The Alps (已結業)

比較少來土瓜灣，既不是住附近，交通也不太方便。這個晚上剛好在這區有事做，順便覓食The Alps算是有格調的小店吧，主打西餐，牆壁上亦掛著生蠔和酒的餐牌。週五晚上沒有訂座，大約8點到埗餐廳也沒有坐滿。以西餐廳來說價位和食物的選擇都中規中矩，Dinner set 包餐湯、餐包、主食和飲品，較為划算。餐湯由南瓜湯轉為粟米湯，甜到喝不完:(法式餐包則熱辣辣地上枱，外皮香脆味道不錯！香煎挪威三文魚扒配牛油香飯： 三文魚煎得剛熟，味道和口感都不錯，魚皮也很香脆，略嫌伴碟的配菜太少。紐西蘭肉眼扒配薯菜，肉眼扒平平無奇。…查看更多

今朝無啦啦八號風球全日就留左係屋企HEA 重點係冇啖好食..夜晚見冇乜風又冇乜雨就即刻落街覓食行多兩個街口又俾我揾到哩間西餐廳仔可能時間尚早 我地六點幾去到就得我地係度 仲好呀當包場!!我地叫左2個SET DIINNER包一個湯/沙律、主菜、野飲沙律仲有少少黑醋汁 酸酸地幾開胃咁有誠意以為得沙律菜又估唔到有PAMA HAM之後到個湯 一上枱已經超香黑松露味 流哂口水原來湯面頭有PAT黑松露醬 搞暈佢尼飲超好味 個湯係熱辣辣已經抵讚 仲要真係每一啖都有一粒粒打碎左既野菌哩個令我有D失望既 我一心諗住有肉眼扒食 點知尼到係燒牛肉尼既..唔知係咪我誤會左個MENU既名..不過都要照食啦 同自助餐個D分別唔大反而D配菜又要讚下 好少地方配菜係熱同有味 應該加左D牛油尼整?最後就係哩個三文魚扒 塊皮煎得好脆 魚肉又唔係好鞋一個樓面 多DD人既時候已經好似HANDLE唔到食物份量係比較少同埋土瓜灣尼講價錢比較貴不過都值得一試既…查看更多

番茄忌廉湯：它讓我對餐廳加了第一好印象哈哈。本來香港人對餐湯的要求也不是特別高，但是廚師費心思加了脆麵包增加湯的口感之餘，番茄和忌廉之間的平衡也很有驚喜，濃而不膩，番茄也有開胃的效果呢。炸魚薯條：坊間的炸魚薯條由幾十元到索價百元以上都有，這裡用合理的價錢就可以吃的到質素好的炸魚薯條！後來上的炸魚薯條上桌的時候冒著白煙，明顯是新鮮炸好的，旁邊陪著酸甜的他他醬和粗薯條。用刀切開炸魚塊，薄薄的炸漿卡擦卡擦的碎掉，可以看到雪白的魚肉層次！雖然有點熱氣，但是無敵的炸魚薯條組合令人不禁一口接一口呢。茄醬大蝦蒜片天使麵：最欣賞的是這道菜的蒜片，香之餘也沒有那種大家都怕的濃烈味道，甚至有點像大家熟悉的薯片哈哈。天使麵也不是坊間許多餐廳漿糊狀的質感，所以吃著令人蠻愉快的。由選材到擺盤無不見廚師的心思，但是如果因為地址比較偏僻而乏人問津實在是太可惜了。好的食店值得別人去發掘去口耳相傳啊！尤其是在這些領展還沒有攻占的可愛地區，不妨光顧小店鋪，支持他們的夢想。這家小店隱身在土瓜灣的一個小角落，無緣無故經過可能也不會留意，我們觀察了好一會兒，多數也是熟客帶著相熟的朋友吃午餐，無不稱讚大廚的心思和功架。雖然地方空間不大，但是店家可以營用燈光造了許多空間感，座位也特別的人預留較多空位，所以一點壓迫感都沒有。找一天光顧的時候，記得要帶著自己的男女朋友啊！師傅即叫即整，要嘗心機菜就要多給一點耐性呢。…查看更多

