The Sky Bar

营业中

休息中

為補祝朋友生日，另一位朋友打算找一家環境稍好的餐廳，於是她就提議來到朗豪坊商場頂層的The Sky Bar。入座後卻發現與她所期望的環境有些微落差，不過也不打緊，食物好吃就夠！！接續第二晚食生蠔，前一晚在另一家餐廳點了生蠔拼盤，這晚就不叫拼盤了，點的生蠔是$238/6隻的daily special。有些蠔的size都算大隻，蠔肉略略飽滿。蠔的質感偏向creamy，帶淡淡的鮮甜味，after taste卻不算長。酥皮焗黑松露忌廉海鮮批，酥皮焗得金黃，賣相幾好！！戳穿酥皮，內裡的海鮮配料滿滿，有魷魚﹑蜆肉﹑蝦仁﹑帶子及魚柳，聞到黑松露香，吃的時候就忌廉味較重。忌廉質感偏稠，吃到尾會有點點膩滯感。主食是海陸拼盤，大西洋龍蝦﹑牛柳配法式鴨肝，龍蝦略煎，肉質爽口不粗糙，鮮味保持。鴨肝煎得外脆內軟嫩，甘香豐腴，配上酸酸甜甜的蘋果粒，中和油膩感。牛柳都算ok，雖沒什麼肉汁，但都略略帶牛味，質感柔軟易咬得來也帶點嚼勁。甜品選擇不多，選了Trio of Chocolate，甜橙酒朱古力心太軟﹑焦糖果仁朱古力雪條及朱古力盆栽，雖有造型擺盤，但感覺有點雜亂，不夠精緻。心太軟微暖，朱古力漿有點點流心，略略帶甜

放左工之後，想搵間寧靜既餐廳可以坐得舒服啲地方,所以揀左the sky bar，入到去好有氣氛,環境好靚我地2人叫左:炸芝麻脆衣雞翅-好香口，個皮好脆肉好嫩炸芝士年糕配蜜糖芥末醬-年糕咬落去好軟綿綿，中間好濃芝士，喜歡芝士可以值得一試蒜蓉多士配鵝肝-鵝肝好大塊，同蒜蓉多士一起食絕配烤大蝦，雪魚，帶子-大蝦好爽口，雪魚同帶子好鮮甜炸薯條-即叫即炸，份量好大另外仲有叫左幾杯酒，野食，環境氣氛，再飲酒，個人都放鬆哂

約咗朋友去朗豪坊‘The Sky Bar’，佢嘅座位都係坐得舒服寬躺，成個場唔會覺得逼夾，服務都係友善嘅，話說甜品嚟到嘅時候，因為我哋唔知道其中一個顏色嘅甜品係乜嘢，問waiter，佢就好快好老實咁答我話佢都唔知🤔😅不過就好乖咁幫我去問，而且好快咁返嚟解釋返比我哋聽😂Chicken Caesar Salad $158- 雞肉切得比平日食嘅幼，但就好滑身，沙律醬亦調得好味Rib Eye Steak $298- 價位唔算平，但肉質同埋做得都好嫩滑，肉味夠Kingprawn Penne $198- 大蝦唔鞋口，白汁亦做得唔算heavySky Bar Dessert $148- 味道一般，冇乜特別，不過起碼拎黎嘅時候，朋友望到都覺得好高興😂Classic Mojito HH$60Pina Calada HH$62Grapefruit Iced Tea HH$46Lychee Cooler HH$55- 嘢飲嘅賣點就係八點前order都係happy hour, 每種大約都會平20幾蚊一杯，如果正價嘅話，價位都幾高總括嚟講，喺旺角一定book到位，坐得舒服，呢度會係一個好嘅選擇，不過佢食物飲品嘅價

