The Place

當天（星期六）享受了豐富的自助午餐，職員友善，還教我們如何享用八折優惠。最令人驚喜的，是當天的生蠔很新鮮，入口好creamy, 令人回味無窮，又無需排隊，食物經常添加，甜品款式又多又靚，味道一流，不會太甜，侍應招呼又好，真是物有所值，抵讚。

前幾日放工之後好想食宵夜自助餐，就同男朋友去咗旺角康德思酒店嘅宵夜自助餐，佢嘅賣點係可以係咁食蠔，我就興致勃勃咁樣去啦！點知食到肚痾🤦🏻‍♀️🤦🏻‍♀️所以真係唔好推介大家去呢間度食🤦🏻‍♀️🤦🏻‍♀️🤦🏻‍♀️可能係宵夜同埋任食蠔嘅關係，佢係一早開定晒一大堆蠔，用冰浸住，然後用水沖一沖就擺上黎俾我哋夾，可能擺得太耐，真係唔新鮮，試過放拎咗一隻埋去位嗰度打咗一陣機先至食，發現隻蠔臭左🤦🏻‍♀️🤔🤔除咗蠔之外全場嘅嘢食剩係得魚生係正常🤦🏻‍♀️🤦🏻‍♀️我從來未食過一間自助餐係可以連拉麵都咁難食🤦🏻‍♀️啲湯我懷疑係攞嚟六個面然後放幾滴豉油落去就算嘅湯😡啲面好明顯就係平時喺百佳惠康買嗰啲拉麵落嚟食😡😡其他熟食真係唔想講，完全搞唔掂，就連甜品選擇剩係得movenpick 雪糕係可以食得落肚，其他蛋糕真係好難食🤦🏻‍♀️連平時最鍾意瘋狂食甜品嘅我都唔想掂🤦🏻‍♀️🤦🏻‍♀️買單都要$250一個人😡😡所以我覺得絕對唔扺食😭😡

以牛肉做主題大部份熱盤，以牛肉為主巴東牛肉肉質似牛腩(醬汁酸酸地+小小辣)韓式牛仔骨(好香口)红酒燴牛仔扒牛仔扒…………醬汁惹味威靈頓牛肉(外面有層酥皮，包住牛肉)酥皮香口(唔夠脆身)，內裡牛肉充滿肉汁牛肉壽司熟牛肉(鮮嫩)水煮牛肉全窩紅色湯汁(好辣……但食慣辣的家人，話可以再辣d)牛肉餃子外皮(皮薄，煎得香口)滿滿牛肉餡咖喱雜菜(不算太辣青口、蜆、凍蝦(清甜)龍蝦仔(肉質爽口)龍蝦鉗(好厚肉)生蠔(好creamy)另有魚刺身，冷麵，沙律，麵包，芝士甜品區煎堆、紫薯撻，芒果奶凍，馬卡龍，牛奶忌廉卷朱古力噴泉、红豆沙……焙茶奶凍(好香茶味，奶凍好幼滑)焦糖牛奶朱古力蛋糕(好重朱古力味)雲呢拿牛奶柚子蛋糕(柚子味特出)香梨杏仁蛋糕(蛋糕鬆軟)朱古力慕絲脆餅(好香朱古力味，脆餅口感不錯)香橙咖啡牛奶朱古力蛋糕(好香咖啡+橙味)芝士(有三款芝士)味道香濃印度脆筒餅(口感硬左少少，配上乳酪汁Ok)蒸魚(鲜甜)冷麵配薄牛肉片(紅色泠麵汁，好清甜，有陣陣香味)蒸籠位有燒賣,牛肉，中式蒸牛肉包匈牙利牛肉湯好濃茄膏味，淡牛肉味推介~海底椰雞湯好香海底椰味，雞湯味濃的老火湯每人跟餐飲一杯(大大杯凍檸茶)驚

新年新開始，同理同事食個lunch buffet當開年飯，飯完開工順利！ 同學睇中左The Plate，話lunch buffet有8折 & 今期主題係牛迷世界，完全係同事喜歡食物。The Place面積好大，座位寬敞舒適，仲有室外座位，但天寒地凍都唔敢坐崗去。食物選擇都幾多：熟食區-牛煮牛肉 小籠包 牛肉球 蒸魚 炒菜蔬。魚生區- 多款刺身即叫即切，冷麵三款，壽司。沙律/冷盤bar - 日韓式冷盤、自製沙律亦有提供。湯有蟲草雞湯，食左三大碗，不含味精！

