Tamarind

营业中

休息中

先講呢度的裝修設計，真係好似置身於泰國咁，牆側邊設計好似啲泰國街邊小檔，廚房個邊就係火車夜市個樣。泰式甲拋豬肉飯 $78有一隻煎蛋係面，流心蛋，仲要煎到有少少燶邊脆口👍豬肉碎帶有少少辣，好開胃，用嚟配白飯食，就可以好快同唔覺意食晒成碟。泰式虎蝦金邊粉 $88有兩大隻蝦係面頭，金邊粉炒得幾乾身同埋夠鑊氣，粉又夠彈牙煙韌，加上有少少辣粉同調味帶點酸，又係幾開胃。泰式燒豬頸肉 $68份量都幾多，燒到好香的碳燒味，一啲都唔乾，咬入口都幾juicy，點埋佢個有少少酸嘅醬汁食，做得唔錯。叫左主食Set lunch 加$8 有杯泰式奶茶，加$14有杯芒果沙冰，奶茶唔會過份甜，茶味夠；芒果沙冰估唔到都做得幾好，打得好幼滑同個芒果味好香。

未講食物質素前先講一講環境，女人街餐廳店舖黎講，佢簡直就係寬敞同舒適，完全無櫈撞櫈，左避右讓既狀況出現，喺女人街內非常難得，所以環境我係比好高分。至於食物品質，我兩個人入場，落單火山骨，青芒沙律，大蝦金邊粉同一杯凍龍眼水，全單$312，性價比係非常高。火山骨我相信現時好多泰式食府都有做，各師各法，分別不同既都係醬汁，呢間店採用酸酸辣辣既醬汁，開胃又惹味，份量又多，我推薦為必食之選。青芒沙律味道清新，值得一試。大蝦金邊粉份量就略為少左啲，不過大蝦係爽口既，味道不過不失。整體黎講，我覺得唔錯，會返兜 🤝🏽

之前同朋友經過呢間泰國餐廳，見到價錢唔算太貴而且好多人排隊😳就約定下次收工過嚟食呢間泰國餐廳裝修同平時嗰啲好唔到，好有泰國街頭風，感覺就好似快閃泰國夜市食野咁🤩✨泰國街邊豬手飯一上枱見到咁大碟😳尼個價錢性價比幾高❗️唔知飯多豬手多到食唔哂，慢燉豬手味道濃郁，肉質軟嫩吸收了醬汁的香氣，口感豐富餸飯一流🤤✨泰北咖喱雞金麵近年香港泰國餐廳多左尼款咖哩撈麵，裡面都有兩種麵條，一半是雞蛋黃麵，另一半則是酥炸過脆脆的麵，兩者夾埋一齊食口感豐富，咖哩香氣濃郁帶有微微椰漿香味，整體不錯。✨泰式魚餅第一次食味道咁多層次的魚餅😂 口感非常扎實彈性，肉質混合左豆角粒、濃郁的咖喱醬料等香料，味道香香辣辣又唔太油膩，原來係加左香氣濃郁的檸檬葉。✨泰國龍眼冰味道香甜新清解渴，岩哂搭配濃味菜式既時候飲✨泰國街頭椰子雪糕尼款泰國街頭既甜品🤩估唔到香港都有，太耐無食了決定要嗌返個，椰子雪糕味道香濃，搭配買完椰子肉 、花生同粟米食 ，真係食唔停口👅雖然餐牌得一頁，食物種類唔算多選擇，但係基本上嘅飯面小食菜飲品甜品樣樣都有👍🏻，值得一試

