The Sky Bar

营业中

休息中

Sky bar氣氛好好 好適合girls talk night 食物高質好味 佢既蠔隻隻都夠新鮮又肥美最令我深刻系個大蝦長通粉呢種個煮法系第一次食到汁夠濃郁 配有青瓜粒 黃車厘茄帶出清新口感通粉份量夠多夠飽大蝦新鮮所以煎出黎又爽又彈牙👍🏿👍🏿

After a long day of work, it’s good to head to the bar with your friends to wrap up a day!If you want to drink as much and whatever you like, The Sky Bar is definitely an excellent choice! The attractive offer came with a 2-hour free flow all you can drink plan at HK$148. It offers a range of drinks including Cocktails, Beer, Mocktails, House Red & White wine, juice etc. for you to choose from.All You Can Drink (HK$148/person for 2 hours)House sparking wineStart with this fizzy sparking wine as

忙完成個星期，同三五知己飲返兩杯，圍埋分享下近況，夠晒relax~ 🥂🍷🍸🍹·👑 烤雞胸煙三文魚牛油果沙律 9/10分（唔記得係咪呢個名 😂）顏色鮮豔、賣相好靚嘅沙律 🥗！有我好喜歡嘅牛油果 🥑，生熟度適中，味道好好！😍 而烤雞胸🐓表面好香脆，肉就好腍，一d都唔 “鞋” 口！另外雞蛋🥚同蕃茄仔🍅都好出色！值得一提嘅係佢個醬汁，撈埋嚟食，好配合呀！💓·👑 黑青口配法包（$238） 9/10分用白酒忌廉煮嘅黑青口，白酒忌廉汁味道非常香濃，好creamy，用嚟點法包🥖食，好配合！而黑青口嘅份量幾多，肉都好大粒，好鮮味！·👑 澳洲殼飼200日肉眼扒配巴黎牛油（$288） 8/10分大大塊厚身嘅rib eye steak 🥩 相當吸引，唔會煮得過老，好有口感，而且幾juicy，適合喜歡食肉嘅朋友（我係其中一份子🙋🏻‍♀️）！配埋個牛油嚟食， 好香好好味！🤤·嚟多個肉，好滿足！😍·呢度嘅食物同飲品，無論係味道定係賣相都好出色，環境都唔錯，不過價錢比較貴，如果特別日子嚟食下都ok嘅 😎

這間位於朗豪坊13樓的餐廳，終於有機會來到一試她的午市套餐。價值是看主菜，然後再有沙律吧與一杯飲料。環境很好，餐廳感覺開揚寬敞。沙律吧有蠻多選擇，冷盤、湯、飲料與甜品區。光是沙律與冷盤的種類已非常豐富。沙律很不錯，不論菜沙律或水果沙律都很新鮮，南瓜湯也香濃。另外冷盤也有些少海鮮選擇，像蝦跟蜆還有青口。沙律吧也有也有芝士與餅乾及果汁。主菜，這是香煎太平洋鱈魚柳與海鮮蜆汁。中規中矩，魚柳下邊是薯菜，份量倒是足。和牛西冷扒，配大一塊，不過肉質挺粗⋯⋯有點小失望⋯⋯⋯沙律吧是值得一讚不過部分主菜要留意下。

今晚英超大戰，熱刺對利物浦，約了朋友在旺角閒聊。酒吧位於朗豪坊頂層，環境寬敞，設有不少半圓形的沙發座，餐廳兩面都有電視機，讓客人可以跟朋友一邊觀看球賽，一邊喝酒。餐廳有$148任飲，選擇不少，有Cocktails、draught beer、白酒、紅酒、啤酒、果汁、汽水等，加$30還有花生，不適用星期五及假期前夕。⭐️Red apple伏特加、蘋果汁和紅石榴糖漿。入口酒味突出，很順口。⭐️apple juice雖然是任飲，每人大約喝2-3杯飲品，非常划算。 除了飲品，我們還點了一些小食。⭐️炸新奧爾良比目魚配薯條及他他醬$138有兩塊炸魚柳，麵衣略厚酥脆，魚肉溫熱柔軟，薯條也是新鮮炸起的，整體香脆可口。⭐️炸芝麻脆衣雞翼$118雞翼醃得很入味，外皮酥脆，一咬下去，外皮「滋滋」作響，薄而香。肉汁隨著外皮的撕裂而爆發，雞肉嫩滑，伴著上面的脆脆，口感更上一個層次！⭐️香烤泰式酸辣豬頸肉$98烤原塊豬頸肉，然後切成薄片，厚度適中，肉質富彈性不乾柴，配合微辣帶甜的醬汁，實在很滋味！▫️在酒吧看球賽，有氣氛之餘，任飲沒有顧慮，實在是愉快的一晚呢！