又係一年一度生日飯既時候，有人提議黎呢間酒店食午餐自助餐，自稱食過兩次，讚有新鮮肥美既蠔食。上網見仲有8折優惠，只要係Openrice show一show個coupon，唔洗印出黎，超方便。戰鬥力強既我當然會奉陪地底。聽老人家話，先黎飲碗湯暖胃，熱身下。甜品區位於近門口位置，我見咁吸引，特別係牛乳瑞士卷，所以一黎就每樣拎左d黎食。牛乳瑞士卷認真好味，無論係外層既蛋糕，定底層既忌廉，都牛乳味香濃，而且卷得夠實，一試難忘。macaroon最怕夠甜，呢度甜度恰好，唔會太乾，有水準。咖啡蛋糕造型精緻，面層做琲好似舖滿咖啡豆咁焦糖布丁d布丁甜左d，但外層既焦糖燒得岩岩好，一羹落好，隱約聽見清脆既既聲音。熟食種類不少，cold cut，有點心、壽司刺身、印度薄餅、西冷扒、湯麵等……中準中上，但個人較欣賞甜品。蠔有兩種，中型size，專人即開即洗，鮮甜肥美，前後KO左10隻。魚生正常，食一次夠。長腳蟹值得再食，但其他略厭新鮮度不足。雪糕係Mövenpick，好味。無論食物質素同種類都合乎3百幾蚊價位既期望，可惜有部分食物限量供應，例如雪糕cone、蝦餃、長腳蟹……食到完結前1個鐘已出現呢個情況，感

大年初一，全家一共七個人一起來吃自助餐。食物的種類不算很多，最愛喝佛跳牆燉湯，喝了兩碗。芝士龍蝦🦞也頗新鮮。刺身的選擇不算很多，只有五款，我只叫了三文魚，頗新鮮。長腳蟹腳味道略顯有點淡，沒什麼海水味。熟食總類不多，而且味道一般。而今晚的主題——和牛竟然味道非常普通，反而預先煮好嘅紅酒燜牛肉味道好一些。最愛這裡的甜品，選擇很多，每一款味道都不錯，最愛的是北海道牛乳蛋糕，樣子可愛，味道不錯。食物質素一般，所以略嫌這價錢有點偏貴。

見到有8折劵所以就用，點知去到埋單時話一定要信用卡先可以用，我見到佢7折先有例明信用卡付款，而8折劵無例明，所以我咪唔用7折用8折囉，入坐時都問緊用唔用得，點知埋單時一定要信用卡付款先有折！擺明搵笨，你估人人都鍾意用信用卡嘅咩！自助晚餐個牛主題又唔係特別好食，樣樣野都係有啲胡椒味，小朋友無乜野可以簡嚟食，長腳蟹咸得好緊要，整體食物嘅選擇亦唔多，收個咁嘅價錢真係好唔抵，比多百幾蚊食自助山好過，最差係啲職員無禮貌！以後一定唔會再嚟！

由年初一拜到年初四，今日終於可以出去食大餐，首先要多謝老公仔請我食 buffet ！今次我地去旺角食 buffet ，由於今日系星期五，價錢較貴，不過環境都5錯，服務員執碟都好快手！食物種類相對較少，今次以牛作主題，燒和牛的確幾好食，另外海鮮都有好多，生蠔比我之前食既肥美，但蟹腳就好少，可能5當造~其他熟食都好多，魚生主要系三文魚，亦無鵝肝😭甜品都有好多款，個人幾喜歡馬卡龍，5算太甜，其中一個似系冧酒味，亦有幾款蛋糕以新年為主題，其他既不過不失

因為係食宵夜buffet 所以都冇乜期待。但係真係估佢唔到可以咁少野食。好彩本人對生蠔都係喜愛。如果唔係今日真係無野好食。食到無野好食。粥都比我食埋。如果你係唔中意食生蠔既話，我唔建意食佢個宵夜。如果你係熱愛生蠔既話。就可以考慮黎食佢。雖然生蠔係最多人排隊。但佢全個時段都keep住有生蠔，唔會話食食下就冇再refill。因為我地同行有個小朋友。佢就食完番屋企要再食杯面。所以唔建意小朋友。同唔喜愛生蠔既朋友黎食佢個宵夜。有機會試佢個晚餐既話我會再打多篇～

