TakEateasy X FirsTeǎ (已搬遷) 新店位置

一日一黃店 大埔必去小食黃店.呢間望落好多人 旁邊有個靚靚花花連儂場上而有小小文宣 仲有由日本人整既打氣手繩 免費任拎（‼️感謝大J老婆既手繩 好靚）（寫文期間發現佢地 仲整左新小禮物 可留意一下）電視主要播住唔同警暴 新聞 其他黃店宣傳收據都有香港人反抗 仲有其他海報文宣（可睇圖）.人流勁多 唔洗排隊 但keep住做唔停手在場客人都主要點雞蛋仔之前都成日食 所以今日點格仔餅.⭐️比利時蘋果餡格仔餅$28👍🏻質感唔乾 👌🏻外實 👍🏻內軟熟👍🏻有蛋香👍🏻入面有滿滿既蘋果餡 小甜 夠特別（🤔本來想點菠蘿 但驚味道似地門罐頭所以點蘋果餡 最後證明冇選擇錯🤣）👌🏻價錢唔算平$28 但都唔係貴既😋係好好食既格仔餅😋可以一試.TakEateasyXFirsTeǎ (大埔) 地址：大埔寶湖道3號寶湖商場2樓227F號舖.⭐️評分：味道：4.5/5 係好好食既格仔餅環境：-/5 花花連儂牆 好靚 但佔用左食嘢企位服務：-/5 店員好忙抵食：3/5.

呢間店既雞蛋仔口味都幾特別，有甜、有咸仲有辣。我同朋友仔食晚餐前經過，就揀左我地都最愛既又相對冇咁特別既抹茶紅豆雞蛋仔！雞蛋仔即叫即整，夠晒新鮮，咁就一定食到熱辣辣既雞蛋仔。所以foodie們買完大概要等5-10分鐘左右先拎到。雞蛋仔用杯裝，再加上糖霜點綴，方便好多要影相既foodie們！雞蛋仔口感外脆內軟，即使食到最後可能凍左，呢種口感仲保持到！味道亦好，甜度適中，綠茶味夠，同埋每粒雞蛋仔都食到紅豆。很讚！下次黎一於試下特別味道既雞蛋仔先！

同老婆兩個人行街，見到有一檔雞蛋仔排滿晒人，即刻試吓，叫咗number one gei apple crumble 格仔餅，完全唔覺得甜得滯，味道啱啱好。唯一係出貨時間比較耐，可能係星期日太多人。

Takeateasy X Firstea 飲品、雞蛋仔、格仔餅、窩夫款式多又新奇我試食過雞蛋仔、飲品後，最推薦藍莓多多冰鐘意飲沙冰既人必試！下圖左邊：百香火龍龍井茶 $28 (單買價)下圖右邊：藍莓多多冰 $38 (單買價)第二次去幫襯就買左加勒比海 $24 (單買價)。店舖內餐牌中文名《加勒比海》，英文名有詳細解釋，係有氣特飲，飲落似波子汽水 X 菠蘿味，味道新奇好味。Openrice 餐牌內就有講明係「特製梳打水」，方便大家睇得名。雞蛋仔試食左三款，我認為呢間鋪雞蛋仔唔算出色，但勝在款式多，梗有味道岩心水。朱古力應該唔難失手，所以冇試到。我試左既三款味道中，排名如下：1️⃣宇治綠茶紅豆雞蛋仔2️⃣士多啤梨果肉雞蛋仔3️⃣特製香濃斑斕雞雞蛋仔

早就聽聞，大埔寶湖商場有間專賣雞蛋仔的良心小店。今天趁下午有空，我就專程入大埔支持一下同路有心人。「TakEateasy X FirsTeǎ」位處寶湖商場2樓門口，一入內看到貼滿「反送中」文宣、以及設有連儂牆的小店就是它，很搶眼，非常易找。現場站滿等吃的年輕人，我望望menu，最後揀了25元的香濃意大利黑朱古力雞蛋仔，再加6元配維記朱古力雪糕，合共31元。等了約10分鐘，美食新鮮出爐。雞蛋仔外皮香脆，內裡每一粒都填滿了朱古力醬，絕無偷工減料！再跟朱古力雪糕一起吃，一暖一冷，啱晒朱古力控！收據印有「香港人反抗！！」，真的是黃過雞蛋仔！

What's a wonderful local Hong Kong  street food . The smell of the egg waffle was very natural and sweet . Also, the taste was really delicious . It was really crispy . I love the peanut better and the condensed milk !!! Although the cake waffle need to wait around 15 minutes , it's was worth it ! Finally , the shopkeeper was keeping busy but still keeping a smile face . It was worthy to respect

有次經過俾佢d雞蛋仔味吸引左，就買左個雞蛋仔食，點知一食上癮，成日經過都想買番底。佢有好多唔同口味，我見到佢個牌有紫菜芝麻味，又係推介口味之一就食佢！雖然$24一底雞蛋仔真係唔平，不過佢係真好食，外脆之餘，裡面係堅有料的，並唔係得層皮！暫時每次都食番紫菜味，哈哈，下次試新味

