The Coffee Academics (耀華街) (已結業)

食完lunch周圍搵地方hea, 想嘆返杯啡，咁啱我有張za card 佢有coffee買1送1優惠，所以就搵下附近有邊間cafe可以試下先搵到呢間係附近，裝修靚，歐美風的, 樓底又夠高幾舒服。咁嘅裝修我又點會就咁買一送一霸佢兩個位吖，所以我都問清楚呢個優惠可以點用先。果然不出我所料，侍應哥哥話可用呢個優惠，但要叫多樣野☕咁都非常合理吖咁我地就叫咗 Java ($58), Matcha Soy ($58),同埋 Chocolate Brownie ($88)Jave 爪哇椰糖班蘭奶泡咖啡 ☕口感細滑，拉花靚，味道濃，好香班蘭味Matcha Soy 京都冰抹茶豆奶 🍵呢杯香綠茶味，但唔濃唔滑，比較稀，一般般Chocolate Brownie 鐵板上熱熱嘅香醇朱古力Brownie 加雲尼拿雪糕，有果仁同杏脯伴住，真係絕配，幾好食，但好邪惡好啦到埋單嘅時候啦，另一位侍應幫我埋單嘅，而佢都知我用za card埋單，但張單嚟到時，我發現係冇買一送一嘅，咁我當然就問佢點解啦，佢話我叫嘅啡係唔cover係果個優惠度架喎。(我地大家都好有禮貌嘅) 咁我同佢講返，因為入黎嘅時候我已經問過你同事點可以用呢

驚喜Cafe全新勁高質勁IG-able menu🥰———————————今次去咗銅鑼灣分店 裝修係工業風 好多黑色base嘅裝修 勁有風格🥰今次個menu2月頭已經出咗啦🥳🔺太陽蛋煙肉班戟 ($108)總共有3層外脆內軟嘅班戟 中間仲夾住好香脆嘅煙肉 頂層鋪咗脆邊太陽蛋仲淋埋楓糖漿 一切落去個蛋黃就流落黎啦 鹹甜配搭得岩岩好 不得了 🤤🤤🔺西西里蟹肉寬麵 ($148)係用咗西西里醬煮嘅fettuccine 煮得Aldente 入面仲有好鮮甜嘅蟹肉 三文魚籽 辣椒粉 番茄同basil面頭嘅Salmon roe 真係畫龍點精 加咗少少鹹味落去 令到個味道層次又多咗 好食💕🔺黑松露和牛三文治 ($208)黎個係我黎餐嘅FAVOURITE‼️個麵包牛油味勁香 而且口感勁鬆化 麵包夾咗油脂好香 食落口感有入口即融嘅感覺嘅和牛 同大量大大塊嘅黑松露片 仲有少少pasley同流心溫泉蛋 可以減低油膩感🥰🥰 整體黎個性價比極高‼️💕😍🔺Dirty Mocha ($48)第一次飲Dirty Mocha 佢地特別之處係用咗TCA House Blend特濃咖啡 加埋凍牛奶勁濃滑 而且仲加咗好濃郁嘅朱古力醬 個

學研特色早餐 $148內有豬肉腸、大啡菇、煙肉、夏洛米芝士、太陽蛋、茄汁豆、蕃茄、多士岩哂樣樣都想試啲既人，而我最鍾意佢個豬肉腸同煙肉新鮮波士頓龍蝦包配薯條 $238用原隻波士頓龍蝦，好有誠意，個包脆身，再配啖啖飽滿既龍蝦肉,店舖仲好有心思將啲麵包烘成格仔紋，務求喺外觀上好睇又好食😋再配埋扭扭薯條，成個餐就好完美西西里蟹肉寬麵 $148蟹肉份量都頗多，配蛋黃香，闊條麵口感煙韌黑胡椒龍舌蘭糖鮮奶咖啡 $58坦白講我覺得呢杯咖啡真係好高質素估唔到咖啡同黑胡椒嘅味道係可以咁夾令我有種一試難忘嘅感覺，鍾意咖啡嘅好推薦大家飲呢杯紐西蘭麥蘆卡蜂蜜鮮奶咖啡 $58我認為冇咩特別太大嘅感覺，可能飲完黑胡椒鮮奶咖啡，呢杯比我嘅感覺係一杯咖啡落咗蜂蜜，比較啱啲淡味嘅人士，中和左咖啡嘅苦味藝妓莊園咖啡梳打 $58佢用特濃既expresso,另外加入梳打飲落去會有種好清新嘅感覺 我最推介龍蝦包同埋黑胡椒龍舌蘭糖鮮奶咖啡，鍾意飲咖啡既你一定要試吓啦！

