The Joomak (已結業)

同朋友去開海港城行街，見到依間餐廳主打炸雞同埋韓式嘢食，而我哋又好耐冇食過韓國嘢所以就揀咗依間餐廳。入到去發現原來餐廳係望住一個好靚嘅維港海景，而且餐廳都幾多人食下，如果再晏d嘅話就要等位。餐廳主打一隻叫做混醬炸雞嘅食物，原來就係比6款唔同嘅醬汁我哋配炸雞黎食。醬汁味道都幾特別，分別有士多啤梨醬、花生醬、有柚子醬、辣醬、仲有擔擔麵醬。然後仲可以加上配料，分別有花生碎、蒜蓉粒、香蔥同埋其他特別嘅配料。我都係第一次食炸雞會有咁多唔同款嘅長同埋配料加埋一齊嚟食，感覺上就好似食咗好多款味道嘅炸雞一樣。而且炸雞嘅份量好大份，每一件都好滑同埋好好食，食完個炸雞其實已經覺得有少少飽。跟住之後見到有一個牛肉拌飯好似幾特別所以就叫左黎試，味道都非常之好同埋佢嘅材料好多食落去好滿足跟住見到餐廳仲有一個卡邦尼年糕，就諗住試吓佢嘅味道，發現卡邦尼年糕都幾好食最後就叫左一個紅菜頭泡菜煎餅加芝士，雖然佢嘅賣相一般，但係估唔到食落口非常之好味同埋特別，雖然我之前都有食過其他泡菜煎餅，但係加埋芝士同埋紅菜頭嘅味道就真係第一次試，覺得味道好特別同埋好香口食落去覺得好好食。餐廳嘅位置亦都非常之好我哋一路望住海一路食住炸雞

有朋友從廣州來港探我們，她們想購物，就只逗留一天，海港城自是不二之選。想和她們吃餐好，但又不想太破費，我們選了The Joomak，有著無敵維港景，還有美味的韓國菜，大家談談近況，吃得開懷。 Draft Makgeolli $148 我是韓國米酒的super fans！這天高興，一定要來一瓶原味馬格利酒，分量大得驚人，甜美又易入口，不醉無歸！ 健康藜麥沙律 $128 很喜歡這個沙律，因為材料都是「賣飛佛」，菠菜苗、火箭菜、羽衣甘藍、芒果、牛油果，不但有益，而且芒果夠甜，牛油果夠熟，很好吃！ 韓牛沙律 $178 沙律以整棵羅馬生菜墊底，上面鋪上了芝士和韓牛，澆了酸酸甜甜的沙律汁，青菜爽口，牛肉清新，很適合女孩子。 素紫菜伴飯 $68 這飯好簡單，就只是白米飯、調味紫菜、醃蘿蔔蓉，餐廳提供了手套，大家可以將材料混合搓球，材料雖簡單，但紫菜和米飯實在太夾，十分美味。 韓國水梨卷 $98 水梨爽口而清甜，感覺十分清新，裡面還加入了日本醃蘿蔔、青瓜、紅蘿蔔等，全部都是爽口的蔬菜，好吃。 混醬炸雞 $188 好大的一碟，雞件每塊都很大，皮脆肉嫰，「混醬」口味，餐廳會送來一盆六

本身有其他朋友話宜間舖啲食物貴又算好食。但我地今次黎，啲食物好味，又新奇，但服務態度太差啦，拎一杯水要4⃣️次，服務員不斷用唔同嘅理由推搪，最後仲要黑面，唔太推薦大家黎

之前睇到網上面話Joomak係一個素食既韓式餐廳，覺得好健康又有創意，一於叫埋fd一齊黎試下。本身仲諗緊唔係素食者既我地會唔會食完覺得好dry呢？原來佢都有肉食架！首先我地嗌咗佢地最新既混醬炸雞，嘩真係好得意好多種創意醬！未點醬之前試咗炸雞，佢係連皮炸，好香脆一啲油膩感都無！原來仲要無骨既，岩晒我呢啲懶人。醬汁方面，我最鍾意就係柚子醬，好香甜清新，菠蘿椰香醬都好正，有菠蘿味好得意。士多啤梨韓式辣醬味道甜甜地又帶啲辣，食唔停！牛肉炒粉絲又係我大愛，粉絲炒得超入味，條條都索晒牛肉汁，正啊！羽衣甘藍煎餅好健康，食落又煎餅既香口味，菜夾係中間，唔會好滯！水梨卷係我地唯一素食，味道清清地夠飽肚！

I’ve been here before for my own birthday celebration, but I remember the food last time didn’t really live up to my expectations lol Tonight I’m here again for their ‘all-you-can-eat fried chicken’ promotion and fortunately they didn’t let me down for the second time.The fried chicken was super crispy on the outside and very tender on the inside. The meat was very juicy too! Also we get to choose the sauce we want so I basically tried all of them. I like the yuzu one best.Love this drink as muc

