TERA (圍方)

营业中

休息中

一向知道呢間餐廳既疏乎厘班戟好出名，今日難得去咗圍方商場行街，晚飯就揀咗佢地黎試。餐廳嘅裝修以日系木為主，感覺幾舒服，枱與枱之間都唔算擠迫，幾闊落。另外幾鍾意佢哋嘅燈光好光猛，影相影出嚟嘅效果都非常之好。而且除咗圍方之外，佐敦及元朗都有分店。✨極龍蝦汁意粉係我個人鍾意嘅龍蝦汁味道，味道好濃郁，真係好好食，蝦又夠彈牙，都有四五隻，可能唯一要彈就係意粉唔算話煮得好淋，個人唔係太鍾意意粉太過硬身。✨四重芝士pizzaPizza係個薄底批，有8塊咁多，分別有4種芝士，馬蘇里拉芝士，車打芝士，藍紋芝士，巴馬臣芝士，配埋沙律醬中和，好脆好香口。✨香蕉SPECULOOS 曲奇其實都已經好飽啦，不過都一定要嗌個疏乎厘班戟試吓，嚟到見到有三層，囡囡見到已經❤️❤️眼了，而且食落蛋香味十足，入口好似雲朵般咁輕盈，果然冇失望。

今晚同屋企人去左大圍圍方既Tera, 整體感覺舒服！頭盤方面，我地叫左炸薯條配黑松露醬，薯條炸得香脆，冇過多油膩。主食叫左四重芝士披薩，芝士控絕對不能錯圍，佢既芝士味夠濃，餅底煙靭唔會乾。而明太子蟹肉忌廉意粉，忌廉唔算太厚重，蟹肉新鮮，食落幾有層次。小食叫左炸蜜糖牛油雞翼，佢外皮香脆，炸得好好。最後甜品杜拜朱古力疏乎厘，朱古力味濃，口感輕盈，唔好太甜，好食！Tera 的菜式整體感覺舒服，食材選擇和味道搭配都幾好。地點更方便，係大圍站上蓋，不怕落雨！真係值得一試！

呢間日系Cafe餐廳主打日式疏乎厘Pancake! 仲有唔同類型嘅熟食！💪🏻 提拉米蘇布朗尼疏乎厘班戟 ($148)Cafe嘅疏乎厘Pancake整得好鬆軟，空氣口感滿滿，食落好Fluffy😚 而且pancake嘅蛋味香濃，係質素唔錯嘅疏乎厘pancake! 配搭埋Tiramisu醬滿滿甜味同咖啡香，食完好幸福😋 佢嘅Brownie都好香朱古力味，令口感同味道多一份層次！💪🏻 明太子蟹肉意粉 ($158)明太子蟹肉意粉醬汁滿滿，醬汁都好creamy，好掛汁。明太子醬都有微微辣，撈埋蟹肉一齊食幾豐富。💪🏻 燒紐西蘭肉眼配雜菜（$268）燒肉眼就揀咗5成熟，食落有牛味。味道：7/10性價比：5.5/10 食住瘦指數：💪🏻/5

呢間其實之前都有食過幾次，不過未介紹🤣今次見佢出左杜拜朱古力疏乎厘就梗係要試下啦！😍 **墨魚汁帶子意大利飯**一上枱都聞到好香，墨魚汁夠香濃，意大利飯軟硬適中。帶子煎得剛好，外微焦內鮮嫩，而蝦都幾彈口👍🏻 整體都幾咸鮮美味🤤 **杜拜朱古力疏乎厘**疏乎厘口感蓬松，而且蛋香十足👍🏻真心次次都有叫Tera家既Soufflé pancake🥰比利時巧克力好香濃，甜度適中，搭配開心果味既炒米粉，真係好正！開心果味意外地幾突出，而且口感💯💯💯如果多啲米粉就會更好😍 **山茶花桂花椰子水**清爽解膩，淡淡桂花香同椰子水很搭。不過唔太feel到山茶花既味道🙈 .__. .__. .__.🐥🐥🐥.__. .__. .__. 環境：🐥🐥🐥🐥🐣/5服務態度：🐥🐥🐥🐥🐥/5 食物質素：🐥🐥🐥🐥🐣/5 性價比：🐥🐥🐥🐥🐣/5 回頭率：🐥🐥🐥🐥🐥/5

