Tai O Lookout

营业中

休息中

大熱天時入大澳真係會熔🔥🔥🔥依間Tai O lookout環境舒適，重點係冷氣夠大叫左杯Ice coffee $45⭐️⭐️凱撒沙律配燒蝦$118⭐️⭐️⭐️⭐️炸魚薯條拌大澳蝦醬他他汁⭐️⭐️⭐️⭐️個大澳蝦醬他他汁融入得幾好

Tai O Lookout喺大澳文物酒店裏面，由大澳巴士站開始行去，都要大概20分鐘。餐廳冇得預約，只可以walk in，但係我去嘅時候(可能因為天氣太熱)雖然不斷有客人嚟，不過一路都有位唔使等。餐廳喺高處，可以搭一部斜上嘅升降機上去，喺升降機落地大玻璃望出去嘅海景已經不得了🤩餐廳係一間玻璃屋，景觀真係冇得彈🌊⛵️。雖然係酒店餐廳，但係價錢非常合理，絕大部份食物都係HK$200樓下。食物主要係西餐，但係有心思地加入咗大澳嘅元素，例如有: 大澳蝦醬豬扒包🍔，大澳黃金炸魷魚圈🦑，炸魚薯條伴大澳蝦醬他他汁🐠🍟，紫貝天葵芝士餅🍰，大澳花膠螺頭燉豬腱湯🐚我哋叫到一枱都係煎炸嘢。豬扒包味道唔錯，豬扒真係食到有蝦醬味，相反炸魚薯條個他他汁就唔係好覺有蝦醬味。炸魷魚圈有少少太油。紫貝天葵芝士餅都唔係好食到有紫貝天葵嘅味道。個湯好足料。整體所有食物嘅味道都OK。對住個咁靚嘅景，食啲乜嘢都已經唔係好重要喇🥰💰: HK$300 pp (Lunch)💝: 8/10

餐廳喺大澳文物酒店入面，同大澳碼頭有段距離，行過去大概15分鐘左右，另外可以搭船過去, 但就要睇吓有冇船家接order. 餐廳環境好靚，天花係好靚嘅玻璃屋頂，入面就好似一個玻璃屋咁，不過夏天太曬就落咗窗簾如果唔係會更靚。食物方面我哋去到係下午，只有下午茶供應，每款都係$120 連飲品，食物係大澳嘅signature食物，好多都係蝦醬味食味.另外有紫貝天葵飲品。由於我唔食蝦醬，揀咗雲吞麵，而朋友揀咗蝦醬南乳雞翼😵‍💫食物非常一般，而且貴。不過本身會行入呢間餐廳只係因為佢有全大澳嘅冷氣😂

因為三個人泥，又冇得加多一人份落個 tea set 度，就嗌多個豬扒包豬扒好軟，好多餐廳一般都整到好柴皮好鞋，呢塊就食得好舒服第一次薯條點蝦醬，真係要追住食😂 太惹味了Tea set: 薑黃沙嗲雞串，大澳鹹魚肉餅漢堡，大澳黃金蝦多士，紫貝天葵奶凍，西班牙油條配朱古力醬，紅樹林特飲點都諗唔到鹹魚肉餅同漢堡可以做到組合，又真係搞得掂喎，中西合璧黃金蝦多士係有趣嘅，唔係一塊塊，而係炸蝦咁嘅樣Churros梗得可憐，要用大牙大大力咬先斷其他嘢食就冇乜特別味道：6.5/10Tai O Lookout大澳蝦醬豬扒包配薯條 $98Taste of Tai O Tea Set $288 for 2📍大澳

最有大澳特色嘅餐廳山長水遠來到必試炸魚薯條：比較普通，不過魚炸得幾脆，薯條即炸熱辣辣的大澳蝦醬豬扒包配薯條：呢個豬扒包加咗蝦醬，真係第一次食，又幾特別喎，多咗一種海鮮鹹香味另外個醬也是用蝦醬混成的，用來點薯條好吃，不一定要點茄汁紅樹林特飲：入面有紫貝天葵汁、蘋果汁同埋檸檬汁，酸酸甜甜，吃了煎炸野 喝這個開胃解膩。

山長水遠入到大澳，當然要一拜歷史文物，入嚟大澳前已經諗好要食一堆關於蝦醬嘅嘢食，不過行左好多間餐廳，都因為環境而卻步，結果都係選擇左酒店而放棄地道感覺，菜式有驚喜，蝦醬他他汁真係未食過，估唔到長人意表地夾，炸魚薯條都新鮮，凱撒沙律比較油，炒飯唔夠乾身，又唔夠蝦醬味，而且冇鑊氣，下次再黎，我會選擇淨係飲杯野飲就算，另外，當日離座時，有個侍應目送我哋離座，而我漏低咗支紫貝天葵(雖然一支野飲好普通,而我行番出街口都已經買過一支,但對於酒店來講,係服務嘅一部分)，只係行左出門口落左個樓梯就番轉頭（唔夠20秒），就比侍應掉咗，完全冇諗過行番出門口問吓客人仲要唔要，係咪漏低左，成間餐廳根本配不上酒店質素😣