碌Ig睇到人地有The Joomak逢星期三就搞「$148炸雞放題」，就膽粗粗黎試下啦！黎到見到好多枱都食緊炸雞，原來$148 per head仲包野飲，真係幾抵食！先黎一人一大盤炸雞，真心有成十件，仲要唔細size，見到有啲surprised! 味道方面，雖然係放題但質素唔會求求其其。相反，件件都係炸到塊皮勁香脆，咬落去嘅聲好清脆😍 雞肉都算幾滑，咬落好多肉汁必出黎👍🏻 醬汁就係自己混，我最中意蜜糖同柚子。不過食炸雞真係幾口乾，我地再另叫兩杯野食。我friend杯人參蜜糖雪沙好香人參味，飲落唔會太甜，好治口乾👍🏻 我就叫杯sparkling wine，美中不足係冇得坐海景位，否則就可以影張海景碰杯相🥂🌉😂另外想補充少少，我去呢晚都好爆場，但侍應們嘅態度都keep到好好，特別係其中一個年輕男侍應，服務快，講野好好笑🤣

放咗工同朋友去The joomak食晚飯！兩個人叫咗四樣食物，食到飽到唔郁得😂韓式牛肉炒粉絲呢嗰粉絲好好食，味道屬於偏鹹少少，但係好香好入味！食唔停口！混醬炸雞有六種醬汁炸雞皮有點厚，但香脆嘅！隻雞好juicy，一啲都唔柴！再加上佢地嘅醬酸酸甜甜，點雞食幾開胃。水晶梨kimbap 將本來喺kimbap嘅肉改成水晶梨，食落係清新，米飯嘅軟熟同蔬果嘅脆爽令到口感變得特別，不過味道嚟講真係無咩味。羽衣甘藍pancake自己另加泡菜一入口就食到羽衣甘藍嘅味到，但唔係好食到泡菜咩。pancake煎得幾好，唔太油唔太乾！我覺得加咗佢地整得酸酸地嘅蔬菜汁好食啲！

今日男朋友話book左位同我食飯，於是我地就黎左尖沙咀嘅The Joomak。我地係坐窗口位，望到海景，個view真係唔錯~staff好有禮貌，值得一讚！我地叫左健康藜麥沙律（$128）酸酸甜甜都幾開胃。混醬炸雞（$188）有六種醬汁可以沾黎食，男朋友鐘意擔擔醬，而我就特別鍾情於士多啤梨韓式辣醬。炸雞熱辣辣配上唔同口味嘅醬汁，正呀！泡菜煎餅（$88）泡菜味濃，個邊位脆脆地，煎得啱啱好！韓式辣牛肉炒粉絲（$108）辣牛肉好惹味，粉絲份量都幾多，夠兩個人食~水果柚子茶（二人用$128）柚子茶夠曬清香同fresh，解渴一流！呢到食物、環境同服務都好好，推薦情侶黎撐枱腳浪漫下！

初時朋友提議到韓國餐廳食韓國菜，我第一樣想起的事食炸雞，或泡菜。今次去到這間餐廳，這間餐廳的裝修很有文青的風格，我着輕鬆的韓國流行歌，感覺輕鬆。翻開餐牌，發覺每款菜式或飲品都有不同的選擇和驚喜。我們選擇了韓烤牛肉冷麵（$108）混醬炸雞（$188）吞拿魚卷（$98）羽衣甘藍煎餅（$88）芝士五重拼盤（$268）韓烤牛肉冷麵算是本店最特色的食物，上枱時因為乾冰讓冷麵四周輕飄着充滿仙氣的白煙。品嚐冷麵是，需要配上麻香豬骨汁，味道新鮮特別，值得一試。混醬炸雞配合四種不同的醬料，每件炸雞都很大隻，炸粉很厚。羽衣甘藍煎餅這素食味道比較淡但很健康。芝士五重拼盤各有不同類別的炸物，有炸菇，炸年糕，炸雞，炸翠玉瓜等，這些炸物配上麵包入面的芝士溶，味道不錯。

待應安排咗一個望到海景既位置。再加埋店鋪既裝飾，完全可以打卡呃like一面無際既海景襯托下環境氣氛都令到成餐飯好好多。因爲本身係一個好中意飲湯既人，叫咗一個人參雞湯，佢係可以再叫其他配料做火鍋架！而且飲晒啲湯仲可以加湯，加既唔係滾水而係湯。呢個炒年糕認真唔錯，汁好入味年糕都做到好軟，唔會好硬。芝香雞，用黑芝麻醬加上炸雞，好香口，份量夠食素菜拌飯，呢個飯好夠份量，一班人食飯唔想唔夠飽一定要叫飯魚糕湯不過不失，清清地，湯底都可以飲，入面除咗魚糕仲有蔬菜同冬菇最後要介紹既係松子仁吞拿魚壽司，本身唔食松子仁，搞到成個碟都係。仲有泡菜煎餅，好薄身既煎餅，但唔會成口油

