The Farmhouse 咖啡廳 (裝修中)

今次Staycation book咗Hyatt Centric Victoria Harbour，主要係因為畀The Farmhouse嘅自助餐食評吸引。 早餐同埋晚餐嘅食物款式都好多，而且質素亦都唔馬虎，由原本唔係咁有大期望反而變得有點喜出望外。 夜晚自助餐分開兩個時段，而我就選擇咗五點半至七點半，雖然只得兩個鐘， 但係個肚都食唔到咁多嘢，眼闊肚窄，所以時間都夠用，而且唔想太夜食得太飽。食物基本上應有盡有，不過要重點一讚嘅係佢嘅海鮮冷盤區，有源源不絕嘅波士頓龍蝦、麵包蟹、青口等等嘅海鮮任食；另外甜品區亦都很多選擇，根本冇可能完全品嚐所有甜品，而甜品區同雪糕區嘅設計都令小朋友特別開心。今次掛住食，相就影得唔多，有機會再影多啲。

聽！聖誕鐘聲已從遠處響起，「聖誕節」彷彿是這麽遠，那麽近。大家又有否想跟另一半又或是一大班人慶祝呢？找地方的確是一個難題，不單地方要夠大，食物有水準，而且就腳。早前參加了北角Hyatt Centric的工作坊，順道品嚐了下午茶，以及聖誕節Buffet。近日酒店更聯乘朱古力品牌 KitKat，推出聖誕節版Buffet。餐廳大門口處，特設了 KitKat 專區，佈置得充滿聖誕氣氛，令人覺得就算未到聖誕節，就已經置身予聖誕Party中。最開心係餐廳一角擺放了一部 KitKat 專屬夾蛋機，每檯客人都會獲發幸運錢幣，可以一試自己運氣，點解？因為除了有朱古力外，獎品仲有酒店Staycation，當天就有客人夾中一晚住宿，真係隨時本利歸還，仲可以賺突。KitKat擺滿了以KitKat製作的甜品，聖誕曲奇、雜錦朱古力果仁糖、抹茶柚子朱古力棒、kitkat榛子朱古力杯、朱古力炸彈、KitKat朱古力蛋糕、馬卡龍、雜皮蛋糕以及 KitKat榛子焦糖燉蛋。其實不至咁簡單，另外的甜品區，依然可以搵到以KitKat朱古力炮製的甜品，當中有紅莓法式小蛋糕、聖安道蛋糕、果仁糖朱古力撻及香梨金寶，試想想，只是品嚐一

Staycation 包埋嘅lunch buffet海鮮/冷盤：蝦,青口冇雪味,煙三文魚有醃過,幾好味刺身:三文魚,吞拿魚,希靈魚,鱲魚全部都普通,冇乜味🤣 沙律: 即整🥗不過配料選擇唔多熱盤：最好食係燒牛肉, 夠軟腍咬得爛. 黑椒蜜糖雞腿幾入味,德國腸ok,叉燒好乾好「鞋」,cream pasta 普通, 娃娃菜(唯一熱既菜）冇味, 粉葛湯清甜, 仲有印度咖喱,點心,即整湯粉麵,但冇試🤣甜品大部分都係 唔 好 食😶‍🌫️最驚喜係雪糕…12隻味究竟有幾多隻係伏？朋友一致認為開心果味係最伏,抹茶少少伏, tiramisu 味一般啦… 要試特別味就揀港式奶茶啦..都似嘅.唔知雪糕係酒店自己整定訂返黎？都係食返大牌子穩陣啲,但佢又冇喎😅蛋糕就得opera 好食,其他可以唔洗試總括Staycation package 包埋嘅lunch buffet食物種類唔算多, 味道一般, 甜品味道below average🤦🏻‍♀️

最近去了一間有 Snoopy 主題的酒店 staycation，住宿套餐很豐富，有甜品 afternoon tea、自助晚餐和早餐，還有 Snoopy 贈品和生日小禮物🥰自助晚餐的食物很美味，大大隻龍蝦、蟹、凍蝦等海鮮供應充足，吞拿魚、希靈魚、三文魚等刺身也好味，還有牛扒和青醬燒春雞都很不錯😋 至於甜品方面，有非常多朱古力款式的蛋糕和macaron，吃得好滿足，而雪糕站的旋轉設施擺放著不同口味的雪糕，其中有我愛吃的 sorbet😃 最讓我窩心的，是餐廳在晚餐期間送上一個精緻的生日蛋糕給我，這裡的服務水準真是相當好啊👍🏻

