Tamarind

营业中

休息中

見到呢間大排長龍嘅泰國餐廳，而且裝修具備泰式風情，當然要入嚟試吓！粉絲大蝦煲大大隻蝦, 蝦肉彈牙新鮮, 蝦頭有少量蝦膏粉絲抄得好有穫氣, 師傅放上少量花椒八角, 胡椒粒, 食落去尤其惹味!蟹肉奄列生拆蟹肉, 將奄利一切開包含大量蟹肉, 配上自家製醬汁, 更有提鮮作用!泰式燒豬頸肉豬頸肉表皮燒成脆皮, 肉質都幾juicy, 基本上可以唔洗點醬汁, 都食到原汁原味~飛天炒通菜通菜翠綠新鮮爽脆,  配上辣椒一齊炒, 尤其惹味會有少少辣, 食唔到辣既朋友要注意一下!泰式奶茶茶膽味濃郁, 甜味剛剛好, 中和一下辣度最適合不過啦~

收工想食泰菜，見到通菜街有一間泰菜出面排滿人龍，望到店內裝潢，好靚好有泰feel 泰式風情，瞬間置身於泰國，新店望落乾淨企理，試試佢😆😆🤤🤤待應態度都好親切😍叫野食都會比意見同介紹食物🥘🌟泰奶 橙色同綠色 橙色係一般大家飲開既泰奶 ✨綠色係加左斑蘭葉香d同冇咁甜✨兩杯都好飲飲落我自己鍾意綠色泰奶😆有小小似奶綠，有d綠茶味🤔🤔同特別d😍冇咁甜味道層次豐富d😋份量都叫大大杯陪到我食成餐飯😆🌟 蟹肉炒飯 成餐大推呢個炒飯，好香好好食🤤陪埋個魚露汁和青椒辣椒🌶️好鮮味好好食😋好快成碟食到乾乾淨淨❤️唔夠味枱上面都有各款好地道既泰色醬料😆不過我覺得餐廳食物都好夠味😋🌟 泰北咖喱雞金麵個麵都幾特別，冇試過呢款麵，店員話係清邁個邊的，配料有青檸、酸菜、洋蔥，有一個大雞腿🍗 撈埋黎食，佢有個雞蛋麵係底，浸埋面層脆卜卜既脆條🤔🤔食落有2種口感，都幾得意😍 咖哩都幾香，有椰味，唔係好辣個種🥰🌟豬肉丸生菜包好得意😎本來想叫生菜🥬包，係碎豬肉個種，點知見到呢款又飛火出面小d見就試下😆店員介紹話豬肉丸係醃過，會再偏泰國正宗酸酸地既口味， 食落個豬肉丸酸酸地都幾好味，肉丸都幾滑，唔係鞋口個種，但略嫌包生菜好似唔夠碎

喺旺角發現一間新開嘅泰國餐廳TAMARIND，用餐的體驗真係令人難忘，裝修設計係一架篤篤車，我點咗幾道招牌菜。1.Pad ThaiPad Thai嘅麵條炒得恰到好處，口感滑順，配上鮮蝦同豆芽，酸甜嘅調味令人欲罷不能。每一口都能感受到泰國獨特嘅香料氣息2.泰式豬頸（Pork Tender）呢道菜嘅豬肉切得厚實，外焦內嫩，肉質鮮美，配上特製嘅醬汁，而配菜嘅搭配都好恰到好處，3.為咗解辣，點咗一杯芒果奶昔（Mango Smoothies）呢款奶昔濃郁又清新，芒果天然嘅甜味令人感到愉悅，口感順滑，帶來一絲清涼嘅享受。4.飛天蒜蓉炒芥蘭芥蘭經過簡單嘅炒製，保留咗脆嫩嘅口感，搭配上香蒜同乾辣椒，增添咗風味，每次去泰國餐廳都必點嘅蔬菜。整體而言，TAMARIND嘅每一道菜都展現咗泰國料理嘅獨特魅力，服務都十分熱情周到，價錢相當合理，每人100元左右。