Tai O Outlook環境優雅，侍應開啟了鋼琴伴奏的音樂，配合樹影婆娑的環境，加上服務態度很周到，令今次和太太的Staycation 很完滿！據侍應分享，他們很多同事都是大澳居民，態度友善親切。我們預訂的是Set Dinner，由Caesar salad 開始，雜菜湯味道濃郁，配合芝士粉，已經十分開胃。main course的份量頗豐富，配以黑椒的配菜，令我們把整份main course都吃完。酒店送的甜品有驚喜，brownie 味道適中不過甜。

適逢復活節假期，與朋友到大澳走走，自己對上一次去大澳，已經是當年某齣以大澳為拍攝場景的電視劇播放的那一年了。Tai O Lookout這家餐廳位於兩層高的大澳文物酒店二樓，當年去大澳時還未開幕，今次是首次到訪。大澳作為漁村，鹹魚、茶果、蝦醬和魚肚皆為特產，Tai O Lookout的餐牌也少不了這些特產的蹤影。餐廳環境充滿度假氛圍，木系裝潢配搭玻璃屋頂，環境舒適。餐桌的墊枱紙是整個大澳的手繪地圖，還加插此地的特色，例如大澳端午龍舟遊涌，令人充滿旅遊感！查看餐牌，部份餐點以大澳地道食材入饌，除了蝦醬以外，還有鹹蛋﹑花膠螺頭及鹹魚。我和朋友先點一客脆香大澳蝦醬雞翼，雞翼的外皮炸得香脆，粉漿不會厚，內裡肉嫩有肉汁，帶淡淡蝦醬香味，味道不會太鹹，夠惹味～～不額外蘸特製蝦醬亦已夠味！！主食點了兩份，有大澳蝦醬豬扒包配薯條，豬扒包於上桌前已切半，方便食用。豬扒同樣略帶蝦醬香味，但不及雞翼來得惹味，豬扒的質感不算軟稔，其他配料亦只是普普通通。反而薯條夠香脆，帶薯仔香，又不油膩，好吃～～～羅勒蕃茄醬長通粉，長通粉彈牙，蕃茄醬幾香，稍稍酸了一點。紫貝天葵芝士餅，有點點失望，因為不太嚐到紫貝天葵那種酸甜味

下午茶，係有啲貴嘅，但係環境好好坐，吹下水，好chill。不過卡位張凳上塊鏡好反光，某啲角度有啲「撐」眼。三個人，叫了三個餐share。飲品叫咗紫貝天葵，唔錯，幾解渴，但又不算很驚艷。蝦醬雞翼，炸得夠脆，內裏夠嫩，味道特別，其他地方唔會食到。炸魚薯條夠大份，薯條炸得唔錯，唔老👍🏻。個炸魚都ok，皮脆，內裏夠滑。個芝士餅好細，百幾蚊咁細個餅真係唔係幾抵。味道就ok嘅，正常芝士蛋糕一塊。總括嚟講，主要係食個環境。食物就尚可。

大澳一日遊🕶餐廳成間玻璃屋咁好有渡假感覺🏝我地揀咗坐窗邊，嘆住海景食lunch☀️🥢香煎大澳鹹魚肉餅配香苗($148)鹹魚肉餅再加一小塊鹹魚，整體味道偏鹹可以送哂成碗飯略嫌煎蛋唔流心，有蛋汁撈飯應該可以中和吓啲鹹😂🥢大澳蝦醬豬扒包配薯條($98)豬扒用蝦醬醃夠惹味 味道唔錯👍🏻薯條🍟炸得香脆 👍🏻🍹紅樹林特飲($48)紫貝天葵加蘋果汁🍎同檸檬汁🍋甜甜酸酸幾開胃，又解暑👍🏻食物質素唔錯以酒店餐廳加埋海景，呢個價錢好抵食👍🏻下次去大澳都會再嚟

大澳一日遊，上次放假上到嚟話full booking，今次平日早啲嚟終於唔洗等，仲有得揀窗口位坐。成間玻璃屋咁好似去咗外國，喺香港真係好少有。本身想食蜆肉濃湯扁意粉，但冇晒，嗌咗紅樹林特飲、脆香大澳蝦醬雞翼、炸魚薯條伴大澳蝦醬他他汁同埋羅勒蕃茄醬長通粉。紅樹林特飲係蘋果汁加檸檬汁，味道偏酸。炸雞翼外脆入面好juicy，未點醬都有陣蝦醬味，係咪我心理作用呢🤣估唔到蝦醬除咗配通菜，配雞翼都咁好食！炸魚都炸得又薄又脆，入面塊魚好滑，點埋蝦醬中西合璧又幾夾喎。而長通粉就乾咗啲，但都有濃郁蕃茄味嘅。望住個海慢慢嘆，好似過緊退休生活咁，正呀！

