The 5B Private Corner

营业中

休息中

味道：⭐️⭐️⭐️⭐️⭐️工廈內既木系cafe 🪵窗口嘅位置更可以見到海景🌊❶All day breakfast $108(包飲品)呢度嘅all day breakfast 都幾豐富 👍🏻有炒蛋🍳、雞肉腸、煙肉🥓、薯餅 、沙律🥗、茄汁豆同牛角包🥐如果唔鍾意牛角包仲可以轉多士添🍞食物除咗賣相吸引 味道都有驚喜炒蛋半生熟 而且非常滑溜 🤤值得一讚既係 呢度嘅雞肉腸 口感結實 唔會死鹹😋薯餅香脆 沙律新鮮牛角包酥脆又微暖😈

來過一次荃灣The 5B cafe, 讓我回味無窮，特別喜歡這裡的環境，有打卡靚位，有好多書籍可以邊嘆tea 邊看書，有無敵海景，真係好舒適的環境。這次刻意帶朋友到這家Cafe 試下，夜晚來仲有個夜景，真係感覺不錯。這裡西餐為主，我們點了好多好吃的，第一份主食是香煎慢煮鴨腿跟意粉，慢煮是最近流行的做法，雖然需要一點時間，但真係值得，這個鴨腿做到特別嫩滑，又香，送意粉食真係好開胃。烤雪梨醬美國牛肩肉，我們能吃生點，所以安排了5成熟，的確做得5成熟，肉質也算嫩滑，有嚼勁好吃。西班牙火腿拼蜜瓜和白酒紀廉煮青口就是很好吃的前菜，特別這個青口，一共5顆，超級好吃入味，一定要點啊。除了主食，還有餐湯跟同多士，加埋野飲。另外甜品有朱古力心太軟同冧酒車里子配雪糕，真係豐富到不得了，食物水準有保證，環境又食得舒適，真係可以坐成晚談天說地,渡過一個愉快的夜晚。

住左荃灣咁奈，都好少有去附近工厦食，因為朋友提起，咁都心旭旭去試下，去到，人地問起有冇book位，先知原來都book得幾full下，加上又有限聚令，本身唔多嘅位就更加少，但好彩因為我地早去，所以都仲有wall in位，＊＊如果唔想摸門釘，就最好book定位先去啦～侍應安排我地坐單邊窗口位，其實個位都幾好坐，雖然前面有條天橋，但都睇到海景，最緊要係夠光，係充滿日光嘅環境下，心情都爽啲。我地order 左乾番茄炒意粉 & 慢煮黑毛豬意粉都好夠味，係足料嘅，加上份量都唔少。黑毛豬比我想像juicy，如果可以前到脆邊就更正，自家製嘅蘋果醬味道好神奇，紅色嘅部分甜甜地，但有籽個部分又咸又酸，但mix埋嚟食個味道又唔會雜，係幾唔錯但意粉就冇乜味，仲有啲油。之後嘆返杯樽仔奶茶，奶味係夠嘅，有啲似塔門嘅奶茶。整體嚟講：性價比係average 以上，有機會下次會再嚟

位於荃灣銓通工業大廈的樓上cafe「The 5B Private Corner」是區內其中一間食物美味、價錢親民的餐廳。雖然咖啡室位置比較偏僻，但室內環境舒適，私隱度高，和朋友來吃飯整體體驗還算不錯。英式全日早餐 ($68)全日早餐包含焗豆、炒蛋、腸仔、煙肉、薯餅、牛角包等多種元素，十分豐富。牛角包外脆內軟，炒蛋滑溜多汁，焗豆香甜軟糯。各種配料水準平均，性價比高。蜜糖芥辣菠蘿雞扒漢堡 ($68)漢堡包份量十足，配上薯角和沙律，非常飽肚。香煎雞扒肥美厚肉，和烘牛油麵包、菠蘿、芝士、番茄、生菜一起吃，味道有層次。抹茶鮮奶 ($34)拿鐵面層奶泡輕盈細緻，綠白拉花層次分明。入口香甜帶淡淡回甘，茶味頗突出，而且口感幼滑，無明顯粉粒。

The 5B Private Corner 都係我喜愛食堂之一實施左限聚令後, 餐廳少左位, 好多時都要排隊。而且銓通工業大廈D LIFT 真係好慢, 就算外賣自取, 無論上去定走都要等好耐LIFT, 所以近期都已經好少去啦! 分享返以前叫外賣既食評先意大利黑松露什菌意粉黑松露味不太突出, 反而係好似白汁多D, 奶同芝士味重, 有D 膩汁多到滿口都係只能夠說呢個意粉並不是我杯茶因為我期望既汁係重野菌味蒜香茄汁辣肉腸意粉呢個不錯呀! 不過辣肉腸份量就少左D茄汁味都濃! 呢個我係會再叫的

