The Point - Pizza & Pasta (如心廣場) (已結業)

由於很喜歡The Point，早前太太成為了會員，而優惠卷早已用光，此時她們竟推出新的二人套餐，當然不用多想進店試試吧位置（9/10）：如心廣場二期的2樓，連接多個荃灣西的商場，由港鐵荃灣西D出口有天橋可直達商場，再上扶手電梯一層就到，非常方便環境（9/10）：餐廳面積大樓底高，空間感大，裝修帶現代西餐廳風格，座椅大多是卡位，環境舒適，適合談天服務（9/10）：餐廳提供可重用口罩紙套，入座後侍應遞上開水，下單上菜速度算快，而呼喚侍應的回應亦有效率食物（9/10）：由於多次光顧，已不再懷疑她們食物的質素。餐廳主打意大利菜，尤其是薄餅，連甜品也有幾款薄餅選擇，有創意味道亦好龍蝦盛宴2.0二人餐 $588當日是衝著這個套餐而來，當然不用多想青蘋果梳打先來兩杯青蘋果梳打，鮮甜青蘋果糖漿配上梳打水，開胃而味美。若不喜歡，亦可以半價換餐牌上的其他飲品龍蝦湯兩碗龍蝦湯味道香濃，有一些蝦肉在湯內，當日湯比較偏水，比起以往有點失色，但味道亦算不錯鮮蝦水果莎莎用鮮蝦、牛油果、芒果及蕃茄粒混合而成的莎莎，水果新鮮、鮮蝦甜美肉厚，相當清新開胃原隻新鮮波士頓龍蝦海鮮煲配扁意粉竟然用煎pan上枱，整體份量頗多，龍

今日到荃灣西逛街時想起朋友極力推薦這間餐廳，便入內一試。雖然是食午餐時間， 有set lunch，但我們仍然被他的龍蝦餐吸引 ，所以叫了 一個二人龍蝦套餐。先來一個龍蝦湯，湯味濃沃，帶有蝦的鮮甜味道， 喜歡濃味的朋友 一定很喜歡 。前菜未入口已被它的外表深深吸引，非常精緻， 最難得的是味道也不錯，食材有鮮蝦、 牛油果、芒果、蕃茄莎莎， 感覺很清新，水果又新鮮。龍蝦套餐，主菜當然是原隻新鮮波士頓龍蝦海鮮煲配扁意粉，份量比我想像中多，味道亦超出我預期的好 ，不但有原隻龍蝦， 而且有藍青口、大蜆、魷魚，再加上蕃茄海鮮汁配上扁意粉，真的令人回味無窮。龍蝦果然即叫即煮，肉質鮮甜新鮮，配上其他海鮮食材，絕對可以滿足喜歡吃海鮮的朋友。據知餐廳是用新鮮波士頓龍蝦，即叫即煮，而且每日供應有限，所以有興趣試的朋友一定要預早訂。我們二人竟然也吃不完，可想而知分量有多大，若果你是大胃王的話，這個套餐還可以另加98元追加一個北海道帶子鮮蝦pizza或加48蚊追加甜品。整體來說，龍蝦餐真是物超所值，值得推介。

今天是太太生日，特別和她出來吃得豐富一點慶祝，於是便預訂了如心廣場The Point 餐廳的「龍蝦盛宴2.0」。因為是新鮮原隻波士頓龍蝦，賣完即止，所以必需預訂。餐廳環境很好，寬敞明亮，給人一種舒適閒逸的感覺。“二人龍蝦晚餐”先來一個龍蝦湯，濃濃的龍蝦味，份外可口。頭盤是由鮮蝦、牛油果、芒果和番茄莎莎組成的沙律，一層一層的，很別緻，既有蝦肉的鮮甜，又有生果的香味，是很好的前菜。主菜是原隻新鮮波士頓龍蝦海鮮煲扁意粉，當然是一大隻波士頓龍蝦，即叫即煮的，還配上藍青口、大蜆、魷魚等海鮮。我最愛吃龍蝦鉗，肉質特別鮮美。美味的龍蝦，濃味的海鮮湯，再加上爽滑的意粉，真讓人享受三倍的滿足。飲品是青蘋果梳打，吃完肥美的龍蝦後，喝一口冰凍的青蘋果梳打，特別清爽怡人，為這頓盛宴畫上完美句號。