本想去土瓜灣食個平民好吃下午茶，可惜忘記了他們是每逢星期一休假。轉戰同一條街街尾的western restaurant。 名字叫 The Alps，自稱 Taste of Europe。阿爾卑斯山是一座位於歐洲中心的山脈，覆蓋了義大利北部邊界、法國東南部、瑞士、列支敦斯登、奧地利、德國南部及斯洛維尼亞等地，可以說是 Central of Europe 。 可是The Alps 午餐餐牌offer 的 "Taste of Europe"，只是一般cafe小店的菜式。是日Easter holiday 的 長假 last day 的下午，我們「包了場般」的享受與數只「蚊滋」共舞的"Taste of Europe"午餐。 整個用餐不是我潑「蚊滋」就是我的友人把「蚊滋」潑！很煩人囉！ 自家噴了蚊怕水，但是「蚊滋」不久又飛回來！他們真的要搞搞他們的pest control！我們點選了香草烤雞扒配凱撒沙律（$68）及香辣蒜片干炒海蝦天使麵（$68)。餐湯是蕃茄雜菜濃湯，喝到的是濃濃茄膏味，加入大量蔬菜粒，熱騰騰的湯表面灑上了芝士碎，ok 啦！Caesar salad 的醬汁是自家製，與一般的sauce 味道不同，parmasan cheese 的份量，應是比平日一般cafe下的少，不會太鹹也不會太濃稠。烤鷄做了個脆皮，味覺口感層次都算可以！香辣蒜片干炒海蝦天使麵的海蝦與天使麵都是沒有什麼味道，自家要求小辣小蒜，但是沒有想到會淡而無味，大蝦是爽口的，但完全沒有半點蝦味，$68 假日set lunch 是要將貨就價了？!吃後感，我只記得 他們的Alpes logo 同 flies「蚊滋」 ...…查看更多

本來以為同老公去食個家常便飯，點知有驚喜! 老公帶左我去食西餐~ 呢間店開左唔係好耐~ 不時都經過見到, 店內很優雅, 價錢就....有啲唔捨得....所以成日都係睇下, 無入去~ 今次老公專登訂位去補吃周年飯~ so sweet~ 嘻嘻~叫左一個set dinner羊鞍扒 + 卡邦尼意粉~餐湯+包: 温度唔太燙~ 剛好能入口, 很暖胃~超喜歡個餐包~ 三款都唔同味~ 有麥包、有香草, 既香又軟~~~ 好好食~~~~ 食完想再食~~~~~頭盤 沙律: 好開胃~~ 賣相又好靚~主菜 羊鞍扒: 唔騷~ 軟韌適中~ 個d脆脆唔知係咩整, 唔油膩, 好好食~仲有伴碟既"紫紅色__蓉"好好食~ (唔知係咩蓉... 紅菜頭? 又唔似紫薯...) 而且餸菜擺放得好靚~ 賣相好吸引~ 要彈既話, 就應該係.... 份量, 就係淑女份量, 淺嘗而不能果腹~ 哈哈~  另一個自己加既主菜, 卡邦尼意粉: 意粉唔冧, 有口感, 醬汁香而不太膩, (有D餐廳超級膩....^^")屬中上水準~  甜品: 焦糖布丁~加入雲尼拿籽, 好香呀~~~ 布丁滑, 焦糖脆~ 想吃多個呢~~飲品: 唔記得lu, 應該正常, 無咩特別~因為我已被甜點所吸引了~~環境: 清靜優雅, 格調很warm很舒服, 很適合情侶談心約會這天是平日, 我們進店時沒有顧客, 就像包場一樣, 快離開時才有一對顧客進場~ 服務: 一流可能因為只有我們這枱客, 廚師和待應特別能專注做好~食物温度剛好, 速度隨著客人節奏, 不用等太久, 亦不會放滿桌上, 逐一遞上。待應哥哥為免待慢上菜速度及生怕我們用餐時有其他需要, 特意等到全部食物飲品上完,才去洗手間.... 太敬業了吧?! 十個讚!! …查看更多