山長水遠去到大澳又坐地鐵又轉大嶼山巴士，終於去到呢間一直想去嘅餐廳不過等位就有啲耐，等咗超過30分鐘幸好今日風和日麗。食環境都飽飽地，都叫飛嘅時候，職員都好細心，問我哋想唔想坐卡位？或者窗口位。我就即刻揀咗窗口位。等多咗5分鐘已經即刻入位雖然佢哋得幾個工作人員，全部都好好禮貌，十分之有禮雖然食物嘅選擇唔係好多同普通嘅西餐廳一樣不過窗口位嘅環境真係好靚，再加上天氣好好望住大海同埋綠色嘅山，令人身心舒暢叫咗兩個嘢食一個蝦醬漢堡包薯條一個就烤蝦嘅凱撒沙律雖然對味道冇乜期望，但估唔到係好味喎份量兩日都好足夠，影吓相傾吓計。就繼續出去大澳玩了。忽然覺得間餐廳，都係大澳值得去第一個景點

大澳暫時只係得一間酒店，佢裏面有一間玻璃蓋頂既餐廳超級歷史悠久，今次就去食個Tea先,我哋叫左炸魚薯條伴蝦醬他他汁同埋牛肉漢堡配薯條，其實係有啲失望，首先佢個炸魚薯條既炸魚好厚粉，果醬都食唔到有蝦醬嘅味，不過個薯條炸得幾好，唔會好大浸油壓味，牛肉漢堡雖然係Mini版，但牛肉唔算好厚，成個食落好一般，包皮都係比較硬身😩😩但佢哋嘅嘢飲有驚喜，其中一杯紅色嘅就係紅樹林特飲，佢完全冇藥水味，甜甜酸酸咁幾開胃👍🏻👍🏻我唸佢應該係紫貝天葵嘅味，之後果杯就係鹹檸檬梳打，同出邊嗰啲差唔多冇咩特別出色，但佢個鹹檸檬係幾正嘅😋

上星期電視節目介紹, 大澳文物酒店, 於是決心去打卡.行了一段帶鄉村風味小路, 空氣清新, 遠望 大澳文物酒店, 有點睇古蹟懷舊感覺.  (以下是酒店餐廳模型) Tai O Lookout 餐廳在一樓, 樓底極高, 有兩個大門出入, 外面有等候區,  設有座位.  由於餐廳不設訂檯,  客人須在門外等候, 我們結果等了 30分鐘.  餐廳設計唔錯, 面對海, 環境優美舒適.  餐廳有下午茶 High Tea, 由 2:30 開始,  $288/2 位.  食物豐富.  甜品咸點也有多款, 價錢合理. 還可選擇 Tea set. 其他飲品也不少.我們 點了High Tea  配飲品, 有咖啡, 茶.  我要紅樹林特飲, 顏色靚, 涼冰冰, 酸甜剛好匹配.High Tea 食物用五金層架送到, 分兩層, 款式多, 賣相不俗.上層是甜品, 紫貝天葵奶凍配 馬卡龍,  朱古力布朗尼,  及西班牙油條配朱古力醬.朱古力布朗尼, 很重朱古力味.   紫貝天葵奶凍, 滑得來又夠結實, 有著香濃的奶味, 又不會過甜, 味道突出;  配 馬卡龍, 口感煙韌, 係我最鍾意嘅甜度 .西班牙油條 香脆又好吃,

白雪雪同黑咪咪放假入左大澳玩呀！我地重發掘到一間好chill既餐廳呀，白雪雪重坐到唔捨得走🥹先講下佢既環境啦，間餐廳裝左落地大玻璃，連個天花都係，個日天氣好好，所以個景真係好正，我地重要坐正海邊，簡直好似去左外國咁呀🌊如果開返晚市，唔知係度望出去會唔會望到星星呢?✨再講下佢既食物質素啦，我地叫左紅樹林特飲，同埋大澳蜜糖檸檬特飲，2杯野飲都幾清新同特別，酸酸甜甜咁，好得意。另外，我地叫左脆香蝦醬雞翼，而因為蝦醬同雞翼係分開炸，所以我地有d為失望，我地又叫左fish and chips同US rib-eye steak，同樣都一般般，正常餐廳既味道😗不過我地為食貓係十分推介呢間餐廳，只係個景已經係好值得，尤其係couple拍拖去，真係好chill，好有情調👩‍❤️‍💋‍👨👩‍❤️‍👩💑⭐️⭐️⭐️⭐️⭐️⭐️⭐️⭐️⭐️紅樹林特飲$48💗💗💗💗大澳蜜糖檸蜜特飲$48💗💗💗💗脆香大澳蝦醬雞翼$88💗💗💗Tai O style fish and chips$118💗💗💗Grilled US rib-eye steak$298💗💗💗⭐️⭐️⭐️⭐️⭐️⭐️⭐️⭐️⭐️環境💗💗💗💗💗好食指數💗💗💗回頭指數💗💗💗💗