Tamarind

营业中

休息中

要數今期呢區人氣火紅食店，友人話係呢一間。望見招牌燈箱有羅望子圖案及泰國國旗，泰菜店是也。店外已經有條等位人龍，望入店內，霓紅燈裝飾，幾有泰國大排檔氣氛。好彩唔算等太耐就可以入座，餐俱佈置及枱上醬料，真係有D似去咗曼谷食嘢。餐牌一頁睇晒，想食嘅基本都有，價錢相當親民。上菜速度快，首先有得食係呢客金不換辣椒炒蜆 ($88)大隻蜆，蜆肉嫩滑，沾上惹味香辣醬汁，其實都係一味好好送飯嘅餸。個炒蜆都有D辣度，泰奶以外嘅選擇，來一杯泰式檸檬茶 ($26)，茶味飲得出係以泰奶茶底沖製。跟住就到泰式燒牛肉沙律 ($138)，泰式沙律就係有顏色令人賞心悅目的功能。以甘荀絲，青瓜條，紫洋蔥，蝦米仔及車厘茄作沙律基底，淋上甜辣醬汁為沙律汁，燒牛肉軟中帶少少嚼口，一定要夾埋一齊食，雙重唔同口感。友人想食豬手，無單食，但就有泰國街邊豬手飯 ($78)，份量絶對足夠二人分享。仲有酸菜粒及半隻滷水蛋，呢口價相當超值。豬手已去骨，豬皮同肉腍滑，點埋個酸醋汁食解膩度。估唔到呢碟泰式炒芥蘭 ($68)咁大碟，兩個人要好努力咁食 (哈哈..)。炒得夠脆口，唔辣嘅，好味。最期待嘅時間黎啦，至愛嘅芒果糯米飯 ($58)上枱啦。

聽聞旺角呢間泰式大排檔最近好出名，七點去到未夠門口已經排緊接近30人😂好誇張，但就試試佢係咪真係咁值得啦！內籠係泰式大排檔佈置，店員超有禮貌歡迎，踏入門口已經感受到非常熱鬧、好有feel 😆泰式烤雞肉串燒 $48呢個價錢竟然有三串，好抵食。上碟聞到好香炭燒味，即時加分😍雞肉望落都好厚實，唔欺場喎，配搭沙嗲醬更佳。朋友嗰舊可能啱啱好熟，但我嗰舊還好，食落都幾滑嫩鹹蛋青木瓜沙律$68 打碎嗰隻鹹蛋撈沙律，份外鹹香。沙律都幾清爽，甜味重，個人口味覺得OK。專夾花生粒嚟食😝更加有口感泰式炒牛肉河粉$78推介😌！雖然炒河不嬲都係偏肥膩，但呢碟值得。滑捋捋嘅寬粉😋醬汁調味得宜，味道濃郁得黎又夠鑊氣👍🏻配菜嘅炒蛋同芥蘭應記一功，成碟粉整體味道都好好。牛肉大約三至四片，切得都大塊完整嘅。唔怪之得咁多人叫啦~芒果糯米飯$58賣相精緻，食落更驚喜。椰汁同飯都暖笠笠😳芒果香甜，加入脆脆口感再豐富咗，係好令人滿足嘅飯後甜品整體嚟講旺角呢個價錢食到呢個質素嘅泰式菜，性價比都算高。如果冇咁多人排隊，就要揀非食飯時間啦。不過依然會推薦俾朋友過嚟試吓😎

收工約咗朋友想食泰菜見到呢一間大排長龍，喺網上有好紅嘅泰菜，好想試吓😛環境超級似去咗泰國夜市，全場爆滿好熱鬧。叫咗個推介嘅燒豬頸肉，好入味口感好加埋個醬汁好惹味😝再叫一個推介嘅大大炸蠔餅，嘩！嚟到見到超大盤好夠份量，每啖都有大大粒嘅蠔😳😳😳好抵食！甜品叫一個招牌芒果糯米飯，芒果超甜加埋啲椰汁一流，真係食泰菜必食🤗咁耐冇去泰國，梗係要整返兩杯泰奶🤭甜度好適中，啱晒香港人嘅口味大大杯超級解渴！食泰菜一定會encore佢🤭

