The Sky Bar

营业中

休息中

朗豪坊sky bar 一直係環境，地點，價錢，食物質素都令人滿意嘅地方！平日到這餐廳，因為位置大，都不用訂位就食到，不愛排隊的我絕對加分入到去安排左一張沙發俾我哋坐，咁都坐得好鬆動嘅，同埋環境都舒適同靜傾到計係呢間餐廳主要想食生蠔啦，咁佢分兩個set啦有248，有6款不同嘅蠔。同埋＄188同一款就六隻。咁我哋就試咗248個set, 味道非常新鮮同埋都幾抵食仲送兩杯白酒雖然唔係食咗好多野但係都覺得好飽因為最咪嗰個薯蓉呢食第一啖呢已經覺得好清新！

紀念日，老公知我中意食蠔所以book 左呢間首先，每人一盤蠔每人一打，再加餐酒蠔都算新鮮，幾甜，不過偏細隻但環境一流，配埋甜甜地既白酒都算唔錯主菜我嗌左至愛的羊架羊架算有羊味，唔會太鞋口感幾好，鴨胸煎得好香加上都幾厚肉我老公叫左大蝦，鵝肝煎得幾香，唔會好油不過我覺得份量比較少，無配任何薯蓉唯有美中不足係，坐位太近想靜靜地傾計都唔得氣氛就還可以啦可以話幾抵食有機會都會再去的

今日同男朋友一齊慶祝周年紀念，我哋就去左sky bar食西餐。其實一直都好想試吓，但係冇時間慢慢嘆，今日終於有藉口啦！今日大概七點半左右去到，唔使等位有沙發位坐， 現場環境都好舒服，唔會好嘈有音樂聽。我哋order左一份雜錦生蠔，一共六隻，全部味道都唔錯，好新鮮。但係可以睇返Menu，saldandha bay係唔包括喺雜錦生蠔裡面。我個人最鍾意就係St Vasst 同 Geay，因為呢兩個都係比較甜。我男朋友鐘意Viking Maree，因為佢覺得呢一隻比較肥美，唔算好鹹又唔係好淡， 屬於中間。另外我哋亦都order左一份龍蝦闊麵同埋田螺。龍蝦闊面好香，個面唔霖好有咬口，龍蝦好新鮮， 好juicy，同埋食得出係一隻生猛嘅龍蝦。田螺份量好多，唔係幾粒就算嗰啲，食極都仲有，勁抵食！同埋越食越好味，因為食落口小小酸酸地好開胃因為食刪號拼盤所以餐廳送咗每人一杯白酒，白酒容易入口，但係相對來講酒精濃度高，我唔係好飲得，所以飲咗少少就叫咗杯水飲，我男朋友就飲得好高興

本身約食牛涮鍋，但因為朋友（又）遲到，又有時間限制，太餓唔想等之下就去左朗豪坊同一層既 Skybar。我地被安排左去 projector 後面個區，有少少呼天不應，但隔離無人，傾計一流。太餓，唔等齊人就叫野食喇。先叫左個 白酒忌廉煮青口，青口都算大隻，好多忌廉汁，好好味直接當湯咁飲。最搞笑既係朋友 mark 開隻青口既一剎，彈哂 d 汁去自己身上，好狼狽。仲有一個前菜係 忌廉焗薯仔，最面個層好食，但下面個幾層就唔太夠味。主菜先叫左個 大蝦忌廉松露飯（menu 上個名好似再長d）—  好，好，食。4 個人幾乎爭住尼食。d 飯粒軟硬剛剛好，忌廉汁夠 creamy 得尼又唔漏，食左 2 啖反而仲開胃左！我諗我自己可以食哂一碟有餘。結果朋友到齊之後我地決定 encore！另外呢個 帶子扁意粉 都好食。帶子雖然唔係最靚最新鮮個種，但煎很好香。夾係意粉之間既各種菇類都好好食，炒得好香。呢碟我地幾個又係爭食……爭 d 又 encore 埋呢碟。因為朋友生日，我地 order 左個甜品 platter 叫 喜怒哀樂。即係有 4 種甜品，佢仲可以幫你寫 happy birthday，手字仲幾靚添！個心太

