The Starred

营业中

休息中

意大利雜菜湯雜菜湯味道好清新，蔬菜清甜同番茄微酸，飲落味道啱啱好，冇落到肉，飲落比較輕盈木瓜忌廉湯木瓜忌廉湯一入口就飲到木瓜嘅天然甜味，唔會太膩，湯身幼滑，味道幾特別凱撒沙律沙律用咗新鮮羅馬生菜，咬落爽脆，撈左沙律醬，creamy 但唔會太厚重，芝士片增添咸香，加咗少少麵包粒同煙肉脆脆，烘得香脆，對比生菜嘅清爽好夾香煎雞扒 配 山葵芥末籽蜜糖忌廉汁•意大利粉雞扒份量幾大塊，外皮煎得金黃脆口，咬落雞肉嫩滑多汁，唔會乾柴，山葵芥末籽蜜糖忌廉汁好特別，芥末嘅嗆鼻味同蜜糖嘅甜味好夾鐵板豬梅扒 迷迭香蒜蓉汁 配 溫泉蛋•意大利粉鐵板豬梅扒煎得外脆內嫩，肉質 juicy 又有咬口，油脂同瘦肉比例啱啱好，迷迭香蒜蓉汁香氣濃郁，食落好入味，意大利粉煮得比較乾身配埋溫泉蛋撈埋一齊食滑嘟嘟，口感彈牙又滑溜西班牙巴斯克焦香芝士蛋糕芝士蛋糕外層焦香，有焦糖香，內裡芝士質地濃郁又滑溜，入口即化，蛋香十足，甜度唔高，食落唔會覺得膩凍檸檬茶📌The Starred (筲箕灣)地址：筲箕灣筲箕灣道333號樂融軒地下4號舖

餐廳環境舒適，懷舊西式扒房既既裝潢，有古典雅風之感，木質餐桌令食用環境十分溫馨。餐廳主打各種鐵板和西式飯類。凱撒沙律包含沙律菜、芝士片、煙肉粒、葡萄乾和麵包糠。芝士味道甘香濃郁，煙肉粒、葡萄乾和麵包糠令整體口感豐富，不錯既開胃菜。餐湯木瓜忌廉湯忌廉湯口感香濃順滑，木瓜蓉攪得綿密細滑，風味充滿舊式西餐風情。燒汁燴紐西蘭牛肉眼琺瑯鍋紅糙米飯以燒汁為主調，配菜有溫泉蛋、秋葵和蕃茄仔。牛肉眼肉質鮮嫩多汁，用牙可輕易咬開，熟度剛剛好，中間色澤粉嫩，口感軟熟可口，用琺瑯鍋可保持其溫度。薄切燒紐西蘭牛肉眼扒配意大利粉菜式特別之處在於其醬汁 - 山葵芥末籽蜜糖忌廉汁，牛肉眼扒口感軟腍，表面有特別煎香過，同時做到有韌度的感覺，配上醬汁，有效消去肉眼本身食材的油膩感。西班牙巴斯克焦香芝士蛋糕芝士味相當濃郁，表面有焦香燶面，內裏蛋糕濕潤柔軟，整體配搭香口惹味。菠蘿汁 石榴汁註明100%果汁，健康之選。

今日去開筲箕灣 見到有間西餐廳裝修好有古典嘅氣息又聽朋友講依間一向都好出名今日有機會就一定要試吓佢啦沙律杯清脆爽口的蔬菜搭配特製醬料 清新又富有層次雜菜湯口感濃郁而不膩 帶來溫暖嘅滋味南瓜湯滑順細膩 散發著南瓜天然的甜香 每一口都充滿溫暖感鐵板豬梅扒外皮微焦 肉質鮮嫩多汁 搭配溫泉蛋與紅糙米飯 為整體口感增添了滑順同健康嘅層次琺瑯鍋飯燒汁燴紐西蘭牛肉眼展現左咩叫慢燉的精髓 肉質細膩入味 醬汁濃郁，中配上溫泉蛋與紅糙米飯 帶來令人滿意的飽足感凍咖啡清爽而不失濃郁 菠蘿汁帶來清新嘅果香 酸甜平衡芝士蛋糕可話係畫龍點睛的一筆 綿密細膩的口感帶有恰到好處嘅濃郁芝士香 入口即化 為這場美食饗宴劃下圓滿的句點