香港好少有寵物友善餐廳，上網睇咗響北角維港凱悅尚萃酒店可以有狗仔嘅住宿於是決定同狗狗住一晚，由於房客可以有七折優惠所以就費事煩食埋夜晚buffet。佢哋有出面露天嘅用餐地區，可以比主人同埋狗狗一齊食buffet，晚餐buffet有龍蝦、麵包蟹、蜆、青口，亦都有羊扒同超過十款雪糕啱晒甜品控！由於當日係星期日所以$688 +1折扣之後大約要$550一位，不過因為佢哋分咗兩場我哋食第二場係8點至10點，入座時間因為太多人等位入，都等咗10分鐘，而去攞海鮮嘅地方又係太多人所以我攞到第一碟海鮮已經係8:20pm…..食得比較趕不過食物方面係ok嘅，最好可以多半小時就好啦！

重要的事放最先講，兩個字，難食！食物質素方面，都好差下，樣樣都唔好味，以酒店自助餐的價錢，比一般放題還要差的食物質素你。熱盤是凍的，最熱的食物只是暖暖地，都唔緊要，大部分的肉類，唔係無味就係硬到咬唔到，用刀切都要用啲力先切得開（可能把刀都唔利）食物款色亦唔多，絕大部份的食物都係得個樣，望落去好似唔差，但食落口就樣樣野都麻麻，刺身選擇有六款，有部分是不新鮮的。就連甜品、雪糕都係得個樣，藥水甜味居多，唔掂。總結，最多只值二三百，一般放題的水平！

🏨 Hyatt Centric Victoria Harbour Hong Kong無錯！又係呢個泳池🌊又係呢個海景😉相信大家都知邊度！而食方面呢⋯當然掛住佢地既自助餐啦😋晚餐有 #龍蝦🦞 #蟹腳 真係好鮮味😍之前講過今次吾提早餐都吾錯，有好多選擇～普通粥粉麵飯西式中式都有得俾你揀，生果好新鮮，即整既梳乎厘真心吸引🍮好想快啲再食多次！大家都可以趁依家訂佢地個自助餐套票試下🤪仲有平靚正無邊際泳池打打卡🌊

𝐵𝓇𝑒𝒶𝓀𝒻𝒶𝓈𝓉 𝒷𝓊𝒻𝒻𝑒𝓉 𝒾𝓃𝒸𝓁𝓊𝒹𝑒𝒹 𝒾𝓃 𝓉𝒽𝑒 𝓈𝓉𝒶𝓎𝒸𝒶𝓉𝒾𝑜𝓃 𝓅𝒶𝒸𝓀𝒶𝑔𝑒🍉🍇🍋🍊🥐朝早peak hour去食好彩等左一陣間就有位又好彩坐到 outdoor seating(怕🚬味同寵物的請慎重考慮🤪)首先想講嘢食原本以為得一個 areaDanish,水果, cheese platter等等原來行入啲仲有熱食‼️‼️‼️好 surprised冇諗過早餐 buffet都有咁多選擇 好豐富🤤基本上都滿足到唔同口味嘅人唯獨個人認為個粥一般🥲好稀但配料幾好👍🏻另外推介嘅係 outdoor seating個景😻撞正好天真係勁有旅行 feel去相😽

一向對自助餐都不覺不失因為自己食好少野適逢今次公司聚餐去凱悅酒店吃buffet上一次去北角海逸酒店質素非常差長腳蟹非常霉和海鮮不夠新鮮而且裝修頗舊對比一入Hyatt 大堂非常新淨乾淨座位舒適光度充足洗手間也乾淨食物方面刺身有吞拿三文魚🍣肥美新鮮熱食有燒味印度🇮🇳和泰國菜沙律有凱撒沙律和泰式沙律🥗牛扒也燒得好甜品方面雪糕有十多款像俄羅斯輪盤來自意大利🇮🇹的glt 味道清甜整體分數非常🈵️意