男朋友住喺土瓜灣, 總係會係土瓜灣呢頭去搵下嘢食, 今日黎到譚公道呢間西餐廳試下, 外型的顏色比較沉實, 以灰色為主以木做主題餐牌上既餐唔算好多但都足夠比客人選擇蕃茄忌廉湯橙色的忌廉湯以蕃茄很成, 有別於一般既蕃茄忌廉湯, 口感沒有番茄嘅質感不過忌廉湯內有淡淡蕃茄味, 蕃茄味道不算太濃但同忌廉湯有相輔相成嘅感覺, 不錯!龍蝦汁海鮮意大利飯 $108率先為大家介紹呢度嘅意大利飯, 呢度嘅意大利飯有別於其他餐廳, 第一次見到意大利飯係會有汁有水份, 感覺有啲似西式湯飯😳😳😳 龍蝦汁味道唔算太出色, 而且海鮮意大利飯整體處理得太過濕(未知係味呢度既一貫特色定係失左手) 龍蝦汁過分多, 幸好好意大利飯既軟硬程度適宜. 整體而言還可以紐西蘭肉眼扒＄128肉眼扒配上少量薯菜 & 紅薯頭製成的粉紅色薯蓉, 令賣相相當吸引! ❤ 肉眼扒內裏肉汁呈現粉紅色, 食落牛香味偏重, 淡淡牛香味充斥着口腔😋 而且廚師控制肉眼扒控制得好好, 唔會處理得過分熟之外肉眼扒內依然吃到部份肉汁, 控制得好好👏🏻👏🏻👏🏻 幾好!如果以整體來講餐廳質素還可以, 過意大利飯未知係本身餐廳嘅一貫做法還是今次失左手🤔 牛扒味道很好, 牛香味令人一試難忘❤❤❤不過餐廳價格屬於中價, 同男朋友吃一個中午飯已經差不多＄250, 中午飯來講土瓜灣呢個地區未必會有更多人願意花費…查看更多

話說半月前小妹生日，好友邀約共晉晚餐，更表示貴一點的酒店都不是問題。不過，由於為人太善良，不想老友花費太多，於是就替她選了這間評價不錯、價錢合理的稍高檔次西餐廳。當日為周六晚上六時半，與朋友在餐廳內逗留了超過兩小時，期間出入的人客連同我們，竟只有約十人！其實餐廳水準尚算不俗，相比旅客區的同類餐廳，價錢更是絕對相宜，若因生意太差而「摺埋」就相當可惜，唯有替它寫篇食評，希望能為餐廳加點人氣吧！如圖所示，餐廳裝修非常homey，所有桌子都放著reserved的牌子，一時之間也不知道該坐哪兒(後來才知道只有我們這一枱有訂枱……感覺有點可憐)。研究了一會餐牌，最後我們選擇了法式羊鞍(香脆榛子燒焗)和美式燒春雞兩款set dinner。餐廳的上菜速度其實頗為緩慢，估計應該是即叫即煮吧，幸而甫將食物放入口，已立時感受到廚師的那份「人味」。這個雜菌忌廉湯，較一般餐廳的忌廉湯淡味一點、稀一些，但泡沫更豐富，喝下去竟帶點住家的溫暖感。至於這個三文魚頭盤，由於小妹不能生吃，特定吩咐要全熟，結果咬感只是一般，相信本身的味道較佳。跟著是主菜之一──法式羊鞍。羊鞍的火候控制得不錯，放在邊位的粒粒榛子也頗為香口，連伴碟的原粒蒜頭亦相當美味，唯蒜肉難挖了一些，希望店家可以改良。至於中間的那堆紅色物體，小妹最初還以為是蕃肉打成的蓉，想不到竟是薯蓉，頓覺有點小驚喜。可惜的是羊鞍比較小巧，吃畢還想再加碼！另一主菜美式燒春雞，相形下就較為遜色了。雞皮略帶脆，稍算不俗，但雞肉就不夠嫰滑，骨頭更帶少許紅色，估計未煮至全熟，所以必須扣分。剛才說過，侍應的上菜速度較慢，而一份薯條更疑似忘了上，向侍應詢問後，實在忍不住小聲對朋友說了一句：「得咁少人客都咁慢，如果坐多啲唔知點算！」不知是否被他們聽到，薯條很快便被端上來，再過了一會後，侍應更拿來兩個焦糖燉蛋。本身我們並不以為意，以為甜品只是set dinner的一部份，但一會後，侍應告知我們，是由於上菜慢了，所以特地送甜品致歉，登時感受到店主(和侍應)的那份誠意。焦糖燉蛋暖暖的，鋪面的焦糖也很脆身，不會太甜，雖不是吃過的焦糖燉蛋中最好吃的，但水準仍相當不俗。有機會的話，小妹還會再來光顧，希望店主的生意可以好一些，繼續在區內生存吧。…查看更多