原來旺角新開左間泰國菜，晚飯時段去都好多人排隊，入面裝修好有local風味，仲有篤篤造型既卡位。甲抛豬肉飯飯量勁多，不過肉碎既份量都好多，入面仲有豆角，辣椒等配料。食落辣辣地，好惹味，配飯食一流。雖然飯好多，但係肉碎份量係夠食曬碟飯架! 而且仲有燶邊蛋，中間位仲係流心。泰式牛肉炒河粉呢個好香口，牛肉唔係薄薄既肥牛，係有厚度既牛肉片，好重牛味。炒河粉吸曬醬汁，好入味。加上，仲有唔同既蔬菜配料，中和左炒河既膩。芒果糯米飯黎泰式餐廳必點既甜品之一，糯米口感柔軟，椰漿有好濃郁既椰奶香氣。芒果甜得黎帶少少酸，唔會食落好似浸左糖水咁死甜，咬落去多汁，整體配搭酸酸甜甜恰到好處。泰式奶茶多冰甜度夠，同係泰國飲到一樣!

经过这家超级多人排队的泰国菜，我也来试试！🥭芒果糯米饭芒果糯米饭是一道经典的泰国甜点，糯米蒸制后柔软糯滑，带有淡淡的椰奶香味。新鲜的芒果切片鲜甜多汁，与糯米的黏糯形成鲜明对比，整体口感丰富而令人愉悦，甜而不腻。🥩泰式烧和牛配米饭🍚泰式烧和牛外焦里嫩，肉质鲜美，搭配特制的泰式调味酱，略带甜味和酸味，香气扑鼻。和牛的油脂分布均匀，吃上一口即化，口感极为丰腴。米饭则吸收了肉汁的精华，成为完美的搭配，整体口味层次分明，令人陶醉。

今日突然好想食泰國野，來左旺角一間好多人食嘅舖。晚黑6點幾門口已經開始排隊。叫左個泰式虎蝦炒金邊粉。金邊粉炒得剛好，保持咗滑爽嘅口感，而虎蝦新鮮多汁，煮到啱啱好，肉質彈牙。炒粉時用咗泰式調味，帶有少許酸甜和香辣，令人食得津津有味。一個泰式豚肉船麵，湯底濃郁，香料味十足，豚肉煮得軟嫩，肥瘦適中，咬落去非常過癮。米粉吸收咗湯汁，滑口又入味，搭配上新鮮的豆芽和香菜，整碗麵食得非常過癮。這道菜既有泰式的傳統味道，又有獨特的家常風味，十分適合喜歡濃郁湯底的朋友。最後泰式炒芥蘭，清爽可口，炒得非常到位，保持咗芥蘭的脆感。用咗大蒜同泰式醬油調味，味道香濃，十分開胃，與其他重口味的菜式形成完美搭配。這道菜不單止色彩繽紛，仲係一個健康嘅選擇，幫助平衡整體餐點。

今次試咗泰式虎蝦炒金邊粉，真係一大亮點！金邊粉炒得剛好，滑爽入味，虎蝦新鮮多汁，彈牙得來仲帶有海鮮的鮮味。炒粉時加入泰式調味，酸甜香辣的味道相得益彰，令人食得津津有味。加上香菜和檸檬，令整碗更加清新。每一口都充滿驚喜，真係好想再嚐多一次！非常推薦！

最近我去咗旺角通菜街一間泰式餐廳，真係好驚喜！入到去，環境清新又充滿泰國風情，感覺好放鬆。今次我試咗幾樣招牌菜，真係食得好開心。首先，**粉絲大蝦煲**令我印象深刻。大蝦鮮甜，粉絲吸收咗蝦肉同湯汁嘅精華，口感滑溜，非常入味。再加上一啲香料，整體味道好豐富，令人一口接一口，根本停唔到！接住，我試咗**飛天炒通菜**，菜心炒到剛好，保持咗脆嫩嘅口感，搭配泰式獨特嘅調味，令整道菜更添香氣，食落去好開胃。這道菜非常適合配飯，絕對係一個好選擇。再嚟就係**泰式魚餅**，外脆內嫩，魚肉味道鮮明，配上特製醬汁，口感層次感十足，令人回味無窮。飲品方面，我選咗**泰式奶茶**同**芒果沙冰**。泰式奶茶香濃滑順，芒果沙冰則清爽可口，兩者都非常解渴，係夏天嘅最佳搭配。最後，甜品**芒果糯米飯**真係唔可以錯過！香甜嘅芒果配上糯米，口感柔滑，令人食完心情愉快。總括來講，呢間泰式餐廳無論係食物質素定係服務，都值得一試！如果你喺旺角，記得來探訪一下！