自助午餐原來都好多野食，凍食有蝦同青口，蝦好彈牙，都食左幾隻；刺身有三文魚、吞拿魚同希靈魚，味道都普通。仲有用熱融芝士整凱撒沙律，味道都唔錯，連少食菜嘅我都覺得幾好食。跟住嚟到熱食，中式有燒味、點心（兩款燒賣、糯米飯同奶黃包）仲有麵檔，燒烤類有燒雞翼同燒五花楠，旁邊有韓式醬同生菜比你包，呢個燒得好好食！encore左幾多！另外仲有牛肉，燒的幾靚，不過食落個邊好鞋，仲有德國腸。仲有燒春雞、芝士肉丸，芝士仲會拉絲架～印度有薄脆、3-4款既咖喱，尤其青咖喱真係好好食！食到勁飽呀！去到重頭戲甜品，本來諗住中午應該冇咁多甜品，但係錯晒！甜品區超多嘢食，雪糕好大部機，好靚，但係完全唔好食，不過欣賞佢啲細節位做得好足，有好多toppings簡，仲有兩款cones。朋友最鍾意佢個吉士泡芙，打卡一流，我就最鍾意佢個馬卡龍，甜到啱啱好，脆度都好合適。侍應收碟同服務態度都好好，要讚下👍🏻好多酒店食自助餐都係只包飲品一杯，但呢度可樂任飲，仲有檸檬茶咖啡機自己斟，不過咖啡杯長期冇貨，相信同事洗唔切，但應該入多啲貨，如果唔係就有機冇得飲。

對於有寵物的主人來說，這一間酒店絕對是值得推薦，首先寵物沒有額外收費，員工亦友善接待，論食物質素亦很有水平，不論是熱食或冷盤也令人有驚喜，熱食種類多，味道也不錯。由於午膳的地方是室外，環境較寬敞及對於小狗來說也較舒服。值得推薦！

今日諗住仔女生日，帶佢地去食buffet,有好多間想訂既時候都無位，見到北角呢間有自家製雪糕，所以就決定佢。一去到，好多人喺門口排隊，要等到成11:56先開始比人入座，搞到入到去都12:15。入到去冷盤同熱食分開兩邊，冷盤有魚生，沙律，壽司，生果同甜品，魚生只有四款選擇，三文魚，希靈魚，吞拿魚同鱲魚。沙律最值得讚，因為有師傅即製既凱撒沙律同青木瓜沙律。熱盤有咖哩，燒味，粉麵，最好味既就係即燒豬腩肉，可以包埋生菜，落韓式辣醬。水果款式唔多，只有西瓜、菠蘿同火龍果，西瓜唔係太甜，菠蘿比西瓜更甜。甜品款式選擇多同埋樣貌精緻，雪糕係自家製，個人推仲奶茶味同薑味，不過負責雪糕既職員態度一般，最後去既時候仲掛住同其他人傾偈，只顧整自己野，客人等左成幾分鐘都無理，要客人叫先整，仲要好細球。

今次個自助早餐係 Staycation package包埋嘅，瞓醒之後，九點鐘落去食早餐， 大約等10分鐘就可以入座了, 如果唔想等位， 就要早少少起身落去。 餐廳分室外和室內， 今次我坐室內， 座位都幾闊落， 餐廳嘅裝修主要係用木做， 有庭園的感覺， 唔焗促。 至於食物方面都有幾多選擇，cold cut丶 點心丶 炸物丶 沙律菜丶 炒麵 丶炒飯丶 即叫即整嘅中式麵檔丶 麵包丶甜點和生果等等。煎蛋和奄列普遍也是食客喜歡吃的早點， 酒店安排了兩個位置給客人即場點餐， 以免大排長龍， 這點是值得欣賞的。 鹹點甜點種類多， 總愛醬料選擇多， 蜜糖丶果醬丶花生醬丶朱古力醬和牛油都有齊， 可以畀你自由配搭， 感覺良好😛😊😁

今次係第二次入住呢間酒店 上一次試唔到佢個lunch buffet今次補返數 有失望亦都有驚喜 熟食區真係有啲失望 無論係羊肉雞肉定係豬肉都係比較鞋 而且款式好少 燒烤區亦都好少選擇 而且質素一般 而家我有驚喜嘅部分就係甜品部 有好多法式甜品選擇 最鍾意佢個朱古力撻意大利餅 同埋酒味嘅啫喱 而佢嘅自家製煙三文魚亦係我最鍾意食嘅嘢之一 可以話係凱悅酒店嘅代表 同埋有一樣嘢唔好就係只係得一個半鐘頭食 係食得比較 趕頭趕命 但環境就唔錯嘅可以望到海景喺個海隔離度食飯

3百幾蚊，絕對叫抵食👍 d野食好味特別欣賞凱撒沙律，醬汁好平均咁分配到每條沙律菜上。另外服務都好好，waiter 好快就會收左食完既碟，環境方面即都係坐得舒服，吾會覺得迫。