Terrace in seaside (形點 I)

营业中

休息中

形點輕食之選💯😋尼間韓國野真心大推！好多人覺得環境打卡靚 = 未必好食，其實真係唔一定😆尼間真心好食既👍🏻近近地打個靚卡 食飯一流～特色飲品除左好靚之外，仲好好飲😂❤️濟州柑橘乳酷好好飲，柑橘同乳酪完美配搭，清甜解膩😗成個柑橘擺上去勁吸晴😂❤️抹茶柑橘蜜露冰最愛尼杯，上面個柑橘沙冰好綿密，無論係溝落野飲定就咁用匙食兩啖，都好fresh好清新👍🏻諗唔到抹茶同柑橘可以咁夾～💯水原式牛肋骨醬 無骨炸雞半份已經好大份🫣仲有埋薯條食，$108真係抵到爛！每件都炸得岩岩好，醬汁適中唔會太多，食到個醬既味之餘，亦可以食到炸雞本身個香味🤤同埋想講真係好滑！💯烤大骨牛小排每一舊都肥瘦適中，牛味好濃好香！而且唔會靭一啖肉配一片蒜真係好正啊😍😍💯山薊菜大蜆意粉大蜆堅大😂唔係得個講字，隻隻蜆都好肥美👍🏻同埋尼隻扁意粉夠哂掛湯，每條意粉都奶香味十足黎得Terrace in seaside一定會叫甜品💕今次叫左柑橘窩夫伴雪糕🧇除左好好好食同好好好靚之外，唔知講咩好建議大家一定要試下😗窩夫夠香脆，甜度岩岩好，食完會好回味❤️

呢間韓國餐廳既食物賣相都相當之靚，影相一流，裝修都充滿打卡Feel，價錢算係略貴，不過個人認為值得去一次打卡。✨燉牛肋骨蛋包飯（$178）燉牛肋骨份量適中大大舊，蛋包飯蛋不錯，店員會細心幫你把蛋切開，送上服務，個人認為飯量多一點會更加好。✨清甜柑橘窩夫（$88）少不了飯後甜品，柑橘肉好清甜，柑橘皮甜甜的，加上糖漿，整體都不錯，好有少女的味道。✨抹茶麻糬窩夫（$88）抹茶控可以點來試一下，抹茶粉算香濃，麻糬好多黏黏的很好吃，旁邊的鮮果都好新鮮。✨柑橘湯力咖啡（$48）賣相十分之吸引，分層，底層是柑橘湯力，上層是咖啡，會飲到柑橘既香氣帶點咖啡既味道，但不會苦澀。✨夢幻紫薯牛奶（$48）賣相同樣地吸引，表面有一層Cream增加滑口感，上層是牛奶，底層是紫薯，攪拌在一起喝的話，紫薯的味道剛剛好不會太甜。✨濟州柑橘特飲（$68）呢杯特飲算係必點項目吧，相信很多人都會被它的賣相所吸引，味道是柑橘乳酸，味道酸酸甜甜，十分之開胃。✨熱情金菠蘿沙冰（$48）熱門特飲之一，賣相也是相當之打卡，菠蘿沙冰，菠蘿味重，喜歡沙冰的朋友不要錯過！

Yoho Cafe 就多，不過又鐘意咸食，又鐘意甜品，呢間真是不錯的選擇。個個菜色都可以打咭，用色香味俱全也不為過。雖然Weekday 都冇套餐，這間於lunch 食都是略貴，不過當每個菜都有驚喜，俾貴少少都算喇！先講飲品，佢應該係為女士而設，每杯有驚喜，影相係靚既。而今次覺得好好味既，係隻豬手，佢既皮已燉到好似啫喱咁，好滑，而配上生菜，蒜片，青椒，非常清新。炸雞今次選了有骨，份量很多，4個人都食唔晒；而醬汁都算是特別，個人就比較喜歡柑橘，酸酸甜甜，解一解肥雞的油。不得不提係個生日窩夫，生日牌及蠟燭都精緻，在這裡慶生是不錯的選擇。

