The Cool Cousins Cafe & Noodle Bar

营业中

休息中

觀塘嘅駱駝漆大廈有好多餐廳，基本上全部都係細細間嘅小店，一間大集團嘅連鎖店都冇，正因為咁，先至發現有好多特色嘅小店其實好好食。今日經過呢間食漢堡嘅餐廳，上網見到評價都幾好，就試吓啦！➡️ 72小時安格斯牛小排漢堡套餐($108)跟餐仲包左薯條同餐飲，漢堡嘅皮烤過所以好脆好香，啲安格斯牛用BBQ汁烤過，大大嚿得嚟仲keep到好淋，非常之入味，而且好多汁😋包入面仲包含手工芝士醬，焦糖洋蔥，烤菇，羽衣甘藍同埋墨西哥辣椒，加埋一齊真係無法抗拒！➡️ 烤大啡菇黑松露芝士醬美國牛肉漢堡套餐($102)呢個包仲利害，有烘烤大啡菇，以及令人停唔到口嘅黑松露芝士醬，d汁多到流晒出嚟，配埋紫紅洋蔥，蕃茄同埋羽衣甘藍，真係好正！呢個包唯一唔好嘅就係個安格斯漢堡扒，冇頭先嗰個牛小排咁有口感。整體來講價錢唔算貴，雖然有+1服務費，但服務都幾好，值得一試！The Cool Cousins Cafe & Noodle Bar地址📍: 觀塘開源道60號駱駝漆大廈第三期11樓J室.............................. 味道😋: ⭐️⭐️⭐️⭐️💫環境👀: ⭐️⭐️⭐️💫服務👨🏻‍🍳: ⭐️⭐️⭐️💫抵食💰: ⭐️⭐️⭐️⭐️

勞動節假期陪朋友去觀塘交收，難得去第二區梗係要食吓嘢先捨得走喺駱駝漆大廈樓下排咗成半個鐘終於上到11樓，間間鋪門口都拉晒龍，疫市下香港市民嘅消費情緒都係咁好拎完籌大概等咗半個鐘就到我地我同朋友都一心想試佢哋嘅冬蔭功金邊粉，就叫咗一豬一雞，再一人一支啤酒大大碗好夠飽，味道都好好腩肉炆到好軟熟，其他配料都好好味我嘅雞髀扒金邊粉雞皮煎香咗，脂肪唔多所以食埋皮都okay鐘意佢係蕃茄冬蔭功，酸酸辣辣好惹味我覺得如果再酸同辣多少少會更好😂炸豬皮好香，有咬口，好少食到呢個配料，唔錯店員忙碌之中都好快關注客人點餐同需要，價錢相宜，食物份量大，唔錯💪🏻

又山長水遠黎到好日都唔黎一次嘅觀塘..新界人表示唔好令我失望！講真，呢個都市好快又回復返人頭湧湧咁嘅面貌...咁熱嘅天氣唔好話唔辛苦...但係一個有返活力嘅城市都始終好過死氣沉沉，最緊要係仍要有衛生意識！多人、天氣熱、再加上工廈lift嘅速度...我地要上最高嘅11樓...少啲耐性都會放棄...好啦幾經辛苦黎到呢間好有fusion特色嘅泰麵。好多文宣，係你啦環境不錯，有畫，都是玩味十足，如：Mario/Sailormoon捧碗像湯...interesting~~Ok~~揤過搓手液，要點菜了其實我唔係好食得辣，但又天氣熱又心思思想食酸辣東南亞野豁出去！order左「香煎法國榖飼雞扒金邊粉」當然係冬陰公湯底instead of清雞湯。好香好啦小心翼翼咁試下啲湯...ohhhhh..我好鍾意因為唔會太辣，會畢到啲番茄肉..酸甜辣，夾得好好。雞味自覺唔算太重..但都煎得幾好唔會太乾。旁邊嘅炸麵粉類東西，索下啲汁咁食，都唔錯~~~我宜家一路打都一路流口水所以我一定下次攀山涉水都會帶唔太食辣又想過下癮嘅朋友試試佢跟餐有簡單茶一杯 朋友點左慢煮豬，佢話好正好淋咁wor! 下次我一定會點黎試試~~滿足

