The Promenade餐廳

营业中

休息中

昨天同家人一起去慶祝生日，原本就是貪佢在海旁邊先來食，點知入到去先發現原來真係好多野食。一入門口就見到海鮮部份，面包蟹超多蟹膏，長腳蟹都有分兩款可以試，之後見到有好多款魚生，師傅現場切俾你，以為酒店自助餐都係意思意思嫁啦刺身淨係得三文魚，估唔到唔係，真係及得上日式放題，深海池魚（有啲放題都食唔到）仲有北寄貝、油甘魚、連鯛魚都係任食。跟住發現，原來個場唔止現切魚生，仲有好多師傅現整食物，要讚讚切肉師傅，肉眼牛扒現切，仲喺前面放左好多醬料，當我好迷惘要用咩醬好的時間，佢主動的為我介紹每個醬，好有心！食物都是食溫度，之後見有個師傅好比心機好似在煎旦不停的轉好幾次，親佢剛剛整好仲有煙，試一舊，原來係調左味的玉子燒，真係好好食，比起壽司鋪果啲冷冰冰好食好多！跟住試埋個現燒鰻魚，又係好食，現燒起外脆內嫩，食野都係食溫度。正餐都很多野食，旁邊仲有好多款甜品，賣相已經好吸引，好在食甜品有第二個胃，真係要試下，我個人鐘意食榴槤，試左個榴槤雪米糍，超正，仲冇D24榴槤容，淡淡肉咁食，好罪惡。除左以上之外，仲有好多款沙律，我媽是個好注重健康的人，每次食飯都要有蔬菜，我見到有咁多沙律馬上安心了。點知佢發現左現

環境：距離地鐵站有一小段路程。行過去的時間不太遠。大堂的冷氣不太夠。坐的枱位置跟別人靠得很近很擠迫。出出入入只有一條小巷可以行過去擠迫。食物：刺身款式還可以。全部厚切浪費了厚切同薄切都很影響口感而隔離的帶子阿根廷蝦質素不太可以很乾不新鮮。蟹腳也不新鮮非常之鹹，打開蟹肉黃黃地乾乾地好鹹。食了一碟就沒有再食。而麵包蟹開頭被人攞走晒之後。都沒有再添加想去攞一隻試吓都沒有。成晚只係得一盤麵包蟹。沙律菜的選擇也非常之少甜品也不太好食全晚覺得好食的只有牛扒跟咖喱。其他熟食都麻麻哋。驚喜：全晚最有驚喜的是live Band唱歌值回少少票價.整體:夜晚五百幾蚊一位.咁嘅環境同食物質素試一次就算，唔會再嚟食.

今天與家人到海逸君綽酒店食自助午餐，經Klook買一送一優惠，$988 四位👍🏻餐廳於11:59才安排入座（人龍已經很長），這是我認為不理想的地方😓被安排坐在窗邊位，位置舒適👍🏻以這價錢，食物種類算多，要有的大部分都有，味道良好，會給人覺得「好味」感覺，甜品中的芒果拿破崙很出色🥳🥳，飲品選擇有罐裝飲品、咖啡、蘋果汁等等，雪糕款式有15款，很滿足！大部分職員態度良好，尤其是收碟員工，很有禮貌！讚👍🏻

The Promenade 跟海逸酒店的Promenade 撞名，區別在於"The"，但前者附近是黃埔天地，後者附近是紅磡站(前稱九龍車站)，訂之前小心留意不要訂錯去錯。The Promenade 在九龍海逸君綽酒店的大堂， 毗鄰的Harbour Grill，主打自助餐，預訂的話建議直接上最近的九龍海逸君綽酒店的網上商店全付預訂，還可以預約好日期及時間，當天食完便直接離開。當天入場前需要到餐廳入口櫃位登記完取得枱號後才去排隊，餐廳職員會在門口列好隊準點帶客人入座，過程順利。 自助晚餐近期主題為【酒店開業30周年誌慶】 六月至八月 「築地の味」海鮮盛宴，主打日本及環球美饌。📍冷盤方面，首推麵包蟹、糕爆多，其他還有風乾火腿、雪花蟹腳、紅楚蟹等供應。📍熱葷首推薑蔥炒鮮龍蝦、香煎鴨肝，其他還有紅燒花膠、有骨燒牛肉、烤羊架、紅酒燴牛尾、多款印度咖喱、即製小籠包、燒賣等中式點心、叻沙 、中湯及龍蝦湯。📍"築地の味" 選擇極豐富，包括磯煮小鮑魚、味噌煮牛舌、蒲燒鰻魚、章魚燒、玉子燒 等日式熱葷﹔刺身方面有三文魚籽、日本油甘魚、北海道帶子、深海池魚、阿根廷紅蝦、北海道帶子、北寄貝、赤貝、吞拿魚、拖羅蓉

