外食物都要等幾耐，薯條到先，另外兩份扒就要等好耐。

今晚同埋朋友慶祝食生日飯 去咗太子有間西餐廳叫做 #The Steakhaus 同朋友兩個人入到間餐廳 侍應示意我哋二人坐低 之後嗌咗以下食物🌸滿滿蜆肉蝴蝶粉（小的)🌸黑毛豬安㗎(配火腿脆片給紅酒蘋果)🌸玉桂青蘋果綠茶🌸 提拉米蘇（tiramisu)🌸單骨雞翼首先 黑毛豬鞍架配火腿脆片及紅酒蘋果 豬肉的鮮嫩 火腿的鹹香完美結合 搭配紅酒蘋果香 好有層次感更加豐富滿滿蜆肉蝴蝶粉好有蜆嘅鮮味 同埋好creamy 好正今晚我地倆個人吃攬個肚皮走 下次一定會再嚟吃過😋😋

上次lunch嚟，午市冇蜆食，今次故意晚市嚟食蜆意粉，但失望了。叫左份西冷8oz ($118)，一份double蜆肉炒蝴蝶粉（$198）。份西冷扒跟埋半隻大蒜頭，用左好多牛油去煎，但冇炭燒香味，塊扒肉味唔夠濃，似用原味去煎，連salt pepper都冇咩點用，冇醬汁點，8oz呢個size唔算大塊，$118呢個價錢，試一次就夠了另外個蜆，係細細粒果款，應該似係新鮮蜆？因為食左好幾隻都有沙，蝴蝶粉用牛油香草炒，但係依然好淡味，因為蜆肉有沙，成碟粉好啖而無咩味，今次試完，真係唔會再翻轉頭了

一直想找一間食物質素高而又有格調的扒房，在鋪外見到這間懷舊裝潢風格的小店，食物款式不算太多選擇但價錢親民，一於入去試試。金。瑪格麗特吃牛扒怎能少了cocktail! Margarita 是一款組典的雞尾酒，口感清新，帶點酸甜;杯邊有鹽邊，而且店家把冰雪成玫瑰花型，金光閃閃，非常吸睛。安格斯Prime西冷8oz配烤大蒜牛扒沒有熟度選擇，但廚師烹調得剛剛好! 外表微焦，內裡保持牛扒的鮮嫩及肉汁，牛味濃，特別是調味做得很好，有很香的牛油味道，大蒜也令我讚嘆!因為本來我是不愛蒜的，本著嘗試心態，原來烤過大蒜是會沒有了蒜頭自身的味道，反而變得一絲絲的口感，甜甜的香草羊架(6支骨)配脆薄荷葉上枱後我後悔了....份量超多，每一塊羊架都超級厚!羊架呈粉嫩的顏色，烤的時間也是掌控得好好，外焦內軟~喜愛羊膻味的人必點!配上脆薄荷葉，清新的味道中和了油膩感。滿滿蜆肉蝴蝶粉我認為蜆肉和蝴蝶粉的量是6:4的比例! 蜆肉非常多且沒有沙，大小適中(如果想要更多蜆的話可以叫增量);醬汁是濃濃的忌廉口味，放了香草及少少蒜粒增香，蝴蝶粉裹滿醬汁，食欲大增!(強烈要求店家可以有蝴蝶粉增量選擇)黑松露和帕瑪森起司炸薯條黑松