又到星期五！收工食完飯直落再飲野🙈黎到朗豪坊上層，因為鐘意呢度環境幾好坐得又幾舒適，諗住去求其一間飲野，然後見到the sky bar有仼飲優惠梗係要去試下！☺️ 係每位 $148, 有紅酒，白酒，cocktail 果啲，雖然款式唔係真係好多，但以我呢啲酒量係唔可能一晚試哂😂叫咗cocktail 先，主要都係分蘋果味同橙味，再配vodka 或者tequila, 飲品味道不錯，酒精飲落去都佔幾多。紅酒白酒飲落味道較酸，比較難入口~對於我除咗cocktail之外飲既仲有 whiskey coke 同gin 7-up. 好強既酒精，好似係岀面飲到既2倍😂呢度仲有小食俾大家叫，肚餓都可以食啲野。

因為我地4個放工時間都不定時,所以決定搵間可以坐得耐,冇時間限制嘅餐廳。早到嘅人可以嗌住杯野邊飲邊等,要OT嘅人亦不至於趕頭趕命。朗豪坊Sky Bar抬頭望就望過好幾次,食就今次係第1次。雖然主打海鮮生蠔,但我地今次嗌嘅係非海鮮類。叫左4款野食,最鍾意嘅都係個pie~由於唔知個pie有幾大,係咩樣,我地有問一問waiter先order,而佢答得勁詳細,連點整都話埋俾我地聽酥皮焗黑松露忌廉海鮮批我地再加左左個法包,少少脆,蘸d source一齊食一流~烤雞胸牛油果沙律, 比我地預期大份Pasta就嗌左長通粉,然後野食黎到先發現原來我地嗌嗌左兩個黑松露dish小食: 炸魷魚圈配wasabiDrink: Purple Rain

呢間位於朗豪坊頂樓嘅餐廳，我係平日夜晚去食嘅，以前有好多人會排隊，而家就10台左右，所以都算係環境幾清靜！好啱同朋友一齊傾計食飯！叫咗一份雜錦嘅德國腸，佢加加埋埋大約有5款唔同味道嘅香腸！哈哈雖然其實我自己都唔算好識分每一條腸打邊一條腸！但係總括而言每一條腸嘅味道都算係幾好食！同埋份量算係好多所以如果同三四個朋友一齊食嘅話會幾好，如果兩個人嘅話我就唔係太建議你叫你一份！再加上佢係薯條底！所以真係好飽！另外再叫咗一份牛扒！未到算係正正常常，有冇話特別算係入口即溶嗰隻，有冇話係牛肉味好重嗰隻！亦都冇一種高級牛扒嗰種厚身嘅！但係總括依然都算係一餐幾好食嘅晚餐，同埋佢嘅環境都算係幾chill☺️

太久沒有和朋友聚餐了 生蠔新鮮 不得了仲點左兩樣至愛，精選海鲜盆，澳洲殼飼200日肉眼扒配巴黎牛油 環境好好，比較有情調 好岩同三五知己傾下計食下野 都幾滿意 值得一讚!!! 

有個外國朋友嚟咗香港，想去食一間好食嘅西餐，當然我一諗就諗起朗豪坊頂樓有好多西餐廳可以選擇。聽朋友講呢間餐廳好好食所以就去咗，入到去感覺都幾舒適可能我係平日夜晚想去所以唔係好多客人，可以好好舒服咁同朋友傾計。叫咗一個有蝦有鵝肝嘅晚餐 哈哈我唔記得咗佢叫咩名鵝肝都好好食，唔算好油，亦都唔會好流嘅感覺。嗰隻蝦就真係好好食，好彈牙啖啖肉，同朋友share食都好啱啱好再加埋佢有好甜嘅薯蓉係底，成個感覺好Match!又唔會好肥又唔會好飽食完個感覺啱啱好✌🏻

