TakEateasy X FirsTeǎ (已搬遷) 新店位置

大埔呢間黃到金的小食店，難得去到梗係要試下。一去到就會知係黃店，係等嘢食的時候仲可以寫memo，痴上佢地的memo wall到，幫香港人打打氣💪🏻💪🏻-我就試左個香濃意大利黑朱古力雞蛋仔😛 即叫即做，所以都等左幾耐下😌 但拎上手熱辣辣。味道都ok，有蛋香，有濃的朱古力味😀 啲邊位仲會脆。但唯一挑剔的係雞蛋仔好薄，入面幾乎空心，張相都會睇到🙈但我個人就中意有啲實心的🤒 所以食完冇咩滿足感。但如果大家去開既，就支持下啦😬

雞蛋仔試咗lemon味，幾得意，好似食檸檬夾心餅嘅味道，但就蓋過咗蛋香味。本人較傳統，下次試返原味先。泰式珍珠奶茶，thai tea同珍珠我都愛，完美組合。香橙苿莉茶，兩樣嘢味道好夾。飲品冇欺場，有原個茶包係入面。

相信呢輪大家都未必咁買街邊小食 起室內店見到雞蛋仔好耐無食 依加買完通常都會選擇即場原地即食再行 可以無咁危險 再安險啲就可能外賣袋返返屋企先食👷🏻咁買左兩底即場食 食落外脆內軟 幾好味 味道方面揀左底意大利朱古力雞蛋仔 黑朱古力味好濃郁 食落好似食左粒粒仔蛋糕咁滿足 又唔會太甜膩 幾好 😛不過我就更加推介佢既香脆紫菜芝麻 食完飯再食呢隻口味都唔會有好重負擔咁 而且呢隻口味比朱古力味個隻雞蛋仔脆口 食落食到啖啖甜蛋香 紫菜鹹香配搭芝麻 好惹味 拎到返去凍左都仲好脆口 仲係好味 幾唔錯〰️😋

💛係大埔數一數二既黃店———話說呢間都經過過十幾次花花牆x連儂牆都幾eye catching 🤣不過次次經過都係食到好飽既狀態😂難得有一次唔算飽終於可以試下啦🙈———❤️香濃意大利黑朱古力雞蛋仔 $25朱古力味真係好香濃 粒粒雞蛋仔入面都有朱古力 足料架 新鮮整好熱辣辣雞蛋仔質感仲要外脆內軟 真係正到爆😍下次一定要留肚試多幾種唔同既味道😎———等候既時間仲可以幫個連儂牆裝飾下💛 不過寫完野記得消毒好隻手先再食雞蛋仔😎🖐🏻

Lenon wall has become an indispensable element for a yellow store these days but i think this store stood out from the crowd is that: 1. it doesnt encourage customers to use octopus card to pay for the bills — to discourage the customers from using one of the most convenient payment methods is bold but this is necessary as what MTR has done with HK popo is disgusting2. it plays videos talking about the Wuhan coronavirus, especially for the obstacles and predicament faced by the frontline medical

香港人加油!!!遠處已經聞到陣陣雞蛋仔味，單是雞蛋仔已經有好多味選擇，真是讓我這個有選擇困難症又發作，真的難選擇，最後就選擇特製香濃斑斕雞雞蛋仔(HKD19)，它是即叫即整，點餐後需要等約10分鐘左右，有一個紙袋袋著雞蛋仔，比較紙袋更方便，直接撕雞蛋仔來吃，雞蛋仔外脆內軟，裡面是實心，質感Q彈，有陣陣斑斕香味，但食落斑斕不算有濃度，下次會再試其他味道的。

