The Starred

营业中

休息中

星期日悶悶地同仔去附近的The Starred食晚餐, 平時經過覺得門面都裝修不錯，入內最喜歡的就是高椅背的卡位，坐得十分舒適, 裝修有著華麗的感覺，而價錢郤相當親民，主食加$40可升級套餐升級套餐, 有沙律, 餐湯，飲品, 甜品。# 迷你意大橄欖油黑醋沙律杯沙律雜菜十分新鮮爽口，配搭著黑醋吃, 十分開胃。# 紫薯忌廉湯平時多是羅宋湯,難得有紫薯忌廉湯, 餐湯十分Creamy 配著淡淡的紫薯味, 十分飽肚。# 慢煮牛面珠墩肉雜菜配紅糙米飯墩肉用一大個有蓋琺瑯鍋上， 再配上心形糙米飯，買相已十分吸引。牛面珠墩肉分量十分多，熱騰騰的，炆得非常淋， 配著肉汁非常可口， 還伴有紅蘿蔔，不會太膩。# 鐵板重量級雜扒配德國青胡椒汁這個鐵板餐適合食肉獸，分量超巨型，包括有豬扒、雞扒、牛扒及雞肉腸都是大大塊，還配著馬鈴薯泥及秋葵，非常飽肚。雖是大大塊肉，但都嫩滑不會輆澀澀，配著醬汁頗惹味。# 西班牙巴斯克焦香芝士蛋糕這個芝士蛋糕帶著微微焦香,再沾上星形的朱古力粉,口感層次豐富, 非常可口。

The Starred今次要介紹一間喺筲箕灣樂融軒地下有一間西餐廳叫「The Starred」，呢間餐廳最初以為門口有一級，後來店員帶我去另外一個門口，果個門口係有斜路，不過入去要小心，差唔多係直角90度先可以去到餐廳嘅通道，近門口果張食客都好幫忙，盡量張枱面推入去等我通道闊多少少，最後我小心翼翼成功去到座位叫野食，呢度下午茶餐都只係$35起，非常抵食！1.吉列豬梅扒（迷迭香蒜蓉汁）配 意大利粉$45+即磨咖啡+西班牙巴斯克焦香芝士蛋糕$25（9.5/10）我叫咗一塊大過成人手掌嘅吉列豬扒，呢塊豬扒外皮炸得好脆，豬扒肉質好厚實，再配埋意大利粉，淋上迷迭香蒜蓉汁，令到意大利粉唔會好乾身，飲品叫咗即磨咖啡，最後再加配$25叫咗西班牙巴斯克焦香芝士蛋糕，呢個蛋糕唔會好漏，芝士味啱啱好，唔會好重芝士味！2.鐵板雞扒（燒汁）配溫泉蛋+紅糙米飯+熱朱古力$55（9/10）呢個鐵板雞扒配燒汁，塊雞扒唔算好瘦，香煎得嚟仲保留肉汁，心形紅糙米飯配溫泉蛋，飲品叫咗熱朱古力，呢杯熱朱古力唔會好甜！3.琺瑯鍋飯 燒汁燴紐西蘭牛肉眼+溫泉蛋+紅糙米飯+石榴汁$50（8.5/10）呢個琺瑯鍋飯入面有大約八舊紐西蘭

The Starred簡直係懷舊鋸扒愛好者嘅夢幻之地！水晶燈從天花垂落💎到復古皮椅，瞬間穿越回70年代老香港西餐廳～ #意大利初榨黑醋沙律杯以set lunch前菜作為開啟🥗，初榨橄欖油香氣撲鼻#紫椰菜忌廉湯更驚艷💜湯底濃郁，配上紫椰菜更加符合健康口味～ 主菜 #鐵板豬梅扒滋滋作響上枱🔥，燒汁用牛面珠墩及牛尾熬製，濃郁到掛滿每條意粉，溫泉蛋劃開瞬間成就黃金瀑布🍝！ 另一道主菜 #琺瑯鍋慢煮牛面珠墩先係巔峰之作🐮，牛面珠墩以刀背輕壓就化開，以吸盡肉汁精華嘅汁配上紅糙米飯，非常好味～ 甜品 #巴斯克芝士蛋糕芝士味濃郁，成為成餐嘅完美點綴