同朋友慶祝生日，諗咗好耐都唔知食啲咩好，最尾決定咗喺旺角搵一間餐廳食嘢。早已經聽說過旺角朗豪坊頂樓的餐廳也幾好味，所以便一早走了想去找位置。上到去之後就被呢Sky bar間餐廳吸引住，哈哈最主要是因為佢嘅生蠔好似好好食，所以就即刻去試試。其實我個人比較少喺香港食生蠔，因為本身好怕食到唔新鮮嘅海鮮，哈哈就是腸胃比較差吧。但係佢嘅賣相真係好吸引所以就忍唔住同朋友叫咗一份！其實都唔係好識點樣揀為之好食嘅蠔，所以就是但叫咗嗰個侍應幫手介紹就OK。說真的呢個蠔真係十分推介，好肥美同埋好甜☺️☺️☺️😍😍😍雖然佢唔係嗰啲好大隻嗰啲蠔，但係個人覺得份量啱啱好✌🏻

I get used to drinking cocktail everywhere It has been a long time that no cocktail surprised me It looks cool and taste creamy Buy just fit creamy is incredible At the beginning , I thought it is the one called Tarimisu because of its appearance

隔咗一年無嚟，食物質素已較以前退步，其實睇佢人流都已經知道。首先生蠔新鮮無腥味，所以叫咗幾set。個熱海鮮盤真係不得了，酒味同海鮮唔夾，又過熟，煮到長腳蟹好難食，肉縮加標水，簡直浪費了食材，清蒸都無咁嬲。個炸薯條好味，其他食物意粉、飯等等都OK，有個焗雜菌都唔錯，牛扒夠份量但味道口感不算非常好，但鍾意食扒都值得一叫嘅。另外佢安排咗我哋坐最入，夠靜。入面有飛標、桌球玩，當日客唔多所以都可以玩到一兩盤。

今日係父親節，爸爸是足球迷，晚上又係德國大戰墨西哥，所以諗住同屋企人食餐好兼睇世界杯我地book左10點，早左少少到，因為依家係世界杯季節，所以收費係每埸波人頭計$200起，每完一埸埋一次單。餐廳有幾個大電視或螢幕，好清，方便唔同座位嘅食客都可以睇得到。開左波之後氣氛好好，但係又唔會好似爛仔埸咁精選凍海鮮盤：抵食！有龍蝦、生蠔、青口、長腳蟹、鮑魚、螺同蝦，全部都好鮮味特別係個鮑魚，用味噌醬醃過，好正好夾美國肉眼扒配巴黎牛油10安士：肥瘦適中，肉質鮮美，5成熟手中間紅但唔會有過量血水流出。野菌西蘭花黑豚肉忌廉意大利飯伴鮑魚：黑豚肉同鮑魚都超正！黑豚肉夠爽口，不過鮑魚凍食較好食呢個飯啲忌廉汁都幾杰幾濃味，所以可能食落會比較漏。整體而言，呢度既食物、環境、服務質素都 very good！仲要有波睇！一定會 encore

⚽️🏆世界盃嘛 四年先一次 平時唔睇今次都一定要睇下啦 揾左間可以坐好耐又有得睇波嘅餐廳 哩度係朗豪坊13樓 真係無改錯名 好靚呀 仲有好多人睇波 氣氛好好👍🏽👍🏽炸芝士年糕伴芥末汁 一碟有六個的 圓圓的都幾大個 炸得幾好 年糕又好煙韌 芝士味都有嘅😊☺️但小妹認為再可以多啲 如果一咬就咇哂芝士出嚟就更好喇🤣😆但佢個芥末汁係敗筆 同芝士年糕唔夾🙄😑生蠔 半打 隻隻都好新鮮又好肥美喎😍😍食到有海水的味道 好freshhh 真係抵食香蒜汁烤日本一口牛 啲牛肉粒真係好出色👍🏽😊煎得剛剛好又能鎖住肉汁😋🤤真係愈食愈多 停唔到口呀 蒜汁都好適中 恰到好處🤤炸芝麻脆衣雞翼 一碟有六隻 好好好食呀 炸得勁香脆 真係好有蒜香粒芝麻味 肉質外脆內嫰👍🏽👍🏽點埋芝士年糕的芥末汁嚟食 效果更佳😄😀香烤泰式酸辣豬頸肉 烤得好好喔 肉質唔韌 都幾好味架😄😀佢個酸辣汁嘅味道都不錯 都幾夾架 味道不太辣 怕辣的朋友都會食到法式煎鵝肝伴焦糖蘋果 鵝肝煎得不錯 厚度適中 有鵝肝味🤤🤤不過份量就少左啲 至於生果方面 係睇季節而調整的 之前係🍍//🍒蘋果整成蓉再伴焦糖 都幾特別😄黑青口 配法包 揀左用白酒忌廉烹調👍🏽👍🏽👍🏽好