大推呢間扒房！又平又大份!The steakhaus 滿滿蜆肉蝴蝶粉（雙倍蜆）198$睇圖真係cls! 蜆應該係蝴蝶粉既十倍，🤣🤣應該蜆肉係主食，蝴蝶粉係配菜先真！食起上嚟少少辣好惹味，覺得呢個係前菜食完真係食慾大增😋安格斯prime15oz配沙律258$呢度嘅牛扒都無得揀熟度！但個prime牛扒煎得啱啱好，medium rare!😋😋手勢一流、塊扒質素又好！perfect!大大塊岩晒share食！香草羊架6支 180$6枝竟然咁平！支支都有我既手板大半！又甜又清新既薄荷醬勁Suprise!我同兩個朋友都麻麻地羊騷味🤔但呢碟一致都認為okay!少少羊騷味可以接受🤔一人兩支清晒！西班牙油炸鬼58$脆脆既油炸鬼配上朱古力醬及朱古力雪糕，幾有特色，味道幾夾！提拉米蘇 58$味道亦不失禮！軟滑既口感可以一戰！此外，揀選扒時有多達7款配料，雖然我地無加到，但又龍蝦又帶子，幾吸引既！飲品又多選擇又靚（詳見餐牌）此小店價錢與食物質素出色，環境又坐得舒適闊落！真係值得我打篇野推一推！同朋友食得幾愉快既

The Steakhaus @太子🪡太子太子道西91-91A號地鋪人均$100-$150絕得係隱世特色西餐廳，裝修超特別，超有80年代美式風格，所以餐具睇得出有配搭，好啱情侶慶祝生日/節日。menu食物選擇都好多，話哂係steakhaus，必選牛扒🥩，飲品cocktail都好有個人特色，推薦推薦❤️🥩安格斯Prime西冷配大蒜 $118牛扒煎得外焦內嫩，肉質鮮嫩多汁，油脂分布均勻，蒜香味突出，提升整體層次感。整體味道豐富，牛扒愛好者絕對要試吓！🥩🧄✨🍤 +$78 芝士龍蝦//半隻+$78絕對值得加配！龍蝦肉鮮甜彈牙，芝士焗得香濃惹味，每一啖都充滿層次感。🦞🧀✨🍝水牛芝士番茄羅勒闊條麵$108水牛芝士香濃creamy，番茄酸甜適中，羅勒增添清新香氣。闊條麵煮得啱啱好，有咬口，每條麵都掛滿醬汁，味道豐富。🍝🍅🧀✨🥨黑松露和帕瑪森起司炸薯條 $48薯條炸得金黃香脆，搭配埋黑松露&帕瑪森起司增添鹹香層次，超級入味and match，啱哂用嚟做餐前小食。🍟🧀✨🫗 百利甜黑糖奶 $78Cocktail香濃順滑，黑糖甜度適中，奶香濃郁，又唔會好濃酒味，啱哂女仔飲🍶🥛✨🥛紅心芭樂白桃鳥龍茶 $48芭樂同

日前行完太子果堆建材店， 想搵野食，見到間餐廳氣氛唔錯，就入左去。裝修氛圍幾有情調， 啱哂情侶靜靜傾計最後嗌左15安士安格斯prime帶骨肉眼另加半隻芝士龍蝦，蟹餅，同埋滿滿蜆肉蝴蝶粉。嗌杯雞尾酒, chill下先。青蘋果莫希托，有清新嘅青蘋果片再加清爽嘅薄荷， 飲落好舒服，解油膩一流。15oz 嘅牛扒真係份量十足， 煎得香口，有肉汁， 唔會太韌嘅牛扒，啱哂我口味。外加嘅半隻芝士龍蝦，芝士夠，焗得香口， 龍蝦鉗大大隻冇花假。龍蝦肉爽口唔會梅，是隻新鮮好龍蝦。滿滿蜆肉蝴蝶粉果然有滿滿嘅蜆，d 蜆仲多過d 粉咁濟...好難想像如果嗌左兩倍蜆肉會係咩效果。啖啖蟹膏蟹餅就真係有驚喜擺碟靚，打卡一流，煎得香脆，有一梳梳蟹肉同啖啖蟹膏味， 是正的

曾光顧的慢煮餐廳已變成一家扒房，性價比意想不到的高環境佈置簡約，開放空間以幾何形狀色彩劃分裝修走懷舊復古風，微昏燈光顯得格外有情調橙紅色的霓虹燈，皮革梳化座位舒適，人氣滿滿肉類固定熟度安格斯Prime西冷配烤大蒜牛味濃郁有口感安格斯Prime有骨肉眼配沙律菜肉質鮮嫩多汁芝士龍蝦彈牙多肉，在鹹香及色澤上帶出豐富層次金文拔芝士呈圓餅形，烤得香脆，散發著迷人的香氣雞尾酒成人水果茶內裡有不同的生果，酒精味不重