裝修好靚：好似去左外國旅行咁！.📌脆香扭扭薯條 $88炸得好香脆又夠熱，幾中意呢度既curly fries，唔會太油，味道夠濃，仲shave左啲芝士絲落去😍配上3款唔同既醬汁，蜜糖芥末、是拉差蛋黃醬同芝士咖喱醬！個人認為唔點醬已經足夠好食🤤咖啡店都做到呢個質素真係不得了😍.📌Hot Mocha $50拉花好靚，啱啱入口係濃濃既朱古力味，到尾段就係香濃嘅咖啡味，有層次感，但咖啡唔夠熱🥺 .📌Latte $45最近好似習慣左一次試兩款咖啡以上，所以encore左杯Latte! 奶泡勁綿密細緻做到滿杯，咖啡味道係我中意的，唔會帶酸，但如果可以再濃啲就好，但整體嚟講已經好滿意！.總括黎講，要揾個環境又靚坐得舒服，嘢食咖啡都好嘅coffee shop 真係唔係咁容易！

特别嘅聖誕節，特别嘅安排，就係order壹只11磅火鷄在家慶祝聖誕🤣， 其實乖女訂完之後我仲擔心點樣處理火雞點樣切呢？ 外賣送到成個放心曬因為 已經將火雞切好，而且仲擺得好好， 值得一讚就係 擺盤嘅燒時蔬 全部都好好味好香， 而且亦都跟咗傳統火雞醬(因為係罐頭有小小失望)同自家製嘅醬汁， 火雞肉亦都食到淡淡嘅香草味道， 當然雞胸部份係比較"鞋"但其餘嘅部分都仲做到带滑， 相當唔錯😍， 其實喺屋企都可以食到一個開心嘅聖誕餐嘅🤣🤣

啡·嚐 @ The Coffee Academics高質連鎖咖啡店假日去銅鑼灣，間間咖啡店都要排長龍，難得經過呢間唔多人，記得自己都好耐冇再去啦，番叮先🤓叫咗個牛油果烤雞胸多士配炒蛋白，聽個名就知道好高蛋白質，啱晒減脂嘅我🤩而且第一次會覺得個包好正！有香烤脆邊嘅口感同味道😋而家諗返都想再食多一次😋😋咖啡方面冇特別驚喜，而且店員會提醒用餐時間只有90分鐘，感覺有啲急，但係如果喺附近諗唔到去邊間咖啡店，又餓餓地嘅話都係一個好嘅選擇🙂食物：⭐️⭐️⭐️⭐️⭐️咖啡：⭐️⭐️⭐️⭐️服務：⭐️⭐️⭐️環境：⭐️⭐️⭐️⭐番叮：⭐️⭐️⭐️⭐#aus_cafe

Let’s have a chill weekend. 同三五知己一齊去飲嘢 享受下呢個凉凉的星期六😚affogato $58南非冰紅茶 配檸檬、青檸及橙 $50茉莉花熱情果香茅冰茶 $55唔飲咖啡既我完全唔識欣賞雪糕咖啡同另外唔飲咖啡既朋友叫左兩杯冰茶 🥤熱情果香茅味比較特別 香茅味都幾出.淨係飲嘢梗係唔夠啦⋯為食嘅我哋坐下坐下叫多個薯條開心share扭扭薯條 配蜜糖芥末醬、是拉差蛋黃醬、芝士咖喱醬 $88薯條炸得啱啱好 外脆內軟 加埋三款唔同嘅醬料一次過滿足你三個願望😃坐低吹吓水⋯無無聊聊又無咗大半日♥...

一直想試，終於約到友人一齊試...入座時感覺服務麻麻，比訂座時間早到好似唔係好受歡迎咁，不斷提住我早左又不斷提住只有90分鐘，但餐廳係唔滿既，我地入坐之後都唔覺再有人入坐... 傾左一陣計，忍唔住要飲咖啡了。由充滿笑容既咖啡哥哥親自招呼同沖調（係，戴住口罩你都覺得佢對住你笑，呢啲先係服務）我飲左杯黑胡椒唔知咩蜜咖啡，出奇地配，有驚喜 之後叫野食啦，salad, pizza, egg benedict, 炸雞都好好味 大食既我地唔夠食，唯有加單再叫risotto, 炸魚tacos同甜品，咖啡哥哥繼續招呼俾我地，加完野食又叫茶，又阻住last order，佢都好有耐性，值得表揚... 今次幫襯加分位係咖啡哥哥既服務態度 👍👍👍