今次我地又嚟到韓國餐廳打卡📸周圍裝飾都係以柑橘為主，入到去先知道原來係用柑橘做主題，相當新奇😆一入去坐低店員已經向我地送上前菜魚餅炒得入味，醃酸蘿蔔開胃爽口清新味蕾山薊菜大蜆意粉 🍝$92蜆肉同蝦肉大隻嫩口，頗為新鮮意粉掛汁，不過意粉略嫌有啲硬醬汁濃味又唔會太咸，汁份量頗多食到最後仍剩低幾多汁烤大骨牛小排 🥩 $158牛味濃烈、軟滑多汁搭配焦糖洋蔥味道更上一層樓醬汁香濃惹味如果鍾意食辣更可以搭配辣椒同蒜頭一齊享用無骨玫瑰口味炸雞 （半份）🍗 $108玫瑰口味幾特別玫瑰口味即係韓式辣醬再搭配茄汁等多種調味形成炸雞表皮香脆雞肉軟滑多汁 雞肉微辣搭配非常出色另外配埋薯條雙重口感柑橘窩夫伴雪糕 🍦 $135見到價錢有啲略貴不過物有所值窩夫外面鬆脆入面軟綿綿配埋柑橘醬同埋柑橘再加上軟滑忌廉更上一個層次濟州柑橘乳酪 🍹$68 餐廳招牌飲品👍酸酸甜甜嘅柑橘加上濃郁乳酪解渴一絶唯一要投訴嘅係冰份量略多令成杯飲品更快飲完抹茶柑橘蜜露冰 🍵 $58抹茶味香濃甘味突出 加上柑橘沙冰香甜真係配合得相當完美😍飲品當中亦有加上柑橘顆粒更增加口感💥餐廳資料餐廳：Terrace in seaside地址：元朗元龍街9

今日去咗Yoho呢間韓國cafe🥰見到都好多人推薦🔥店內以柑橘為主題☺️有好多打卡位～整體嘅感覺好舒服同放鬆🍽️😄🤍山薊菜大蜆意粉山薊菜大蜆意粉食落十分彈牙，大蜆份量多又新鮮，食到山薊菜嘅清爽同蜆肉嘅鮮甜，每人回味😋🤍烤大骨牛小排牛小排烤過之後，肉質嫩滑多汁，配上韓式秘密調味料，口感層次豐富🤤🤍無骨濟州柑橘炸雞炸雞外酥內嫩，搭配著濟州柑橘嘅酸甜滋味，好完美嘅組合。每一啖都食到雞肉嘅鮮嫩同柑橘嘅清新🤪🤍柑橘窩夫伴雪糕窩夫嘅鬆軟同柑橘嘅香氣完美結合，搭配上濃郁嘅雪糕，窩夫嘅綿密同柑橘嘅清香交織，甜品嘅夢幻之選🤩🤍濟州柑橘乳酪乳酪以濟州柑橘為基底，飲落口感滑嫩，柑橘嘅酸甜同乳酪嘅濃郁融合一齊，帶嚟一種獨特嘅風味🥰🤍抹茶柑橘蜜露冰這款飲品以抹茶和柑橘為主要風味，搭配著清涼的冰塊，帶來清新濃郁嘅口感，感受到抹茶嘅濃郁同柑橘嘅清香，清涼又解渴😍

山薊菜大蜆意粉 $92上網search先知咩係山薊菜，原來好多功效 係好嘢嚟嘅😝 意粉夠多汁 好creamy，只要煮出嚟唔乾身我個人已經好ok! 加上大蜆嘅加持 good good !!~烤大骨牛小排 $158足足有六大舊，食到滿足為止🤎味道冇特別驚喜，正常發揮。配搭附上嘅蒜片&辣椒 好惹味👍🏻半份無骨自選囗味炸雞 $108今次揀左玫瑰醬炸雞🐔一生第一次試”玫瑰醬”嘅食物，味道甜甜酸酸辣辣 比起原味炸雞 覺得食落口冇咁膩，好特別。 配薯條🍟 如果有埋啤酒就一流😝！柑橘窩夫伴雪糕 $135係我成餐飯嘅NO.1😙 窩夫真係冇得輸，外脆內軟 配cream同柑橘🍊醬一齊食，正呀🥳 濟州柑橘乳酪 $68上次有飲過，覺得賣相靚之餘 味道very濟洲🤣所以今次再order! 乳酪味真係好濃 再加上柑橘味清清地 食飽飯再飲都唔會覺得好heavy ^^*NEW! 抹茶柑橘蜜露冰 $58媽咪好鍾意☺️ 柑橘味嘅沙冰甜甜酸酸好消滯，同時又有抹茶嘅香味 好新鮮嘅配搭 但意外地又幾夾✨

