The Platter (悦品酒店‧荃灣)

营业中

休息中

今晚和朋友到葵涌悅品酒店食半自助餐，這裏環境雅致，相當舒適，沙發座位又大舒服，六人坐都有餘。烤牛腰🐂柳配紅酒肉汁伴炸薯條及時蔬，點了七成熟，一端上枱已聞到香噴噴，切開時裏面呈淡淡的粉紅色，相當吸引，肉質軟滑，牛味🍖香濃，配上紅酒肉汁，更美味。薯條🍟亦十分香脆，熱辣辣，應該是現炸的。烤羊架🦙配百里香燒汁伴薯條及時蔬，有三大塊羊架，羊架🍗表面有微焦，烤得好靚，肉質香嫩，配上百里香燒汁，令羊味更出，但不會過羶，口感很好，令人回味😋。除了主菜，還有其他的美食，可供客人自取。刺身頗新鮮，三文魚🍣很肥美，脂肪均勻，橙白相間，入口鮮嫩。海鮮凍食，雖然種類不是很多，但挺有質素，海蝦🦐彈牙，很鮮甜。翡翠螺🐚有鮮味，配上醬汁很美味。甜品🍰種類也不少，我很喜歡這個奶凍🍧，不僅香滑，而且牛奶味濃郁，正是我杯茶。海鹽雪糕🍨好味，粉藍色十分吸引，有淡淡的咸味，幾特別。

昨日去The Platter食半自助午餐，有5款主菜選擇，我們揀了西冷扒及半隻燒春雞，7成熟的西冷扒有些少韌，燒春雞半隻比較細。自助沙律吧有中西湯各一，可配搭3款麵包或機器即製班戟。沙律有7種食材及3個醬汁。甜品糕點有6款選擇，炸芝麻球最好味，另外仲有紅豆沙及雪糕。水果有西瓜及哈蜜瓜。飲品任添，有橙汁、 咖啡 、西茶及中國茶。平日半自助午餐有7折，可以一試。

偽韓仔係超鐘意食自助餐，但係食自助餐好貴架嘛，點會成日帶佢食🙈媽媽就搵到一間近近地既酒店，佢地做緊半自助餐好抵食😍呢度只需要嗌一個主菜，就可以享受出邊自助海鮮🦞、甜品🍮、沙律吧🥬雖然款式唔算好多，但係每樣嘢都好精緻😊味道都好好😋主菜，我哋就叫咗一個烤牛腰柳配紅酒烤肉汁伴薯菜同香蒜橄欖油炒意粉🥳牛烤得唔錯，肉質有彈性，同時唔韌，加埋紅酒汁好惹味👍🏻而香蒜橄欖油炒意粉，每條意粉都炒到好乾身，沾上淡淡的蒜味，令人一口接一口😌份量勁大，我地都食唔晒😂而自助區媽媽就最欣賞佢地既豆腐花，好滑溜，亦有豆味😋記我要食左先，因為好快見底😆海鮮方面，青口好鮮甜，凍蝦彈牙爽口👍🏻仲有刺身同其他甜品蛋糕等等不能盡錄🥳而家每兩個主菜就可享75折，勁抵食👍🏻

葵興區很多工廠大廈，但工廈餐廳比較少，這間竟然開在工廈內，而且還是酒店內經營，環境一定有質素餐廳位於酒店內，裝修格調很高檔，一入大門，高級格調，內裡新淨華麗，最緊要坐位闊落，坐得舒適，自然食得開心自助餐區間格分明，有沙律冷盤區，甜品區，麵包餐湯區，飲品區，生果區，最驚喜有海鮮區和日本刺身區，半自助餐竟然有刺身和海鮮食，真的值回票價主菜餐牌多選擇，價錢實惠，因為已包括半自助餐價錢燒美國西冷牛扒牛扒熟成度剛好，肉汁鮮甜，牛扒肉味夠濃香煎鰽魚柳鰽魚柳煎得夠香口，最緊要魚很新鮮，魚肉嫩滑，令人食不停口最後當然甜品做總結除了生果，蛋糕，雪糕必食之外，竟然有我最喜歡既豆腐花今餐畫上完美句號喜歡揀半自助餐，因為主菜是即叫即煮，不是預先煮好，食物質素一定比全自助餐優質