放假同屋企人行經筲箕灣，見呢間西餐廳好多人排隊，感覺應該唔錯，就一於去試試。店員服務態度好好，佢推薦我地食法瑯鍋系列，話係佢地嘅招牌菜，既然叫得招牌菜，就一定有返咁上下嘅水準。🥰🥰琺瑯鍋🥘牛面珠墩肉🍖🍖 配雜菜加意粉真係無諗過啲牛面珠墩咁『淋』，真係一入口就化開，我估係連長者都食到嘅程度。牛面珠墩仲要肥瘦相間，燉得好入味，兩嚿份量啱啱好。以呢個價錢，食到呢個質素，真係好驚喜。😋😋鐵板豬梅扒肉 配糙米飯🍚🍚豬梅扒肉拎上嚟仲熱氣騰騰，配上燒汁，唔會咸但又食到肉味。因為係一個lunch set ,所以仲包沙律﹑南瓜忌廉湯﹑飲品同巴斯克焦糖芝士蛋糕。成個set都係80,已經可以食到鐵板燒，真心呢個價錢邊度揾，難怪咁多人排隊。巴士克焦糖芝士蛋糕都唔錯🍰🍰，唔會太甜，仲有香濃嘅芝士味，好食。食緊飯時見到啲侍應同食客傾計，應該係啲時常光顧嘅街坊。街坊嘅眼光係最厲害嘅，唔抵食點會返轉頭幫襯吖! 2個人埋單唔使200元，仲要有前菜🥗有湯🍲有飲🍵有甜品🍰，真係深圳都未必得!🤩🤩

平時去開筲箕灣，都係去東大街度掃街，好少去餐廳坐，今日行山前，想同朋友食啲嘢，見到巴士站附近有間西式餐廳，裝修幾別緻，價錢非常吸引，於是入去試吓。入到去就俾一棵櫻花樹同d水晶燈吸引住。見到有個五道菜豐盛全餐，$80有沙律、餐湯、主菜、甜品同餐飲，咁柢去邊度搵。主菜我哋叫左：琺瑯鍋飯 燒汁燴紐西蘭牛肉眼 •溫泉蛋•紅糙米飯，琺瑯鍋可以好好保溫，牛肉眼剛剛好，紅糙米飯好健康；鐵板雞扒（燒汁）配 溫泉蛋•意大利粉，雞扒好大塊，D汁倒落去炸炸餐，好吸引。芝士蛋糕都好好味。整體來講，街坊價錢食到西餐既質素，會再食。

Bookmarked 咗好耐，今日終於可以一試。我哋今日都晏咗啲嚟，都成夜晚黑八點先到。最後佢安排到個窗口位俾我哋兩個。🥰我睇到個價錢都嚇一嚇，只係 $80一個餐，已經包咗沙律🥗餐湯，扒同埋嘢飲。我就叫咗個鐵板豬扒，扒嘅味道同埋質素都係正常發揮，唔叫得上特別好食，但係如果用呢一個價錢，呢一個服務態度，同埋呢一種氣氛，個人真係覺得10分10分10分超值，所以一定要寫下食評去讚吓呢間餐廳。💖支持下香港嘅小店。另外我哋亦都叫咗一個法𤨡鍋嘅燉牛面頰配咗個飯，反而依個又幾淋，味道亦唔錯👍🏻佢個飯仲要造成係心形，真係不得了。今日係3月14號，亦都係我哋慶祝情人節嘅一個晚餐。整體個環境氣氛職員嘅服務態度各方面，真係唔止一間普通嘅餐廳一樣，而呢個價錢已經有呢個服務呢個感覺呢種浪漫嘅氣氛，真係好正❤️我亦都加咗$25去叫一杯紅酒， 10分抵。人均$120真係好好平，一定會再嚟。👍🏻