呢間位於女人街嘅餐廳，無論幾時都好多人，今次終於有機會提早去等位，環境真係好有泰國街頭嘅FEEL。🌟 泰式牛肉船麵船麵可以揀河粉或者金邊粉，我選咗金邊粉。牛肉係生牛肉，湯底比起我之前喺泰國食過嘅要濃郁好多。🌟 炭燒牛小扒意外地，呢間泰國餐廳竟然有炭燒牛小扒！肉質唔錯，搭埋泰式醬，辣辣地，食落去幾開胃。🌟 曼谷火山排骨去泰國餐廳點可以唔叫火山排骨？上菜時仲有煙霧效果，打卡一流！佢哋的排骨份量十足，肉質唔乾柴，淋上泰式酸辣醬，辣辣地又酸甜，非常可口。不過如果你唔太食辣，建議醬汁分開上，咁就唔駛擔心辣過龍。🌟 泰國龍眼水最後，當然要試下泰國龍眼水，甜度真係剛剛好，飲落去幾清新。

間唔時都會去到旺角搵食，旺角嘅選擇真係花多眼亂😁今日就經過通菜街睇吓有咩好嘢食😄離遠已經見到有好多人排隊☺️作為最鍾意排隊嘅香港人一定要排埋一份啦😝好彩唔係排咗好耐大概10分鐘左右已經可以入座☺️餐廳環境都好，有泰國feel，今次就自己食，下次一定約埋班friend一齊嚟聚餐😘😋曼谷火車炒飯好夠鑊氣，而且炒飯做到粒粒分明，而且好都有香料味🙂舔舔脷指數👉🏻6.5😋/10😋滿分 可以一試😋

📍 Tamarind (旺角)旺角通菜街1號威達商業大廈地下K&L號舖Overall: 😋😋😋😋.8/5👉🏼泰式牛肉炒河粉💰78呢個牛肉炒河粉真係好正！河粉炒得香滑，牛肉又嫩又多汁，配上泰式醬汁，味道非常入味，食完令人唔自覺想再食👉🏼泰式虎蝦金邊粉💰88呢個金邊粉用嘅虎蝦好大隻，肉質鮮甜，搭配嘅金邊粉，口感非常好。整體嚟講，味道濃郁，唔會令你失望👉🏼泰式燒豬頸肉💰68燒豬頸肉外脆內嫩，味道香濃，配上特製醬汁更加好味。每一口都充滿肉香，真係好滿足！👉🏼泰式炒芥蘭💰68呢道炒芥蘭清脆可口，同泰式醬非常夾，係一個好好嘅配菜👉🏼泰式豬肉碎生菜包💰78呢個生菜包用嘅豬肉碎味道好香，生菜脆口新鮮，咬落去好有口感。仲可以加啲醬汁，味道更加出色，簡直係一個完美的小食👉🏼（半隻）泰北燒雞💰88呢隻燒雞嘅皮好香脆，肉質柔嫩，味道重而不膩，配上嘅醬汁好開胃，真係一個唔錯嘅選擇👉🏼芒果沙冰💰32呢個沙冰口感滑順，芒果味濃郁，甜度剛好，係一個清新嘅甜品，完美為呢頓餐畫上句號回頭: yesyesyes，之前試過喺呢間餐廳堂食已經好唔錯，估唔到Tamarind嘅外賣食品質素高、味道正，食物外賣返到屋企依然咁靚仔好食