偶然在網上見到龍蝦套餐的介紹，原來意大利餐廳『The Point 』，最近又有新搞作。今次以矜貴的新鮮波士頓龍蝦作主題，打造「龍蝦盛宴2.0套餐」$588， 覺得幾吸引就決定一試。 由於係限量發售，仲特地提早一日預訂～下班和先生來到如心廣場二期『The Point 』，餐牌上食物選擇都算豐富，前菜，意大利麵/飯，薄餅， 海鮮，牛扒，甜品一應俱全。但都動搖唔到我食「龍蝦盛宴 2.0套餐」既決心 ～🚩青蘋果梳打 （2 杯）點餐後，最先上枱的是冰凍的「青蘋果梳打」，酸甜解暑，啖啖透心涼。🚩龍蝦湯 （2 客）橙紅色的「龍蝦湯」色香味俱全，質感幼滑濃稠，帶有濃郁的龍蝦香味，湯裡有些蝦仁豐富口感，不錯！！🚩鮮蝦水果莎莎（2 客）接著上枱的是浸過酒的鮮蝦，配芒果，番茄，牛油果，份量不多，勝在賣相別緻。鮮蝦帶有淡淡的酒香味，配上切粒的水果，除有沙律醬外， 還帶有黑醋的香味，十分醒胃。🚩原隻新鮮波士頓龍蝦海鮮煲配扁意粉主角，原鍋上的龍蝦海鮮意粉份量比想像中大，除龍蝦外，還有青口，蜆和魷魚圈等海鮮，看得人食慾大增。龍蝦熟度剛好，入口鮮爽彈牙，青口和蜆夠新鮮， 魷魚圈大而唔韌，醬汁由龍蝦湯混合海鮮煮成， 鮮

餐廳環境乾淨整潔，座位闊落，好適合三五好友傾計gathering❤️$398 set for two 2 starters + 1 pasta + 1 pizza or main **好抵食，份量超多，好夠飽#龍蝦湯～龍蝦湯好濃郁，又唔會有陣雪味，仲有啲小龍蝦肉。★──Main──★#卡邦民披薩～呢間餐廳主打pizza，有好大個open kitchen 焗pizza，好似好pro咁，味道當然冇令我失望。pizza 上台仲出緊煙，拎起芝士拉絲拉到好長，又多餡，唔錯，最正係呢個批有一隻溫泉蛋係中間，加100分😆。#煙三文魚蘆筍刁草忌廉汁天使麵 ～意外的好食喎！！天使麵軟硬適中，夠汁，多煙三文魚，仲有啲三文魚籽，砌成一個玫瑰擺盤，好睇又好食。★──Drink──★跟餐加飲品有半價 最後揀左兩杯靚靚mocktails🍸Mango Tango $48～好重橙味同芒果果，比較濃同較甜，杯邊點綴左啲綠色嘅糖，心思加分。Strawberry icecream float $48～靚靚粉紅色，不過唔係好夠甜，好彩有個雲尼嗱雪糕頂住，整體都可以接受，唔算好藥水味。★──Sweet──★朱古力布朗尼 $68(

呢間係我其中一間最喜歡的連鎖西餐廳$398二人餐包了starters、意粉、pizza🐱跟餐的龍蝦湯味很濃，而且有好多蝦🐱煙三文魚忌廉意粉好足料，三文魚好多！好有心機咁整到玫瑰咁，仲有大大粒三文魚子，加埋蘆筍，吃起來口感豐富又不膩🐱Carbonara pizza好特別，中間有隻流心蛋，而且芝士多到可以拉絲，prosciutto 的鹹香提亮了忌廉芝士的味道，而且pizza底和皮邊都相當鬆脆，好好味🐱飲品選擇很多，跟餐半價。Strawberry icecream float和mango tango都只係$24@。賣相好靚，味道ok!🐱每次都必點brownie in a pan$68, 濃濃的朱古力蛋糕和清甜的雲尼拿雪糕，又冷又熱的口感，再加焦糖香蕉，係我其中一個最喜歡的甜品。

The environment is cozy but there’s a shortage of serving staff. 三文魚忌廉天使麵的伴菜難吃、虎蝦牛油果意大利粉很特別但有些油膩，另收切餅費$100。

睇過好多食評介紹$428嘅龍蝦餐，1/7假期終於決定去試下，點知已經變了龍蝦餐2.0，價錢為$588，包龍蝦湯兩客，海蝦cocktail沙律兩杯，一大盤海鮮波龍扁意粉，意粉好像話係手造，但是食落又唔係好似，另外包兩杯飲品，套餐裡面就唔包甜品的，想食就要另外點了。如心廣場這間分店，室內環境唔錯，空間感十足，坐位亦算寬敞，檯與檯之間唔會好近。入座後點菜前，有位男職員即時上前介紹餐廳的會員優惠，計返條數都唔差，除左基本嘅會員折扣外，迎新優惠的coupon又可以即時用返，我相信去幫襯過嘅朋友都會知道或者已經做了會員😆套餐整體味道可以，份量十足，加埋折扣優惠後，C/P值還可以的。

之前疫情嚴重時試過the point 既青衣外賣，質素唔錯，今次堂食都無跌眼鏡，有好多款pizza揀☺️🛋鋪頭幾大，好多梳化位，坐得幾舒服。.🌞Holiday set $168假日lunch time 黎到 ，叫左兩個holiday set , 包三個courses🦞龍蝦湯 (加$18)幾濃既龍蝦海鮮味，仲有唔少蝦肉🍄野菌湯都唔差，睇相都見到有好多蘑菇顆粒🧀水牛芝士披薩經典既margherita pizza, 蕃茄配水牛芝士再加唔少好香既羅勒，味道不錯～🥘泰式紅咖哩豬頸肉披薩一上碟會奉上一碗紅咖哩汁，好香幾惹味。pizza落左幾多甜椒，一開始怕豬頸肉會un,點知都幾軟腍。芝士薯條 ☺️☺️☺️😵‍💫Daily Dessert 泡芙呢個真係失望啦，好淋。。。好彩我地只係叫左一份，另一個就加錢叫左brownie 🍫Brownie in a pan (加$38)Brownie 上到黎幾熱下，外脆內軟，內裡有點入口即融既感覺，仲有焦糖，核桃，香蕉同雲呢拿雲糕。Hot Latte都幾香咖啡味，拉花就小小失手🙊不過我認為始終味道行先～