香港都有好西食，高尚親民西餐廳係筲箕灣就搵到，氣氛一流，而且價錢十分親民，男女老少都岩食，廢話少講，立即入主題。首先我地點左個凱撒沙律，生菜非常新鮮，上面好多一塊塊既芝士好岩胃口，鹹鹹地非常好味，呢款一定要試下，亞洲人一定會喜愛。之後叫左個餐包湯，今日時令餐湯有兩款，我地就選左忌廉雜菜湯，非常香濃可口，一啖湯一啖包真係幾過癮。主食方面就選左美國安格斯牛肉眼扒，黑松露醬燒汁，今次叫7成熟，熟度岩岩好，唔會太生又岩岩熟，肉質鮮嫩多汁，好有口感，必點之選。第二款主食係鐵板重量級雜扒德國青胡椒汁，呢個真係又平又抵食，重量級份量，味道都係好好，有雞，牛，豬🐽都有齊，一次過滿足三個願望。第三款係最值得推介既係琺瑯鍋紅酒炆牛尾雜菜配意大利粉，牛尾非常入味，入口即溶，出面好少機會食到牛尾，呢道就可以試到，包你一試難忘。餐飲方面就選左100%蘋果汁和石榴汁，甜度岩岩好，非常新鮮鮮榨無人造色素，飲落非常放心。最後唔少得既緊係甜品啦，加多20蚊就可以食到西班牙巴斯克焦香芝士蛋糕，呢個係自家制，出面係買唔到，味道都係非常點讚，值得一試。

《The Starred》懷舊餐館，每隔一段時間會因應節日而佈置一番。今期因最近是情人節店内嘅窗戶都貼了心形氣球切成嘅心形，餐廳中間還有一棵佈滿燈飾嘅大樹，洋溢浪漫氣氛，打咭一流。食物方面，今次叫左:✨️鐵板法式羊扒厚切七成熟羊扒很有咬口，配合腰果芥末醬汁 和 迷迭香蒜蓉汁，超級香濃，又冇羊羶味，十分正!✨️鐵板美國牛封門柳 全熟嘅封門柳很有嚼勁，加上鮮菇燒汁，口感一流。✨️凱撒沙律羅馬生菜清新爽脆，上面鋪滿大大片嘅車打芝士，再加煙靱嘅煙肉，開胃好味。✨️飲品係「熱橙茶」，新鮮的切片橙加入伯爵茶中，飲落感覺清新解膩。✨️甜品呢度最聞名的甜品「西班牙巴斯克焦香芝士蛋糕」，係自家製蛋糕。蛋糕面有少許燒焦，食時點埋旁邊堆成星形嘅朱古力粉，口感豐富。📍箕基灣 箕基灣道333号樂融軒地下4号鋪

餐廳：The Starred地點：筲箕灣菜式：西餐餐牌：主餐牌主菜15選1，有多款肉類，可以自選配餐項目，包括凱撒沙律/餐湯麵包/芝士蛋糕/飲品等。都有五道菜豐盛全餐。外賣自取仲有八折。餐湯及麵包 加$20 另加一餐湯可以揀番茄雜菜湯或者洋蔥湯，我揀左紅湯。個番茄雜菜湯味道剛好，而有豐富椰菜，西芹，紅蘿蔔同蕃茄，熱辣辣上枱。麵包好鬆軟而富牛油香，少少暖，仲有隻碟仔比你自己加黑醋或者橄欖油。凱撒沙律 加$30 另加一凱撒沙律好大碟，爽口新鮮羅馬菜加上大量沙律醬，好多芝士片，甜甜提子乾，煙肉粒同法包粒，仲有半粒車厘茄，口感味道豐富得黎又健康，食嗮成碟都唔覺太齋。美國安格斯牛肉眼扒黑松露醬燒汁 $200 另加一美國安格斯牛肉眼扒好厚身，連肥膏，我叫左7成熟，外皮少少脆，好多肉食。面頭加上充足燒汁同適量黑松露醬，味道剛好，入口絕對唔會乾。配有新鮮秋葵兩條，車厘茄兩粒同香草滑溜薯蓉。  鐵板美國牛封門柳鮮菇燒汁 $130 另加一鐵板美國牛封門柳鮮菇燒汁熱辣辣用鐵板上枱，服務員仲幫我倒燒汁，視覺效果好震撼。封門柳我叫左七成熟，整得個皮脆脆地，牛味好濃，好有咬口，完全無肥膏，好健康。個鮮菇燒汁味道剛