這天和朋友在銅鑼灣逛完街，被這間餐廳的裝修吸引了，於是入內嘗一嘗。裡面充滿藝術感，而且超級華麗呀。餐廳都挺大，有不同的打卡位置haha從遠處已經聞到咖啡的香氣了，我和朋友的大胃mode已開啟啦。餐點選擇多，原來除了咖啡，還有不少主菜呢。甜品看起來也很吸引，讓人很難選擇。Manuka的拉花很漂亮，而且有濃郁的蜂蜜香氣。另一杯Passionfruit and Chai Seed Jasmine Tea亦都很有驚喜，花味香濃，仲有濃濃果味，味道很有層次感。Caesar Salad with Smoked Salmon的材料十分新鮮，令人相當開胃。沒想到主食也很高質，Egg Benedict是我最推介的，醬汁很香呀。而且流心蛋真的非常惹味，濃郁的蛋汁流出來感覺很治癒。至於甜品，TCA Affogato是以香濃咖啡雪糕配上高質coffee，呃like必點呀。總括而言，這間餐廳裝修真的很美，除了有品質高的咖啡外，主食亦令人滿意，值得再來。

Dirty $50Dirty既係雪凍左既奶再配埋1 shot既espresso 鐘意佢重奶 飲落去好溫醇 但又Keep到Espresso既個種立體感 飲完好精神.Sizzling Chocolate Brownie A La Mode $88整體黎講 係幾特別 但未去到覺得好好果 佢甜度適中 兩個人share食就啱啱好 如果唔係就好滯 好多配料 重橙皮定唔知提子同Nut 放係熱石上 暖苙苙 凍天食會好正 不過如果海鹽味出啲就更好啦 呢兩樣加埋幾好😆

乖女介紹呢間 咖啡店， 話佢嘅咖啡值得一試， 於是早上九點零鐘就帶咗我去 嘆番杯咖啡😆， 我見個餐牌有椰糖班蘭咖啡 幾特別， 於是就 叫咗呢個咖啡同 班尼迪蛋， 個咖啡一放低嘅時候真係聞到好香嘅椰子味， 但係入口只係覺得 暖暖地， 呢樣就唔係幾乎合我要求， 班尼迪蛋 都係不過不失， 賣相都幾靚， 如果未試過去試下都無妨嘅!

可能期望太高，所以最後係十分嘅失望。 點咗一杯佢哋既 signature espresso martini. 等咗起碼有半個鐘頭，要吹先記得要上。 落去冇乜咖啡香味 ，太甜。 個menu話自己喺亞洲排行 no. 7 in Asia 50 Best Bar， 可能因為咁我抱太大希望，所以導致感失望。 我都點咗個甜品。Expresso butter on fluffy pancake. 佢哋話係自己嘅signature。 最後只係好睇唔好食。 牛油一啲都冇expresso咖啡嘅香味， 嗰班戟完全唔fluffy, 嗰邊仲要硬嘅。唯一可以讚嘅地方就係整個咖啡室都幾好坐， 好高樓底，設計使人感覺好舒服， 特別喜歡地板嘅階磚 。background music都唔錯。下次未必會想再番黎，如果朋友約呢度，都好可以黎坐下。

一直都喜歡coffee academics，來過好幾次都係愉快的。第3波疫情之下，前兩日同朋友去了coffee academics，原本想舒舒服服坐低食個main + 歎杯咖啡。我地話2個人可否坐遠小小，角落張4人枱。店員就話個張係四人枱，你地得2個人，指一指另一張枱（1張4人枱但另一邊已有人坐，大家中間只有一塊膠板相隔，枱係同1張，幻想下即茶餐廳甘）所以如果坐落大家基本上等於搭檯。無諗過食個tea per head$200 up既coffee academics都要坐到譚仔 茶餐廳甘，與其甘屈就，最後我地決定走去另一間食。銅鑼灣平日3點幾tea time要坐得舒適其實有好多其他選擇，唔一定係呢間。今次實在非常失望，亦不會再來，希望管理層係疫情下可加強防疫意識。

第一次難食到要寫食評！叫左杯南美冰紅茶同炸魚taco, 杯茶好淡完全冇味，得兩三片好薄嘅檸檬同橙，連糖水都冇落，咁就$50+10%茶餐廳凍檸茶好飲過佢好多！‘signature’ (?) fish taco $168+10%，塊炸魚完全冇味，除咗有少量芒果碎鋪面之外, 完全冇醬汁，連沙律菜都可以冇汁？呢個做法非常之離奇同好dry，完全冇諗過佢可以整到咁難食成餐飲同食都冇味，真係好失望如果咁難食難飲黎講，呢餐係超級貴

Just I want to have coffe time and decide to try it. I do believe there is many different of interpretation of coffee beans but there is one universal recognises from anyone: coffe is coffe and must have same taste. I can understand different brand part of the world, can give us different coffe like more stronger less and etc..I came from country we rise up drinking coffe. Now what I drink here today wasn’t coffe but something else. I do believe there is something wrong and I will make some rese