去開女人街附近食夜晚，見到呢間門口排晒長龍，同埋價錢都ok，晚市都要排一陣就有得入啦。今日叫咗一份曼谷火車炒飯，一碟泰式炒芥蘭，一份冬陰公湯，仲有一杯泰式奶茶。曼谷火車炒飯，佢食落去有少少辣，接受到嘅辣度，越食越惹味。冬陰公湯佢係沿爐直接上菜，所以熱辣辣咁樣飲，別有一番風味，嚟緊天氣凍嘅時候飲就真係一流。味道幾好，唔似係味精湯粉，同埋大蝦都好新鮮。泰式炒芥蘭，菜值得一讚係新鮮嘅，食得出有鑊氣。泰式奶茶一飲落去就好似返咗泰國咁，味道幾正宗。整體嚟講嘢食質素高，餐廳環境亦都好有泰國風味，所以都幾值得排隊去試吓

📍 Tamarind (旺角)旺角通菜街1號威達商業大廈地下K&L號舖👉 曼谷火山排骨💰148😋😋😋😋.9/5呢個火山排骨真係好吸引！排骨外面醬汁濃郁，味道帶點微辣，食落去好開胃。肉質嫩滑，啖啖都有肉汁，醬汁平衡咗油膩感，整個口感非常好。份量大，真係一個唔錯嘅主菜選擇！👉 泰式牛肉船麵💰88😋😋😋😋.8/5呢碗船麵真係好正，牛肉煮得剛好，軟滑入味，湯底濃郁，帶有正宗泰式香料味，令人回味無窮。米粉吸收咗湯汁，食落去非常滑溜，加上一啲新鮮嘅香菜同檸檬，味道更加清新。整體來講，無論係牛肉定湯底都做得非常好，係一碗非常滿足嘅麵。回頭: yes，Tamarind餐廳以泰國街頭風格裝修，營造地道氛圍。特色座位包括復古的tuktuk，讓食客感受泰國文化。絕對會因為佢個火山排骨而回頭😋😋

一向都知呢條街雖然隱蔽啲 但係好多出色餐廳呢間新開嘅泰國泰泰檔作主題無論係裝修設計 枱凳擺位 半開放式廚房都俾人一種置身於泰國大排檔感覺未夠六點出面已經排緊隊 睇嚟幾受歡迎首先 嗌杯芒果冰沙 食泰國菜點少得佢泰式虎蝦金邊粉金邊粉的質地輕盈而富有彈性 搭配泰式香料檸檬草、香菜和魚露配上豆芽 花生粒辣椒粉 炒得幾好既一碟pad泰北燒雞香氣四溢 肉質鮮嫩 經過特製的醃料腌製，再用木炭燒烤至金黃酥脆，外皮香脆而內部卻保持著多汁口感搭配一碗泰式醬汁，這種醬汁由魚露、檸檬汁和新鮮香草製成，酸鹹適中，完美地平衡了雞肉的油脂雖然等得耐啲 慢工出細貨，值得等待

利用YouTuber嚟唱好，點知個YouTuber 俾呢間嘢過橋抽板😂居然兜口兜面問返個客人個YouTuber 係邊個嚟？以為我嚟𢱑著數，都算！食物真係要對版先好，一味唱好有乜用？睇完介紹滿心歡喜嚟試，我2個人食四個餸$69x…除咗個火山骨叫合格之外，其他都可以用不知所謂嚟形容！炸魚過哂火又乾又柴、粉絲蝦煲啲蝦唔新鮮霉不特只，一大舊肉桂嚟辟味！見YouTuber影片蟹奄列強烈推介，完全兩回事，見人哋蟹肉一舊舊，我哋嘅就幾條絲。。。仲油膩不堪！睇嚟你哋咁玩法唔玩得幾耐。。。真係祝你好運！