呢間係旺角嘅泰國餐廳Tamarind, 我bookmark咗好耐, 因次次都係想食就去, 但出面門口永遠都好多客人喺度排隊; 今次好彩有book到, 同埋早去, 唔使排就可入到啦。入到餐廳見到環境不錯, 地方都寬敞, 枱凳都整齊都, 裝修乾淨光猛, 仲以泰國街頭為主題, 播緊泰國嘅歌曲, 全個環境好似置身係泰國街頭。顧客仲可以看到廚房嘅情景, 真係令人食得開心。餐牌已經總括哂泰國必食嘅出名食品, 有主食, 小食, 沙律, 粉麵飯, 甜品, 飲品, 仲有曼谷出名嘅火山排骨, 我下次一定要食。飛天炒通菜 - $68每次食泰菜都必食嘅飛天炒通菜, 炒得夠哂鑊氣, 通菜爽脆, 搭配蒜香和辣椒, 調味適中, 辣度適中, 好味。沙嗲雞肉串燒 (三串) - $48外面燒得香脆, 好有燒烤嘅味道; 裏面嫩滑又juicy, 雞肉經過香茅等香料醃製, 再蘸上濃郁嘅沙嗲醬, 好香濃。泰國炸蠔餅 - $118泰國炸蠔餅真係好大份, 炸得好香脆, 而且蠔仔粒粒都好大粒又新鮮, 好鮮嫩 , 唔會炸到老晒, 佢做到好似蛋糕咁, 有厚度, 內裡好鬆軟, 好食, 仲可配搭埋佢個辣椒醬一齊食, 夠哂惹味呀!招牌蟹肉炒飯

放工路過旺角通菜街(Tamarind)超多人排隊，店舖主打泰國菜，而且裝潢好有泰國feel，進餐時仿佛置身於泰國🤣🤣❣️泰式牛肉船金邊粉牛肉鮮嫰，脆卜卜豬皮，爽口彈牙肉丸，湯底濃郁，帶有微微的香辣味。配上新鮮香料，風味層次分明。❣️招牌蟹肉炒飯蟹肉鮮甜豐富，配搭香蔥和蛋香，炒飯的火候掌握得宜，米粒分明，口感滑順而不油膩❣️粉絲大蝦煲新鮮大蝦肉質彈牙，鮮甜入味。粉絲吸滿濃郁湯汁，滑嫩入味yummy❣️豬肉碎生菜包豬肉香氣四溢，鮮嫩多汁，新鮮生菜裁剪整齊好細心，包裹著juicy豬肉碎，口感清脆，增添層次感

旺角嘅Tamarind係一家泰菜餐廳，極具人氣，晚市未夠6pm已經滿座！曼谷火山排骨 $148巨型嘅火山排骨，上菜時有煙霧效果，好似火山咁，勁吸睛！脊骨附帶大量滑溜嘅嫩肉，醬汁好香兼勁惹味，推介！泰北咖喱雞金麵 $78咖喱香郁，同洋蔥及咸酸菜好夾！半炸半煮嘅麵，帶來雙重嘅口感衝擊！水準之作，而且好抵食！豬肉碎生菜包 $78泰式經典菜式之一，肉碎炒到香辣美味，菜葉爽脆！飛天炒通菜 $68選用嘅通菜夠幼嫩，勁有鑊氣！泰式奶茶 $26｜星霞啤酒 $28餐廳嘅酒水價錢公道，泰式奶茶又香又濃！

⭐️泰國街邊豬手飯豬手經過長時間燉煮，肉質軟嫩，帶有豐富的膠質，味道濃郁，酸菜提供清爽的口感，平衡豬手的油膩感，滷水蛋增加蛋白質和口感層次，花生增添香脆口感，提升整體風味，白飯作為主食，搭配豬手和醬汁，非常飽足，酸辣醬汁是泰式風味的靈魂，酸辣開胃，讓整道菜更加豐富。這道菜的特點是濃郁與清爽並存，豬手的軟嫩與酸菜的脆爽形成對比，酸辣醬汁則讓整體風味更加突出。⭐️泰式虎蝦金邊粉虎蝦新鮮大隻，肉質鮮甜彈牙，是這道菜的主角，豆腐乾提供豆香和口感，吸收醬汁後更美味，蝦米增添海鮮的鮮味，讓整體風味更豐富，芽菜清脆爽口，增加口感層次，雞蛋絲柔軟的蛋絲增添滑順口感，洋蔥提供甜味和脆感，提升整體風味，青檸粒帶來清新的酸味，平衡油膩感，大香蔥增添香氣和色彩，金邊粉是細滑的米粉，吸收醬汁後非常入味，辣椒粉提供辣味，讓整道菜更具泰式風情。這道菜的特點是海鮮的鮮味與泰式酸辣風味的完美結合，金邊粉的細滑與各種配料的豐富口感讓人回味無窮。⭐️飛天炒通菜這道菜是以豆瓣醬為主要調味料的炒菜，豆瓣醬本身帶有濃郁的鹹香味，能夠為通菜增添深厚的風味，豆瓣醬通常帶有一定的辣味，但辣度不會過於強烈，適合大多數人的口味，通菜本身清脆爽口

