The Promenade餐廳

营业中

休息中

這間高級餐廳好好，清楚寫明有甚麼食就有甚麼食，對比尖東的5星級市場，這是好地方，去到見到的跟寫明相同而且有更多，食物質素好，環境氣氛好，座滿人，推介此間，有任取長腳，而且無蟲，無限供應即開生豪，包蟹任食等. 飲品任飲,  雪羔任取, 食回本。

呢間自助餐嚟過幾次，每次都好多人，最出色係佢嘅海鮮同甜品，選擇好多，上次嚟中午自助餐都只係$200幾蚊一個人，之前仲可以安排窗口位俾我，喺陽光下望住海景食自助餐真的覺得人生充滿希望🤩🤩🤩仲有麵包蟹，可以食到蟹膏，長腳蟹質素亦都比較好，刺身有油甘魚、珍寶蝦、吞拿魚同三文魚，仲有生蠔同龍蝦仔，非常多選擇。甜品都有好多款，仲有疏乎厘，真係唔係間間有，特別係有榴槤味道嘅甜品，呢個係我嘅至愛😍😍😍當然唔少得係有多種Häagen-Dazs雪糕批同movenpick雪糕任食，直頭捧腹而回😋😋😋不過今年年頭再去，價錢貴咗，質素又差咗，大概$300幾一個人，亦都安排唔到窗口位，但是刺身種類依然多，仍然肥美，日式甜蛋亦都整得唔錯。可惜今次龍蝦仔好鹹，仲有啲發霉嘅味道，長腳蟹好輕身，冇咩肉。生蠔比較瘦，但還可以。有個整印度餅嘅櫃檯，反而呢個印度餅好推薦，鬆脆香甜，好有特色，燒烤菠蘿都好好味。試咗佢喇沙湯，唔係好得。今次甜品種類少咗好多，亦都冇我最愛嘅榴槤甜品😔好彩仲有幾款Häagen-Dazs雪糕批同movenpick雪糕任食，有D安慰😋😋😋希望疫情過後，海鮮質素可以提升，同有返多啲榴槤甜品就好啦🥺

話說在KLook book左呢間lunch buffet之前食過一次覺得幾好所以再來今次book可能平日關係唔貴本身經Klook app book有折真係平左好多😯除返每人$300有找超抵食原價每人要$400幾我第一時間攞生蠔因為平時好少食buffet都唔多地方有所以攞左先之後見燒雞翼燒得好靚都攞一份生蠔同雞翼都好好食呢度天婦羅好好食不過一出好快比人攞曬要快攞呢個係金菇天婦羅估唔到好好食仲有多款調味粉比你落好正我食野唔多不過感覺d野食整體都好好味甜品都好出色雪糕有Haagen Dazs攞左個窩夫格仔餅加埋d雪糕一齊食另外d雪糕雪條有好多款可惜我已經好飽lups呢間好味服務好如果用KLoop app book會抵d！

香港經歷了疫情很久，人也變得非常鬱悶。年尾流流，對自己好一些，想搵一間比較好食的自助餐。這一間自助餐之前評價不錯，聽聞要book好耐才可以有位，可能現在疫情還十分嚴重，所以閒日book到位了。酒店位置還是不錯的，對住一個無敵大海景。當天中午去到，確認電話號碼後，就直接給你一張枱號碼。中午自助餐有生蠔，有長腳蟹，有麵包蟹，有青口，藍青口，有小龍蝦，有魚生，還有即制小籠包…………品種真的不少，選擇很多。即開生蠔🦪，比較細隻，蠔味也不濃。蟹腳鮮甜，但係比較細隻。麵包蟹個人覺得真的很一般，雪味濃。冷盤的凍蝦反而新鮮好食。魚生🍣不錯，很新鮮。其他熱盤比較一般，不過不失。即製小籠包，鮮味多汁，值得推薦。牛就比較全熟，個人喜歡比較三成熟的。甜品很多：芒果拿破崙非常驚喜，又酥又脆，很喜歡。芝士蛋糕，芝士味香濃。雪糕🍦都有得揀，仲要係movenpick同Haagen Daz。總體來說還是不錯的。服務方面也很好，食品種類比較多，但是坐的位置相隔比較近，當日是星期一中午，但全場差不多有九成顧客，很多是長者。中午$325一個人，我覺得都算唔差啦！但下次可能會揀另一間自助餐嘗試。