$80有五道菜😱迷你意大利初榨橄欖油黑醋沙律杯，沙律菜好新鮮，而且個黑醋調味剛剛好😙餐湯是南瓜忌廉湯，好creamy好好飲👍鐵板雞扒，配菜是整條秋葵加洋蔥墊底….雞扒煎得剛剛好皮脆肉嫩個意粉亦都係軟硬適中！甜品是巴斯克蛋糕，賣相靚味道亦不錯！加埋飲品一共5道菜😙😙琺瑯鍋慢煮牛面珠燉肉配意大利粉….有蓋琺瑯鍋上一齊上，牛面珠份量不少😱有兩大件而且炆得好淋好入味，跟埋個意粉一齊食好好味😚😚😚

筲箕灣道轉角位有間西餐廳，裝飾有啲懷舊嘅感覺，佢啲嘢食價錢好實惠，仲有牛扒食添😌 晏晝嚟都有下午茶餐，有一份主食同埋飲品🥤燒汁燴紐西蘭牛肉炒意大利粉 🍝首先要讚一讚佢啲份量真係大份，同埋第一次見用秋葵做伴菜😛鑊仔燴香煎鱸魚扒•意大利蕃茄蓉醬配意大利粉 🐟 如果唔想食肉類嘅話可以揀呢個煎鱸魚扒，可以揀辣或者唔辣嘅蕃茄醬🥫 甜甜哋幾開胃😊香煎豬梅扒配迷迭香蒜蓉汁 🐷 豬肉嘅可以試吓佢嘅香煎豬梅扒，仲有唔同嘅醬汁可以揀添☺️珐瑯鍋飯•燒汁燴紐西蘭牛肉眼•溫泉蛋•紅糙米飯 🥩 珐瑯鍋飯喺店員超推介嘅 💯 用咗紅糙米飯比較健康，再加上燒汁肉眼扒，好食！

呢間餐廳環境好浪漫，氣氛好grand嫁，唔知會覺得佢好貴，但呢度係做街坊生意，價錢親民到你唔信，想100蚊樓下食餐好既真係好ok嫁，佢呢度最平80蚊就有5道菜，而且服務態度仲好好，唔會因為平左而態度差，入面既環境有懷舊feel既燈光，如果想食餐好又平平地，呢間真係好推介。我地叫左一個法國鍋羊膝加配左麵包同飲品，紫薯湯好濃郁紫薯味，紫薯湯比較健康同特別，第一次飲唔太甜，麵包仲可以點醋食。巴斯克蛋糕好creamy

嘻嘻 無諗過呢度好多菜式都只係兩位數字五道菜豐盛全餐同樣唔使一百套餐除咗主菜之外仲包括迷你嘅黑醋沙律杯 是日餐湯 甜品同埋嘢飲我哋今次晏晝去就嗌咗兩份主餐牌嘅菜式🥰🐟Braised Pan-Fried Sea Bass Fillet $80鱸魚扒肉厚而且質地鮮嫩無腥味😙醬汁方面意大利蕃茄蓉醬可以揀辣或者唔辣嗌咗嘅辣係好輕微嘅吊味唔會好刺激 應該大部份人都接受到～配菜有車厘茄和秋葵同樣係新鮮有咬口嘅👍🏻主食方面可以揀配紅糙米飯或者意大利粉意大利粉擺盤都好精緻口感爽彈唔軟爛 仲有少少咬口🐮Beef Cheek Ragout $80呢款係原個連蓋琺瑯鍋上㗎 保溫效果一流！三塊厚厚嘅牛面珠墩肉 肉感滿滿又唔會太過油膩口感軟稔 骨膠原得嚟又唔啲好難咬嘅筋位配菜有啲紅蘿蔔同埋洋蔥😋呢款同樣可以揀配紅糙米飯或者意大利粉 呢款就嗌咗前者撈埋甜甜嘅紅酒汁香氣十足 送飯一流！