今天跟老公到悅品酒店內的餐廳吃半自助餐，第一次認識這餐廳是上年我入住此酒店自我隔離時，那時候已經覺得餐廳價錢非常公道，並決定疫情後便到來拜訪。餐廳環境舒適，空間寬敞，設計簡約時尚，燈光柔和。半自助餐共有四款主菜供客人選擇，我們選了以下兩款：烤牛腰柳配紅酒烤肉汁伴炸薯條及時蔬$328牛腰柳肉質軟嫩，肉汁豐富，牛肉味香濃，特別喜歡他們調配的紅酒烤肉汁，惹味可口，令牛肉味更香更突出，整體質素絕對對得起價錢。慢燒鴨胸配西梅汁伴時蔬$278鴨胸燒得香氣撲鼻，外皮香厚，肉質鮮嫩帶嚼勁，西梅汁有驚喜，酸酸甜甜跟鴨肉得搭，亦令鴨胸吃起來更香口，好吃！自助區提供多款選擇，有餐湯（中西各一款），我兩款都試了，中湯夠火喉，西湯（番茄忌廉湯）亦十分香滑美味。除餐湯外，亦有果汁及幾款咖啡供選擇。另外還有麵包、多款沙律、火腿、刺身（三文魚、鯛魚及三文魚）和海鮮（蝦、螺及青口）。甜品選擇亦算豐富，有多款口味雪糕、豆腐花、牛奶布甸、抹茶蛋糕、椰汁大菜糕、朱古力布朗尼等，總有一款適合你。最特別的是他們的揮手班戟機，一揮手，熱騰騰的班戟便新鮮出爐了。總括來說，餐廳性價比非常高，我們都吃得很開懷。

得到好妹妹力邀,一同前住The Platter食半自助晚餐,盡情食一番。位處荃灣悦品酒店內,近葵涌港鐵。.餐廳裝潢歐陸風格,清新舒逸。..半自助餐餐牌.先巡視出面<自助區的食物>有甚麼食物先, 最先見到飲品,冷盤,海鮮,沙律。接著見有中及西餐湯, 餐包, 甜品,生果等。..有海蝦 ､翡翠螺 及青口, 全都好新鮮好味。.藜麥沙律及滑蛋,都味道不錯。.沙律好新鮮開胃。.三款新鮮刺身中, 最愛食三文魚。.主菜來了【焗脆皮豬手配蜜糖芥末汁伴薯蓉及時蔬】  $308這豬手大大隻,肉質好軟嫩滑不乾淨淨,並軟腍得來有咬口,沾點肉汁及芥末醬更惹味,而在旁薯蓉略為不夠香滑。.【燒牛柳配烤大蝦伴燒南瓜及時蔬】  $328厚切牛柳肉質鮮嫩多汁,有軟嫩感,有濃肉味,加上配彈牙的大蝦,與牛柳非常夾,而旁配上燒南瓜及時蔬。.當然我們女士們不會放過食甜品啦!最後以水果 ､甜品及雪糕作晚飯終結。

最近見到葵涌酒店有半自助晚餐，價錢又不太貴便去試下。我們叫了燒美國西冷牛扒配焗新薯及時蔬和燒糓飼豬肋骨配燒烤醬伴炸薯角及時蔬。首先是燒美國西冷牛扒，我們叫是5成熟，肉質非常嫩滑。焗新薯也是切得整齊，加上時蔬的點綴，色彩搭配非常漂亮，吃起來十分清爽。另一道菜是燒糓飼豬肋骨，肉質鮮嫩，配上燒烤醬的酸甜口感，味道十分特別。炸薯角則是配菜中的亮點，香脆可口，搭配時蔬更是美味。另外餐廳半自助餐提供一些魚生，海鮮，沙律，生果，麵包，湯品和甜品，飲品就有咖啡機和鮮果汁。選擇的種類都算多，魚生和海鮮都新鮮和鮮甜。整體而言，環境舒適而且味道不錯。