呢排我懷疑自己有大食積😞食好多嘢先至飽 都係飽得一陣好快肚餓 不停搵嘢食.食呢間餐廳🍴係朗豪坊海陸拼盤$306 (大西洋龍蝦🦞牛柳🐮鵝肝🦢) 龍蝦好食 牛柳唔掂 鵝肝朋友話OK因為我唔食鵝肝嘅另澳洲穀鉰200日牛肉眼扒 $288 呢塊排 好味好多😍另外呢杯必叫 少女心得黎又好味🍹Queen’a violet $55 最重點係完全無酒精成份啱晒唔飲酒嘅我😍中間嘅紫色冰係葉豆花梳打水加上西柚糖漿超好味差啲唔記得講 超好味佢個香烤泰式酸辣豬頸肉$98 因為我係一個豬頸肉怪獸 只要餐廳有我都一定會叫豬頸肉燒完唔乾 肉質鮮嫩又彈牙香辣粟米湯就唔推介大家啦😣好一般 但又唔算唔好飲.佢呢間野係可以俾人坐好耐 而家做緊$128每位 任飲兩小時🍸🍹🥂環境唔錯 但係咁就差唔多食咗成千蚊#偏貴

同朋友黎食飯飲野吹水皆因早前有優惠唔好浪費，如果無優惠真係都幾貴架，飲野就ok 啦，輪食物味道尚可，叫左蠔同沙律，鵝肝，牛扒同羊架，都可以，野飲都多選擇，有酒精無酒精都有，同朋友黎吹水相當不錯。

𝗧𝗵𝗲 𝗦𝗸𝘆 𝗕𝗮𝗿 🥂𝗧𝗵𝗲 𝗦𝗸𝘆 𝗕𝗮𝗿，相信大家都唔陌生🤣有去過朗豪坊應該都會識！日日都成34度，想搵個有冷氣嘅地方chill，又唔想喺旺角街頭遊走🤣就揀左喺商場裏面嘅Bar 去𝑯𝒂𝒑𝒑𝒚 𝑯𝒐𝒖𝒓 🥂🍻門口一個staff都無⋯⋯唔行入去都唔知佢有營業🤣🤣當日大約四點幾，全場一個人都無🥲 Staff都有一兩個嘅🤡 包場嘅Happy Hour 正式開始🤣🤣叫左兩杯Sky Bar Creations 嘅 Cocktails，朋友明明叫左杯𝗧𝗶𝗸𝗶 𝗗𝗲v𝗶𝗹 😈 但黎左杯𝗔𝗻𝗴𝗲𝗹 😇🤣🤣 彩色果杯就係𝗔𝗻𝗴𝗲𝗹 👼🏼 ；茶壺果杯就係我杯𝗕𝗹𝘂𝗲 𝗦𝗸𝘆 🌌🍸 𝗛𝗮𝗽𝗽𝘆 𝗛𝗼𝘂𝗿 𝗛𝗸𝟲𝟵一杯。兩杯都比較refreshing! 味道唔錯又幾instragrammable🤣 如果想靜靜地chill下，唔介意無咩service🥲𝗦𝗸𝘆 𝗕𝗮𝗿 係一個唔錯嘅選擇😜！

今晚想同朋友chill下裡面好大地方，坐得好舒服好鐘意啲櫈叫左杯bailey cappucin同snowball味道岩曬我呢啲小朋友口味覺得甜甜好好飲極推芝麻雞好香口會想再黎雖然覺得有點少貴

今晚book 左枱，早了半小時入坐。竟然安排左入去一個好似密室嘅地方坐低。無位, 無法啦，訂左枱都無諗過畀張好點的枱客人，此其一！其二，坐的位置在佢地大projector screen 的喇叭下，仲要播緊外國Cooking 比賽，好嘈好多粗口所以不停嘟嘟聲，叫咗經理希望佢幫我轉位，佢話冇（其實有！）請佢調低電視聲音，佢話最細聲。叫完嘢食一陣，啲聲音都係好難頂，再問經理，佢就話因為出邊啲聲係靠呢個喇叭，我想問有幾多人落吧係為咗睇電視，個節目係咪真係咁重要，而且呢個經理完全冇做過野就咁say NO! 對唔住都要取消order 離開, 成晚都無胃口。好似我唔係客人咁，嚟咗咁多年，第一次受到咁嘅對待😔 番工已經好辛苦, 想食餐好的都咁難😭