呢排好多時都係觀塘覓食，心血來潮想食漢堡，見呢間漢堡評語好，賣相正，一於試試！7號烤大啡菇黑松露芝士醬美國牛肉漢堡$99Openrice賣相十分之靚，上餐時果然無辜負期望。 咬落去麵包皮好脆，漢堡唔會好乾仲有汁！黑松露芝士醬啲汁多到流晒出嚟，大啡菇味道比較淡，配成嗰漢堡啱啱好！配搭蕃薯條，炸到好脆，呢嗰餐簡直一流！4號意式培根洋蔥果醬牛肉漢堡$108漢堡皮好脆好多汁，用洋蔥煮既自家培根果醬，加上芝士醬，蜜糖芥茉，味道一流

今日又系放假日子 當然又要支持黃店喇今日同屋企人黎食呢間burger 🤗好好食 比起好多過江龍 呢間高性價比 有心思我叫左5號餐 火焰豬腩蕃茄果醬漢堡 佢包皮系熱過黎 接觸餡入面果到系脆 外面鬆軟 好有口感 底果塊包皮有好juice既汁味 食落去甜甜地 可能系上面果d汁吸左落去 跟住又脆脆地 食落去好想再繼續食本身叫豬腩都有d驚 因為我未見過豬腩既漢堡 驚伏 點知好夾 豬腩好淋 唔鞋 好易入口 易咬 豬腩有兩塊 有肥肉部分 不過唔多 岩哂女仔🤓 洋蔥🧅都好juice 有少少甜味 應該系同一隻汁😋 不過我唔食黃芥末 入面原來有😭 so sad 不過佢又配合得幾好 我都食哂成個包 CP價非常高 只系90銀 🥳 值得再回顧

駱駝漆大廈是一棟尋找美食的地方，也是午餐的好去處，只是比較多人排隊等電梯。72小時安格斯牛小排漢堡店員為我們細心地一開二，比較方便進食。經過慢煮的安格斯牛小排，軟腍的牛這感實在令人難以忘記，配上特製bbq 醬汁帶有少少墨西哥辣味，同時又有酸甜味道，非常獨特。另外，香脆可口的粗薯條配菜，雖然熱量好高，但經典組合太吸引！煙燻手撕豬肉漢堡手撕雞就經常都見到，但手撕豬是第一次嘗試。豬肉帶有濃烈的煙燻味道，口感獨特。甜酸醬加上紅菜頭的酸味，平衡了煙燻的重量。同時，洋蔥和蘿蔔都令漢堡沒有太過乾身。總結，多肉多汁，是不食牛肉的選擇！

juicy burger and the texture is perfect !sadly fries are pretty standard...can try their tomyum noodles and deserts next timeRate:environment 4/5food 4/5service 4/5price 3/5

觀塘工廈一向卧虎藏龍今次lunchtime就嚟到駱駝漆大廈～餐廳既裝修用木為主 好舒服👍🏻Lunch set既麵食得兩款選擇然後湯底三揀一 我揀左冬蔭茄湯雖然個湯好似好紅 但唔係好辣酸酸地幾開胃👍🏻 雞肉幾嫩 份量都好足 正常食量既我夠飽😛仲有幾粒秋葵點綴 令碗麵無咁膩飲品揀左冰茶 覺得熱茶會好飲啲😛==============================總結lunch黎講價錢唔算平但味道不錯 又唔多人唔驚太逼太嘈舒舒服服食個晏～ps貼咗好多文宣💛