今日係旺角想食泰國菜，見到呢間新開張既Tamarind好似幾吸引，決定入去試吓佢地既Lunch有跟餐飲品價平d泰式甲拋豬肉飯 $78呢個甲拋豬超級正宗，肉碎粒有肥有瘦，豆角好爽口，仲有隻好靚既燶邊流心太陽蛋，個辣度岩岩好，超餸飯泰式牛肉船麵 $88安格斯牛肉有牛味又有油香，一睇就知好靚，仲有我最愛既炸豬皮同埋泰式粉，好正宗，船湯都夠濃郁沙嗲雞肉串燒 $48燒得熱辣辣，沙嗲汁好正跟餐飲椰青好底$22蚊咋，仲好多椰肉tim可樂 $8鮮椰青 $22

餐廳環境好有泰國街頭特色，有很多霓虹招牌係天花懸掛，它們都是熟悉的牌子。牆紙刻意貼上街頭的佈置及小食檔佈置，打卡一流。最入仲有三個顏色繽紛既「卡車🚛梳化」，好特別，建議鍾意影相既朋友可以入內打卡。曼谷火山排骨一上菜有驚喜，大大碟有幾支骨，份量都夠3-4人食；仲要係底部裝上乾冰造成「仙氣十足」既效果，出色！用手套成支骨排開大啖咬d肉好豪氣！d汁好濃味，而且酸酸地好開胃，仲要配上大量蒜蓉粒增強口感。泰式虎蝦金邊粉估唔到依個金邊粉係炒粉，但都好吸引。去殼虎蝦🦐大大隻，口感彈牙。個粉炒得乾身入味，推介！芒果糯米飯泰國經典甜品，無令我失望泰式奶茶

冇諗過lunch time可以喺旺角聽住音樂好chill咁食到好味嘅泰菜泰式虎蝦金邊粉 - 金邊粉口感煙韌，調味甜甜酸酸咁好開胃，加埋辣粉同花生味道更加提升，虎蝦爽脆彈牙豬肉碎生菜包 - 啖啖肉好滋味，加埋唔同嘅配菜、香料同生菜，口感同味道都好有層次好豐富飛天炒通菜 - 通菜新鮮嫩綠，調味濃郁，辣辣地幾惹味，份量亦足芒果沙冰 - 芒果味濃郁，甜度啱啱好，食完濃味嘅嘢飲芒果沙冰好解渴好夾餐牌提供嘅選擇好多，應有盡有，款款都想試播住輕快嘅音樂，環境同氣氛都好chill，座位算闊落，又乾淨，幾好坐，整體性價比幾高

旺角女人街原來有間泰國餐廳，裝修好似泰國地道嘅餐廳🍴好友泰國feel🤪🤪招牌蟹肉炒飯 ……蟹肉炒飯夠鑊氣….. 又炒得好乾身…..飯粒粒粒分明！主角蟹肉唔吝嗇…..份量好充足……讓每一啖都有蟹肉🤤🤤🤤跟嘅醬汁好fresh .. 好開胃！泰式甲拋豬肉飯（辣）…….好夠鑊氣而且好乾身豬肉粒調味剛剛好帶少少少辣好惹味配飯芒果糯米飯……. 香甜芒果及濃醇椰奶再加上糯米軟糯綿密的咀嚼感，甜甜鹹鹹的好好味！

Nestled in the bustling streets of Mong Kok, Thai Delights offers a vibrant escape into the world of Thai cuisine. The moment you step inside, you are greeted by an inviting atmosphere adorned with traditional Thai decor, setting the stage for a memorable dining experience.One of the standout dishes is the **Pork Noodles**. The tender slices of pork are marinated to perfection, served over a bed of smooth, chewy noodles. The broth is rich and aromatic, infused with hints of lemongrass and chili,