餐廳環境裝修好靚，好有高級西餐廳Feel，但午餐只是售最低70-80元。所以本人覺得性格比相當高。炸薯角（２０＄）剛炸出來熱辣辣十分好味。小小外脆內軟的感覺。但份量算多，所以有機會十分飽肚要注意。慢煮牛面肉配紅糙米飯（８０＄）飯為心型設計落足心思。牛面肉十分鬆軟，有小小似牛腩位既口感但無牛腩位咁肥。 而且肉份量十分多，我認為夠２人食，以呢個價錢同裝修黎講，性格比十分高。鐵板加拿大豬鞍（法式)（１１０＄）豬鞍配黑加倫子燒汁，豬本身味比較淡配上準後味道岩岩好。豬鞍比較厚身，口感大分爽口， 底下仲有薯蓉，如果驚唔夠飽可以換飯。美國安格斯牛肉眼扒（２００＄）肉眼煮得岩岩好７成熟，配黑松露燒汁比較香。肉唔會煮得過老，完全唔硬。扒身好大塊配薯蓉。整體餐廳環境，服務同性格比都高，值得一試。

今日又黎到筲箕灣搵食，比我地發現左呢間平民西餐廳，價錢非常親民，而家環境氣氛十分之好。好采唔使等就有得坐。首先我地點左個凱撒沙律，面頭既芝士🧀配咪生菜食十分之清新，芝士味好好，好岩亞洲人口味。主食方面就選左美國安格斯牛肉眼扒配黑松露醬燒汁，我地叫左5成熟。呢個肉汁係最鮮嫩可口，口感一流。配咪醬汁食簡直係人生一大快事。第二道主食係琺瑯鍋，慢煮牛面珠墩肉配意大利粉，呢個都係第一次食呢個部位，肉質鬆軟滑溜，容易入口，牛肉非常入味。第三道主食係西班牙海鮮飯，呢個賣相都十分吸引，食起更加係無得輸，非常好味😋。個味道好正，識食一定要試下。唔錯既選擇。最後可加20蚊加配西班牙巴斯克焦香芝士蛋糕，呢個係自家製造，味道非常好，又滑又香，必食之選。飲品方面就點左蘋果汁同橙汁，都係100%鮮果撻汁，絕無添加劑，飲得放心。

今日黎到筲箕灣，這家扒房的環境優雅，燈光柔和，裝潢時尚而不失溫馨，讓人感到放鬆。服務人員熱情周到，隨時關心顧客的需求，讓整個用餐體驗非常愉快餐牌有好多選擇餐湯湯底濃郁而不油膩，搭配新鮮蔬菜的味道，讓人感受到食材的純粹。每一口都讓人感到溫暖，為接下來的菜式打下了良好的基礎凱撒沙律沙律的生菜新鮮脆口，搭配自製的凱撒醬，味道香濃。撒上的帕馬火腿和烤香脆的麵包丁增添了口感的層次，讓整道沙律不僅美味，還充滿了色彩，令人食欲大開琺瑯鍋，慢煮牛面珠燉肉，配紅糙米飯燉肉入口即化，肉質鮮嫩，醬汁濃郁，帶有淡淡的香草氣息。紅糙米飯的嚼勁與燉肉的綿密口感相得益彰，讓人感受到豐富的口味層次，十分滿足琺瑯鍋，紅酒雜菜炆紐西蘭羊膝羊膝燉得恰到好處，肉質柔軟，味道濃郁，帶有紅酒的香醇，讓人一試成主顧。搭配的雜菜新鮮，為整道菜增添了清新的口感，讓人感受到健康與美味兼具美國安格斯肉眼扒，黑松露燒汁肉眼扒的油花分佈均勻，外焦內嫩，咬下去時肉汁四溢，濃郁的牛肉香氣讓人陶醉。黑松露燒汁的獨特香氣更是為這道菜增添了奢華感，讓每一口都充滿享受