呢間舖一直都喺筆者嘅心水小店專賣雞蛋仔格仔餅同特色手調飲品但奈何位置對筆者嚟講唔係太方便 見放假就特登再去支持下佢哋嘅雞蛋仔有好多好特別嘅口味 野飲選擇都多野食加野飲一齊買仲可以減4蚊添😙筆者兩次都係飲佢哋嘅招牌-百香火龍龍井茶 $29 但原來兩次都唔記得影相😆呢三樣嘅配搭好夾 三種味都飲到先講茶底 佢係每杯都有個完整嘅茶包 保證足料筆者對茶無特殊研究 講唔出佢有無龍井嘅香味 但絕對有茶味 唔係淨係好似飲果汁咁百香果唔係用啲現成嘅糖漿 係飲到一粒粒嘅百香果籽 所以亦都唔會得個死甜火龍果係用紅肉火龍果 甜味高啲絕對係杯好成功嘅茶飲💪🏽✨班蘭雞蛋仔 $19佢所有嘅雞蛋仔都即叫即整 所以真係要等一陣雞蛋仔好香好脆 有淡淡嘅班蘭味但作為班蘭超級fans 佢嘅班蘭味真係唔多夠✨香濃意大利黑朱古力雞蛋仔 $25聞落已經好香 好似一杯熱朱古力咁🤤每粒都有粒朱古力 保證足料食落都有好濃嘅朱古力味呢間舖頭嘅野飲野食都好味 最重要嘅係佢哋係真良心小店 非常推薦大家去試下!!!😙

由6月開始成間鋪頭已經貼左好多好靚嘅poster💛 中意打卡嘅一定要黎用金錢懲罰下佢地啦🥰星期六晏就時間已經排滿晒人👭👬排嘅時候可以睇下電視成日都播啲好催淚嘅片段一路等一路睇店員手腳又好快轉個頭就有得食啦一個星期食左兩次第一次食左斑蘭味🌿即叫即整🤤粒粒外皮都好脆 內面好鬆軟有淡淡嘅斑蘭味 唔會好重香精味第二次食左咖啡味配雲尼拿雪糕☕️🍨雪糕加$6大到差啲跌出黎咖啡味可以濃啲不過照舊好脆😋仲有好多新潮味道嘅格仔餅好似比利時蘋果同菠蘿批下次一定要試下小店要多啲人支持 真·香港人記得要黎試呀🇭🇰💪🏻

假日到了大埔，順便食小小野，途經寶湖，想起一間良心小店，主打特色雞蛋仔、夾餅及飲品等，二話不說必幫襯，去到果陣都幾多人。花花草草的佈置，播放著時事。 不論飲品定雞蛋仔，都有多款選擇，見到有款叫地獄18/F......辣野來的!呢個更係留返拉大隊開心share~諗左一陣要個清新的。 香濃檸檬檸蛋仔，$23，微熱的雞蛋仔口感外脆內軟，香檸檬味，呢個味道有種似曾相識的感覺...有點似檸檬夾心餅呀~味道不俗。 香港人的加油站系列，下次有機再來買野飲先。

附近居住，常常經過都被佢門面吸引，一直都想來試下。至知道他們是良心小店後，這天在對面salon 剪完頭髮就去買了雞蛋仔食。今日選了特濃朱古力雞蛋仔，非常surprise, 濃濃的朱古力味，外面非常薄及脆，入面好軟，超級好食，令人食到停唔到口。之後order 了一杯爆檸梳打，有超多檸檬同西檸，真係爆哂檸不過有少少甜，下次可以order 少甜。店長非常有性格，在店外電視播著現時最流行的mv, 讓客人等候時都可以享受非一般的用餐體驗，值得支持及推薦。

相信大埔人對呢間店都唔陌生，呢間小店除左每一次罷工都有參與外，仲會係大埔區遊行集會時免費提供檸檬茶及飯比遊行人士❗️店面仲有個電視機會播有關反送中新聞/影片，店外都設有連儂閘比大家貼memo❗️每次經過都會覺得即時充滿希望同力量❗️————————🍦 香濃意大利黑朱古力雞蛋仔 $25 (+$6維記曲奇雪糕)撇開對小店嘅好感只談味道的話，呢間小店都係絕對值得一試，雖然價格唔算太平，但以雪糕雞蛋仔來說都算抵食😆.雞蛋仔面糊係普通面糊，但就每一粒雞蛋仔都有黑朱古力，即製夠熱都算流心，黑朱古力味極濃，有別於普通朱古力雞蛋仔！因為朱古力非常濃，所以配上曲奇雪糕就好balance到個味道，唔膩唔太甜！.味道實在係太amazing，絕對會翻兜！————————呢間小店嘅飲品聽講都唔錯，下次有機會會試試😆

第一次幫襯，因為剛食完中午飯，所以沒有試雞蛋仔，買了一杯黑糖珍珠奶茶，茶是用茶包，紅茶味，與臺灣口味不同，珍珠口感不錯，軟硬度剛好，奶味不足，整體係可以一試。下次會試試雞蛋仔。

雞蛋仔係我由細到大嘅至愛，一向都喜歡傳統味道，早前見到有人提及呢間，中秋早放就嚟試吓啦。叫咗個比較易接受嘅紫菜芝麻，老闆娘落紫菜芝麻一都唔慳皮，出爐已經香噴噴，急不及待即刻咬一粒，嘩嘩嘩，好香好好味喎。跟住飲個菠蘿綠茶，呢個就有啲失望，菠蘿同綠茶味都唔夠，好似飲緊淡淡甜味嘅水。 。 。希望店主可以改善飲品味道啦。原本買飲品加食物會收平 $4，雖然個雞蛋仔都唔平，當支持吓小店都要，唔係香港全部食店都集團式經營架啦！

我地揀左紫菜芝麻味的雞蛋仔，好好食，每一粒雞蛋仔都好足料，好飽滿，唔係空心雞蛋仔。😋全部即叫即整，新鮮熱血辣，外脆內軟。因為即叫即整，都要等一陣先有。重有好多唔同口味的雞蛋仔同格仔餅，下次要去試埋😊