.☘︎ ݁˖ 四色芝士薄餅 $138芝士控必選四色芝士薄餅薄脆麵團口感很像脆餅乾而且午市套餐性價比甚高包含沙律或餐湯以及餐飲拿鐵與巧克力沒額外收費❤️‍🔥Four Cheese Pizza was a delightful treat for cheese lovers🧀, featuring a perfect blend of four cheeses🍕The dough was thin and crispy, almost like a biscuit!!😆 The set lunch was a great value✨ including a choice of salad or soup and a drink☕️ Both of the latte and chocolate were delicious, rounding out the meal nicely🤎.☘︎ ݁˖ 煙三文魚青醬貓耳朵 $118很可惜當天貓耳朵轉成長通粉幸好青醬非常濃郁及滋味十足每一條長通粉都沾滿美味醬汁與捲成花狀的煙三文魚很匹配🤍Smoked Salmon with Pesto Orecchiette

圍方的寺 @tera_pancake 由法國藍帶廚師處理主打創意西日料理 以精緻又美味的甜品聞名梳乎厘為人氣甜品⛩️裝修採用日式庭院風格大眾點評收藏+打卡 仲能免費領取飲品1杯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯🍜極·濃蝦湯烏冬湯底濃郁鮮甜 蝦味十足🦐烏冬彈牙順滑入味搭配爽口大蝦 份量多 推介給每位海鮮愛好者除烏冬 還有意粉選擇 注意：大圍店限定登場·🍕四色芝士pizza披薩餅底酥脆 配上融化四種芝士🧀香氣四溢招牌芝士拉絲令人陶醉 芝士控必試 味蕾享受·🍳帶子大蝦日式滑蛋飯（配肉汁）嫩滑的日式滑蛋 配鮮甜帶子與大蝦 煎得香脆淋上濃郁肉汁 層次豐富 海鮮與蛋香完美融合·🍫杜拜朱古力梳乎厘網上爆紅的杜拜朱古力！開心果味超級濃郁灑滿綠色的脆脆💚三層梳乎厘如空氣般輕盈多重口感 甜而不膩 加上雜莓酸甜清香 完美·🥭芒果楊枝甘露芒果汁香甜濃厚 搭配西米與柚子粒 清新解膩絕對係港人夏日必飲的飲品 令人回味無窮·🍊香橙美式咖啡香橙清新果香與濃郁咖啡完美結合 口感平衡帶來獨特的風味體驗 漸層效果好看 打卡一流

📍TERA✨極濃蝦汁意粉 $174醬汁蝦味濃郁接近龍蝦湯嘅香濃程度意粉彈牙有咬口掛汁力極強每條麵都好似浸過蝦汁充滿海鮮鮮味✨肉眼配雜菜（燒汁） $268肉眼外焦內嫩肉質軟嫩中帶嚼勁牛肉香味濃厚薯蓉嫩滑帶牛油香配菜輕輕烤過帶出蔬菜嘅甜味✨法式燉蛋疏乎厘班戟 $138疏乎厘班戟厚身蓬鬆蛋香濃厚入口即化面頭鋪滿法式燉蛋醬形成一層焦糖脆脆口感層次好豐富整體好輕盈食晒成個都覺得零負擔～✨桂花國寶茶 跟餐$46入口帶淡淡花香尾韻多咗陣藥材感令人感到放鬆嘅香氣飲完仲可以refill👛人均消費 ~$320(連加一服務費)⏱冇限時