最近喺筲箕灣發現咗間性價比小店 TheStarred !鐵板美國牛封門柳配鮮菇燒汁（$130）鐵板上枱，加埋汁滋滋聲連香味都攻陷晒味蕾～封門柳夠晒厚，保留到肉汁，燒汁鹹香得嚟又有啲菇香。安格斯牛肉眼扒配黑松露燒汁（$200）夠晒大塊，食完一定好飽。表面燒得啱啱好，肉汁滿滿～黑松露香氣好突出！琺鍋慢煮牛面珠＋雜菜＋紅糙米飯（$80）牛面珠腍到唔洗咬，滷得入味又暖笠笠～連紅糙米心形夠晒打卡！最後甜品！西班牙巴斯克芝士蛋糕（$20）焦香面層＋濃郁芝味唔過甜，＄20算幾抵食！

去一間唔係東大街既餐廳，A3地鐵一出穿過巴士大總站，對住馬路邊就見到呢間位於地舖西餐廳，注意星期一休息呀。午市都幾多選擇，沙律、意粉、飯、各類扒，揀食咩都諗左陣。呢日黎到要等位，坐左一張幾隱蔽嘅枱，店員都會好留意去招呼我地。餐湯羅宋湯唔意外一定必有，特別在紫薯湯，唔會太甜，仲好濃紫薯味道，鍾意紫薯既人可以一試。扒方面會全熟上，份量都好大份，我地一致好評炸薯角，外皮薄脆內軟好香口，比起薯條更愛薯角。對蛋有唔同喜好既都有選擇，分別炒蛋、烚蛋、溫泉蛋，廚師好週到。沙律，餐飲，甜品都包括係呢個豐盛全餐內，既享受有滿足。

話説每次經過都覺得呢間餐廳好神秘，因為啲嘢食實在係勁平 （係平到 $80 有個五道菜 menu）但係又有水晶燈櫻花樹裝飾，感覺又帶點點 fancy~今次終於嚟探險一下~嚟到雖然店舖唔大，但都 keep 住都好多人幫襯，啲 staff 都好勤快~前菜 Caesar salad 夠汁，有麵包粒粒，煙肉碎同提子乾，大大份夠份量湯有燈籠椒忌廉湯同羅宋兩款，燈籠椒忌廉湯都幾特別加拿大豬鞍 黑加侖子燒汁配薯菜 🐽 豬肉嘅肉質好腍鐵板美國牛封門柳配青胡椒汁 （佢哋好 nice 地比我哋改咗呢款汁），上枱渣渣聲超有鑊氣呢琺瑯鍋 燒汁燴紐西蘭牛肉眼。温泉蛋配紅糙米飯真係估唔到竟然有呢個組合，最鍾意個溫泉蛋令口感濕潤滑溜🐣食埋cheese cake 真係好飽足，咁平就可以食得咁多款式，唔怪之成日都咁多人啦

放假行完抗戰及海防博物館，飽覽鯉魚門海峽一帶景緻後，去返筲箕灣市中心覓食!餐廳滿有俄國風情，燈光柔和，琺瑯鍋慢煮牛面硃墩肉口感簡直係同東坡肉咁又林又易入口，用上傳熱均勻，可長時間保溫的琺瑯鍋，耐熱性一流!伴以心型紅糙米飯，健康一流!意大利雜菜湯湯頭盡吸收蔬菜、豆子及香草的精華，味道相當濃郁及鮮甜!五道菜豐盛午餐生果杯、餐湯、主食、芝士蛋糕及飲品抵食之選，香煎鷄扒意粉份量多兼惹味可口!磨菇湯綿滑香濃，芝士蛋榚濃鬱的奶油乳酪味兒，甜蜜中帶著微酸的口感。