在葵涌悅品酒店地庫的餐廳 The Platter 提供優質的半自助晚餐，還有七折優惠，今晚來豪食一番。餐廳地方不小，裝修豪華，座位寬敞舒適，我最喜歡的是長梳化座，特別豪氣。中間有自助冷盤區和飲品區，自助食物的選擇也相當豐富：有刺身、沙律、甜品、熱湯、糖水、甜品、海鮮，飲品，雪糕。主菜：“烤牛腰柳配紅酒烤肉汁伴炸薯條及時蔬”，牛柳肉質鮮嫩，有咬口之餘又夠肉味，是上乘的牛肉。配上紅酒煮成的烤肉汁，入口更滋味，簡直完美。薯條即炸，新鮮脆口。“烤羊架配百里香燒汁伴薯條及時蔬”，羊架的羊味十足，但沒有羊羶味，肉質亦幼嫩可口。配合香草醬汁，鮮味提升不少。刺身：三文魚、吞拿魚、鯛魚，刺身肉質新鮮肥美，甘香可口。熱湯：節瓜章魚蜜棗湯、西蘭花忌廉湯，中式老火湯最好味，有家的感覺。海鮮：凍蝦、翡翠螺、青口，其中的翡翠螺最爽口而且又鮮味。甜品：喳咋糖水、砵仔糕、椰汁大菜糕、明月冰卷、提拉米蘇慕絲、士多啤梨慕絲蛋糕、芒果布甸。中西日式甜品共冶一爐，總有一款合你胃口。飲品：咖啡、橙汁、冰紅茶......飲品可以無限添飲，夠快意。終於完成一頓極豐富的晚餐，需要捧著一個大肚子回家。這裏無論是環境、食物、服務，都是星

今晚和太太在葵興工廠區辦完事，發現旁邊這家悦品酒店的The Platter有半自助晚餐，於是就來試試水準。餐廳面積大，位置空間感足夠，裝潢環境有品味，座位亦十分寬敞，人流不太多，正好可以舒舒服服地傾計。餐廳晚市提供半自助晚餐，自選一項主菜，價錢已包括自助海鮮及沙律吧。自助吧有餐包、沙律、刺身、海鮮及甜品餐飲，性價比高。凍盤先試試凍盤及沙律，自助沙律吧的選擇頗多，有不同款式的沙律菜及調製凍盤，特別有粉紅色的紅菜頭沙律，十分開胃。凍海鮮/刺身自助吧有提供凍海鮮及刺身，凍海鮮有凍蝦、翡翠螺及青口，三樣海鮮以這個價錢來說絕對抵食，而刺身有三文魚、吞拿魚及鯛魚，三文魚表現不錯，可以encore。餐湯餐湯有中湯南北杏蘋果豬骨湯，以及西湯意式雜菜湯，兩者均十分足料，絕無味精。燒美國西冷牛扒配焗新薯及時蔬美國西冷牛扒大大件，份量十足，點了medium，生熟程度剛好，入口肉汁豐腴，肉味濃厚，配上特製醬汁，同相美味。香煎鰽魚柳配香茅忌廉汁伴時蔬香煎鰽魚柳肉質厚實，口感滑膩柔美，火喉拿捏精準，剛好熟透而又不會過乾，而配上特製的香茅忌廉汁，一入口味道豐富，叫人胃口一醒，十分滋味。甜品/雪糕/生果最後有多款甜品

團購網 買咗套票，諗住呢間酒店第2個星期轉lunch 全buffet,之前係semi buffet。 竟然貨不對板，食物質素差到爆，菜心、蝦片、麥樂雞都可以有，凍盤蝦及吞拿魚又唔新鮮，texture 奇怪。團購網 mention 既食物，有1成有都偷笑， 完全違反商品說明條例 ，貨不對版， 好離譜， 千祈唔好去

朋友介紹話佢公司附近酒店餐廳有半自助晚餐好抵食，上星期就同朋友去試吓。魚生和海鲜好新鲜，各有3款選擇，沙律款式都多，味道很不錯每種拎少少巳有一大碟，餐湯有中式西式選擇。餐廳環境舒適同朋友邊吃邊傾好爽呀！還有果汁、咖啡、茶都是任飲的。#燒牛柳伴烤大蝦配燒南瓜蔬菜七乘熟牛柳燒得剛剛好，有燒烤香味肉質嫩口，大蝦肉質爽口，配埋醬汁食好正。#焗脆皮豬手配蜜糖芥末汁伴薯蓉蔬菜豬手外皮香脆肉嫩，沾蜜糖芥未汁食感覺好開胃。甜品種類好多，西式蛋糕、中式桂花糕、什果涼粉、啫喱、红豆沙、香滑豆腐花，仲有雪糕和pancake，最後食埋生果非常滿足的一餐。