最近發掘到呢間泰國菜環境好有Feel🇹🇭 感覺真係好似去咗泰國夜市咁座位仲係一架篤篤既造型🛺 食物方面有特色好有泰式大排檔小菜既風味🥹岩曬最愛泰國菜嘅我⭐️ 鹹蛋青木瓜沙律 🥗青木瓜調味好清爽🍋‍🟩醬汁調味比較帶酸😛但係配上鹹蛋嘅點綴好有鹹鮮風味🥚⭐️ 蟹肉奄列 🍳蟹肉豐富又飽滿配上奄列好滑嫩🦀菜式簡單但係做到咁鮮味又唔油膩非常講究技巧🌊⭐️ 泰國街頭炸魚 🐟用上滾油炸嘅鱸魚非常香口🔥 配上醬汁做到街頭嘅風味🛵 一咬落去魚肉仍然保持嫩滑值得一讚⭐️ 泰北咖喱雞金麵 🥘咖喱麵味道濃郁幼滑又帶香氣🤪 配上嫩滑既雞髀肉好地道🥹⭐️ 芒果糯米飯 🥭糯米嘅黏度配上椰汁既甜味好平衡🥥係每次泰國菜嘅必食🧡

頭先去咗間新開泰式小店，個環境充滿泰式風味，成間舖好似泰國大排檔咁，好有feel！首先講佢嘅船麵，$88真係抵食！個湯底好夠水準，香料香濃得嚟又唔會嗆，啲牛肉煮得腍身入味。配料有牛肉、丸、通菜、芽菜等，用上泰式煙煙韌韌口感嘅河粉，吸飽湯汁好惹味。午餐加$8飲到凍泰式奶茶都抵，奶茶香濃夠滑，茶味香又唔會太甜。泰國街邊豬手飯$88都好正！啲豬手軟腍得嚟唔會肥膩，個醬汁甜中帶辣，配埋啲白飯就啱啱好。午餐加$8有熱香茅茶，陣陣香茅香，清甜解膩，飲完個胃都舒服咗。沙嗲豬串燒$48都係必試小食，啲豬肉腍身，邊邊位燒到炙香。侍應態度又好，餐廳環境幾舒服。如果想搵間平靚正嘅泰式小店，呢度真係好推介！無論係環境定係味道都好有泰國feel。

最近見到這間新開的泰國菜好有特色，有一種夜市的風格就約朋友一齊試試 我們點了以下菜色鹹蛋青木瓜沙律的青木瓜保持了脆嫩的口感，與鹹蛋的濃郁完美融合。整體酸辣適中。蟹肉奄列蛋香十足，蟹肉量給得很實在！蛋液的火候掌握得宜，既有外酥內軟的口感，又不會太乾。泰國街頭炸魚簡直是神作！外皮酥脆得恰到好處，魚肉卻依然保持多汁。泰北咖喱雞金麵的咖喱香氣撲鼻而來。雞肉燉煮得入味又嫩滑，金麵的韌性剛好層次豐富。芒果糯米飯軟糯適中，不會太黏膩。芒果選用的是完全熟透的品種，甜度適中又帶有香氣