雖然生活在觀塘區，卻發現好久沒寫觀塘區的飲食文章，最近到訪了一間位於駱駝漆大廈的The Cool Cousins Cafe & Noodle Bar。駱駝漆大廈果然是一個覓食的好地方，隨便繞一個圈，一下子便把多間餐廳收藏到我的心水清單，看來接下來要花好一段時間才能逐一完成探店。The Cool Cousins Cafe & Noodle Bar主打新派泰國船麵，但很出奇的是，這裡的漢堡竟然比船麵更要有名。漢堡向來都是無法抗拒的美食，無論男女老幼都敵不過漢堡神奇的魔力。不同於一般餐廳選用的漢堡扒，這裡選用了經72小時慢煮的安格斯牛小排，再以特製的BBQ醬汁煎炒，煮得軟腍的牛肉口感有點像燉得鬆軟的牛肋條，牛肉味道濃郁而且非常多汁。漢堡除了主角的牛小排外，更附以手工芝士醬、焦糖洋蔥、烤菇、羽衣甘藍、墨西哥辣椒等配料，特製的BBQ醬汁與焦糖洋蔥味道十分相配，加入烤菇作配料確是一個非常相宜的配搭。因為生菜夾在漢堡中往往容易變軟，所以選用了爽脆又富營養價值的羽衣甘藍，吃到最後才隱約感受到微辣的味道，方知道原來當中亦有加入墨西哥辣椒作佐料。隨餐可選擇配搭薯條／蕃薯條／沙律，我選擇了經典傳統的薯條，粗

黎到觀塘，成日都覺得無乜好食，好食嘅一個lunch又好貴。今次想試漢堡，於是就去左呢間係駱駝漆嘅漢堡啦。完全唔難搵，係鰹烏冬未轉大鋪嘅鋪位，格局都幾乎無變，變嘅係多左好多文宣。周圍都搵到足跡。除左漢堡都有其他嘢揀嘅，始終行泰式方向。唔係好想食漢堡，都有金邊粉，雞髀扒，75元。朋友話麻麻地，配料配搭好似有啲唔啱口味，份量唔算多，如果雞髀扒另上會更好，浸左落去唔係好食得出係咩味。大啡菇黑松露芝士醬美國牛肉漢堡包，99元，有得揀薯條或蕃薯條，正！超級厚身嘅漢堡包，好豐富嘅料，芝士醬亦夠濃。材料新鮮，呢個餐真係好飽，個包有小小烘過，都ok。蕃薯條又夠甜同脆。我哋講笑話唔好dating黎食，可能要續層食先唔會失儀。飲品都可以，如果茶味再出小小會更好，但欣賞用環保杯。

Happy Friday! 同朋友相約去黃店支持黃色經濟圈💛 因為被食評中嘅burger加薯條嘅相吸引左 所以決定幫襯。店鋪位於觀塘駱駝漆大厦3期，同層亦有數間不同類型的食肆。未評論食物質素之前，想分享下朋友被催落單嘅經驗。事源佢12點半入座，我被朋友告知店員好心急想佢落order先。當我12點45分到達，發現大部分枱都係吉嘅，真係滿頭問號...Anyway，我點左72小時安格斯牛小排漢堡🍔 ($108) ，個side就揀左薯條🍟。我幾鐘意佢嘅漢堡嘅portion，唔會太大份/太厚/要切，食落都好方便。個牛係幾好食但塊包嘅口感有d脆，同平日食嘅burger有d分別。出泥嘅賣相唔算特別精美，唔會有平時食burger伴碟嘅pickles、無茄汁同無提供餐具。後來我有向店員拎茄汁，唔知道係比漏左比定還是一向都要問先有茄汁。無提供餐具方面，我就覺得呢排疫情咁嚴重，就算我有酒精搓手液我都唔想就咁用手食🙈因為朋友有自備餐具，我就用左佢個餐對筷子食薯條。最後，雖然服務質素有待改善，但係埋單嗰陣見到cashier貼滿哂文宣又加返分👍🏼