今晚同奴才爸拍拖搵食，去咗太子一間主打西式嘅餐廳，裝修型格又有情調，啱晒兩個人浪漫撐枱腳😍重點係呢度嘅牛扒質素高得嚟價錢又親民𓂃𓈒𓐍 *ﾟ. 𓂃𓈒𓐍 *ﾟ𝕨𝕖 𝕠𝕣𝕕𝕖𝕣𝕖𝕕ﾟ*𓐍 𓈒𓂃. ﾟ*𓐍 𓈒𓂃凍Mocha☕️ 咖啡同朱古力嘅比例啱啱好，濃郁得嚟唔會太甜，飲落好順滑，啱晒鍾意咖啡又怕苦嘅人😋凍抹茶拿鐵🍵 抹茶味香濃，帶微微甘苦，牛奶嘅甜味平衡得好好，飲落好清新👍🏻黑松露和帕瑪森起司炸薯條🍟🧀 黑松露香氣撲鼻，帕瑪森起司鹹香濃郁，薯條炸得金黃脆口，食到停唔到口，簡直係邪惡嘅美味😈滿滿蜆肉蝴蝶粉🐚🍝 蜆肉份量多到嚇親，蜆肉鮮甜，蝴蝶粉煮得啱啱好，彈牙又有咬口，醬汁香濃但唔會蓋過海鮮味，正😍安格斯Prime有骨肉眼配沙律🥩🥗 牛扒煎得外脆內嫩，肉汁豐富，Prime級數果然冇得輸！配埋新鮮沙律菜，食落更加清爽🤤𓂃𓈒𓐍 *ﾟ. 𓂃𓈒𓐍 *ﾟ. 𓂃𓈒𓐍 *ﾟ. 𓂃𓈒𓐍 *ﾟ. 𓂃𓈒𓐍 *ﾟ成個用餐體驗都好滿意，餐廳環境有情調，食物質素高，價錢又合理，絕對係拍拖食飯嘅好選擇！下次一定要再嚟試吓其他菜式，特別係佢哋嘅牛扒，真係令人念念不忘🤤🤑 人均消費：～$280🤩 推薦指數：8 /

地方吾易搵～ 去過之後發現超喜歡 欣賞呢間餐廳男友因為本行做設計行業 Bauhaus風格有所了解-開放空間 -簡約 -色彩劃分 -幾何形狀-多功能家具 -現代材料 -燈光設計 -視覺整體性每個元素都與整體設計風格一致 形成統一的視覺效果外面洗手間 都好有心思 燈光滿分 有情調.👍🏻餐牌好多款扒選擇 但點餐時好多款已售罄所以想試唔同款式，記得要早啲嚟啊！.🥩安格斯Prime有骨肉眼150z 配沙律 $25815oz超巨 唔好以為有骨就好大嚿骨 只係半隻手指全部都是用肉～ 肉眼的紋理分明 肉質鮮嫩多汁 外表金黃 油香並不油膩 油脂平衡 豐富口感 但吾覺有負擔.🍝滿滿蜆肉蝴蝶粉 $118普通版蜆肉已比預期更多 仲有加蜆價錢架蝴蝶粉煙靭程度似手工製作.🍟黑松露和帕瑪森起司炸薯條 $48黑松露味道濃郁 吃不停 薯條乾身香脆 芝士超多.🍹<蜜月> 西榴香水檸檬氣泡蜂蜜酒 $62香水檸檬的獨特清香 蜂蜜帶點甜 好飲.🍸成人水果茶 $78好飲 外觀靚 內裡好多水果.共消費 $564 加一 = $620