今年平安夜無特別訂枱食飯，因為工作比較繁忙，放工已經八點>~<諗起近近地去左朗豪坊樓上有地方幾大既西餐廳，所以就走上去碰下運氣，睇下有無位。好意外，平安夜當日不滿位，不需等位，便可入座。^_^睇睇餐牌有生蠔，平安夜當然蠔一蠔。^_^由於想食甜點，就無叫餐湯，同老公先叫左一set生蠔，^_^再每人叫左一個Mains 同一個甜點。^_^生蠔尺寸大，海水味重，肉身厚，咬落Creamy ，不錯。^_^黑松露芝士醬烤羊架^_^火喉到位，黑松露香味撲鼻，與芝士醬完美混合，真的好好味^_^最後就係叫左Tiramisu Cup ,咖啡味濃，Cream滑，又不會太甜，正^_^

今日同老婆係旺角朗豪坊行街，大時大節，好多地方都要book檯，但我地倆公婆性別比較隨意，又喜歡試新野，所以都鍾意行到邊食到邊。朗豪坊高層上面既西餐廳，一直未試過。係鋪頭外面，就有好大既Means 。睇到有生蠔同其他食物岩食，就入去啦。裡面環境光猛舒服，當日人數未算好爆。座位舒適，每枱都有一定距離，能保持私隱度。感覺有情調，不會好嘈吵。個人好喜歡，談心好地方。想不到旺角區都有意種地方。頭盤叫左一Set 六隻生蠔。食落海水味重，爽口，不錯👌主菜我就叫左10安士美國肉眼扒。肉味濃郁，但有點過熟。甜品，就叫左個紅桑苺千層酥。Cream不會太甜，加上紅桑苺新鮮，酸甜比例剛好，男士的我食都喜歡。意道甜品的確有驚喜。

约了好友難得的聚餐，本來開開心心的飲，但到埋單的時候，張單happy hour 的那些酒無7折。一個人你可说我聽错，但我們4人也聽错就沒可能吧！負責我們枱的staff明明走個來'好心'同我地講，當時order酒還有7折，我們立即先order1枝。但到埋單全單沒折，我們初時跟另一個staff理論，這個staff話當時要先用信用咭埋單才有折。我憤怒說你之前serve我們那個staff不是這樣說，你同番那個staff講。隔幾分鐘後，之前個staff走過來說，她说那時她說要先用信用咭先埋單才有7折。我朋友那時有問是否那個時間order也有折，她說是，我們才order. 最後她說不好意思，也给了happy hour的7折。所以，去這餐廳食飯一定要check單同浪費時間叫佢地改單。所以我不用去這間餐廳吃飯，不想煩。

Lunch set由$130-$220到，有多種Main course包Semi buffet。食物質素唔錯，咁既價錢來講牛扒算好食了，但薯蓉就唔得了。蘑菇餐湯幾夠味凍蝦都算唔錯。甜品仲有好多選擇！

星期六有個朋友聚會加生日飯局, 一大伙人當然選擇一間地方大又食得好味既地方, 依間就係位於朗豪坊商場頂層既 The Sky Bar. 在場有飛標加美式桌球可以邊等朋友邊玩樂消磨時間，一開始點左時令生蠔Freshly Shucked Oysters(seasonal) , 加傳統凱撒沙律伴烤雞胸Classic Caesar Salad, 生蠔夠新鮮，小篇最鐘意食生蠔，要食最真實既海鮮味，當然係什麼醬料都唔落(包括檸檬汁), 沙律就只係食左少少，烤雞胸剛出爐還有少少餘温, 香口美味, 為胃部做定熱身運動白酒忌廉黑青口配法包Black mussels in bucket served with baguette黑青口爽甜加上白酒汁少少酒味，而且青口肉厚大隻，食落有口感，白酒忌廉味道扁咸，加上法包就剛剛好香煎比目魚柳海鮮南瓜意大利飯Seared Halibut on Seafood Pumpkin Risotto比目魚即龍脷, 小篇對南瓜興趣不大, 但都覺得南瓜加魚柳係一個唔錯既組合, 因為意大利飯有易飽肚，小篇胃口不大，所以只係食咗小碗. 香蒜燒美國春雞配辣大蝦Roasted Garlic-