Tamarind呢間泰式餐廳真係好受歡迎！🍽️✨我去到嘅時候，外面已經排隊排得好長，直到8點仲有一條長龍🐍🦖果然係人氣之選！唔少人都話佢哋嘅菜式性價比極高，今次終於到我了🤤🤤曼谷火山排骨 🍖🔥我試咗推薦的曼谷火山排骨，真係好正！排骨好嫩好入味，我地怕辣所以分開上個汁，但好已經好好食😍😍個醬汁其實香辣適中，令人一口接一口，完全停唔到每一塊排骨都充滿咗香料的味道，特別係配上青檸和辣椒，增添咗一份清新感，令成個排骨明明應該唔少油脂，但完全唔覺油膩。份量都唔少有4大件，真係好抵食，適合同朋友分享，大家一齊享受呢個美味。泰式虎蝦金邊粉 🍤🍜接住試咗朋友一向都好鍾意食嘅泰式虎蝦金邊粉，呢碗面真係好味！佢食完話好似上癮咁😂 蝦肉新鮮，肉質彈牙，再加上金邊粉吸收咗湯底嘅鮮味，口感滑順卻又好彈牙，very surprise。本身的鮮味配上青檸汁令整碗面更加開胃。

新開一個月多啲嘅泰國菜，6點幾門外已經很多人排隊，可能因為係新開，有book枱會比較好。裝修風格都令人有種親民嘅感覺。埋邊仲有啲篤篤車嘅卡位。見到餐牌上面好多泰國特別菜品佢都有，好似火山骨、蟹肉奄列、椰子雪糕等等。今次就叫咗招牌蟹肉炒飯、泰式燒豬頸肉、芒果糯米飯同埋椰子雪糕。首先講吓個炒飯，好似第一次見炒飯會配埋青檸，見佢有比，咁我都落咗少少，無諗過成件事係咁夾，令到個炒飯昇華咗成件事好清新，份量都好足，算係好大碟。豬頸肉同芒果糯米飯就正常好食。仲叫咗杯泰式奶茶，用不鏽鋼杯裝住，個感覺好似喺泰國食緊飯咁。2個女仔叫唔到好多嘢，下次黎一定要試埋個蟹肉奄列。新開幕，有好多客好忙，但店內員工都好nice。

新開泰式大排檔🇹🇭環境非常地道😃裝修設計猶如迷你曼谷夜市般🌃仿如置身於泰國😎🥢泰式甲拋豬飯配炸蛋豬肉沫的油香夾着九層塔的清香🌿鮮香味美還不膩，配合半熟荷包蛋🍳再加上辛辣香料拌炒，鑊氣十足🤩🥢泰式和牛船麵 船麵採用澳洲和牛，口感軟嫩，充滿牛味🐮湯底以大量芫荽、玉桂、八角及香茅🍜加上豬骨熬製，湯汁特別濃厚😍🥢沙嗲豬串燒 串燒以香濃的醬汁先醃過再烤🔥再蘸一層厚厚的沙爹醬，辛香開胃😋

呢排見到網上成日介紹呢間鋪🤔又想食泰國🇹🇭野 所有專登過嚟試吓！星期日夜晚都要排隊！建議早小小過嚟食同預留時間排隊～店裏面裝修都好有泰國風, 似去左泰國大排檔咁🙈呢晚好熱鬧 full house🍻🍻而且廚房係開放式 可以偷睇下廚師煮野食 幾特別🤣 我地兩個人食 叫左幾樣必食試吓• 飛天炒通菜通菜炒得岩岩好，唔會好老，口感爽脆！配上辣椒一起炒，辣辣地又幾惹味😃• 蟹肉奄列蛋煎得比較熟，包到好實身，勝在內餡飽滿，都有幾多新鮮蟹肉，配上辣椒醬🌶️好快就清左成碟🤣• 泰式燒豬頸肉豬頸肉即係豬面頰附近的位置，由於脂肪比例高，擁有特別軟滑爽彈的口感，難以抗拒!•粉絲大蝦煲一份都有4隻大蝦🍤 大蝦蝦肉新鮮彈，蝦頭更有蝦膏，都幾甘甜粉絲吸收了醬汁的味道，而且醬汁帶有蝦的鮮味 值得一試～• 椰青🥥野飲我就簡左椰青既清新又解渴，飲椰子水最怕有陣怪味，呢間餐廳就冇 椰青仲幾甜tim 最後食埋椰肉 一流🤪