裝修以木系為主，環境寬敞，有一排窗可以睇到海景，好彩遇啱時間嘅話仲可以睇到日落，感覺舒適寫意。店舖仲提供咗一啲board game比客人玩，好啱約埋朋友嚟放鬆一下！香煎慢煮西班牙黑毛豬配自家制蘋果醬配香草薯條 ($158)因為西班牙黑毛豬所以唔需要全熟，就點咗廚師推介嘅8成熟。豬扒雖然厚身，但用咗慢煮方式去烹調，肉質鬆化爽彈，仲好juicy，而且邊位帶有少少脂肪，食落好香口！點埋自家制蘋果醬，酸酸甜甜，味道清新開胃，仲可以中和一吓油膩感！熱情果菠蘿梳打 ($36)果香十足，味道自然，甜酸可口。

今日又去工廈覓食😍 見到呢一間 The 5B private corner 好似唔錯咁🙈就踩上去試吓 店舖嘅裝修好特別 周圍都有啲小飾物同埋小擺設🥰不過因為疫情關係所有餐廳都用膠版阻隔住 如果唔係一定會再靚啲🤗🤗今日就叫咗一個holiday set menu ，包左（廚師餐湯+主菜+餐飲）餐湯：甘筍湯顏色鮮艷，味道香甜，加埋少少淡忌廉，味道更加豐富又健康🥰我就叫咗一個All Day Breakfast 🥰 首先買相已經好靚法式牛角包 🥐非常之鬆脆 ，炒蛋就炒得非常之滑，另外仲有煙肉🥓雞肉腸 🌭田園沙律🥗茄汁豆同埋薯餅，非常之豐富同埋夠晒飽肚$108Latte 鮮奶咖啡 $30拉花非常之靚， 咖啡味香濃，估唔到佢哋嘅咖啡都算出色👍🏻👍🏻

我們是角落生物🐒🎈The 5B Private Corner/We are the corner creatures in private corner./嚟咗呢間工廠隱世Cafe試下佢哋嘅下午茶先🍽一於坐喺角落頭傾偈啦👭煙三文魚炒滑蛋配牛角包(配田園沙律) ($52)本身以為煙三文魚會同滑蛋分開上 點知炒埋一碟喎 一上枱就見到熱辣辣嘅煙三文魚炒蛋出晒煙💨真係餸如其名 「煙」三文魚炒蛋🤣 牛角包正常 覺得好香脆 可以夾埋沙律菜同炒蛋一齊食😋法式肉桂多士(配雲呢拿雪糕) ($58)食落有少似健康版西多士😈麵包炸完加上玉桂粉同朱古力醬係表面 整體味道唔算好甜 麵包外脆中間軟綿 加埋雪糕又凍又熱嘅口感好食🥰 對於肉桂愛好者來講 可能會覺得玉桂味唔夠濃 不過我覺得啱啱好🍎紅棗黑糖薑母茶($48)冬天就想飲下暖粒粒既野暖下個身呢一壺茶甜度適中 薑味較為重 有三至四粒紅棗 飲落去少少辣辣地 但係飲落舒服

環境幾好 佈置唔錯 坐得舒服野食嗌左兩個set 一個係慢煮黑毛豬配蘋果蓉配香草薯條一個係蒜蓉辣椒海鮮意粉另外跟餐加咗個南瓜餅黑毛豬好嫩 肥瘦啱啱好 薯條粗粗地唔太鹹 但唔太覺有香草意粉好惹味 有啲油但可以接受 蝦有啲霉 唔太新鮮 但好味嘅南瓜餅外脆內軟甜甜地幾好食甜品跟餐叫咗車厘子冧酒配雪糕唔知係咪餐牌上嘅圖片太靚嚟到有少少失望似係用罐頭車厘子配啲冧酒再加個雪糕係上邊唔太值得加$28去食staff都好有禮貌態度好好但有啲樓面嘢需要改善返1.有漏單情況 個set跟餐湯 但一直無上到 食完先醒起無左餐湯 問到先至上返甜品係食晒之後再加 但落單過咗15分鐘都未上 要催2.嗌左兩杯熱檸水但出左熱檸茶 不過都肯換番3.跟餐加小食同甜品比起正價平$10-20 但埋單發現收左正價 收多左$33 最終退番現金 希望搞搞個system

🍽The 5B Private Corner———————————————🐈：個餐廳名好有以前中學嘅感覺☺️，餐廳環境佈滿精緻既小裝飾，有大量打卡位😍😍，基本上每個corner都有嘢想影🤣。坐吧位可以望到出面大馬路同天橋，仲有一望無際嘅天空，景色唔錯架。另外值得一提，啲員工個個都超級nice🥰💕💕!!!!———————————————🌟Impossible Burger 𝚂𝚎𝚝 $𝟷𝟹𝟾個set跟餐湯、餐包、飲品同甜品。個burger好醒神開胃，因為除左蕃茄、酸青瓜，仲有塊菠蘿架🍍😍!!! 完全中和哂有時食burger為食到好漏既感覺！包都好鬆軟，個漢堡排唔算厚身但好juicy，完全食唔出係素牛肉漢堡😳😳，勁！𓂀推介度：8/10_🌟忌廉粟米湯 + 牛油法包湯夠濃夠滑，味道唔錯。牛油法包都鬆軟，不過可以多啲牛油。𓂀推介度：7/10_🌟日式芝士蛋糕好好食啊！淡香既芝士香味👍🏻👍🏻🧀，質地都好夠滑，做得唔錯啊！𓂀推介度：7/10💛💛💛💛💛