第一次到大圍圍方商場，餐廳選擇都幾多，見呢度嘅疏乎厘pancake好吸引，所以選擇咗呢度。整體氛圍輕鬆休閒，適合朋友或家庭聚餐。同小朋友一行3人嚟食，好彩啲嘢都啱佢口味。🛎️極濃蝦汁意粉: 蝦味濃郁，醬汁鮮香，份量適中。意粉軟硬度剛好，能掛上醬汁，是當晚較滿意的菜式。🛎️洋甘菊花果茶：味道清新，菊花香氣自然，甜度適中，解膩不錯。🛎️海鮮意大利飯：海鮮配料尚算新鮮，飯粒口感偏軟，醬汁香濃，份量足夠。🛎️蜜糖牛油雞翼 ：外皮香脆，蜜糖甜味突出，牛油香較淡。作為小食不錯。🛎️芒果楊枝甘露：芒果味自然，甜度適中，西米露口感正常，整體屬預期中的港式甜品。🛎️香蕉 Pancake：班戟口感鬆軟，香蕉份量足，配上糖漿和雪糕，屬穩陣的甜品選擇。總結：Tera的用餐環境舒適，服務效率尚可。食物方面，「極濃蝦汁意粉」是亮點，其餘菜式如海鮮意大利飯、蜜糖雞翼和甜品味道不錯。價格屬商場餐廳合理範圍。想在大圍輕鬆吃頓飯的選擇。

一段時間冇嚟圍方食TERA，今次lunch可以試下唔同嘅食物，價錢嚟講對比起商場內嘅餐廳佢真係一d都唔貴，有齊餐湯飲品，而且環境舒服有特色，打卡或者同朋友chill下都好適合💛餐湯係蘑菇湯🍄‍🟫菇味就突出保留細微顆粒感，湯質地好軟滑，加多$20仲可以升級龍蝦湯，龍蝦肉🦞爽甜味道夠濃！⭐️明太子蟹肉意粉🦀 $128上次食過超好味，今次一定必點！明太子同蟹肉鮮甜勁夾，醬汁creamy意粉都好彈牙，水準依然保持得到😍⭐️四色芝士Pizza🍕 $138餅底係薄批底，香脆口感之餘拉絲四色芝士焗到微焦香濃得嚟仲有沙律醬中和，食多幾塊都唔係問題👍🏻⭐️紐西蘭肉眼扒🥩 $178火喉控制得好好，五成熟肉質唔會柴，牛肉味都好夠而且薯仔吸收哂牛肉嘅香味，成碟清哂🤭⭐️豆乳梳乎厘🥞 $138梳乎厘蛋味都幾突出，空氣感滿滿！豆乳味道濃厚而且唔會太甜，加埋黑糖畫龍點睛，連同紅豆、丸子同蕨餅一齊食好滿足🥰🥰🥰飲品方面Flat White☕️奶味好濃厚，咖啡味夠香，另外加左$9嘅特飲楊枝甘露🥭都好清新好飲！不過個人就比較鍾意再多一d芒果😆

🌸傳統茄汁肉腸貓耳朵，酸酸甜甜都幾開胃，貓耳朵粉索滿茄汁，好入味，口感好彈牙煙韌！配埋肉腸一齊食，都幾好味呢！🌸四重芝士pizza熱辣辣上枱，pizza 餅底焗至好香脆可口，上面鋪滿馬蘇里拉芝士、車打芝士、巴馬臣芝士、藍紋芝士4款芝士！食落口真係有好濃郁嘅芝士香味！鹹鹹香香，好味，啱晒我呢個芝士控！🌸雜果牛角包窩夫，暖烘烘嘅牛角包窩夫，烤的脆脆，酥香又鬆脆！配埋大量cream同埋雜果，仲有糖醬一齊食，味道啱啱好！唔會太甜，好味🌸宇治抹茶生巧撻賣相好靚！有大量宇治抹茶cream,有濃郁嘅抹茶香味！中間仲有一大粒士多啤梨，口感味道層次都好豐富🌸我地仲叫左佢地新推出嘅杜拜朱古力梳乎厘，擺盤好靚，因為係選用比利時朱古力，所以特別香滑！上枱震騰騰嘅梳乎厘，脹卜卜，空氣感十足，口感輕盈而蓬鬆，食落口蛋香濃郁，好滿足餐廳舒適寬敞，木系設計，配搭埋日式園林feel，啱晒同朋友嚟傾偈食飯！餐廳店員服務態度好友善，抵讚