之前見到IG Cordis 做緊宵夜buffet promotion,今個月嘅主題係蠔，所以我即刻約埋一眾愛蠔嘅朋友一齊去食宵夜buffet！一去到就見到生蠔嘅部分，嚟自紐西蘭嘅生蠔隻隻都好甜好肥美🤤令人忍唔住食完一隻又一隻！除咗生蠔之外，講得係用蠔做主題，當然仲有其他蠔嘅菜式！有蠔餅、蠔仔粥，蠔嘅小丸子仲有用蠔來做嘅Pizza，真係創意十足！蠔餅脆卜卜，不過當然冇傳統打冷咁好食蠔仔粥亦有少少失望。其他嘅食物包括壽司、刺身、沙律吧、中式粉面等等，甜品亦十分多選擇個人十分推介半熟芝士撻

地點在朗豪坊food court那層，通過天橋行過去對面就是，都幾方便。用餐大約時6:30至9:30。時間都充裕，不用吃得太急，有時間休息一下再戰。以牛為主題，大部分的食物也是用牛來烹調，愛牛者是不錯。另外也有海鮮、刺身、麵食和甜品，種類都ok。可是個人覺得不算太精，以這價錢來說，cp值一般。Beef Festival 取食物的通道不算大，但人流不算很多，所以只在最初拿生蠔時要排一會，之後拿食物也不用排。兩種生蠔也是即開的，有兩位員工不斷開，到接近完場也不斷開生蠔排滿冰盤。但味道在任食來說可以接受，不過不夠creamy 和melon ，海水味也不夠。其他海鮮冷盤，長腳蟹味道不錯，但很多也較瘦小。芝士焗龍蝦味道不錯，可是我們同枱4人有2人也吃到有少少沙。 五款刺身，中規中矩。和牛壽司🍣因為有火炙，很香口，值得一試！即燒和牛很欣賞這個😋拿了好幾次。雖然其中有次的肉質很老，其他幾次都很好味。其他食品，中規中矩但中式燉湯要試！甜點中，有一個焙茶奶凍很不錯！最吸引的當然是movenpick 雪糕。8款口味任食。每個球也很少，可以放心點多幾款😋

家陣酒店自助餐主題，愈來愈多元化。各國／地區菜色為主打又有，矜貴食材作招徠的亦屢見不鮮。然而，作為一個食肉獸，最開心莫過於是牛肉做主題，簡簡單單，無須花巧。 所以，當知道The Place今期主角係牛牛之時，想也不想便應約。 開波第一輪，食左凍海鮮先。凍蝦、蜆、小龍蝦一應俱全。最受大眾歡迎的生蠔有兩款，分別是紐西蘭與愛爾蘭佳麗，我較欣賞後者，大概是更合時宜。 這裡的湯品向來是好東西，切合主題的有濃郁之牛尾湯，中式的是南棗紅棗燉豬展，兩者皆具水準，湯怪朋友請留意。 講番主角既牛，燒和牛，著師傅不用燒太熟，入口軟熟，脂香四溢，每人每次限取兩片，要排四、五轉才得以滿足。 走到刺身櫃跟前，但目標不是壽司與刺身，反而是烤牛肉手卷。味道都可以，若紫菜能脆口一點，自會更理想。 當然唔會走漏燒牛肉，肉眼扒瘦中帶點肥，入口鬆化，火候控制到家。結合約克郡布丁一起，好有英倫風味。 為貫徹主題，粉麵檔也做出台灣牛肉麵來。拿了一碗回來大家分甘同味，牛肉真是半筋半肉，甚有台灣風情，只是麵條仍是生麵底，去得未夠盡。 不管做什麼主題，The Place的甜品素來是美輪美奐，令人口水流，是晚當然唔會例外，如紫薯撻、香橙