今次嚟黃埔試吓呢間酒店嘅午市自助餐，成人每位$318，小童及長者$268，中午自助餐有生蠔，長腳蟹，麵包蟹，還有即叫即包的小籠包！🍴成人平日午市放題 $318 (另收加一）12:00-2:30🍴刺身 (5/10)刺身有三文魚，吞拿魚，油甘魚，玉子，牡丹蝦，吞拿魚肉質太淋🥲牡丹蝦有沙，有啲腥，唔好食，油甘魚玉子正常，三文魚比較肥美！個人認為淨係得三文魚食得落口🤣🍴生蠔(5/10)一般，好細隻，冇蠔味🥲🦞海鮮 (7/10)有麵包蟹，長腳蟹，青口，蝦，小龍蝦，麵包蟹隻隻都有膏，但有啲腥😂青口蝦小龍蝦正常，長腳蟹肉質鮮甜，質素好啲，可以食多幾轉！🥗沙律 (7/10)有生菜，火箭菜，加咗柚子汁，正正常常！🍴熟食 (8/10)熟食比較好食，肉眼燒到三成熟，肉質軟淋，有肉味，酒店來講算幾唔錯！另外燒豬頸肉，豬肋骨都幾好食，絕對唔俾出面一般餐廳差！山煎包唔好食，小籠包即叫即包，皮薄有肉汁，但偏鹹。🍴甜品 (9/10)甜品超級好食，好高質！芒果拿破崙係必食，酥皮香脆有牛油味，芒果酸甜，忌廉夠晒香甜creamy，真係大師級出品！芝士蛋糕都好香濃芝士味，Tiramisu都係好香酒味，好creamy!!雪糕有

生日唸住食餐好既, 因為收緊防疫沒辦法夜晚出去食飯, 發現呢間有Early Dinner, 又有海景所以試下, 因為Early Dinner 所以有7折優惠, 2人價錢1,100左右, 價錢OK.呢個Early Dinner 由3:30開始，Request 左窗口位, 坐既位置係窗邊而且好近食物區, 開始出去拿野食, 刺生方面好吾錯, 有三文魚, 赤貝, 大蝦, 吞拿魚, 帶子, 希靈魚, 墨魚, 油金魚, 不過刺生已經係全個自助餐唯一的亮點.跟住拿海鮮, 有生蠔的, 一次可以拿4隻, 生蠔味道可以, 海鮮冷盤有蝦, 面包蟹, 青口, 藍青口, 好乾好幼的長腳蟹, 同埋小龍蝦, 本來一心想食長腳蟹, 非常失望熱盤方面, 有芝士焗龍蝦, 味道還可以, 但每次只會放2隻出黎, 我拿左一次, 自此就沒再見到出現, 另外鴨肝係好味的, 扒方面有肉眼同羊架, 因為吾食羊只試了牛, 有D乾一般, 其他熱盤的賣相亦不太吸引, 只吃了一束乾燒伊面都好味.湯方面, 西湯係蕃茄湯, 中湯係普通的老火湯.沙律水果方面, 基本配置, 風乾火腿有3款選擇, 面檔正常, 不過吾知味道沒有試食.甜品只有西式款式吾多

今次黎到黃埔，就係為左特登食呢間lunch都有即開生蠔既The Promenade🤩雖然佢個位置就比較偏僻，但閒日都一樣坐滿人㗎！不過放心，只要你有book位，12點黎到唔洗等就可以即刻安排到坐位㗎啦🤗一入到去個個都走去排隊拎生蠔，一人一次限拎3隻。生蠔好fresh而且都幾肥美，必食！而另外冷盤海鮮refill得都快，主力就緊係食長腳蟹同麵包蟹啦另外一樣要推薦既，就係好少Buffet會有既珍寶赤蝦啦！好大隻㗎！熟食推薦既就有師傅即場包既小籠包😛而甜品亦都有驚喜，因為佢有超濃味creamy既榴槤蛋糕🤪，另外仲有 Haagen Dazs雪條任拎呀！💭 Overall comment:三百幾蚊價位性價比好高，食物質素好而且有海景，想睇海景記得要打電話安排呀！🍽食物: 7/10🌌環境: 7/10👔服務: 7/10🎖CP值: 8/10