今日放工，約左朋友荃灣西食飯，經過the point，入黎試一試。我地7點幾黎到，唔洗等位就入到。我地先點左一份黑松露野菌意大利飯。意大利飯咬落去好creamy，而且黑松露味濃郁。我同朋友好快就食曬。我們又點左明太子軟殼蟹pizza 。pizza入面有炸櫻花蝦、軟穀蟹、蝦肉等等。軟殼蟹炸得好香好大隻，加上明太子醬同蝦肉，十分滋味。甜品方面，我們點左一份Red Sangria。晚餐有酒飲，人生一大樂事。難得食咗一間咁好食嘅餐廳，下次要再嚟試吓其他嘢食。

今晚同朋友去了這裡食飯，他知道我喜歡食龍蝦，所以佢周圍搵見到佢有這個龍蝦套餐，由頭到尾都係有龍蝦嘅配搭！餐廳地方闊大，座位舒適，望見餐牌有哩個龍蝦套餐！當然不用考慮，由starter開始就已經同主題有關，龍蝦湯味道濃郁之餘湯內還有彈牙嘅龍蝦肉粒，先濕潤一下喉嚨後，就係個認蝦紅菜頭沙律，一對彈牙啖啖肉已折殼嘅龍蝦蚶肉放在新鮮嘅健康嘅紅菜頭片上，加埋少少橙皮絲，十分搶眼，當然入口亦十分清新，同個湯又係兩種口味！一個濃郁，一個清新鮮味！而主食就點了龍蝦芝士焗通粉，中間都有隻大大嘅龍蝦蚶之餘，還有香濃嘅芝士在面，配上彈牙通粉混埋啲龍蝦汁同彈牙龍蝦肉，真係十分滿足！而薄餅絕對係一個打卡位，大大塊薄餅上面文了隻龍蝦頭，之後店員上面加酒點火，整個龍蝦薄餅就即時著火，龍蝦就即時變身為火龍樣子！當然薄餅餅底香脆上面每片都放了彈牙爽口嘅龍蝦肉，加埋個焗了芝士野菌嘅龍蝦頭，真係十分滿足！最後加埋個Brownie in a pan，用個鐵pan 上有香脆合桃配焦糖香蕉圈住件超濃郁朱古力味道嘅Brownie 上面加埋一個香滑雲呢拿雪糕，今晚真係夠晒滿足了！

放半天假來到這間荃灣西的the point 。見到間餐廳裝修非常漂亮同舒適， 便坐下試試午餐。先叫了個煙三文魚班尼配酸種麵包， 麵包烤得香脆， 流心蛋爆汁， 去上三文魚蟹子， 賣相一百分，食物十分不錯。加配黑松露芝士蛋黃醬薯條， 薯條考得香脆，黑松露芝士醬非常濃郁。再叫了明太子軟殼蟹Pizza， Pizza很香口， 軟殼蟹很大塊， 配上明太子醬，十分野味。再叫了個烤春雞， 春雞不會太乾身， 配上羽衣甘藍，薯蓉，南瓜， 好飽肚又低卡路里。飲品方面，士多啤梨沙冰，賣相一流，凍飲酸酸甜甜，夏天飲用真的十分享受。

第一次食呢間野，叫完半個鐘乜都未上，問一樣佢就上一樣，結果45分鐘先黎齊重點真係等得太耐，人地遲入黎食曬埋單，我都仲未食到同埋D野食無乜特別，質素同價錢吾成正比！

下午茶時間來到這間在看荃灣西如心廣場,見到有下午特色套餐和下午茶套餐, 價錢相當合理, 裝潢位置也10分舒適, 先叫了個煙三文魚班尼的配酸種麵包，擺碟10分美麗，入面有三文魚子，三文魚，流心蛋，牛油果醬。再加配料個黑松露薯條，上面鋪了滿滿的芝士蛋黃醬。加上脆卜卜嘅薯條， 都係套餐價加二十幾蚊， 非常掋食。飲品配套餐半價，先叫了個鮮奶咖啡，再叫了個朱古力酒棉花糖熱飲。 非常特別, 平時飲Bailey 都係凍飲, 熱飲特別有一番風味。

My wife loves seafood, especially lobster, we picked this restaurant for its lobster set. Lobster Bisque Lobster Beetroot Salad - this salad has the perfect balance of sweet and salty from the beetroot and lobster. Super healthy and tastes good. Flaming Lobster Pizza - first of all, I love the presentation of this dish, it's literally flaming! I will say that it does taste very cheesy and savoury. There's a lot of lobster on it. Lobster Mac & Cheese is amazing, it's so creamy,  rich in flavor wi