放假日同男朋友去試新野因為男朋友鍾意食蜆上網見過呢間有蜆意粉食所以呢日lunch過嚟試但原來lunch冇蜆肉蝴蝶粉咁都嚟到，唯有試下其他。佢地假日lunch款式少d，但免左加一就抵d。男朋友叫燒鐵板蒜汁牛肩胛($118)薯條就普通少少，塊牛就正常啦，唔算有驚喜。我試個蟹肉餅($78)個蟹肉餅好dry, 似罐頭吞食魚隻texture唔油，唔硬，但係有d乾我地加左d茄汁點落蟹餅就好食d。雖然今餐冇太多驚喜，但環境唔錯服務都幾好，價錢合理下次都會想嚟試dinner 個蜆意粉食

看見網上好評，訂了情人節晚上，只有情人節餐供應。選了西冷牛扒，但極多根及肥膏。這種價錢不應該給這種質素的牛扒。薯條很明顯是重複炸過的，內裏已經炸得過火，很難吃。作為一間Steak House，薯條也應佔一席位，不應該是重複炸的薯條。唯一甜品是不過不失。有心做食肆必需每一位客人的菜式都是用心製作。

喺太子道西差唔多去尾發現一間復古裝修嘅西餐，同朋友行行吓嘅時候發現跟住見到好似都幾靚又多人，所以就入咗去食啦🙂‍↕️估唔到嗰度嘅價錢都幾抵，嘢食係OK嘅💫✨安格斯Prime西冷 8oz 配烤大蒜我哋另外加咗奶油蒜蓉蝦、鵪鶉蛋同香草牛油🧈初時我唔知道香草牛油係乜嘢咁但係我照寫咗，原來係成條香草牛油一卷咁樣俾你搽上牛扒度食。搽咗之後牛扒嘅油香會再重啲食落去有浸香草味。奶油蒜蓉蝦調味都幾好。✨滿滿蜆肉蝴蝶粉真係有好多蜆肉啊，我哋只係選擇咗正常份量，如果想要多啲蜆肉仲可以有大份量可以揀。反而蝴蝶粉就比較少，如果加多少少就好啦。✨青瓜牛油果沙律青瓜粒同埋牛油果mix埋一齊比較清新嘅前菜。✨西班牙油炸鬼炸得好香脆，如果入面軟熟啲就更加好。另外會配上藍莓雲呢拿雪糕，點咗之後一冷一熱好好食。✨成人水果茶係有酒精嘅水果茶，入面真係見到有唔同嘅生果，反而酒精味就唔係咁重。

講開最多食牛扒既地方，我覺得太子一定係頭三位！有一間隱世小店成日經過，但係都skip咗，因為要認真停留望先會留意到原來佢係一間餐廳。餐廳主打食牛扒，仲有唔同地方唔同位置嘅牛可以選擇～-卡真甜薯條🍟甜薯條外脆內軟，撒上卡真香料，增添了豐富的風味，剛剛好-滿滿蜆肉蝴蝶粉🍝呢一個意粉仲可以加錢變雙倍蜆肉🐚但我哋只係叫咗普通嘅，但啲蜆肉都可以超過五十幾粒好誇張😂 蝴蝶粉煮得煙煙韌韌幾好食!-鐵板油泡黑安格斯封門柳扒 120z 配酸種麵包🥩牛扒以鐵板形式上，職員會為牛扒淋上油讓肉的香氣更加濃郁。我淨係試過打邊爐食封門柳，第一次以扒嘅形式上，好重牛肉味。配上酸種麵包，讓整體口感更為豐富～-朱古力布朗尼配雪糕🍫布朗尼濃厚的巧克力風味，搭配綿密的雪糕，簡直是完美的組合～雖然都算幾甜，但係好想繼續食😂-金瑪格麗特🍹好適合打卡！好靚金色嘅玫瑰原來係冰嚟！酸甜適中，酒精度數也恰到好處，作為餐後飲品非常合適-鐵觀音奶茶配咖啡凍☕️依杯嘢飲整到好似cocktail咁～相比起對上嗰杯冇咁濃烈，可能放得太多冰，如果濃郁啲會更加喜愛