朗豪坊一直都係旺角食飯勝地🍽️，集合各式各樣餐廳。The Sky Bar位於頂層13樓，位置非常方便，將餐廳同酒吧融為一體🍸🍹。第1次光顧The Sky Bar，覺得都坐得幾舒服，仲有好多款式特別既Cocktail選擇。————————————————👅Blue Sky ($98)👍🏻特別嘅壺中壺嘅設計，分別裝住夢幻藍色嘅調酒同Sprite🧊，按個人喜好倒入有波波冰嘅玻璃杯，多一份親自調酒嘅參與感，味道酸酸甜甜，帶點vodka灼熱感👅Cookie N Cream ($78)👍🏻用高身Hurricane glass盛載，材料有Oreo同Häagen-Dazs曲奇雪糕🍪，味道口感似milk shake，係小朋友口味嘅Mocktail~————————————————🚩總結：朗豪坊Chil & Relax之選———————————————— 🌟注意：另收加一服務費，Happy Hour為15:30至20:00

The Sky Bar🍹𝕋𝕙𝕖 𝕤𝕜𝕪 𝕓𝕒𝕣 𝕨𝕚𝕥𝕙𝕠𝕦𝕥 '𝕒𝕔𝕥𝕦𝕒𝕝' 𝕤𝕜𝕪 𝕧𝕚𝕖𝕨☁️☀️🌈𝙏𝙝𝙚 𝙎𝙠𝙮 𝙗𝙖𝙧, 𝙡𝙤𝙘𝙖𝙩𝙚𝙙 𝙤𝙣 𝙩𝙝𝙚 13𝙩𝙝 𝙛𝙡𝙤𝙤𝙧 𝙞𝙣 𝙇𝙖𝙣𝙜𝙝𝙖𝙢 𝙋𝙡𝙖𝙘𝙚, 𝙤𝙛𝙛𝙚𝙧𝙨 𝙖 𝙫𝙖𝙧𝙞𝙚𝙩𝙮 𝙤𝙛 𝙬𝙚𝙨𝙩𝙚𝙧𝙣 𝙨𝙚𝙖𝙛𝙤𝙤𝙙 𝙙𝙞𝙨𝙝𝙚𝙨, 𝙘𝙤𝙘𝙠𝙩𝙖𝙞𝙡𝙨, 𝙢𝙤𝙘𝙠𝙩𝙖𝙞𝙡𝙨, 𝙖𝙨 𝙬𝙚𝙡𝙡 𝙖𝙨 𝙖 𝙡𝙞𝙢𝙞𝙩𝙚𝙙 𝙨𝙚𝙡𝙚𝙘𝙩𝙞𝙤𝙣 𝙤𝙛 𝙗𝙚𝙚𝙧𝙨 𝙖𝙣𝙙 𝙬𝙞𝙣𝙚𝙨. 𝙒𝙝𝙞𝙡𝙚 𝙞𝙩 𝙞𝙨 𝙣𝙤𝙩 𝙖𝙨 𝙜𝙡𝙖𝙢𝙤𝙧𝙤𝙪𝙨 𝙖𝙨 𝙩𝙝𝙤𝙨𝙚 𝙞𝙣 𝘾𝙚𝙣𝙩𝙧𝙖𝙡 𝙤𝙧 𝙏𝙨𝙞𝙢 𝙎𝙝𝙚 𝙏𝙨𝙪𝙞, 𝙞𝙩 𝙞𝙨 𝙩𝙝𝙚 𝙗𝙚𝙨𝙩 𝙥𝙡𝙖𝙘𝙚 𝙩𝙤 𝙜𝙧𝙖𝙗 𝙨𝙤𝙢𝙚 𝙙𝙧𝙞𝙣𝙠𝙨 𝙖𝙛𝙩𝙚𝙧 𝙡𝙤𝙣𝙜 𝙝𝙤𝙪𝙧𝙨 𝙤𝙛 𝙨𝙝𝙤𝙥𝙥𝙞𝙣𝙜!🛍🛒❤️1️⃣𝐏𝐞𝐚𝐜𝐡 𝐇𝐨𝐥𝐢𝐝𝐚𝐲 𝐇𝐊𝐃 𝟓𝟓 🍑💕(Happy Hour)Mon-Sun: 15:00-20:00味道分(tastefulness)：⭐️⭐️⭐️⭐️打卡分(photogenicity)：⭐️⭐️⭐️份量分(Size)：⭐️⭐️⭐️環境(Environment)：⭐️⭐️⭐️⭐️