今日專程去咗泰餐廳 Tamarind，本住試試嘅心態，一食就被折服，味蕾好似被 “拐” 去泰國！💃​一入 Tamarind，濃濃泰國風情就襲來。店內裝修充滿異國特色，五彩擺設、泰式壁畫，配上輕快泰樂，好似踏入泰國熱鬧街頭。​招牌冬陰功湯酸辣香直衝鼻。湯底金黃，滿是海鮮、菇類同香料。喝上一口，酸辣滋味在口腔爆發，酸得夠勁、辣得舒服，各味交融。蝦肉新鮮彈牙，鮮甜蝦味混著酸辣湯底，令人欲罷不能，一碗接一碗。​泰式青木瓜沙律青木瓜絲切得細，爽脆非常。調味酸辣，加上花生碎同蝦米，口感層次豐富。食完冬陰功湯再嚐，口腔頓感清爽，開胃又消暑。​泰式綠咖哩雞咖哩醬翠綠、香氣撲鼻。雞肉大粒嫩滑，吸滿綠咖哩香味，每啖都夠味。咖哩濃郁不膩，香料味交融，帶出清新感，超適合拌飯。​炭燒豬頸外皮脆、肉質嫩。搭配酸甜醬汁，咬下去香氣與酸甜完美搭配，充滿炭燒香，回味無窮。​主食泰式炒河粉粉炒得乾身有鑊氣，均勻裹著濃郁醬汁，帶甜和香料味。配料有雞肉、蝦肉同豆芽，河粉軟嫩、配料鮮美，一碟很快就被掃光。​Tamarind 出品很有水准，從食材到味道調配都能感受到廚師用心。店內泰式環境也讓人一秒魂穿泰國。

這次品嚐的泰國菜，每一道都令人印象深刻，舖面裝飾亦令人彷彿置身係泰國街頭。飛天炒通菜每次食泰菜都必點，通菜爽脆，搭配蒜香和辣椒的點綴，調味適中，簡單又好味。沙嗲雞肉串燒外面燒得香脆，裏面仍然嫩滑，雞肉經過香茅等香料醃製，再蘸上濃郁的沙嗲醬，好香好濃，口感豐富。泰式牛肉炒河粉河粉彈牙有嚼勁，半透明的質地，少少煙韌，牛肉份量都唔少，味道好惹味，搭配豆芽、韭菜等配料，再擠上青檸汁，酸甜開胃，好高質。豬肉碎生菜包豬肉碎炒得香辣入味，搭配新鮮生菜，生菜睇得岀好新鮮好脆，生菜的清甜中和了豬肉的油膩，口感層次豐富。最後以芒果糯米飯作為完美的句號，熱辣辣又軟糯的糯米飯，淋上椰奶，甜而不膩，芒果亦多汁，為今餐泰菜完美作結總體而言，泰國菜口味正宗，用料新鮮，價格合理，係食泰國菜既好選擇。無論係朋友聚餐還是家庭聚會，都可以係呢度找到適合的菜色！