首先真係要讚呢度嘅員工，全部都勁貼心！！事緣係佢哋望到我大住個肚，當我哋落單時，有提醒我哋邊啲菜式落咗酒、邊啲係海鮮為主（呢啲都唔適合孕婦食），之後仲主動幫我換咗杯暖水！！激讚！- 濟州柑橘炸雞(無骨） $108：用上濟州島出產嘅柑橘汁同醬料醃製嘅炸雞，外皮香脆，肉質嫩滑Juicy，加埋柑橘嘅酸甜味道，真係令人胃口大開，而且仲有大量薯條，夠晒豐富！- 烤大骨牛小排 $158：用上韓國進口嘅牛小排，再烤至香噴噴，底層有大量洋蔥，鍾意食辣嘅話仲可以夾埋蒜同辣椒一齊食！牛小排肉質鮮嫩，個醬汁味道調得超好食，勁惹味，但又唔會覺得咸得濟，老公超鍾意！- 泡菜炒黑毛豬配飯 $89：整體味道辣中帶甜，飯粒夠軟，黑毛豬肉咬落充滿彈性，仲可以加埋泡菜一齊食，辣辣哋幾過癮！- 濟州柑橘乳酪 $68：用上濟州島嘅柑橘同乳酪製成，冰沙質感細滑，而柑橘嘅清香同乳酪嘅酸味亦相互融合，酸酸甜甜好好飲！- 柑橘窩夫伴雪糕 $135：勁鍾意呢個甜品呀～～～首先個伴碟嘅柑橘真係好好好好甜❤️鬆軟嘅窩夫上面加咗鮮奶油，仲可以淋上柑橘醬～係有少少邪惡但係好好食！而且佢仲有煙煙韌韌嘅茶味蕨餅～～份量又勁大～兩個人分享超滿足！

睇完戲🎬上一層就有好食又好睇嘅韓國菜😋 最鍾意坐窗邊、鄰近柑橘樹嗰張四人圓枱，輕柔嘅陽光灑落嚟好舒服🥰🇰🇷 前菜 $0係青陽辣椒+魚餅同醃蘿蔔，魚餅有咬口，醃蘿蔔就幾開胃。🍝 山薊菜大蜆意粉 $92蜆肉同鮮蝦都幾嫩口彈牙，扁意粉好咬又掛汁，醬汁濃郁香口～🐂 烤大骨牛小排 $158牛味濃郁，肉質厚實有嚼勁，配埋醬汁更香口～🍗 無骨濟州柑橘炸雞 (半份) $108第一次試柑橘+炸雞嘅組合，入口清新，食落冇咁油膩有驚喜，雞肉嘅肉質鮮嫩，而且冇骨方便食用👍🏻 厚切薯條好足料～🧇 柑橘窩夫伴雪糕 $135賣相一流，味道都好正，大力推薦🙌🏻 窩夫外脆內軟，四大塊都幾飽肚；柑橘軟腍清甜，忌廉綿密細膩又充滿奶香味🤤🍊 濟州柑橘乳酪 $68呢杯係餐廳嘅招牌，乳酪香濃稠密，加埋柑橘好清甜爽口～🍵 抹茶柑橘蜜露冰 $58層次分明，抹茶嘅甘味同柑橘嘅鮮甜味都會飲到，沙冰細緻柔滑，好好飲！呢間係我心目中數一數二嘅韓國菜，就算跨區都會去試佢嘅分店🙌🏻

今次又走到美食天堂天朗覓食 YOHO 形點I - Terrace in seaside門面已經覺得好舒服 門口位有2張長枱 絕對適合同一班好友黎傾計食飯職員非常有善 重俾左個打卡位我地坐睇到呢棵樹 就知呢開餐廳係以柑橘做主題今日有少少肚餓 我地一行2人叫左幾樣野食其實望住個Menu真係樣樣都想叫烤大骨牛小排啲牛係相當淋 而且骨位附近啲根位都好容易咬到超級juicy 大骨牛下面鋪住滿滿嘅洋蔥 洋蔥吸晒啲牛肉汁 好入味山薊菜大蜆意粉每條意粉都有好濃既汁包住 而且大蜆有少少海水既咸鮮味意粉上面既大蝦仁,夠彈牙半份甜辣味炸雞店家有5種味既炸雞濟州柑橘 ,玫瑰醬,甜辣白洋蔥 ,水原式牛肋骨醬其實樣樣都想試下炸雞滑得黎重好多汁即叫即炸 即使加左甜辣醬都唔會淋晒 超打卡 - 柑橘窩夫伴雪糕好少見到窩夫係配柑橘原來相當夾 好有新鮮感同柑橘好甜呀皮脆內軟 好濃蛋香味暫時應該係我食過最好食既窩夫濟州柑橘乳酪 抹茶柑橘蜜露冰柑橘好清新 配上抹茶香 鍾意抹茶嘅朋友可以試吓