未入商場已經被個花花外牆吸引住，見到店名以為淨係賣野飲，結果行入商場就聞到好香濃既雞蛋仔味，搞唔掂即刻衝去買返底雞蛋仔！價錢同某出名名店媽*雞蛋仔差唔多，少貴但款式多到估你唔同。本身朋友想試原味，但見到其他客人拎住唔同味忍唔住嗌左個咖啡味黎試。買雞蛋仔+野飲有優惠減$4，不過今次因爲唔太想飲野，所以單買雞蛋仔。過程大概等左5-10分鐘，一邊聞住啲蛋香，一邊等真係好心急好想快啲試咖啡味雞蛋仔 （$23）好味道：自從前排試過一底令人非常失望既雞蛋仔之後，對雞蛋仔都懷住戰戰兢兢既心情，但呢底重新將我腦海既雞蛋仔形象革新，味道同口感都係水準之上！外表除左夠靚用黎打卡一流，雞蛋仔邊邊個啲脆脆好香口！雞蛋仔外脆內軟，蛋味香濃，咬落去唔係空心又唔係硬實，而係鬆軟又有啲軟糯。咖啡味香而不濃，甜度岩岩好，咖啡味雖然好味，但似乎唔太突出，下次有得揀想試下原味！

每次行過呢一間雞蛋仔mix飲品店，都見到有人等緊野飲或者雞蛋仔，咁鍾意食小食嘅我，係流感高峰期都忍唔住停低叫咗一底🤪。有選擇恐懼症嘅我，猶豫左好耐叫菠蘿雞蛋仔定係紫菜芝麻雞蛋仔🤯，最後因為見到人氣之選嘅標誌，我就叫咗紫菜芝麻雞蛋仔啦😜！以佢嘅人氣首選係比利時朱古力雞蛋仔，我見朱古力雞蛋仔好多地方都有得食，所以就冇叫到啦！係等緊雞蛋仔製作嘅時候，先見到店舖有放着一啲宣傳刊物，先發現原來係一間黃店🤫。唔係等左好耐，就有熱辣辣嘅雞蛋仔食啦😋😋。好食嘅雞蛋仔應有外脆內軟，佢都做到85分嘅水準，夠晒脆身，只喺裏面內軟嘅口感唔夠厚身。紫菜芝麻雞蛋仔，係鹹食嚟嘅，味道夠香口，好食😋。雖然唔會好驚喜，但絕對係好食嘅😉。唯一美中不足嘅係紫菜同芝麻唔係佈滿每一粒嘅雞蛋仔上邊，旁邊嘅雞蛋仔略為少左啲配料，差咁啲😕。

係時候去懲罰黃店嘅時候啦，今日嚟到呢一間位於大埔墟寶湖商場的小食店泥懲罰一下🖐️☝️網上見到留言話呢間店黃到發金，我就泥左試試，未行到已經開始聞到有野食的味道😃嚟到小食店就聽到 願光榮歸於香港 同埋 螢幕上播住鏗鏘集。呢度原來係賣特色雞蛋仔同格仔餅，仲有果茶之類的飲品，CP值都幾高😋🎈比利時蘋果餡$28原來就係格仔餅加生果，甘樣夾住一齊食都係第一次， 格仔餅賣相金黃，口感比較硬身不似平時軟淋淋嗰種👍 入面還咬到爽口的果肉，呢度還有其他果肉或雪糕口味， 配搭比較新穎，值得再幫襯。🎈百香火龍龍井茶 $25平時珍珠奶茶或其他台式飲品就飲得多啦，呢間黃店原來除左特色小食之外，仲有平時比較少見的果茶，呢次我揀咗呢杯百香火龍龍井茶，飲落少少甜帶點酸仲帶著清新的味道，杯嘢飲嘅顏色幾特別，漸變紫係上層加黃色在底層，一定要試。雖然呢間小食店唔係好近火車站， 但佢嘅特色小食同埋嘢飲食得大家一試

想食個雞蛋仔都有視覺上同埋感覺上嘅大衝擊。我知好多人都介紹過呢間鋪頭，但係最後都係決定都要自己介紹多一次。雖然呢間咁嘅雞蛋仔要排長龍，但佢店鋪面打卡位多籮籮，仲有個電視仔幫你解悶（上面播咩你去到咪知囉）。打卡位包括有有少女心嘅粉色花海，集合萬千市民心願嘅連儂「吊飾」，有擺係度俾你任攞嘅文宣poster同貼紙，亦到有呢個型到一個點嘅figure。如果唔介意比多小小錢，仲可以買到一個「加油」嘅鎖匙扣。🖤班蘭雞蛋仔 $19未食早餐嘅情況之下食雞蛋仔真係第一次。雞蛋仔班蘭味唔係太重，但係甜度恰好。質感上亦完美表達咩叫外脆內軟。可能因為想增加外觀美感，所以佢係雞蛋仔嘅表面加左小小icing sugar，個人認為佢唔加會好啲，因為食嘅時候會整污糟隻手😅而我係一個平時唔會帶紙巾出街嘅女仔😳