之前都食過黃埔呢間君綽酒店！覺得幾好，好抵食！純粹分享吓！鴨肝、即燒鰻魚、燒豬仔骨、燒牛肉、燒羊架、紅燒花膠、炒蝦球、即煎金蠔、龍蝦湯、刺身帶子、刺身蝦、多款榴槤甜品⋯⋯

可能因為黃埔區比較隔涉，今日嚟食午市自助餐都唔算多人。凍海鮮凍蟹腳夠粗身，但係似乎唔夠新鮮肉質有啲乾身。刺身選擇夠多，不過質素只算一般。肉類燒肉眼扒同羊扒肉質都鮮嫩。另外佢會將肉眼扒近骨嘅部分切出嚟畀人攞，呢個部位雖然唔係啖啖肉，不過肉質就特別幼嫩，我就攞咗用手拎住慢慢食都唔錯。甜品呢度嘅甜品區係重點！首先拿破崙係呢間酒店招牌甜品，一定要試。其他蛋糕質素都好，唔會死甜蛋糕質地又夠鬆軟。另外佢仲有蓮蓉西米布甸同香芋糯米糍呢啲懷舊中式甜品。最後佢嘅雪糕係movenpick，仲有好多口味添。

🥵排隊溫度已經好熱, 入到去冇分別因為同大堂黐住開放式.（食物非常普通, 室溫太熱除咗雪糕係覺得正常）#蛋糕大部分都係mousse全部室溫擺入口暖根本就唔想食同埋好唔衛生.#魚生櫃都唔夠凍, 刺身北寄貝擺室溫大不銹鋼兜咁夾畀你,好似兩餸飯咁. 連三文魚都冇味道# 凍海蝦正常.尤其是蟹腳,👎🏻 較為幼身, 最慘拆開見肉係黃色好梳唔完整乾咗水, 唔止一隻係咁生蠔：👎🏻 細隻得嚟好薄, 未發育冇肉食新鮮度真係唔食都冇損失.同價位佐敦A（ 熱盤冇特別） 和牛牛舌, 同埋燒牛肉👏🏻係好食嘅但係樣貌普通. 咖哩是咖哩牛好食, 偏鹹. 手抓餅配埋好食夠香脆.（ 總結係： 冇下次） 未試過buffet或餐廳啲刺身及冷盤食物都係暖.

中秋食乜好？近期食過性價比高嘅酒店自助午餐！有買一送一，全家一齊食真係好抵！星期日去full house，佢開埋扒房嗰邊啲枱俾人食自助餐，帶住小朋友坐扒房嗰邊比出邊大堂自助餐坐得仲舒服，仲送埋超大海景，簡直 💯！👍食過咁多間自助午餐，好少午餐都會有長腳蟹🦀同埋即開生蠔！生蠔新鮮好味！沙律🥗有成10種款式，都非常高質！熱食都有成17款咁多，烤牛肉烤羊架燒鰻魚牛舌牛尾都有！Movenpick 雪糕係任食！小朋友都有好多嘢食啱食，例如即叫即整嘅窩夫，好特別嘅芝士（紫紅色同綠色）等等。👎沙律bar嘅醬汁比較少，雪糕也不是獨，立包裝的，咖啡機沒有奶類咖啡選擇，如果這些都改善一下就會更好了！整體分數：🌟🌟🌟🌟Baby friendly: 👶👶👶👶👶📍 The Promenade餐廳 (紅磡)紅磡德豐街20號九龍海逸君綽酒店大堂Wondering what to eat during Mid-Autumn Festival?Just tried an amazing hotel buffet recently with great value for money! They had a buy-on

早餐buffet 水準好一般下，無嘢特別好食，無乜服務態度可言，已經無咩客，但無人擺位。然後個blueberry jam黑色嘅🤔諗左兩秒，都係放棄。以後唔會再食，本身book 左夜晚buffet 都即刻cancel

對住咁靚嘅維港食自助餐就已經好正、座位區仲要係高樓底就非常之心曠神怡呢個價位有新鮮開嘅美國生蠔、特別嘅有阿根廷紅蝦刺身，非常之肥美同新鮮新鮮嘅炸蝦🍤天婦羅配埋綠茶鹽、仲有即埸燒烤鰻魚肉質10分鮮味特級大骨肉眼牛肉十分之讚生熟程度剛剛好肉質又滑，而且多款醬汁甜品仲有11款Movenpick雪糕、選擇比出邊嘅自助餐款式多。榴槤嘅甜品仲要大大嚿榴槤放喺布甸上面好有誠意

同朋友慶祝生日，book左呢度食buffet 食物選擇唔係太多，味道不錯既有鵝肝多士，同生蠔甜品仲有榴槤蓉配雪糕 榴槤蓉唔似加製品，真係似新鮮榴槤肉製咁預約時講低有生日朋友,就會送埋個小小生日日蛋糕.