好唔容易先挨到星期五，收工當然要放鬆一下，約左朋友上朗豪坊一間吧。其實之前都嚟過好幾次，貪呢度環境舒服又方便。朋友一早已經book左枱，一嚟到就入得。先睇下飲咩，原來而家做緊8:00前落既野飲，最後用信用咭埋單會七折。叫左杯大 Hoegaarden啤啤佢。炸魚薯條薯條新鮮熱辣，入口外脆內軟。炸魚炸粉唔厚，但感覺size有d細，雖然食落味道口感唔錯，但唔太抵食。炸雞翼大量香蒜鋪面，蒜香味濃。雞翼即炸，上枱仲係好熱，食既時候有埋蒜味，夠晒惹味。啤酒加炸野 = 星期五收工最佳配搭。

Avocado and Chicken Cobb Salad烤雞胸牛油果沙律 This salad's not only healthy and delicious, but also decently presented. And it's quite big ahaha.The red wine vinaigrette tasted sour initially, but then turned bittersweet, and this magical taste went well with the rocket salad.I don't know how many times I needa say that French cheese is the best cheese in the world, but you know what, I won't stop saying this.😍it makes the salad 10 times better!

最近在網上看到銅鑼灣sky bar的生蠔promotion, $299 有一打蠔加主菜非常抵食，今天happy friday想和朋友happy一下，當然立即打去約，怎料原來即日是約是impossible的，侍應說今天有百多張訂枱呢生蠔隱起，唯有退而求次打去旺角的sky bar撞下手神，答案也是一樣只能walk in。幸好朋友肯捱義氣肯去先等位。旺角的sky bar面積大，所以等位也不用太耐，朋友7點半左右來到也只需等一會而已。坐下先來兩杯飲品解下渴, 左面是pink moutain, 飲下像士多啤梨奶昔，甜中帶微酸，岩曬女仔右面是virgin mary, 味道較酸。旺角sky bar沒有網上promotion的超值生蠔set, 但也有其他優惠。因款款都想試，所以我們叫了兩set oyster platter。生蠔set的品種有blue point, american pearl, diams, gilles masse, lsigny和loch fyne。甫上枱店員只是說從左邊開始吃，沒有說明生蠔品種，每吃一款只能估估下，專業程度相比其他蠔店稍為失色。生蠔品質新鮮，12隻全部也非常ok

在假期前夕選擇了這間餐廳,當日中午時嘗試打電話去訂晚上的枱,可惜booking已滿,於是七點多walk in,但不用等便有枱了。是晚我們三個人開了一樽白酒 Bella Chardon,原價318, happy hour時段有七折。然後點了飯前小食,芝麻雞翼,價錢$118。一碟有6隻,雞翼炸得剛剛好,外皮很香脆,內裏的肉仍然很嫩滑,而且醃料的味道已全滲入骨肉點,有點連骨都想吞下去的感覺之後點了cold platter, 價錢$368,有兩隻生蠔,九隻蝦,半邊龍蝦仔,兩隻螺,四隻青口。試了蝦,青口,味道清甜,但不算太突出。龍蝦仔很彈牙,鮮味很突出。最後點了龍蝦仔扁意粉,價錢$228。扁意粉是空心的圓條形,並不是坊間的扁平形狀,吃起來整條意粉都很彈牙,而彎曲的形狀更能掛上汁料,令意粉更入味,食唔停口。伴著意粉的汁,龍蝦仔比之前凍食的更好味。呢個意粉是整餐飯做得最出色的,極力推介環境無論是坐的或周圍的氣氛也很舒服,很適合三五知己聚會

很久沒有吃生蠔了，偶然知道這裡有生蠔，便即管試試吧！首先餐廳優惠，每點兩杯酒精飲品送4隻生蠔，我們便打算先試一下，如果好吃便另點$265半打，但抱歉，這個質素的生蠔並沒有挑起我們的欲望飲品方面Hoegaarden$68-去哪都是這味道Devil$78-像橙汁，感覺不到酒精Pina colada$78-酒味偏澀海陸空軍$298這款我們點了4成，卻來了6 成，肉稍為老了點羊鞍$278點了5成卻來了4成，算吧，雖然生了點，但香草和蒜茸味道不錯

星期四晚兩個人黎到朗豪坊Sky Bar飲野，門口個牌寫住買兩杯酒精飲品送四隻生蠔，最後叫左兩枝白酒慢慢傾計飲野，枝白酒味甜，好易入口，啱晒女士們慢慢細嚐，一共送左八隻生蠔，味道都幾鮮甜，唔洗錢都唔錯，另外叫左個芝麻雞翼，一碟六隻，送酒小食一流！