出旺角decathlon睇scooter，諗住最近應該係朗豪坊泊車(消費$400-2小時)兼食飯。本來諗住去Texas Burger, 但條隊太長啦，吖仔又抱住訓緊，唯有睇下邊間快有位。無辦法8點幾係食飯高峰時間😛上左去最高。見到sky bar 3人枱排第一張，等左15分鐘就有位。比左張6人枱我。個位置幾入下，啲店員成日見唔到呢邊啲人舉手😅叫左3樣野。下單後都等左大約4個字先黎第一樣野，吖仔樓下Lego shop買既玩具都砌完都未有野到。燒雪場蟹腳配蒜香牛油汁，蟹腳都鮮甜，我鐘意個牛油汁，味道好濃郁。等左好耐都未有之後啲菜，甘我地食完碟蟹收走左就即刻上其余2碟。係真係甘慢？定真係有留意我地食晒先上🤔我地碟蟹食左有4個幾字😂又剪又拆甘。呢碟爐烤胡椒美國極黑豚扒伴菠蘿：望聞問切都好ok。切落去有一層脆脆地既野包住，上面有黑椒，到食落口，中晒黑椒。可能環境太暗，望真啲原來塊扒既外層係比密集式恐懼甘既黑椒包裹煎到做左個外殼。應該一塊扒無成枝都有半枝黑椒用左。鐘意黑椒既人應該都唔會食半支黑椒掛😂之後就好似刨魚鱗甘刨走啲黑椒先食到。但啲side dishes 係好食既。法式煎鵝肝配黑松露焦糖蘋果，

慶祝生日其實都係普通西餐不過感覺上高級啲咁解豬手有啲硬其他就唔錯頭盤係自助形式 選擇都幾多下 我覺得最好食係薯仔沙律不過唔知係咪因為生意唔係太好啲侍應好似好得閒 成日望下望下 其實都幾明顯喺度講緊啲客..感覺就唔係幾舒服

今次係第二次去Sky Bar 但以後未必再去了☹️上年第一次去嘅時候 係佢地promotion period 有任飲cocktail嘅年代🤫 上年覺得係一個傾計嘅地方 可惜依家冇呢個感覺🌟 Tequila Sunrise  🌟呢杯相對酒味重啲 但其實唔太知自己飲緊咩🤥🌟 Sex on the Beach 🌟唔太覺有酒味 唔講以為自己飲緊檸檬茶😐🌟 Adios Shot x6  🌟本身諗住一人一杯cocktail 坐低傾下計就走但因為cocktail酒味好淡 完全唔覺有飲酒就諗住試下佢地嘅shotShot當然好有酒味😗 味道還好 但有少少覺得飲緊咳藥水嘅酒🧐今次去覺得環境差左好多 開始唔太啱傾計而佢地嘅酒又唔係特別好飲我諗飲酒嘅話 都唔會再去🙃🤑 Tequila Sunrise $88🤑 Sex on the Beach $88🤑 Adios Shot x6 $328

政府晚市可以堂食，同男朋友行下街。睇下有乜野好食，咁岩去左朗豪坊。呢間野都開咗好耐，不過成日見到都冇試過。又唔會特登想去咁高層。原來個feel都幾唔錯，又可以靜靜地坐下飲杯嘢。咁我哋就順便食埋個晚飯。一開始就嗌咗呢個前菜，又幾特別。好Flash😋 帶點酸酸地嘅味都幾唔錯，幾開胃。侍應見到我哋差唔多食完就送上另外一碟。呢碟有幾好食又唔太油岩岩好，值得推介。之後就鋸扒叫咗個五成熟真係啱啱好同埋我幾鍾意食佢啲配菜，幾唔錯。其實我嗌左個生蠔，不過唔記得影相📸️個蠔有6隻300蚊，食係幾抵食嘅。可以推介一下。整體上都唔錯間唔中可以去試試。

上年萬聖節同朋友去sky bar 到chill 仲有萬聖節特飲可以點 成個環境都好舒服  仲有輕鬆嘅音樂 食物質素唔錯價錢就稍微貴左少少 整體黎講都滿意嘅  放工放學同班朋友一齊去chill下就最正啦