特意黎呢間隱世小店食漢堡聽聞好好食但好少人食所以突登去懲罰佢門口都幾吸引人地入去店內既裝修既好靚環境都幾大仲要好多文宣餐牌我地三個人叫左三個唔同既漢堡分別係72小時安格斯牛小排漢堡 $108有得揀配薯條定蕃薯條定沙律我就揀左薯條個漢堡真係超大大一啖咬唔哂個口要勁大先食到絕對無偷工減料份量好足好飽薯條都好食朋友叫左烤大啡菇黑松露芝士醬美國牛肉漢堡 $99d菇勁好味另一個朋友叫左煙燻手撕豬肉漢堡 $86份量勁多 絕對對得住價錢同埋服務態度超好會繼續幫襯的小店

駱駝漆大廈真係好多野食，今次就揀左呢間主要食Burger嘅小店啦~! 我地係星期六1:00左右去到，座位唔算好多，但去到又好好彩仲有位，唔使等！餐廳除左食burger之外，仲有金邊粉食。但老實說食物選擇不多，今次揀左最吸引既廚師推介~~72小時安格斯牛小排漢堡！睇食評都見好多人讚同推介，一於試吓！飲品方面都一樣唔多選擇，呢個有d美中不足！由於係即叫即整，所以都需要等一陣子。安格斯牛小排經過慢煮不負所望肉質真係好鬆軟，口感一流呀！烤菇香味十足。但略嫌牛小排份量有dd少，所以唔係每一啖都食到牛肉。配菜方面揀左炸蕃薯條，唔會好油，但有dd overlooked咁。

無所事事放假搵夜食，係觀塘行完街之後諗住係駱駝漆中心搵野食，哩間泰式fusion cafe係11樓，又有漢堡包🍔又有泰式冬蔭功麵🍜😋餐牌睇到價錢雖然比一般嘅漢堡包相對貴少少，但食落就知道非常太分別！今次叫左72小時安格斯牛小排漢堡配薯條，牛排多汁肉軟味濃，加埋bbq同芥辣醬配合，勁爆好味🤩同埋最有趣同特別係，個漢堡包係脆脆既，唔會好硬，但又唔會因為肉汁令包變淋，廚師小心思非常重要！配埋一杯冰凍嘅咸檸7，超級解渴舒服😌下次再嚟試埋其他款式先泰式fusion面同埋佢仲有其他口味既漢堡包！Colaaa好味推介！

🟡放飯時間同同事一齊嚟The Cool Cousins食Burger🍔lunch menu：呢間餐廳主要有金邊粉同burger。食晏時間都幾多人，座無虛席，直接walk-in要慢慢等位。所以好多人都會打個電話book定位先再上去。-今次叫咗7號🍔煙燻手撕豬肉漢堡$86 ▪️你睇，唔小心跌咗出嚟嘅就係手撕豬肉🐷，有少少煙燻味，加埋酸酸甜甜嘅醫汁（似燒烤醬）同洋蔥，食落味道都幾豐富，都多肉汁，好味。唔食牛肉嘅朋友可以一試5號🍔烤大啡菇黑松露芝士醬美國牛肉漢堡$99▪️以為係三層漢堡扒？No No No，係一隻大啡菇加兩層牛肉，隻菇同肉扒一樣咁厚🤩黑松露芝士醬都幾特別，夠曬惹味，配埋紫紅洋蔥、羽衣甘藍、蕃茄，中和下heavy嘅罪惡感🙈3號🍔72小時安格斯牛小排漢堡 $108▪️一上枱就見到大大件牛小排，真係好大個burger，小口女生要諗諗計先可以食得斯文得黎又一次過咬到所有料🤭。牛小排就咁食食到燒烤醬，加埋夾住洋蔥、烤菇、羽衣甘藍同芝士醬，味道更加豐富。原來呢個牛小排係標榜慢煮72小時，唔怪得都幾嫩。-🥤lunch menu每個餐都跟飲品（有熱茶/汽水）-配菜可以想食薯條可以揀普通粗薯條🍟/蕃薯