今日喺元朗YOHO MALL入面搵到一間抵食嘅餐廳，一人晚市套餐$200有找，晚餐好豐富，包括左餐湯、餐飲、前菜、小食、主菜同甜品。我兩個人一共叫咗兩個晚餐，小食揀咗炸牛肉薯餅、炸生蠔。炸物做得非常好，熱辣辣，即叫即整，好新鮮，脆卜卜。每個餐都有一碗蒸水蛋，好滑好好味。主菜我揀咗燒豬頸肉、白汁煮三文魚。兩個主菜都好好食，三文魚肉質好滑，配上白汁送飯一流。燒豬頸肉火爐剛剛好，唔會好乾身，豬頸肉爽爽地琳琳地，加咗調味，好正，極力推介。飲品方面，有好多特飲可以選擇，到水果茶係唔使加錢嘅，所以我哋揀咗。之後就係甜品，揀咗阿華田雪糕新地，同埋阿華田雪糕筒。阿華田雪糕係最驚喜嘅，因為真係好香濃，好幼滑，好好味。

叫咗一杯菠蘿沙冰同牛奶忌廉牛肉闊條麵。菠蘿沙冰唔錯，但係個意粉啲汁太稀，隻叉好窄唔適合食意粉，食到好論盡！明明已經係平日，成間餐廳得三四台客，仲要帶位坐太陽曬住嘅地方😳話要轉位，仲話我得一個人唔可以坐四人枱，員工需要培訓一下

服務態度實屬一般，無人企門口亦冇人班會我地喺左喺門口幾耐，最後行到入去水吧客氣問一問，入面果位唔係好忙嘅女侍應就咁指左下樓面嘅同事就算，加一服務費都爭啲唔想俾！其他野食野飲都算正常，唔好唔壞。最激氣係個醬油蝦，餐牌上冇寫份量，亦冇圖顯示幾多隻。一黎到，得兩隻，即係未計加一，我都要俾70幾蚊去食一隻蝦，嬲到震！最後問埋店員，呢個醬油蝦係最近新加嘅菜式。如果老細加左個咁嘅菜式去搵啲食客笨，咁你真係快啲執左佢啦唔該！另外冷氣太大風，兜頭吹落黎，人又頭痛野食又凍哂。樓面有隻好大嘅蚊係咁飛黎飛去；水吧個女仔R完鼻又插番隻水落去切橙！

一心諗住拍住拖食飯，點知入咗間服務一般，食物一般嘅餐廳。。。真係唔留紀錄都真係對唔住自己😡😡😡😡😡星期六晚，唔使等，即入。。。一坐低就叫咗個傳統飯卷，玫瑰炸雞同一杯乳酪。。。諗住留肚食埋個甜品點知落完單好快就上咗飲品，之後我哋一直等，一直等，等到隔離枱遲過我哋入坐，遲過我哋嗌嘢食嘅。。都嚟埋。。咁我問服務員係咪漏咗單，佢解釋話唔係，係我哋2張枱叫同一樣野食，佢幫我追單，但係係我哋坐低先，叫又係我哋叫先，咁點解會係隔離枱會食先？直至隔離枱食咗幾舊飯卷之後問服務員係咪牛肉飯卷先發現係錯，之後係一句對唔住，唔好意思都無，好似無事一樣走咗去。。然後拎咗碟牛肉飯卷問係咪我叫，我話唔係，我哋唔食牛，叫咗個傳統。。佢好似我欠佢咁咩都唔講轉身走咗去。。。我哋一直等，又等到第n個服務員嚟跟單。。。再等多15分鐘左右，我哋終於有嘢食。。我哋2公婆食完個飯卷成10-15分鐘。。個炸雞好似消失咗咁。。係呢個時候，我要爆啦。我直接話埋單，唔要，然後佢哋照上比我哋。。我哋真係無言。。。一間咁嘅服務態度嘅餐廳，真係好難會再幫襯😡😡😡😡😡

排一陣好快有位 被安排到窗邊一張二人枱 大概4點鐘左右 超級曬 就算冷氣夠大都比太陽曬到全身發慶首先問左一個男同事可唔可以調位 因為見到前面有兩張枱都走左點知員工冇回覆就直接入左新枱 之後再問另一位女職員佢好好即刻幫我開咪問點知應該係一個經理既物體好大聲咁講: 冇呀冇呀 我地聽到完全O曬嘴所謂經理物體係個手臂紋身佬老老豆豆 唔轉得枱你咪係個咪同夥記講就唔好比啲客人聽到囉 完全冇service 兩個人食一個waffle又唔比碟野食好食都冇用No next time

天氣熱辣辣🔥🥵🥵🥵嚟到yoho mall 見到呢間嚟自韓國嘅餐廳就買杯特色飲品濟洲柑橘乳酪賣相好靚，味道飲落好夾，生果味帶點乳酪味。又夠凍。好過一般果茶👍🏻👍🏻