好友約我去位於筲箕灣筲箕灣道333號樂融軒地下4號舖的《The Starred》食晚餐，環境舒適，裝修雅緻，富有歐洲小鎮風情，坐得舒服。我地點左：🍴寶雲酥挪威鮮三文魚. 山葵芥末子蜜糖忌廉汁🍴美國安格斯牛肉眼扒. 黑松露醬燒汁🍴琺瑯鍋慢煮牛面珠墩肉. 雜菜配紅糙米飯🍴凱撒沙律🍴餐湯及麵包🍴熱檸檬茶寶雲酥挪威鮮三文魚煎得魚片香脆，魚肉嫩滑；安格斯牛肉眼扒係5成熟，牛味濃郁，肉質鮮美；慢煮牛面珠墩肉配2大塊紅蘿蔔，剛好填滿個琺瑯鍋，面珠墩肉軟腍入味，好味又好食；熱檸檬茶來得正好👍。

筲箕灣人氣嘅港式西餐，夜晚環境昏暗，窗邊掛滿心形氣球，幾有氣氛! 美國安格斯牛肉眼扒 黑松露醬燒汁 $200: 肉眼扒肉味好濃，五成熟剛剛好，顏色粉嫩琺瑯鍋 慢煮牛面珠墩肉•雜菜 配意粉 $80: 慢煮牛面珠墩肉 入口即化，蕃茄龍汁配意粉好夾😋西班牙海鮮飯 $100: 飯粒索晒海鮮嘅精華，有大蝦、魚及青口，充滿鮮味!餐湯及麵包 +$20: 麵包好鬆軟，配上意式雜菜湯酸甜可口凱撒沙律 +$30: 由大量芝士、生菜、提子乾、脆麵包粒及煙肉🥓西班牙巴斯克焦香芝士蛋糕 +$20: 超有驚喜，估唔到水準咁高💕紅酒 +$25

去筲箕灣探望朋友，之後順道在附近吃晚餐，意外發現了這間裝修別緻的西餐廳。餐廳裝修以古歐式風格為主，優雅又帶點低調的奢華，而且價錢非常親民，很多套餐選擇。每份套餐包含餐湯、麵包、主菜和飲品，200元樓下和100元樓下都有選擇。另外服務員的服務態度很好，這點也很加分。🍝 黑松露醬 • 溫泉蛋 • 鮮菇 • 忌廉炒意大利粉濃郁的黑松露香氣一上桌就搶盡風頭，忌廉醬的濃稠度剛好，不會過於油膩，與意大利粉充分融合。鮮菇質感爽口，帶自然鮮味，而溫泉蛋更是畫龍點睛，輕輕一戳，蛋液流出與醬汁混合，令整體味道更細膩。🥘琺瑯鍋紅酒雜菜炆紐西蘭羊膝羊膝以琺瑯鍋熱騰騰地端上桌，份量十足。羊膝肉質軟嫩，輕輕用叉子一撥就能骨肉分離，紅酒的醇香滲入肉質，很不錯。搭配的胡蘿蔔吸收了濃郁的炆汁，既健康又惹味。 🐟寶雲酥挪威三文魚 • 山葵芥末籽蜜糖忌廉汁三文魚外層裹上日式麵包糠，炸得金黃酥脆，入口香脆但不油膩，內裡的三文魚肉保留了鮮嫩多汁的口感。最特別的是它的醬汁，山葵芥末籽蜜糖忌廉汁，既帶有一絲微辣的刺激，又有蜜糖的甜潤平衡，好有特色🥣 餐湯：雜菜羅宋湯滿滿的雜菜料，番茄湯底酸甜適中，味道濃郁但不會過鹹，幾開胃。