如果唔係朋友帶我嚟，平時真係唔會行嚟荃灣呢邊嘅工業大廈，估唔到呢度竟然有間咁別緻嘅cafe😆 -我地2個人叫咗2個dinner set (原諒我唔係好記得啲菜式叫咩名)😂😂每個set都會送餐湯同牛油包🫕-跟住到主菜，呢個慢煮黑毛豬煮到8成熟啱啱好，一啲都唔靭，將肉汁鎖哂喺入面😋自家製嘅蘋果醬好清甜，加埋豬肉一齊食係出奇地夾！-另外一個主菜係辣嘅海鮮意粉，唔會太辣但又好香口，唔係好食得辣嘅人應該都會食到，啲海鮮夠新鮮，推介😊😊-每個餐仲送埋甜品，可惜嗰日無雪糕得蛋糕揀，比較推介朱古力芝士蛋糕，唔會太甜之餘口感都好滑～-最後值得一提嘅係店內有好多唔同種類嘅board game玩，啱哂一家大細或者成班朋友一齊嚟消磨時間！

位於荃灣工廠區西柴灣角街有一間已經數年的西式餐店， 一直聽聞性價比非常高。 名稱很易記位於5樓B室所以叫5B.餐廳的環境令你忘卻自己正身處於工廠區呢！晚餐時段都有一定支持者，記得預先訂位哦！點了兩個晚餐已經附送多士和餐湯多士香脆，餐湯濃郁，暖粒粒，暖暖胃很不錯。法國牛肝菌忌廉意粉香氣撲鼻，濃郁無比，健康有益之餘配上其他野菌成為菇味香濃的意粉。香煎西班牙黑毛豬經香煎後，黑毛豬肉質鬆化，肉味也濃，油潤甘香，肉嫩多汁，口感味道遠勝一般豬扒，屬高質食材。另外晚餐也跟上甜品 日本芝士和抹茶忌廉蛋糕仔兩款也細緻軟滑，甜度適中

The 5B private corner喺荃灣工廈入面，真係店如其名夠曬隱蔽。靠牆擺左木書架，好有文學氣息～重有結他同單車，好文青feel～環境好靚又舒適～🥰個晚餐有五道菜咁多，同朋友兩個人嗌一個晚餐就夠曬啦。五道菜包括廚師餐湯、牛油法包、主菜、精選蛋糕/雪糕同咖啡/茶。餐湯係粟米🌽忌廉湯，粟米好甜。牛油🧈法包🥖烘得剛好，口感鬆脆。蒜香🧄辣椒🌶️海鮮🦞意粉🍝見到蒜切成薄片，入口好香蒜蓉味，食落辣辣地，又香又辣，份外滋味。海鮮有蝦同青口。蝦新鮮挺實。青口啖啖肉，一d都唔鯹。意粉軟硬適中。熱檸檬🍋茶茶底好香。檸檬夠新鮮，飲落唔會苦重有檸檬香。抹茶芝士蛋糕🍰抹茶味夠出，試到抹茶嘅澀味同香味。芝士濃淡適中，唔會蓋過抹茶嘅味道。

夜晚係荃灣諗唔到食咩，上網見到有人介紹呢間cafe，又咁岩有位就黎左試下。突登揀左窗邊位黎坐，好似感覺chill 啲🤣野食方面叫左個2個套餐，個餐包就麻麻地喇，比較細塊同埋味道一般個湯就唔錯，但就比較偏甜一啲主菜叫左個牛肝菌意粉同埋燒雞配薯蓉😋個薯蓉好滑好好食！而隻燒雞同意粉都唔錯👍🏻最後到個甜品個芝士蛋糕都幾好食，食落質感較實但味道好濃芝士香味😋整體黎講覺得個套餐都幾抵食，有湯野飲仲包埋個蛋糕😋👍🏻👍🏻野食水準就正正常常喇，冇話特別驚喜但大部分都唔錯👍🏻👍🏻而環境方面真係坐得幾舒服，同朋友想搵個地方坐下傾計真係一流。加上餐廳啲員工全部都超級nice!!!!!!! （要講十次🤣)整體感覺係會令我想再返黎幫襯👍🏻之後如果得閒會想再黎試下個burger🤪

朋友帶路來到遠離市中心，隱藏於工廈中的 The 5B。午飯時段全場爆滿，環境出奇地舒適，接待也好快速迎接到來的客人。我今次點了一個芝士鷄扒意粉，我一刀切落雞扒嚇了一跳，軟到我以為是慢煮，輕輕一切就切開了，切開後見到鷄皮和肉都濕潤，完全同一般焗意粉不同。鷄肉嫩多汁，芝士味濃。真係估不到工廈中隱藏這樣級數的食物。我和我朋友都大囗大囗地食！我估我好快會再回來再食！已記在我的為食地圖！眼見其他好多客都叫了豬扒漢堡包，相信是另一名物，下次我也想一試。