有別於普通雞蛋仔店佢哋製作雞蛋仔嘅方法好高質所以一分錢一分貨佢哋嘅價錢比普通雞蛋仔店貴少少😛.店員首先用量杯裝好啱份量嘅蛋漿再倒入模具過程中亦有用木棒將雞蛋仔邊嘅碎掃走整好嘅雞蛋仔亦都唔係用手拎起而係用專用鐵串將雞蛋仔串起感覺好衛生😆😆.雞蛋仔有多款口味亦可以加錢配搭不同配料今次我地點左紫菜肉鬆芝麻雞蛋仔雞蛋仔口感鬆脆就算放涼左5-10分鐘亦唔會變淋平時街邊雞蛋仔拎上手1,2分鐘就已經淋哂蛋漿份量啱啱好係我食過最好味嘅雞蛋仔☺️.佢哋嘅格仔餅都好好味同樣外脆內軟就算放涼左一段時間都仍然保持脆口真係好好奇佢哋嘅秘方係乜！🤣📍 TakEateasy X FirsTeǎ (大埔)大埔寶湖道3號寶湖商場2樓227F號舖

食過3次3次都咁好食，今次食士多啤梨果肉雞蛋仔同埋蘋果餡格仔餅！！樣樣都咁好食！！好脆好香！！一試愛上？？好彩今次講得切係佢收工之前落到單，如果唔係就白行一趟路程！

每次行過都比佢陣陣既香味吸引住👃🏻 同埋勁多人排隊 今日終於有時間可以試試佢🤤傍晚6點幾就晚飯時間無咁多人點左一份人氣no. 1既比利時蘋果餡格仔餅🤤🤤 即叫即做 落單後大概等5-10分鐘左右就有得食🙌🏻熱辣辣香噴噴親熱即場食 酸酸甜甜既蘋果肉配岩岩整好 好香雞蛋味既格仔餅 真係唔錯 又足料👍🏻👍🏻 下次再去試埋佢d雞蛋仔先～

係大埔黃到發金嘅小食店🤣 鋪位貼滿連儂牆同放大量文宣🖐🏻 次次經過都勁多人排隊等住懲罰佢🤪 然後終於攝到唔多人嘅時間去幫襯喇🤑🤑🤑 order完等咗十分鐘到就有嘢飲👍🏻 而且鋪係會不斷loop 願榮光歸香港😍 真係注入能量嘅地方⚡⚡⚡😎 ——————————————————☘🍵桂花龍井茶 $17今次揀個純茶試試先😛 茶包沖起 入面好足料 真係脹卜卜☺ 其實品茶應該係要飲熱嘅😂 不過我一時唔記得叫咗凍🤣 但都估唔到個茶味都係好出！好清香，桂花嘅甜味中和返龍井嘅甘 好match😙 下次會試埋其他茶類😉 小店要加油呀！—————————————————❌不設加一服務費🕰星期一至日 11:00 - 21:00🔄Encore 指數 10/10

平時經過都好多人排隊，今日好想試，撐小店💪🏻人唔算多，等左20分鐘左右。 士多啤梨果肉雞蛋仔還以為可以食到果肉。但係份量係好少好少好少，沒有果肉的口感。味道酸酸甜甜的，不過略為甜了一點，少一點甜會更好味呢。另外就是，對「士多啤梨果肉」本來好有期望，點知太太太少果肉呢，所以有點兒失望。還有就係，即整，唸住會熱辣辣的，可能天氣比較凍，我地又行左兩分鐘路程先食，食個陣，還有點點餘溫，不過都幾脆口。不過整體來說，幾特別的雞蛋仔，而且好多口味，下次都可以試下其他味道呢。