一間只有6張枱的精緻西式餐廳，門外裝潢帶著歐陸的味道，因朋友推薦所以到此一試。餐廳是買中上級歐陸風菜式，所以價錢不算很平，但以價錢與食物質素來說，價錢還算是合理，如果在銅鑼灣中環尖沙咀區用這價錢絕對吃不到這品質的食物和服務。我們二人點了兩入set dinner,先來一份三款的麵包，再來蘑菇湯，蘑菇湯不會太鹹，蘑菇味十足。再到頭盤，是煙吞拿魚沙律，好吃！之後到主菜，用料食材新鮮。再來甜品和餐飲全餐用了大概一個半小時。…查看更多

第一次喺openrice寫食評，係因為自私，好希望呢間食店多啲人去光顧，多啲人認識，咁就可繼續享受呢度嘅美食。一分價錢，十分享受。以土瓜灣這個小區嚟講，有咁優質嘅店子實在難得。店子的嘅裝潢雖然簡約，亦有風格。服務員態度友善，招呼週到。食材質素很好。是日order咗兩個晚餐。頭盤，煙鴨胸沙律，一流水準，鴨胸嫩口，菜也新鮮，配上數粒香脆的煙肉。椰菜花湯，這個湯很清香。主菜，蒜蓉烤羊架，七成熟，淡淡羊羶味，很好吃，再配上原隻烤蒜頭和一些蔬菜，確實沒有可挑剔的地方。另一主菜，西班牙黑豚肉，全熟，雖然全熟亦很juicy，也保留了黑豚肉該有的味道，配上淡淡青蘋果一起吃。。。真的。。。超讚。甜品，焦糖燉蛋，焦糖稍微燒得過火了，但也很好吃，不太甜，最驚喜的是蛋味很香濃。最後還配上一杯茶。。。畫上完美句好。慶幸沒有給門外放着的晚餐價錢嚇退，一眼望去餐牌，唔係呱。。。二佰幾蚊一個餐竟然喺呢區域出現，本著大不了賠一次比佢。。。最後係賺咗，賺咗一頓優質晚餐，這是必須再來光顧的小店。…查看更多

 好像已有很久很久沒有寫有關土記食肆的吃評了....仍住在這區的貪吃愛吃的舅仔不斷地跟我在面前提到這間剛啱在譚公道開業的西餐廳，說這裡是一位難求的；之後約略看過有關這兒的吃評，竟號稱她是土記最好的西餐廳...好奇心重之外同樣饞嘴的我，實在是對這店有著一份濃烈的興趣....於是乎在某一天就打了個電話在此訂張檯，和太太及小友來嚐新。印象中好像是從未試過在土記區內的食店去打電話訂位的....本人對這次約會之看重，由此可見一斑了....店子新得連餐牌也來不及印，這就麻煩了侍者將各項主菜及頭盤的選擇逐款講出來....湯只有一味可揀，就是最簡單不過的粟米湯....這湯的杰度不稀不稠，甜度甚為突出；可惜的是湯內少了下新鮮的粟米粒來讓它多一點咬口....但整體來說水準還是可以的....於我個人而言接著來的沙律水平是比湯更好 ---- 菜蔬口感爽脆顏色碧綠；鴨胸肉厚煙燻味適可且夠嫩。配上酸咪咪中帶點鹹味的dressing，不用兩分鐘就馬上將它全部幹掉....肉醬意粉驟看賣相不知何解就覺有些不太對勁，吃將下去便覺肉醬的調味是可以再濃多一些，現在似乎是有些太水汪汪的。個人認為若然在醬汁中可以下點芝士碎的話，味就可以更為香濃杰身了；意粉的al dente程度實在亦可弄得強一生，現左吃來是覺偏淰....燒春雞的調味是偏淡口的 (就連那個sauce也屬超淡的)；皮仍帶著些微脆口而肉也很軟嫩，算是彌補前者不足帶來心情之不快；作為不顯眼的伴菜常客薯蓉卻給人一個不尋常的驚喜，入口是又軟又香又滑如絲涓，實在有一些喧賓奪主的感覺....埋尾的凍檸茶，茶味蠻淡泊的，不喝也未覺可惜....說這裡是土記最好的西餐廳 ? 作為土記的老舊街坊，請恕小弟不能認同了.....不過如說她有okay的水平，自己還是可接受的....…查看更多