同男友第一垐食，感覺良好。由1830食到2200,當中整段時間食物不停供應，侍應，廚師服務態度也很友善。食物類型對比貴價酒店，算很齊全。海鮮，質素尚可，生蠔不太大隻，長腳蟹尚可。刺身很正，無將貨就價，帶子厚大，赤貝大塊又厚肉，丹蝦又滑，又有三文魚腩，值得讚賞。其他熟食，鹅肝多士肥美，羊架厚而不鞋，雪糕甜品無得輸。推介👍🏻👍🏻👍🏻👍🏻

整體食物同埋室內環境設計都唔錯。但因為實在太多人令到整體感覺唔好。當然，食食吓飯嘅時候有隻大概2cm大嘅曱甴係你坐緊嗰張凳爬過嘅時候，整體感覺變得非常差. 未到6:30 ，閑日，已經有幾十人開始排隊準備入場。搭正6:30 ，好似跑馬開閘咁樣，啲人群擁入去。入到去啲人當然就要排隊攞嘢食啦。凍海鮮，刺身，同埋鵝肝係長期有人排隊。係去到大概8:30打後至九點先至唔使點樣排隊。但到咗呢個時候，魚生有一部份已經冇供應，甜品亦都差不多搶掠一空。甜品食完就冇㗎啦。冇得不停refill. 應該係話佢之前有refill嘅，但當冇咗人群之後，啲嘢已經食晒，廚房亦都冇貨可以refill啦。所以一係你就8:30之前去搶，如果唔係就冇得食. 雖然要搶嘢食係一個好差嘅經驗，但食物嘅味道唔錯嘅。亦都有一啲比較貴價嘅食物例如花膠，生蠔，鵝肝，芝士焗龍蝦。麵包蟹都出過好幾次，但真係要好好彩夾啱時間你先至可以攞到蟹蓋。牆腳蟹非常之瘦，根本冇肉食。唔好浪費你嘅時間同力氣剪開啲蟹殼. 煎鴨肝個師傅不停咁一分為二，二分為四，最後食到嘅大概會有一個$5銀咁大，如果運氣好，可能嗰一輪師傅冇切開咁多件，可以比$5銀大啲。每人每次只限

平日去食都坐滿人😳未夠六點半已經排晒隊等入座😂我地上酒店官網book有75折，五百幾蚊就食到(原價$7xx)😍同埋如果平日(星期一至四)去到食就最好，可以六點半食到十點無限時😆其他日子好似有分時段無咁抵又貴啲🙈·🦞海鮮類一入座啲人就衝晒出去排生蠔🦪即場即開生蠔，一碟兩隻，新鮮但略嫌細隻🙈仲有大大隻蟹腳，好多肉好正😆螺都勁大隻，好少食咁大隻螺，好新鮮好彈牙🤤buffet點少得芝士龍蝦🦞唔算好大隻但芝士好足料，食晒都會有少少漏🤣·🍣刺身類呢度嘅刺身種類比其他酒店多，無記錯有三文魚、油甘魚、𩶘魚、帶子、吞拿魚、赤貝、希靈魚，除左希靈魚，其他我都有食🤣🤣即叫即切，好新鮮😋·🥩肉類&其他燒羊架、牛肉呢啲一定有啦，都係大廚即場切，羊架唔羶，肉質幾嫩👍🏻估唔到連天婦羅同花膠都有😳花膠炆到好淋入晒味😆仲有鵝肝多士，好少食到，但我本身麻麻地鵝肝😂·🍨甜品類有榴連蛋糕、奶凍，我食左奶凍，好香榴連味好正😍😍楊枝甘露同芒果拿破崙都好正🤤🤘🏻我唔係食左好多蛋糕，為左留quota食雪糕😂因為有Mövenpick 雪糕，有得整窩夫🧇再加雪糕係上面😎仲有Häagen-Dazs 脆皮雪糕批，不過我已經好飽無食了🙈·自助