早排老細請食Buffet，我們近近地揾左旺角朗豪坊旁的酒店食。岩岩由聖誕轉左做牛Theme，岩曬牛魔王的我們。一入到去當然去揾生蠔先啦！酒店提供兩款生蠔：紐西蘭及愛爾蘭。紐西蘭係冰上夾就可以，個個肉身較厚；但我個人比較即叫即開的愛爾蘭蠔，其肉質較爽脆，但肉就較薄身。如果蠔唔夠滿足你，你都可以揀其他凍海鮮。除了有蟹、貝殼類及蝦外，更有小龍蝦。我自己就無食了(因為我留左胃食了20隻生蠔)⋯⋯食完生蠔，當然就去揾刺身啦！餐廳有5款刺身，食落都OK。今次的主題係牛，壽司都加入火炙牛肉壽司，加了芥辣沙律醬，食落幾香。今次自助餐其中一個Highlight Point，一定係呢個即燒和牛件！雖然無講係咩產地的和牛，不過食落都OK的⋯ 口感係較有口感，而唔係充滿油花個種。酒店有多款罕有的鹽及芥辣可以作這調味。當然唔少得Buffet必食的Roast Beef啦⋯ 今次用了美國的頂級肉眼扒，食落唔算太肥，但肉唔算超嫩滑個種。但佢有我好耐無食的Yorkshire Pudding，加埋個Gravy Source，英國的味道即將返返黎！另外，車打芝士焗龍蝦都係回本之選⋯ 肉都算幾多，但有少許乾，不過個芝士汁又幾

其實The place 都算幾方便旺角港鐵出左經朗豪坊平台行過去就係仲要今期做緊牛既主題(牛呀~~~~肉呀~~~~正呀~~~~)有好多種唔同煮法既牛呀重有和牛呀個人習慣都係食左冷盤/凍野先今次一開始試左個烤牛肉手卷先除左燒牛肉係手卷入面會有陣陣牛味最正係手卷入面配埋D 香蔥一咬落去，陣陣蔥香配埋個烤牛入口感覺幾柔順另外，再食左少少魚生水準依然保持到，nice食完手卷再食少少軍艦有火炙牛軍艦加上少少蔥花之後再食左件希靈魚軍艦食完再開始食生蠔 -愛爾蘭生蠔同紐西蘭生蠔愛爾蘭生蠔比較偏向海水味紐西蘭生蠔就正呀 <3肥得黎creamy最後食左六隻 XD食完呢D 先開始食熱食意外地竟然會有水煮牛@@入口唔算好辣，又幾香當然唔少得仲有金菇肥牛卷另外，韓式牛仔骨都好惹味隔離個荷蘭汁焗三文魚汁入面有少少檸檬香三文魚又焗到熟得黎有少少嫩成晚最吸引都係個美國頂級肉眼扒配約克郡布丁同埋爐端燒和牛約克郡布丁本身已經比較鬆軟可以就咁食 XD但再配埋牛一齊食又更加香至於和牛係師傳即叫即燒用火燒完兩邊之後就咁食入口感受和牛最原始既風味食完牛，當然要向甜品出發啦甜品呢到又係好多選擇有焙茶奶凍、藍莓乳酪芝士蛋糕

2018 年環球也出現逆轉的狀況，寄望新的一年，扭轉逆勢，股市牛氣冲天、經濟轉危為機、市道暢旺、人人居者有其屋、身體健康、平安大吉、生活安定！ Moo～Moo～ 2019 雖是豬年，不過趁年初之始，先來沾沾滿是牛氣的「牛迷世界」自助晚餐，帶來一個好開始！踏入「The Place」，即看到黑白分明的可愛乳牛裝飾，我也希望香港人能有明辨事非、好壞的宗旨！ 食自助餐又可以參加跟牛牛拍照上載 Instagram 的遊戲，逢星期一會公佈最佳作品，得奬者可獲贈 「The Place」二人自助餐券一張，不過記得要關注 Instagram＠CordisHK，及加上 ＃CordisHK ＃ThePlaceHK 的標籤。 好了，事不宜遲，快快捉緊牛氣旺一旺！ 炙燒生牛肉壽司配芥末蛋黃醬 炙燒西冷牛肉蕎麥麵 一段時間沒見的 「The Place」，增設了另一個壽司區，除一般口味外，當晚也有滿滿牛氣的炙燒生牛肉壽司配芥末蛋黃醬和炙燒西冷牛肉蕎麥麵！ 即包即做的日本手卷是我每到「The Place」的必吃，除了加洲手卷、吞拿魚手卷、蟹籽和三文魚手卷等，「牛迷世界」主題下是精彩的烤牛肉手卷！ 五香牛蹍及牛肚 水