今次嚟到通菜街嘅呢一間泰國菜。估唔到下午茶時間都一樣咁多人😲。環境好有泰國街頭感覺，周圍都有好多泰國夜市嘅佈置裝飾，有少少去咗一轉曼谷嘅feel🤣。泰式燒豬頸肉 $68一上枱就聞到好香嘅炭烤味🔥，燒到表面有少少焦脆嘅感覺，未食已經流晒口水。食落個豬頸肉好Juicy，口感好軟嫩，邊邊位微脆🤩，面頭嘅炸蒜亦為豬頸肉增添口感，配上少少醬汁一齊食令到豬肉嘅鮮味更出，好惹味😋！虎蝦金邊粉 $88好足料，虎蝦有好多舊，而且大大隻，肉質鮮味，夠晒彈牙🦐。碟邊有好多花生辣椒粉青檸等配料🥜，好有泰式風味。金邊粉好有勁道，食落好有鑊氣配埋旁邊嘅花生等配料一齊食令層次更豐富。重口味人仕仲可以加埋側邊嘅辣椒碎🌶！泰式甲拋豬肉飯 $78打拋豬肉份量好多，蛋係煎過嘅流心蛋🍳，打拋豬肉味道好足，辣椒偏辣，食嘅時候建議小心啲辣椒籽🔥。一啖打拋豬肉，配埋飯同流心蛋蛋一齊食，送飯一流，啖啖都好滿足😛。要讚嘅係佢有配青瓜俾你解膩同解辣🙌🏼。芒果糯米飯 $58擺盤好靚，係好正宗咁用炸綠豆做Topping，仲另外配一兜椰漿。芒果好大舊，好甜🥭，糯米飯好香糯米味，椰汁味道好香，口感好sticky，但唔會黐牙🍚。配埋炸綠豆脆脆哋嘅

之前見到有新開嘅泰國菜仲要都幾多人排隊餐廳裝修係泰國街頭風好特別所以特意去試試(⁎⁍̴̛ᴗ⁍̴̛⁎)🐂 泰式牛肉炒河我勁鍾意食泰式牛肉炒河特別一定係寬河粉依個係完全泰國食到嘅味道🥹個鼓油調味岩岩好 魚露加泰式鼓油無得頂寬河粉好煙韌彈牙仲要炒得好香(⁎⁍̴̛ᴗ⁍̴̛⁎)牛肉片都幾林唔老好足料又大份推介一定要叫(⁎⁍̴̛ᴗ⁍̴̛⁎)🦐 泰式虎蝦金邊粉啲虎蝦好大隻又新鮮彈牙色水就淡啲但調味係正常發揮都係酸酸甜甜嘅炒金邊粉🥬 飛天炒通菜飛天炒通菜就食落辣味十足聞落炒得都好香但蒜香未爆得好夠同埋可以多啲葉～食落比較普通🦪 泰國炸蠔餅泰國炸蠔餅超大份食唔晒🤣不過炸得唔錯好香脆而且蠔都好大粒都新鮮同埋都整得好鮮嫩唔會炸到老晒都幾好食～🥭 芒果沙冰同泰式咖啡芒果沙冰大大杯都好甜好綿冰泰式咖啡就重奶味多啲個人覺得甜左啲啲值得欣賞係食完之後店員主動問我意見可見係一間用心經營的餐廳～（想要意見改進係好重要❗️）會支持下！同埋其實都有好多嘢食想試例如個火山骨同拋豬飯🥹🥹🥹所以我會下次再去食🤣不過平日真係好多人排隊要試大家記得預早時間呀～

Tamarind中午難得有得早放，走去搵老公食午餐～見到旺角新開左一間泰國餐廳，外面望入去好吸引，佢嘅裝修環境都好泰國地道風味～亦都見到有唔少客人喺入邊，質素應該都唔差！泰式牛肉炒河粉🥩呢個大泰式炒河好夠鑊氣，佢嘅牛肉份量唔少，河粉仲炒到條條分明，但唔會太多油🥳沙嗲豬串燒🍗見佢有幾款串燒，問職員邊款會比較特別，佢就推薦豬肉串燒，呢個串燒肥膏同肉分布平均！每一啖食落去都好有咬口～再配埋佢嘅特製醬汁(⁎⁍̴̛ᴗ⁍̴̛⁎)真係好好食！佢一份仲有三串🫶🏻泰國炸蠔餅🦪平時去打冷舖都有食過炸蠔餅，都係第一次喺泰國舖頭食!!平時出去食炸蠔餅會覺得啲蛋煎咗炸粉，成口都係油味，但係佢呢個炸粉做得唔錯，脆口之餘又無油壓味泰國綠奶茶☕️呢款我覺得有少少似舊式以前飲嘅台灣奶綠🤣貪得意可以試一次整體嚟講，我覺得好高質，食物價錢唔算好貴，但係佢嘅質素係對得住呢個價錢，服務亦都好💕💕