聽到Tera應該都唔會陌生主打梳乎厘pancake&日式西餐輕食上星期去到大圍發現原來佢地都有分店同樣主打日式木系風格 感覺好舒服&充滿休閒感DIY 卡邦尼烏冬將卡邦尼配上日式烏冬帶出新風味烏冬彈牙煙韌 充分地掛起卡邦尼及濃稠蛋黃再配埋烤得香脆嘅厚煙肉條更惹味極濃蝦汁意粉極濃郁蝦香嘅蝦汁 配上爽彈大蝦仁 鮮味滿分!意粉煙韌度啱啱好 充分地掛上極濃蝦汁每一啖都感受到濃郁蝦香TERA'S ORIGINAL PancakeTera名物之一嘅梳乎厘pancake! Fluffy感十足嘅3層pancake 加上香滑忌廉。蜜糖。杏仁片 香甜又唔會太膩ESPRESSO TONIC & 葡萄乳酸梳打Tonic配上nutty香咖啡 入口相當清爽

☁️ 杜拜朱古力梳乎厘係限定嘅款式，旁邊配有杜拜開心果朱古力脆脆，仲有濃郁嘅朱古力醬。成個波波咁大個 ，疏乎厘口感鬆軟，入口即溶🍫 🔥鐵板芝士瀑布辣雞漢堡上枱仲滋滋聲！仲有薯條跟埋，撈埋芝士醬真係邪惡一絕！🍝 明太子蟹肉意粉蟹肉好多，淡淡意粉都沾滿蟹肉，非常鮮甜🦀 明太子醬又creamy，成個意粉都好香。🥐 開心果Croffle牛角包+窩夫crossover ，上面仲有開心果醬💚 同埋忌廉，面頭灑滿果碎，口感超豐富，配雲呢拿雪糕冰火兩重天 ！

同friend farewell 特登揀咗間睇落坐得舒服嘅餐廳，我哋3個人叫咗個二人set再加多個黑松露意大利飯。二人set包前菜、餐湯、意粉、主食同甜品。前菜我哋揀咗蜜糖牛油炸雞翼，上枱夠哂熱，係略嫌無咩味同油膩咗啲。餐湯係蘑菇湯，都好濃同幾香cream味。意粉係蕃茄香腸貓耳朵，甜甜酸酸幾開胃，不過啲腸仔就一般貨色，但比起黑松露意大利飯就略勝一籌。主食紐西蘭肉眼係幾香肉味，不過食得出係雪得有啲耐，如果原價散叫$228食就性價比麻麻啦。甜品揀咗疏乎厘pancake(伯爵茶味），茶味係夠嘅，同埋伴碟嘅麻糬都幾襯。埋單$700幾近$800，有冇下次就真係睇緣份啦

2人晚市套裝蒜香辣椒白酒煮蜆加入左辣椒🌶️油嘅白酒煮蜆更加惹味😋蜆肉大大粒，食落口會爆汁黑松露雜菌意大利飯意大利飯做到中間硬硬的感覺雜菌嘅香味 係口中散發出來Cream得來又唔會太膩烤羊架🐏🐏叫左7成熟，稍為有少少🤏🏻熟過龍但肉質仲係好淋，羊味都好出😆😆杜拜朱古力梳乎厘超鐘意食梳乎厘😆😆滿滿嘅朱古力醬佈滿係梳乎厘上，食每一啖都充滿朱古力醬。綠色嘅脆脆原來係開心果味 ，真係好有‘脆’😋

返嚟🇭🇰開始密集式約朋友交換手信，食完一餐又一餐，夜晚再去多一間趕及last order前食埋甜品做宵夜 😉🍮 梳乎厘班戟 - 金箔Nutella 😋😋😋😋梳乎厘班戟輕盈得嚟，唔會太過空氣感，有口感唔係一pat嘅，而且好有蛋香 😚 至於整體就係平日大家市面買到嘅金莎味道，係大眾化朱古力🍫口味！宵夜 💵💵 約港幣$90/人 💁🏻‍♀️ Café設有每人$80最低消費，我哋叫咗一份share，不但份量啱啱好，亦meet到minimum requirement 😉 小編之前食過佢哋喺佐敦起家嘅本店，依次算係二訪，水準依然！🙆🏻‍♀️ 最後，喜歡嘅話，歡迎follow @foodirectory.hk！