在酒店官網上預購咗自助午餐與家人慶生，一行七位星期六高高興興歎個海鮮🦞自助餐，倆位耆英👴🏻👵🏻就最開心好似小朋友咁見到d食物已經急不及待去吃好西不過他們吃熱暈吃到條大魚🐠有嗅泥氣味🤮所以立刻剎停我哋唔好試🤭海鮮吧有齊即開生蠔🦪長腳蟹丶紅色小龍蝦🦞青口和熟蝦🦐，日本天婦羅🍤刺生壽司🍣齊全印度手工薄餅和咖哩都好正中甜品有即造格仔餅之外仲有香蕉🍌班戟，而雪糕🍦更加豐富不但有蓮花杯和即叫雪糕球竞然仲有大腳板雪條而令倆位耆英最驁喜係發現了榴連蛋糕🍰而個人認為沙津睇落唔係好新鮮所以就冇食到，其他食物無論外觀和味道都尚算合格嘅

住係呢間酒店差唔多4個月，見到自助餐好多人食，忍唔住試咗一次，長住客折咗大約350，價錢已反應質素，不過不失。唔好彩俾太太見到有個職員用抹台布抹盛食物嘅碟，當堂冇咗再食下次嘅興趣。插曲：當日見到食客三母子，媽35-40，囡14-16，仔10-12,食完係度攞H字頭雪條放入自己背囊，開始以為攞幾條走喇，點知攞上癮，一家三口不停出動，總數攞咗至少30幾條，睇唔過眼亞媽如此教細路，通知咗職員。職員個回覆出乎意料：睇開D啦，人哋俾咗錢食嘢由得佢哋攞啦。O嘴，原來我多事！呢間可以又食又拎咖！哈哈哈！入正題：10月13日，是日8號風球，周圍食肆冇開，落樓佢哋又有位，以為好好彩，因為冇食早餐終於可以食餐飽嘅午餐。2點食完，3點開始太太頻頻出入廁所，上嘔下瀉不下30次，結果要Call的入St. Teresa，醫生診斷急性腸胃炎，打針食藥搞咗幾個鐘，搭的+藥費貴過两人食自助餐。遇著咁嘅事投訴是肯定嘅，始終號稱5星酒店，不過前後两日唔同當值經理回覆了同一個答案：當日食客過百，冇人投訴有問題，只係我哋出事，所以佢哋覺得佢哋冇問題。又一次O嘴，原來從頭到尾係我哋嘅問題......此Case已求助食環，不過似乎

適逢屋企人生日 又好耐無出嚟食大餐就揀咗平日夜晚過嚟食自助晚餐🥣食物種類唔算多海鮮、生嘢、印度、中式、生果、甜品樣樣都有啲 都夠我哋食😆特別推薦紅酒牛尾、花膠、肉骨茶、焗時蔬、生帶子、長腳蟹同埋好多人讚嘅芒果拿破崙😍麻麻哋嘅有小龍蝦、天婦羅炸蝦、白焯蝦😲甜品有蛋糕、雪糕、楊枝甘露、撻等等 見到舊好似豆腐嘅甜品原來係梳乎厘🧁雪糕種類都有唔少 有movenpick同haagen dazs 隔離仲有waffle提供 正👍🏻飲品方面揾到有枝屈臣氏哥喇 幾好飲㗎😋晚餐足足有3個半鐘食 好多時間慢慢食整體嚟講 大家都對食物讚不絕口 雖然有幾款食物唔啱口味 不過都好推薦比大家😋👍🏻

去九龍海逸君綽酒店 Staycation點少佢嘅得自助早餐，有燒賣、煙肉、薯餅、火腿及漢堡扒🤤，仲有男友成日講嘅「日式麵包王」108層牛角包（呢個唔知幾多層🤣）。食飽再攤返上床，咁先至係放假☺️❣️✍🏻重點推介：細細舊嘅三角形薯餅，炸得超香脆，雖然一起身就食呢啲好邪惡，但值得😋✍🏻仲有熱辣辣嘅蒸籠燒賣，好正，食咗好多粒😋✍🏻煙肉好似食緊豬肉乾咁，同樣咁好味，用嚟餸粥食😋🍽美味指數：❤️❤️❤️❤️❤️

呢間食過幾次。種類都比較多。價錢又ok , 有即開生蠔。基本上刺身都有。冷盤除左冇波士頓龍蝦🦞其他基本都有😅。反而芝士焗龍蝦🦞同焗扇貝都有。一般熟食都真係比較多選擇。甜品。雪糕🍨🍰都不錯。而且呢度飲白酒。紅洒任飲🍷🍾。汽水。咖啡奶茶都一樣☕️。環境地方都舒服。可以值得一試👍🏻