估唔到平日中午黎食竟然有咁既人氣 😂差唔多Full house 一黎去左睇下有咩刺身食 竟然有阿根廷紅蝦 十分大隻 但正常 收貨八爪魚🐙都可以 每人一次比3隻生蠔 比較重鹹味海水味 食唔到蠔味 拎左一隻冇再拎拎左d松葉蟹同蝦 正正常常 取左一d 熟食 有燒菠蘿 玉子燒鰻魚 玉子超甜 食糖水咁 鰻魚好食熱辣辣 菠蘿夠甜燒到剛剛好 之後拎咗啲甜品食 種類都好多拎左 有出名嘅芒果拿破崙 不過今次整得唔夠脆榴槤撻 舊cream係榴槤蓉 加cream 都食到滿滿既榴槤味章魚小丸子 唔推介 只係食到粉漿 同食麵粉冇分別雪糕有12款 movenpick 簡左自己鍾意食嘅朱古力同試食藍莓芝士蛋糕同新出嘅椰子味 藍莓芝士蛋糕好食 椰子味有椰粒係入面 👍🏻👍🏻總結： 平食自助餐之選

我特登download呢個openrice app黎寫，真係好失望，生日去食，刺身冇味，蟹冇味，其他野食一般，牛唔好食，海鮮唔新鮮，又細隻，甜品還好，真係好難食難食到要寫呢個食評，我仲要做左勁多research點估到咁難食啊。大家食之前留意下，真係搞唔掂 人生第一次寫食評。🙏🏿雖然環境衛生服務ok 正，但味道真係好難食接受唔到比咁多錢係呢個結果啊。

用餐日期：2024/05/03可用餐時段：12:00-14:30，2小時30分鐘用餐費用(每人）：$224.4餐廳環境：環境整潔乾淨 冷氣足 檯與檯之間適量距離 服務：服務員有禮服務態度非常好 收碟及時 食物及時refill沙律吧：有雜錦沙律菜+生菜 8款配料 8款已調好味的沙律 7款醬汁 4款火腿片 1款冷麵 沙律菜調好味的沙律都選擇不錯味道好 如配料多些選擇 有煙三文魚 黑醋醬/柚子醋更好 希望店方改善 芝士：有7款芝士 包括自助餐中較少見的1款紫紅色芝士 該紫紅色的芝士香濃味道好 如芝士都有放名牌 有提供羊奶芝士 更好 希望店方改善冰鎮海鮮：有6款(蝦 蟹腳 小龍蝦 藍青口 翡翠螺 青口)試了蟹腳 蟹腳外觀不錯但肉質偏乾而且偏咸味道一般 不推薦 生蠔：這家有提供生蠔 這是酒店自助午餐較少有提供的 也是服務加分的地方 試了3隻生蠔 生蠔新鮮尺寸中等味道鮮甜爽滑 推薦 刺身/壽司：有5款刺身(阿根廷紅蝦 赤貝 立魚 吞拿魚 三文魚)+4款壽司 試了阿根廷紅蝦 吞拿魚 三文魚 這家的刺身新鮮切得厚身 紅蝦很大隻而且1份是2大隻 是食物服務加分之處 如有提供油金魚就更完美 推薦麵包：有

朋友買了優惠券，開心去食餐好，真心到達時見到人流多到一嗰。。。嚇死人。。。有旅行團，所以下次約平日會更好。意想不到時有榴槤甜品。有榴槤雪梅娘，榴槤椰子班蘭蛋糕，榴槤慕絲蛋糕，櫻花甜品系列，當然唔少得係雪糕啦。。。因為人多在冷盤區，所以先甜品，再熱食，最後再冷盤。真心厲害，自助餐時段內除了“榴槤雪梅娘”外，其他也再添了，所以榴槤愛好者，要先取此。冷盤中什麼長腳蟹，麵包蟹，蝦，蚌，生，蜆。。。刺身中什麼紅蝦，三文魚，吞拿魚，八爪魚。。。熱盤中什麼羊架，牛扒，東風螺，燒鰻魚，天婦羅蝦，玉子燒等等，樣樣都有添。。。只要你有耐性，一定可以一一品嚐。#黃埔君綽#好地點#櫻花榴槤樣樣齊#人會多d#真心係超值