同事介紹了一間性價比非常高的半自助餐，最平只需要228 便有一個主菜加上許多冷盤、前菜、刺身、沙律、甜品等任食，確實超值。一開頭當然先沖一輪業績，凍蝦非常新鮮，口感紮實，蝦頭蝦膏穩藏量豐富，屬全晚之最。攻完一輪海鮮之後便開始吃沙律等冷盤，蕃茄沙律以洋蔥加上意大利黑醋，非常開胃，比較特別的有紅菜頭沙律，和 cold cut 同吃很配，吃自助餐便是有這一個好處，我第二碟沙律可以將蕃茄黑醋沙律跟凱撒沙律來個 mix and match，毫無違和感。之後便到一輪魚生刺身，刺身質素不俗，屬於凍海鮮以外的回本之選。這裏的老火湯也相當足料，我前後足足喝了三碗。酥皮焗挪威三文魚柳配時蔬，酥皮焗得非常香脆，牛油的香氣令人陶醉，酥皮靈頓牛柳吃得多，這裏以三文魚入饌，同樣出色。燒美國西冷牛扒配薯角及時蔬，美國西冷散發着應有的牛味，肉汁香濃，配角薯角也相當不俗，炸得脆身，薯味豐富。吃完飯最過癮是和阿仔玩這個班戟機，由唧班戟漿到完成全自動化，新鮮剛剛造起的班戟，蛋味特別強勁，記得倒完糖漿及拿完牛油後盡快回到座位享用，熱辣辣更好味。

今日同老友係葵興網店收貨🤭隔離附近有間酒店食半自助餐，2人有66折，又幾吸引，門口位有38、42C巴士到，地鐵行就數分鐘。👍🏻環境不錯，地方坐位好大。舒服自選晚餐有4款，點了西冷牛扒焗新薯時蔬😍西冷扒煎得好簡香，肉質軟腍有牛味 配上薯香脆薯仔同蔬菜，不錯香煎鰽魚柳配香茅忌廉汁時菜-鰽魚皮脆香口，魚肉帶滑又鮮香，皮同肉瑋起吃更美味，忌廉汁同香茅2者互相中和，沾小小同鰽魚食係鮮味加香味，再有層次味道👍🏻半自助餐餐湯2款-胡椒豬肚湯非常欣賞，湯底十分濃，香噴噴胡椒香味，豬肚咬口爽，飲了一啖胡椒辣味沖上頭上，😍正呀喂冷盤-三文魚，吞拿魚新鮮，沙律都多選擇。紫薯蘋果沙律幾特別，香紫薯好甜再帶蘋果酸甜味好配合。仲有自選沙律，甜品及雪糕。自制班戟，60秒就新製作，焦糖布丁香滑，面上燒上糖霜，好味自選飲品-橙汁，凍茶及多款咖啡。完美半自助餐🥰

上星期到葵涌大連排整車，之後就約咗朋友到位於葵涌嘅【悅品酒店】餐廳《The Platter》食個dinner。估唔到葵涌屬於工業區，都會有酒店。原來地點都算方便，葵興站得過去，沿著大連排道行過去，係Mazda汽車維修隔離，大約得5，6分鐘就到。餐廳位於LG樓層，呢排做緊半自助餐優惠，2／4／6人同行有7折。而每個set都係二、三百元，真係非常之抵呢。半自助晚餐有4種款式選擇，除了有主菜外，仲有海鮮前菜、刺身、餐湯、沙律吧、同自助甜品。先講下海鮮前菜，款式有海蝦、青口同翡翠螺，意想不到，品質相當新鮮。尤其係蝦，肉質爽脆彈牙，容易去殼，而且味道鮮甜，蝦頭仲有蝦膏，一食就知好新鮮。另外嘅藍青口，同樣新鮮，點少少cocktail sauce，味道更突出。至於刺身，係自助形式，當晚有三文魚，吞拿魚，章紅魚，  比預期中驚喜。係食之前飲碗老火熱湯， 今次呢一款係章魚花生湯，味道濃郁，夠晒火喉， 忍唔住要再添飲。講下呢度嘅主菜， 呢一個《法式煎油封鴨髀 配時菜》， 油封鴨肶嘅份量足足有兩隻， 香煎外皮金香，鴨肉剛剛熟， 講求大廚烹調嘅時間，而且鴨騷味十足。第二個係《意色沙樂美腸脆薄餅》， 平常外賣一