見到呢間新泰式餐廳 好多人食緊 menu都好吸引就入去同同事撐枱腳試下招牌蟹肉炒飯 $128呢個蟹肉炒飯好有鑊氣 炒得好乾身 粒粒分明仲要蟹肉一啲都唔吝嗇 份量好充足 每一啖都有一絲絲蟹肉 鍾意既可以加埋少少新鮮青檸汁 口感好fresh 我同朋友好快就已經清左成碟!泰國街邊豬手飯 $78我本身好鐘意食豬手飯 泰式豬手飯本身豬手係經過慢火燉煮 仲要肉質係比較軟嫩而呢到嘅豬手飯的確還原左泰式個種風味 豬手一上枱都佔左隻碟三份一 好大份 岩哂我呢D大胃王本身仲會配埋個汁一齊食 又係另一番風味每一啖都食到泰式豬手嘅鮮味 同白飯真係好夾我最後真係連汁食到清哂成碟 大滿足!飛天炒通菜 $68泰式最常見嘅其中一道菜  炒菜呢D最緊要夠鑊氣熱辣辣咁放喺你面前 否則炒完攤凍咗先拎過嚟真係飛天都無用而呢度廚房負責嘅鑊氣  及樓面及時嘅送餐都係做到本份  可以一讚而味道方面  落咗蒜頭同辣椒  令通菜香辣惹味  辣道比較大眾接受到  未至於要飲水嘅程度份量都正常偏大份  恰如其分 泰國龍眼水  Set +$12黎泰式餐廳緊係要飲泰國龍眼水啦呢杯用左新鮮的龍眼加埋冰水混合甜得黎唔係死甜 仲好fresh岩哂食完

我有位泰國朋友在香港好懷念家鄉的青木瓜沙律, 我見附近有間新開的泰國餐廳, 見門面幾大, 就入去試試。佢地有幾款青木瓜沙律。有一款用咗酵臭魚醬，香味非常濃郁口感豐富。我同朋友喺香港同大陸試過唔少泰國餐廳，好多都冇呢隻酵臭魚醬(要買隻醬都唔易搵), 終於有機會試到, 真係好正宗。佢話呢度嘅芒果糯米飯同生菜包都好好味，質素高夠地道。在旺角女人街來講, 好多餐廳都會坐得好迫的, 但呢間餐廳環境舒適又寬敞, 所以一定會再來試埋其他菜。

同朋友係旺角行街, 經過見到呢間都差唔多滿座嘅新開泰菜, 就諗住試下餐廳裝修好靚好有心思 店員仲問我地想唔想坐入面扮篤篤嘅枱 岩哂打卡✨泰式和牛船麵 好味嘅泰式船麵本身係香港已經比較少見 見到隔離枱船麵好出色 即刻想嗌碗黎試下睇到menu原來仲有得揀和牛船麵!!和牛一食落去就知唔係平嘅和牛黎 仲要有好幾塊 份量都唔少配埋佢香濃嘅泰式湯頭 個湯飲得出係經過長時間熬煮 好濃郁 同埋味道真係好似係泰國食過嘅味船麵麵條彈牙 軟度岩岩好 真係好驚喜!✨泰式豬肉碎生菜包每次食泰國菜都一定會嗌生菜包 當然今次都唔例外啦豬肉碎加埋香茅 蒜頭 同魚露等調味料一齊炒 一上枱已經好香重點係佢青檸香味好突出 好夾好好味酸辣程度岩岩好 夾埋新鮮生菜一齊食口感非常豐富 好清爽開胃✨泰國龍眼水我同朋友都加左$12蚊 叫杯龍眼水  一人一杯黎到見到一大杯  入面有四五粒完整龍眼肉 龍眼肉色澤自然  收晒貨啦  而且明顯唔係龍眼乾放入去發返大個D揸流攤  甜度個人覺得適中  唔會淡口整體黎講 我覺得算係呢區好出色嘅泰菜 份量大大份 但質素算高 cp值打爆左! 個船麵真係好有驚喜 絕對會再番黎食多次而且裝修幾有feel