成日經過筲箕灣地鐵站一出就見到呢間餐廳，一直都比呢間餐廳嘅外表吸引，一直都好想試，今次終於約咗朋友嚟試啦！😍一直都俾餐廳外表呃咗以為好貴，但係睇一睇餐牌出奇地發現價錢都係負擔得起，性價比超高！😍👏🏻👏🏻👏🏻👍🏻👍🏻👍🏻茶餐廳價錢配高級西餐格局，坐喺呢間高級西餐食價廉物美的食物，感覺無以尚之～😍朋友嗌左洋蔥湯我就嗌左羅宋湯。兩款湯都好足料👍🏻😍。羅宋湯好熱👍🏻，應該落左d黑椒，飲落辣辣地好暖胃～🥰❤️鑊仔燴香煎鱸魚扒•意大利蕃茄蓉醬（辣或不辣）配意大利粉或紅糙米飯揀左配意大利粉🍝。意大利蕃茄蓉醬揀左不辣。重有車厘茄和秋葵。鱸魚扒魚肉鮮嫩唔鯹。❤️鐵板加拿大豬鞍（法式）。黑加侖子燒汁配薯菜豬鞍好厚身，好彩入面夠熟夠juicy。👍🏻🙏🏻底層有車厘茄、洋蔥🧅、秋葵。薯蓉夠粉夠creamy又有牛油香。和朋友各自嗌左兩杯熱檸茶。有三片檸檬🍋。特別喜歡檸檬、茶和杯分開上。好有英式下午茶☕️feel～😍好有儀式感❤️。

入到間餐廳，佢既裝修好有懷舊西式扒房既feel，感覺好典雅! 而家呢種懷舊風既餐廳都真係買少見少，同老公去拍下拖😆薄切燒紐西蘭牛肉眼扒:牛肉眼扒食落口感軟腍，表面有特別煎香過，同埋都做到幾有韌度的感覺，配埋四川醬夠曬惹味! 邪惡既野然後再配埋香脆既薯角同埋煎蛋，都好夠飽，但咁樣都係先$80，包餐湯同埋飲品，好誇張鐵板豬梅扒: 豬梅扒肉連鐵板上熱辣辣，配蒜蓉汁食落好味，咬落口感柔軟，同埋鎖到肉汁! 最抵係佢仲另外配左個溫泉蛋意粉!我同老公都覺得呢間餐廳好高性價比! 價錢又夠抵

我哋兩個人入去食咗兩個午餐，當日餐牌寫住88，當然你要再叫嘢就另外加錢啦，咁我哋就冇叫價錢嘅嘢喎，食物質素OK嘅，雖然份量係少咗啲，咁環境搭救又有咁好聽嘅音樂氣氛，當然好啦服務都OK嘅。但係一當埋單嘅時候我哋都冇為意就照俾咗錢啦，跟住計完計嚟計去計埋+1都唔知佢收我哋嗰個價錢係點出嚟，計極都係多咗10幾蚊計+2又唔係，所以以後都冇再考慮呢間。

位於筲箕灣嘅The Starred ，係一間六七十年代風格嘅懷舊餐廳。復古嘅佈置非常優雅，喺呢度食返個傳統鐵板牛扒，特別有味道❤️ 呢間餐廳嘅價錢一啲都唔貴，用平民嘅價錢就可以享受到豐富嘅牛扒餐，難怪放工時間已經坐滿人，想食嘅話就真係要早少少入座啦😝薄切燒紐西蘭牛肉肉眼扒 ($88)難以相信呢到以$88就可以食到「五道菜豐盛全餐」，五道菜包括有沙律前菜、餐湯、牛扒連意粉或者飯 、甜品巴斯克芝士蛋糕同埋飲品。肉眼扒今次我揀咗配山葵芥末籽蜜糖忌廉汁，呢個汁真係非常惹味，令到牛扒嘅鮮味更加突出，再用埋佢嘅醬汁搭配意粉，真係飽到攬住個肚走🤩鐵板法式羊扒 腰果芥茉醬 迷迭香蒜蓉汁 ($120)羊扒非常鮮嫩，配搭埋迷迭香蒜蓉汁，令到羊架更加出色，呢度嘅鐵板份量亦都唔少，仲有值得一讚嘅就係呢度個鐵板非常乾淨🙈