最近屋企人推介咗一間响土瓜灣試業中既餐廳，今日就嚟食午餐 我預早訂咗枱，一行3人準時 12:30 到達，可能時間尚早，所以可以即時入座我地坐低後服務員就為我地介紹今日set lunch既menu :) 我地就選擇咗肉醬天使麵，紐西蘭肉眼扒和炸魚薯條。唯美中不足係食物既溫度不夠，有待改善 整體嚟講依間餐廳係一間充滿熱誠既餐廳，我一定再會嚟食晚餐…查看更多

想喺土瓜灣食正宗西餐，難過登天呀！呢間新開嘅小店，揀直係我救星呀！今日下午食咗兩個set lunch 同埋散叫咗Fish and chips。set lunch 有鴨胸沙律或粟米忌廉湯，沙律雖然細細碗，但有好長嘅鴨胸，有誠意！個湯唔係溝粉湯，creamy 得嚟又有粟米味，yummy!主菜係什菌天使麵同肉眼扒。天使麵其貌不揚，好似乾爭爭咁，但食落又一番景象。初食係有D乾口，但食落就覺得什菌味濃厚，天使麵炒得好乾身但又唔乾口，有水準！肉眼佢呢度就唔夠厚身，但就相當夠味，一D source 都唔駛點。輪到好考功夫嘅Fish and chip, 嘩…………正爆！！ 外脆內軟，魚肉夠味，一D都唔膩，薯條細細條，食咗成個鐘之後仲脆咖，都有D surprise!Anyway, I will be back!…查看更多

自從十多年前離開舊居土瓜灣後，便很少回到這個舊區了。印象中的土瓜灣，很少高樓大廈，最多的食肆就是茶餐廳了。今次如非與好朋友相聚，亦未必再次踏進這個地方。在這舊區內，有一間不起眼的餐廳，如非仔細看，從餐廳外根本看不出是一間試業中以歐洲美食作主題的餐廳。雖然餐廳面積不大，但裝修及擺設非常雅潔舒服。 :) 當日我地有６個人，由廚師推介食左以下既食品。 呢度係一個不錯的飯聚地方，下次與朋友相聚，會嘗試其他菜式的！…查看更多

今次已經係第二次來光顧了, 這間小店可以令我感受到廚師好有heart 去煮. 而且每次都能帶給我驚喜, 絕對有別於大集團式的味道. 麫包外脆內軟, 我特別喜歡這個麫包醋, 每次都”點”到不能停手.順帶一提, 麫包吾夠是可以再添加的哦!頭盤: 煙魚沙律, 沙律有淡淡的香草味, 感覺非常清新匈牙利牛肉湯: 牛肉湯味道濃郁, 非常足料呢德國烤豬手: 豬手皮脆不乾, 椰菜酸酸甜甜, 配合豬手來食立即減退那種油膩感.燒春雞: 叫左半份, 皮脆肉嫩, 伴碟的配菜做得很出色, 薯蓉非常幼滑.美國頂級肉眼扒: 牛扒一流, 肉味相當香濃, 讚!!甜品: Tiramisu  小店的風情, 別有一番新鮮感, 餐廳環境舒適, 有一種好溫暖的感覺, 用料新鮮, 食材並沒有將貨就價, 服務質素滿分, 同朋友share 食, 廚師還會幫忙分開2邊, 非常細心. 小店能夠做到這樣的水準實在是難得, 絕對不下於蘇豪區的餐廳，但價錢卻十分超值! 翻食指數80! …查看更多

這區的其他餐廳都是比較平民化的餐廳，難得有這家中上級歐陸餐廳在這區開業，剛和家人在此餐廳吃了一頓美味午餐，餐廳裝修相當別緻，面積雖然不太大，但不覺得擠迫，這次午餐點了3個set lunch, 包括香煎龍脷魚柳，意大利雲吞，燒春雞; 另外點了烤豬手：-龍脷柳煎得外脆内軟，口感相當Juice; 意大利雲吞，芝士汁香濃，雲吞味道不錯；燒春雞皮卜卜脆，而肉質嫩滑；豬手方面, 原隻豬手已切好才上枱，廚師相當細心, 照顧周到，豬手肉質很棒，但外皮還可以脆多一點。整體都是很好的一餐！ :) :) :) …查看更多