同女朋友行海港城 行到lcx肚餓就入左黎呢間韓國野醫肚6點幾黎到無乜人 環境唔錯 幾有氣氛叫左個混醬炸雞 同牛肉飯佢有6個醬 兩個辣 四個唔辣 但辣果兩個醬其實都唔太辣 雞黎有10舊左右 舊舊都幾大舊 啖啖肉 好juicy 點醬黎食 好正牛肉飯勁足料 勁大碗 食完勁飽 兩個人都夠食仲要望海 爽死

👫呢排勁鍾意食炸雞，今次嚟到尖沙咀呢間食韓國嘢🤤 菜式多選擇又有靚景睇，仲播住我最愛嘅K pop歌曲😝一一一一一一一一一一一一一一#混醬炸雞 <$188>Total有六個醬：·青檸蜜糖醬·柚子醬·菠蘿椰香醬·擔擔醬·士多啤梨韓式辣醬·黑糖梅子醬雞大約有十塊，全部都無骨啖啖肉💕無咩特別調味嘅炸雞，嚿嚿都炸到金黃色，肉嫩多汁👍🏻用醬汁嚟調味，可以一次過食曬六隻味🤪個人而言最鍾意柚子醬，酸酸甜甜又中和咗炸雞嘅油膩😯擔擔醬同士多啤梨韓式辣醬係辣醬，食落比較惹味香口😚其他醬就一般般，但個feel有啲似食緊麥樂雞😂.#韓式燒牛肉拌飯 <$98>·配辣醬大大兜嘅飯，夠曬兩個人食👍🏻有羽衣甘藍、紅蘿蔔、青瓜、雞蛋、牛肉等配料😍雖然配料簡單，但撈埋啲辣醬又幾好味😆.#韓仙人掌果酒 <$158/2人用>有乾冰效果，出嚟個效果好靚😆杯面會痴住青蘋果同士多啤梨味嘅爆炸糖，好特別👀飲落無咩酒味，好似飲緊果汁咁，酸酸甜甜又解膩👍🏻一一一一一一一一一一一一一一👾驚喜指數：❗️❗️❗️❗️🔙翻撻指數：❗️❗️❗️（5個❗最高）一一一一一一一一一一一一一一💑提提你：▪10% Servi

星期一下午，閒閒聊聊搵野食。已經過左lunch又未到晚飯既時間，4點幾5點。行過見到有下午茶，就諗住試試。有幾樣野，想同店主講。1. 由於當時係「落場」時間，有員工休息。這完全不是問題。但，係咪應該分區呢？咁大間鋪，點解要休息既員工同客人坐埋附近？2.店面走暗黑既燈光，對於未天黑搵食既客人，唔太合適。既然位於harbour city,又有塊大玻璃對海，點解寧願空置都唔安排客人坐？3.客員很奇怪咁戴住藍色膠手套工作。不論係制作飲品食物，或是處理收貨，整理鋪面，收錢，都戴住藍色手套？其實我真心覺得奇怪，亦覺得佢對手套唔乾淨！4. 要俾個like男經理（我估係）。落場時段得佢一個不斷工作，仲要帶住個淨係識呆企既新同事。我話冷氣太大都貼心幫我關細左。講真，佢係唯一一個攞分位！5.野食不得了咁差。沙律完全係一盤菜加幾滴芝麻油。素芝士年糕完全無香味食落亦無味。唯一好既係杯飲品，有造型亦好飲。希望店主會諗諗我所提出既諗下會唔會改善啦。

整體味道一般  我地2人進餐 點了3道菜 粉絲酸甜辣辣的 在這3道菜中最好吃 泡菜薄餅有點乾  加了芝士 可是吃不出泡菜的味道 味道一般  飯卷飯粒偏硬  是次有船舶岸 看不到夜景 店員服務態度一般

同韓國留學生去睇幻彩詠香江之前仲有成個幾鐘時間，兩個人又餓餓地所以就入去試下本來都有d期待，見OpenRice 上頗多好評，之前食過都還可以⋯⋯我地叫左一個素菜拌飯 一個紫菜三文魚拌飯，前者只有甜味後者則冇味。我地五點九入座，店員話有一個半鐘用餐時間，即係七點三先夠鐘。本來我都有睇住時間，夠鐘就走，但我地七點就畀人趕走。有大粒野（睇落似係高級店員）應該以為我都係外國人聽唔明廣東話，佢同其他店員揶諭我地「夠鐘就la la lum走把喇」（其實未夠鐘 又得四分之一座位有人）呢個大粒野太失禮了吧